انجیل مَتّی 14
14
مرگ یحیای تعمیددَهندَه
1تِی آن زَمونا خبر کَرِی عیسی اُ گاش هیرودیسِ حاکم رَسی، 2آنا شُ نوکریاش گُت: «اِ یحیای تعمیددَهندَئِه. از مُردَیّا زندَه آبُدِ، وَخاطر اِئِه که اینا معجزه‌ئِی اَکو.»
3اَسِی که هیرودیس وَخاطر هیرودیا که زنِ کاکَشو فیلیپُس هاد، اُ یحیی اُشگِرِتِستاد و شابَستِستاد و شُ زندان بِستِستاد. 4اَسِی که یحیی شُ آنا اَگُت: «حلال نی که خاد اِ زنا بِش.» 5هیرودیس شَئِست اُ یحیی بِکُشِه، ولی از مردم شَتِرسی، اَسِی که مردم اُ یحیی یَک پیغامبر شواَدانِست.
6ولی تِی رازِ جشن تولد هیرودیس، دُتِ هیرودیا جلووِ هَمَه اُشرَخصی. هیرودیس هم شُ خَش اُمَ 7اینا که کَسام شاخَه و وعدَه اُشدَ که هرچی مِ دُتا اُشبِئِه شادَ. 8دُتِ هم وَ راهنمائِنِ نَنَشو اُشگُت: «سِر یحیای تعمیددَهندَه‌وا هَم اِکا تِی مَجمِئَه اُ ما هادِ.» 9پادشاه ناراحت بو، ولی وَخاطر کَسامُش و احترام اُ مِهمُنیاش فَرمو اُشدَ خواستَهِ مِ دُتا اَنجوم هاتِت. 10پَ هیرودیس آدام اُشفِرِستَ و تِی زندان سِرِ یحیی از تَنُش جدا شُکِه، 11و سِرَش تِی مَجمِئَه شُئو و شُن دُتِ دَ. آنا هم شُحَدِ نَنَشو بو. 12شاگردِی یحیی اُندِت و جَسدُش شُبو، دفن شُکِه و بعد چِدِت و شُن عیسی خبر دَ.
خوراک دَدَ اُ پنج هزار نفر
13وَختی عیسی اِ خبرا اُششُنُفت، سُوار کایِک بو و از آنکا اُ جَی دوری چو تا خوش یکی بِه. ولی وَختی جماعت باخبر بُدِت، از شهریاشو وَ پَی پیادَه اَزدُمبالَهِ عیسی چِدِت. 14وَختی عیسی از کایِک زیر اُمَ، جماعت گاتی اُشدی و دلُش وَ حال آنایا سُت و اُ مریضیاشو شفا اُشدَ.
15موکَهِ شوم، شاگردیا حَدِ عیسی اُندِت و شُگُت: «اِکا جَی پَرتیِه، وَرگارَم هَه. جماعتا شُبِفرِست تَ اُ دِهِی دوروبَر اُچِت و اَسِی خوشو خوراک بِخِلِت.» 16ولی عیسی اُشگُت: «نیازی نی مردم اُچِت. شما اُ اِیا خوراک هاتی.» 17شاگردیا شُگُت: «اِکا فَکَط پنجتا نو و دوتا مَهی مُهَه.» 18عیسی اُشگُت: «آنایائا اِکا مُحَد بیاری.» 19بعد شُ جماعت فَرمو دَ تا لِی سَبزَیا هُنِئِت. مِ موکَوا عیسی پنجتا نو و دوتا مَهِنا شاسِه، شُ آسِمو چَش کِه و اُ نو و مَهی برکت اُشدَ. بعد نُنیا تِکَه اُشکِه و شُ شاگردیا دَ و شاگردیا هم شُن جماعت دَ. 20هَمَه شُخَه و سیر آبُدِت و شاگردیا دوازده‌تا زانبیل پُر از خُردَئِی نو و مَهی که آمودِستاد جمع شُناکِه. 21تعداد کسِی که شُخَردِستاد، وَغیر از زِنیا و بَچیا، پنج هزارتا مرد هاد.
