انجیل مَتّی 18
18
کِ از هَمَه گَپتَئِه
1مِ موکَوا، شاگردیا حَدِ عیسی اُندِت و شُپُرسی: «تِی پادشاهِنِ آسِمو کِه از هَمَه گَپتَئِه؟» 2عیسی اُ یَک بَچی شُحَدِ خوش جار زاد و آنا شُ مارَکَهِ شاگردیا نَه 3و اُشگُت: «حکیکتاً، اُ شما اَگام، تا اَلِش نِبی و چُنِ بَچیا نِبی، هِسوَخت اُ پادشاهِنِ آسِمو جا ناچی. 4هرکَه اُ خوش چُنِ اِ بَچا اُفتادَه بِکو، تِی پادشاهِنِ آسِمو از هَمَه گَپتَئِه. 5هرکَه اُ اینا بَچی وَ اسم ما کَبول بِکو، شُ ما کَبول کِردِ.
6«ولی هرکَه باعث بِبِه که یکی از اِ کینگِلِی‌یّا که اُ ما ایمون اُشَه گناه بِکو، اَسِی آنا بِهتَه هاد که سنگ هاس گاتی دور گَردِش وابانِت، و تَهِ دریا خَفَه بِبِه! 7وای وَ حال دنیا وَخاطر وسوسه‌یّا که آداما اُ گناه اَبی! اَسِی که وسوسه‌یّا حتما دِئِت، ولی وای وَ حال کسی که وسوسه اُ واسطَهِ آنا بیاد!
8«اَگَه دستُت یا پات باعث گناه کِردَت اَبِه، کَعطُش بِکو و شُدر بی، اَسِی تو بِهتَئِه که شَل یا لَنگ اُ زندگِنِ اَبَدی اُچِش، تا اِکِه وَ دوتا دست یا دوتا پا تِی تَش اَبَدی بِفتِش. 9و اَگَه چَشُت باعث گناه کِردَت اَبِه، اُدَر بیا و شُدر بی، اَسِی تو بِهتَئِه که وَ یَک چَش اُ زندگِنِ اَبَدی اُچِش، تا اِکِه وَ دوتا چَش تِی تَشِ جَهَنام بِفتِش.
مَثَلِ کَهری که گُم بُدِستاد
10«حَواستو بِه که اُ هیچ‌یَک از اِ کینگِلِی‌یّا کام آنِکنی، اَسِی که اُ شما اَگام که فرشتَه‌ئِی اِیا تِی آسِمو، همیشَه لوی بامو که تِی آسِموئِه اَبِنِت. 11اَسِی که پُسِ انسان اُمَ تا اُ کسی که گُم بُدِ نجات هادَ. 12چه گَمون اَکنی؟ اَگَه مردی صدتا کَهر اُشبِه و یکی از کَهریا گُم بِبِه، مَ آن نود و نُه تا کَهرُش تِی کاو وِل ناکو و اَزدُمبالَهِ یَک کَهرُش که گُم بُدِ ناچِه؟ 13حکیکتاً، اُ شما اَگام، اَگَه اُشواجُرِ، اَسِی آن کَهرا بِشتَه خارام اَبِه تا اَسِی نود و نُه تا کَهری که گُم نِبُستِت. 14هَمینا هم، خواستَهِ بامو که تِی آسِموئِه اِ نی که حتی یکی از اِ کینگِلِی‌یّا هلاک بِبِت.
