مرقس انجیل 11
11
عیسی شاه مورسون اورشلیم میئن شنه
1وختی بِیت فاجی و بِیت‌عَنْیا دهاتِ که اورشلیمِ شهر نزدیکی، و زیتون کوه میئن هنه بو برسِئن، عیسی دو نفر خوشِ شاگردؤنِ سرا دا 2و عیسی اوشونه بوته: «او دهاتی که شیمه راه سر هَنّه، بشین. هیطوکه دیرون بوشوین، یکته خر کُرّه دَوَسّه پیدا کوئنین که تا الؤن هیشکس اونه سر سوارَ نوبؤ. اونه بازَ کُونین و بأرین. 3اگه یه نفر شمرای بپورسه: ”چرِه ایطؤ کأدرین؟“ بوگوین: ”خُداوند اونه احتیاج دائنه و درجا شمه به وگردونه.“» 4او دوته شاگرد بوشؤئن، و کوچه دیرون یکته خر کره بیاتّن که یکته درِ ورجه دَوَسته هنّه بو. اونه بازَ گودَن. 5بعضی أن که اوره ایسَه بوئن بوتن: «چرِه خر کُرّه بازَ کأدرین؟» 6او دوته شاگرد هیطو که عیسی ایشونِ بوته بو، بوتن؛ پَس اوشونی که اوره ایسابوئن بگذاشتن که ای دونفر بشن. 7شاگردون خر کُرّه عیسی ورجه بأردن، خوشونِ رداأنِ اونه سر بنئن، و عیسی سوارَ بو. 8خیلی از مَردم هم خوشونِ عبانه اونه راه سر وارگنِئن و یسری هم ولگ دار خالؤنیِ که هو دور و بر زمینون اجی ببِئه بوئن، راه میئن وارگنِئن . 9اوشونی که عیسی پیش دکته شوئدبون و اوشونی که عیسی دومبالتر آمائدبون، فریاد زِئن و گوتَن:
«نجات بدی!»
«مبارک ایسّه، او که خداوند ایسم أمره هنه!»
10«مبارک ایسّه امه پئر داوود پادشاهی که اَمَئدره!»
«نجات آسمون گوف میئن!»
11عیسی اورشلیم شهر بومه و معبد دیرون بُشو. اوره خوش دور و بر همه چیِ نیگاه بوده، امّا چون که دیر وخت بو او دوازدته شاگرد أمره بیت عَنیا سو بُشو.
عیسی انجیل دار نفرینه کوئنه
12فردایی، وختی که بِیت‌عَنْیا جی شوئدبو، عیسی وشته بوبوُ. 13دورادوری یکته انجیل دار بدِه که وَلگ داشت؛ پَس جلو بُشو تا بَینه انجیل دئنه یا نه. وختی انجیل دار نزدیک بوبو جز وَلگ هیچّی اونه سر نیاتّه، چونکه هله انجیل فصل نَبو. 14پَس عیسی او انجیل دارِ بوته: « دِه هَرگی هیشکس ته جی میوه نخوری!» اونه شاگردؤن اینه بِشتوئسَن.
عیسی معبد تمیزَ کوئنه
15اوشون اورشلیم شهر برسِئن، عیسی معبد میئن بوشو و اوشونی که اوره کاسبی گودَن، بیرونَ گوده. عیسی صَرافون تختؤن و کبتر فروشؤن بساط فگردؤنه 16و نوگذاشته هیشکس خو اسبابِ بوردن به معبد صحن میئنای ردَّ بی. 17بازین اوشونه تعلیم بدا و بوته: «مگه مقدس کیتابون میئن بنویشته نوبؤبو که،
«”می خونه همته قومؤن به دوعا خونه، دوخونده بنه“؟
امّا شمه اونه ’دوزؤن لونه‘ چاگودین.
18کاهینؤن سرؤن و تورات معلمون هیطو که اینه بشتؤسَن، یکته راه دومبال بوئن که عیسی بکوشَن، چونکه اونای واهیمه داشتن، چرِه که جَمعیت همه، عیسی تعلیم دَئن جی حیرونا بوئن. 19وختی غروب بوبوُ، عیسی و شاگردؤن شهر جی بیرون بوشؤئن.
20صوبه دَم، راه میئن، انجیل دار بدِئن که بنه جی خُشکا بؤ بو. 21پِطرُس، او جریونِ به خاطر بأرده و عیسی بوته: «اوستاد، نیگاه بکون! او انجیل دارِ که نفرین بودی، خُشکَ بو.» 22عیسی جواب بَدَه: «خُدا ایمؤن بدارین. 23راست راستِ، شمره گونَم، اگه یه نفر ایی کوه بوگوی بَکنَده ببو و دریا میئن باگده بَبو،“ و خوشِ دیل میئن شک نکونی بَلکه ایمؤن بَداری اوچی که گونه هوطو بنه، اونه به انجوم بنه. 24پَس شمره گونَم، هر چی دوعا میئن بخوائین، ایمؤن بَدارین که اونه هیتین، اون شیمه شی بنه.