عیسی لِی هُو رَه اَچِه
22عیسی جِخُو شُ شاگردیا گُت تا هَموناکِه خوش اُ جماعت مرخص اَکو، سُوار کایِک بِبِت و جلوتَه از آنا اُ آنراوِ دریاچَه اُچِت. 23بعد از مرخص کِردَهِ جماعت، خوش یکی اُ کاو چو تَ دعا بِکو. شُو بو و عیسی آنکا خوش یکی هاد. 24مِ موکَوا، کایِک از لَبِ دریاچَه بُری دور بُدِستاد و گرفتار موج هاد، اَسِی که باد سمت مخالف آنایا اَدامَ. 25نَزیک ساعت سه شُو، عیسی هَموناکِه لِی دریاچَه رَه اَچو اُ طرفِ آنایا چو. 26ولی وَختی شاگردیا اُ عیسی هَموناکِه لِی دریاچَه رَه اَچو شُدی، بُری تِرسِدِت و از تِرس کال شُکِه و شُگُت: «روحِه»، 27ولی عیسی جِخُو خاد آنایا حرف اُشزاد و اُشگُت: «خاطرتو جمع بِه. ما هام مَتِرسی!»
28پِطرُس جواب اُشدَ: «سرورُم، اَگَه تو هِش، فَرمو هادِ تَ ما هم لِی هُو تُحَد بِلگام.» 29عیسی اُشگُت: «بِدا!» پَ پِطرُس از کایِک دَر اُمَ، لِی هُو رَه چو و حَدِ عیسی چو. 30ولی وَختی اُشدی چه باد شدیدی اُندا، تِرسی و هَمیناکِه تِی هُو اَچو کال اُشکِه: «سرورُم، نجات مادِ!» 31عیسی جِخُو دستُش دراز اُشکِه و اُ آنا اُشگِرِت و اُشگُت: «اَی کام ایمون، اَسِی چه شَک اُتکِه؟» 32وَختی سُوار کایِک بُدِت، باد کَعط بو. 33کسِی که تِی کایِک هادِت، اُ عیسی سُجدَه شُکِه و شُگُت: «واکعاً که تو پُسِ خدا هِش!»
عیسی اُ مریضیا تِی جِنیسارِت شفا اَدَ
34وَختی آنایا اُ آنراوِ دریاچَه رَسِدِت، تِی منطکَهِ جِنیسارِت از کایِک زیر اُندِت. 35وَختی مردم آنکا اُ عیسی شُشِناخت، اُ کُل آن منطکَه‌وا آدام شُفرِستَ و اُ هَمَهِ مریضیاشو حَدِ عیسی شُئو. 36آنایا اُ عیسی التماس شواَکِه تَ بِهِرِ فَکَط اُ چِگِ عباش دست بِزنِت، و هرکَه دست شَزاد، شفا شَگِرِت.
ទើបបានជ្រើសរើសហើយ៖
انجیل مَتّی 14: LAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل مَتّی 14
14
مرگ یحیای تعمیددَهندَه
1تِی آن زَمونا خبر کَرِی عیسی اُ گاش هیرودیسِ حاکم رَسی، 2آنا شُ نوکریاش گُت: «اِ یحیای تعمیددَهندَئِه. از مُردَیّا زندَه آبُدِ، وَخاطر اِئِه که اینا معجزه‌ئِی اَکو.»
3اَسِی که هیرودیس وَخاطر هیرودیا که زنِ کاکَشو فیلیپُس هاد، اُ یحیی اُشگِرِتِستاد و شابَستِستاد و شُ زندان بِستِستاد. 4اَسِی که یحیی شُ آنا اَگُت: «حلال نی که خاد اِ زنا بِش.» 5هیرودیس شَئِست اُ یحیی بِکُشِه، ولی از مردم شَتِرسی، اَسِی که مردم اُ یحیی یَک پیغامبر شواَدانِست.
6ولی تِی رازِ جشن تولد هیرودیس، دُتِ هیرودیا جلووِ هَمَه اُشرَخصی. هیرودیس هم شُ خَش اُمَ 7اینا که کَسام شاخَه و وعدَه اُشدَ که هرچی مِ دُتا اُشبِئِه شادَ. 8دُتِ هم وَ راهنمائِنِ نَنَشو اُشگُت: «سِر یحیای تعمیددَهندَه‌وا هَم اِکا تِی مَجمِئَه اُ ما هادِ.» 9پادشاه ناراحت بو، ولی وَخاطر کَسامُش و احترام اُ مِهمُنیاش فَرمو اُشدَ خواستَهِ مِ دُتا اَنجوم هاتِت. 10پَ هیرودیس آدام اُشفِرِستَ و تِی زندان سِرِ یحیی از تَنُش جدا شُکِه، 11و سِرَش تِی مَجمِئَه شُئو و شُن دُتِ دَ. آنا هم شُحَدِ نَنَشو بو. 12شاگردِی یحیی اُندِت و جَسدُش شُبو، دفن شُکِه و بعد چِدِت و شُن عیسی خبر دَ.