خطای کاکَت
15«اَگَه کاکَتو در حَکُت گناه بِکو، اُچا و تنها بین خوتو خطاش اُ آنا بِگِه. اَگَه اُ حرفُت گاش کَر اُشکِه، کاکَتو تُ دَست اَئوردِ؛ 16ولی اَگَه اُ حرفُت گاش کَر اُشنِکِه، یَک یا دو نفرِیدو هم اُمرَهِ خوت بِبُ تا ”هر حرفی وَ شهادت دو یا سه شاهد ثابت بِبِه.“ 17اَگَه اُشنائِست اُ آنایا هم گاش کَر بِکو، اُ کلیسا بِگِه، و اَگَه اُشنائِست حتی اُ کلیسا هم گاش کَر بِکو، پَ بِهِر اَسِی تو چُنِ یَک بُت‌پرست یا خَراجگیر بِه. 18حکیکتاً اُ شما اَگام، هر چِی که لِی زِمی وابانی، تِی آسِمو بَستَه اَبِه؛ و هر چِی که لِی زِمی واز بِکنی، تِی آسِمو واز اَدَبِه. 19دَفَیدو هم اُ شما اَگام که، اَگَه دو نفر از شما لِی زِمی دربارَهِ چِی که شُئِه، یَکدل بِت، از طرف بامو که تِی آسِموئِه اَسِی آنایا اَنجوم اَبِه. 20اَسِی که هر جَی که دو یا سه نفر وَ اسم ما جمع آبِت، ما آنکا مارَکَهِ آنایا هام.
مَثَل نوکر بی‌رحم
21بعد پِطرُس حَدِ عیسی اُمَ و اُشپُرسی: «سرورُم، اَگَه کاکَمو در حَکُم گناه بِکو، تا چند دَفَه باید اُشبِبَخشام؟ تا هفت دَفَه؟» 22عیسی جواب اُشدَ: «اُ تو ناگام هفت دَفَه، بلکه هفتادتا هفت دَفَه.
23«هَمینا پادشاهِنِ آسِمو، چُنِ پادشاهیه که تصمیم اُشگِرِت خاد نوکریاش حساب کتاب بِکو. 24وَختی شروع اُ حساب کِردَ اُشکِه، یَک نفر شُنحَد اَئو که ده هزار قنطار، اُ پادشاه بدهکار هاد. 25اَسِی که آنا اُشناشابو بدهیش هادَ، اربابُش فَرمو اُشدَ، اُ آنا خاد زِنَش و بَچیاش و هَمَهِ مال و مِنالُش بِفرِشِت، تا طلبُش بِگِرِ. 26پَ مِ نوکرا اُ پَی ارباب اُفتَه و التماسُش اُشکِه و اُشگُت: ”اُ ما مهلت هادِ، هَمَهِ بدهیم تَتام.“ 27ارباب مِ نوکرا دلُش وَ حالُش سُت، اُ آنا آزاد اُشکِه و بدهیش اُشبَخشی. 28ولی وَختی هم مِ نوکرا دَر اُمَ، اُ یکی از همکاریاش اُشدی که صد دینار از آنا طلب اُشهاد. پَ اُشگِرِت و خِرُش فشار اُشدَ و اُشگُت: ”بدهیت هادِ!“ 29همکارُش شُ پا اُفتَه و التماسُش اُشکِه و اُشگُت: ”اُ ما مهلت هادِ، بدهیم تَتام.“ 30ولی آنا کَبول اُشنِکِه، بلکه چو و آنا شُ زندان بِست تا وَختی که بدهیش هادَ. 31وَختی که بَکیَه همکاریاش اِ اتفاکا شُدی، بُری پریشون بُدِت، چِدِت و هرچی اتفاک اُفتَدِستاد اَسِی اربابشو نَکل شُکِه. 32پَ اربابُش، شُ مِ نوکرا جار زاد و اُشگُت: ”اَی نوکر شرور، ما وَخاطر اِکِه اُ ما التماس اُتکِه، هَمَهِ بدهیت اُمبَخشی 33اَلَه نباید هَموناکِه ما اُ تو رَحم اُمکِه، تو هم اُ همکارُت رحم تَکِه؟“ 34ارباب تَریخ بو، فَرمو اُشدَ آنا شُ زندان هُبِئِت تَ شکنجَه بِبِه، تا وَختی که بدهیش تا کِرنِنِ آخرُش هادَ. 35هَمینا، بای آسِمونِنِ ما هم خاد هر یَک از شما اینا رفتار اَکو، اَگَه شما اُ کاکَتو از تَهِ دل نِبَخشی.»
ទើបបានជ្រើសរើសហើយ៖
انجیل مَتّی 18: LAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل مَتّی 18
18
کِ از هَمَه گَپتَئِه
1مِ موکَوا، شاگردیا حَدِ عیسی اُندِت و شُپُرسی: «تِی پادشاهِنِ آسِمو کِه از هَمَه گَپتَئِه؟» 2عیسی اُ یَک بَچی شُحَدِ خوش جار زاد و آنا شُ مارَکَهِ شاگردیا نَه 3و اُشگُت: «حکیکتاً، اُ شما اَگام، تا اَلِش نِبی و چُنِ بَچیا نِبی، هِسوَخت اُ پادشاهِنِ آسِمو جا ناچی. 4هرکَه اُ خوش چُنِ اِ بَچا اُفتادَه بِکو، تِی پادشاهِنِ آسِمو از هَمَه گَپتَئِه. 5هرکَه اُ اینا بَچی وَ اسم ما کَبول بِکو، شُ ما کَبول کِردِ.
6«ولی هرکَه باعث بِبِه که یکی از اِ کینگِلِی‌یّا که اُ ما ایمون اُشَه گناه بِکو، اَسِی آنا بِهتَه هاد که سنگ هاس گاتی دور گَردِش وابانِت، و تَهِ دریا خَفَه بِبِه! 7وای وَ حال دنیا وَخاطر وسوسه‌یّا که آداما اُ گناه اَبی! اَسِی که وسوسه‌یّا حتما دِئِت، ولی وای وَ حال کسی که وسوسه اُ واسطَهِ آنا بیاد!
8«اَگَه دستُت یا پات باعث گناه کِردَت اَبِه، کَعطُش بِکو و شُدر بی، اَسِی تو بِهتَئِه که شَل یا لَنگ اُ زندگِنِ اَبَدی اُچِش، تا اِکِه وَ دوتا دست یا دوتا پا تِی تَش اَبَدی بِفتِش. 9و اَگَه چَشُت باعث گناه کِردَت اَبِه، اُدَر بیا و شُدر بی، اَسِی تو بِهتَئِه که وَ یَک چَش اُ زندگِنِ اَبَدی اُچِش، تا اِکِه وَ دوتا چَش تِی تَشِ جَهَنام بِفتِش.
مَثَلِ کَهری که گُم بُدِستاد
10«حَواستو بِه که اُ هیچ‌یَک از اِ کینگِلِی‌یّا کام آنِکنی، اَسِی که اُ شما اَگام که فرشتَه‌ئِی اِیا تِی آسِمو، همیشَه لوی بامو که تِی آسِموئِه اَبِنِت. 11اَسِی که پُسِ انسان اُمَ تا اُ کسی که گُم بُدِ نجات هادَ. 12چه گَمون اَکنی؟ اَگَه مردی صدتا کَهر اُشبِه و یکی از کَهریا گُم بِبِه، مَ آن نود و نُه تا کَهرُش تِی کاو وِل ناکو و اَزدُمبالَهِ یَک کَهرُش که گُم بُدِ ناچِه؟ 13حکیکتاً، اُ شما اَگام، اَگَه اُشواجُرِ، اَسِی آن کَهرا بِشتَه خارام اَبِه تا اَسِی نود و نُه تا کَهری که گُم نِبُستِت. 14هَمینا هم، خواستَهِ بامو که تِی آسِموئِه اِ نی که حتی یکی از اِ کینگِلِی‌یّا هلاک بِبِت.