خوراک دَدَ اُ پنج هزار نفر
13وَختی عیسی اِ خبرا اُششُنُفت، سُوار کایِک بو و از آنکا اُ جَی دوری چو تا خوش یکی بِه. ولی وَختی جماعت باخبر بُدِت، از شهریاشو وَ پَی پیادَه اَزدُمبالَهِ عیسی چِدِت. 14وَختی عیسی از کایِک زیر اُمَ، جماعت گاتی اُشدی و دلُش وَ حال آنایا سُت و اُ مریضیاشو شفا اُشدَ.
15موکَهِ شوم، شاگردیا حَدِ عیسی اُندِت و شُگُت: «اِکا جَی پَرتیِه، وَرگارَم هَه. جماعتا شُبِفرِست تَ اُ دِهِی دوروبَر اُچِت و اَسِی خوشو خوراک بِخِلِت.» 16ولی عیسی اُشگُت: «نیازی نی مردم اُچِت. شما اُ اِیا خوراک هاتی.» 17شاگردیا شُگُت: «اِکا فَکَط پنجتا نو و دوتا مَهی مُهَه.» 18عیسی اُشگُت: «آنایائا اِکا مُحَد بیاری.» 19بعد شُ جماعت فَرمو دَ تا لِی سَبزَیا هُنِئِت. مِ موکَوا عیسی پنجتا نو و دوتا مَهِنا شاسِه، شُ آسِمو چَش کِه و اُ نو و مَهی برکت اُشدَ. بعد نُنیا تِکَه اُشکِه و شُ شاگردیا دَ و شاگردیا هم شُن جماعت دَ. 20هَمَه شُخَه و سیر آبُدِت و شاگردیا دوازده‌تا زانبیل پُر از خُردَئِی نو و مَهی که آمودِستاد جمع شُناکِه. 21تعداد کسِی که شُخَردِستاد، وَغیر از زِنیا و بَچیا، پنج هزارتا مرد هاد.
عیسی لِی هُو رَه اَچِه
22عیسی جِخُو شُ شاگردیا گُت تا هَموناکِه خوش اُ جماعت مرخص اَکو، سُوار کایِک بِبِت و جلوتَه از آنا اُ آنراوِ دریاچَه اُچِت. 23بعد از مرخص کِردَهِ جماعت، خوش یکی اُ کاو چو تَ دعا بِکو. شُو بو و عیسی آنکا خوش یکی هاد. 24مِ موکَوا، کایِک از لَبِ دریاچَه بُری دور بُدِستاد و گرفتار موج هاد، اَسِی که باد سمت مخالف آنایا اَدامَ. 25نَزیک ساعت سه شُو، عیسی هَموناکِه لِی دریاچَه رَه اَچو اُ طرفِ آنایا چو. 26ولی وَختی شاگردیا اُ عیسی هَموناکِه لِی دریاچَه رَه اَچو شُدی، بُری تِرسِدِت و از تِرس کال شُکِه و شُگُت: «روحِه»، 27ولی عیسی جِخُو خاد آنایا حرف اُشزاد و اُشگُت: «خاطرتو جمع بِه. ما هام مَتِرسی!»
28پِطرُس جواب اُشدَ: «سرورُم، اَگَه تو هِش، فَرمو هادِ تَ ما هم لِی هُو تُحَد بِلگام.» 29عیسی اُشگُت: «بِدا!» پَ پِطرُس از کایِک دَر اُمَ، لِی هُو رَه چو و حَدِ عیسی چو. 30ولی وَختی اُشدی چه باد شدیدی اُندا، تِرسی و هَمیناکِه تِی هُو اَچو کال اُشکِه: «سرورُم، نجات مادِ!» 31عیسی جِخُو دستُش دراز اُشکِه و اُ آنا اُشگِرِت و اُشگُت: «اَی کام ایمون، اَسِی چه شَک اُتکِه؟» 32وَختی سُوار کایِک بُدِت، باد کَعط بو. 33کسِی که تِی کایِک هادِت، اُ عیسی سُجدَه شُکِه و شُگُت: «واکعاً که تو پُسِ خدا هِش!»
عیسی اُ مریضیا تِی جِنیسارِت شفا اَدَ
34وَختی آنایا اُ آنراوِ دریاچَه رَسِدِت، تِی منطکَهِ جِنیسارِت از کایِک زیر اُندِت. 35وَختی مردم آنکا اُ عیسی شُشِناخت، اُ کُل آن منطکَه‌وا آدام شُفرِستَ و اُ هَمَهِ مریضیاشو حَدِ عیسی شُئو. 36آنایا اُ عیسی التماس شواَکِه تَ بِهِرِ فَکَط اُ چِگِ عباش دست بِزنِت، و هرکَه دست شَزاد، شفا شَگِرِت.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company