خطای کاکَت
15«اَگَه کاکَتو در حَکُت گناه بِکو، اُچا و تنها بین خوتو خطاش اُ آنا بِگِه. اَگَه اُ حرفُت گاش کَر اُشکِه، کاکَتو تُ دَست اَئوردِ؛ 16ولی اَگَه اُ حرفُت گاش کَر اُشنِکِه، یَک یا دو نفرِیدو هم اُمرَهِ خوت بِبُ تا ”هر حرفی وَ شهادت دو یا سه شاهد ثابت بِبِه.“ 17اَگَه اُشنائِست اُ آنایا هم گاش کَر بِکو، اُ کلیسا بِگِه، و اَگَه اُشنائِست حتی اُ کلیسا هم گاش کَر بِکو، پَ بِهِر اَسِی تو چُنِ یَک بُت‌پرست یا خَراجگیر بِه. 18حکیکتاً اُ شما اَگام، هر چِی که لِی زِمی وابانی، تِی آسِمو بَستَه اَبِه؛ و هر چِی که لِی زِمی واز بِکنی، تِی آسِمو واز اَدَبِه. 19دَفَیدو هم اُ شما اَگام که، اَگَه دو نفر از شما لِی زِمی دربارَهِ چِی که شُئِه، یَکدل بِت، از طرف بامو که تِی آسِموئِه اَسِی آنایا اَنجوم اَبِه. 20اَسِی که هر جَی که دو یا سه نفر وَ اسم ما جمع آبِت، ما آنکا مارَکَهِ آنایا هام.
مَثَل نوکر بی‌رحم
21بعد پِطرُس حَدِ عیسی اُمَ و اُشپُرسی: «سرورُم، اَگَه کاکَمو در حَکُم گناه بِکو، تا چند دَفَه باید اُشبِبَخشام؟ تا هفت دَفَه؟» 22عیسی جواب اُشدَ: «اُ تو ناگام هفت دَفَه، بلکه هفتادتا هفت دَفَه.
23«هَمینا پادشاهِنِ آسِمو، چُنِ پادشاهیه که تصمیم اُشگِرِت خاد نوکریاش حساب کتاب بِکو. 24وَختی شروع اُ حساب کِردَ اُشکِه، یَک نفر شُنحَد اَئو که ده هزار قنطار، اُ پادشاه بدهکار هاد. 25اَسِی که آنا اُشناشابو بدهیش هادَ، اربابُش فَرمو اُشدَ، اُ آنا خاد زِنَش و بَچیاش و هَمَهِ مال و مِنالُش بِفرِشِت، تا طلبُش بِگِرِ. 26پَ مِ نوکرا اُ پَی ارباب اُفتَه و التماسُش اُشکِه و اُشگُت: ”اُ ما مهلت هادِ، هَمَهِ بدهیم تَتام.“ 27ارباب مِ نوکرا دلُش وَ حالُش سُت، اُ آنا آزاد اُشکِه و بدهیش اُشبَخشی. 28ولی وَختی هم مِ نوکرا دَر اُمَ، اُ یکی از همکاریاش اُشدی که صد دینار از آنا طلب اُشهاد. پَ اُشگِرِت و خِرُش فشار اُشدَ و اُشگُت: ”بدهیت هادِ!“ 29همکارُش شُ پا اُفتَه و التماسُش اُشکِه و اُشگُت: ”اُ ما مهلت هادِ، بدهیم تَتام.“ 30ولی آنا کَبول اُشنِکِه، بلکه چو و آنا شُ زندان بِست تا وَختی که بدهیش هادَ. 31وَختی که بَکیَه همکاریاش اِ اتفاکا شُدی، بُری پریشون بُدِت، چِدِت و هرچی اتفاک اُفتَدِستاد اَسِی اربابشو نَکل شُکِه. 32پَ اربابُش، شُ مِ نوکرا جار زاد و اُشگُت: ”اَی نوکر شرور، ما وَخاطر اِکِه اُ ما التماس اُتکِه، هَمَهِ بدهیت اُمبَخشی 33اَلَه نباید هَموناکِه ما اُ تو رَحم اُمکِه، تو هم اُ همکارُت رحم تَکِه؟“ 34ارباب تَریخ بو، فَرمو اُشدَ آنا شُ زندان هُبِئِت تَ شکنجَه بِبِه، تا وَختی که بدهیش تا کِرنِنِ آخرُش هادَ. 35هَمینا، بای آسِمونِنِ ما هم خاد هر یَک از شما اینا رفتار اَکو، اَگَه شما اُ کاکَتو از تَهِ دل نِبَخشی.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company