25«پَس هر وخت که دوعا کأدرین، اگه یه نفر جی یه چی شیمه دیل میئن دَئنین، اونه بَبَخشین تا شیمه پئر هم که آسمؤن میئن ایسَه، شیمه تقصیرات بَبَخشی. 26ولی اگه شمه نبَخشین، شیمه پئر هم که آسمؤن دیرون ایسَه، شیمه تقصیرون نبَخشنه.
عیسی حق و اختیار
27اوشون یه بار دِه اورشلیم شهر بومَئن. هووخت که عیسی معبدِ میئن قدم زئدبو، کاهینون سَرؤن و تورات معلمون و شیخؤن اونه ورجه بومَئن، 28اوشون عیسی جی بپورسِئن: «به چی حقی، ایی کارؤنِ کوئنی؟ کی تَه ایی حق و اختیارِ هَده که ایی کارؤنِ بکونی؟» 29عیسی جواب بده: «منم شمرای یکته سوال دَئنَم. مَه جواب بدین تا منم شمره بوگؤم چی حقی أمره ایی کارؤن کوئنم. 30یحیی غسل تعمید خدا جی بو یا آدمِ جی؟ می جوابِ بَدین.» 31اوشون خوشونِ میئن بُگو مگو بوُدَن، بوتَن: «اگه بگیم ”خدا جی بو“، گونه، ”پَس چرِه اونه ایمؤن نأردین؟“ 32اگه بگیم ”آدمَ جی بو“...»- اوشون مردوم واهیمه داشتن، چونکه همته باور داشتن که یحیی یکته واقعی پیغمبر ایسه. 33پَس ایشون عیسی جواب بَدَئن: «نودونیم.» عیسی بوته: «منم شمره نگونَم چی حقی أمره ایی کارؤنِ کوئنم.»
ទើបបានជ្រើសរើសហើយ៖
مرقس انجیل 11: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
مرقس انجیل 11
11
عیسی شاه مورسون اورشلیم میئن شنه
1وختی بِیت فاجی و بِیت‌عَنْیا دهاتِ که اورشلیمِ شهر نزدیکی، و زیتون کوه میئن هنه بو برسِئن، عیسی دو نفر خوشِ شاگردؤنِ سرا دا 2و عیسی اوشونه بوته: «او دهاتی که شیمه راه سر هَنّه، بشین. هیطوکه دیرون بوشوین، یکته خر کُرّه دَوَسّه پیدا کوئنین که تا الؤن هیشکس اونه سر سوارَ نوبؤ. اونه بازَ کُونین و بأرین. 3اگه یه نفر شمرای بپورسه: ”چرِه ایطؤ کأدرین؟“ بوگوین: ”خُداوند اونه احتیاج دائنه و درجا شمه به وگردونه.“» 4او دوته شاگرد بوشؤئن، و کوچه دیرون یکته خر کره بیاتّن که یکته درِ ورجه دَوَسته هنّه بو. اونه بازَ گودَن. 5بعضی أن که اوره ایسَه بوئن بوتن: «چرِه خر کُرّه بازَ کأدرین؟» 6او دوته شاگرد هیطو که عیسی ایشونِ بوته بو، بوتن؛ پَس اوشونی که اوره ایسابوئن بگذاشتن که ای دونفر بشن. 7شاگردون خر کُرّه عیسی ورجه بأردن، خوشونِ رداأنِ اونه سر بنئن، و عیسی سوارَ بو. 8خیلی از مَردم هم خوشونِ عبانه اونه راه سر وارگنِئن و یسری هم ولگ دار خالؤنیِ که هو دور و بر زمینون اجی ببِئه بوئن، راه میئن وارگنِئن . 9اوشونی که عیسی پیش دکته شوئدبون و اوشونی که عیسی دومبالتر آمائدبون، فریاد زِئن و گوتَن:
«نجات بدی!»
«مبارک ایسّه، او که خداوند ایسم أمره هنه!»
10«مبارک ایسّه امه پئر داوود پادشاهی که اَمَئدره!»
«نجات آسمون گوف میئن!»
11عیسی اورشلیم شهر بومه و معبد دیرون بُشو. اوره خوش دور و بر همه چیِ نیگاه بوده، امّا چون که دیر وخت بو او دوازدته شاگرد أمره بیت عَنیا سو بُشو.
عیسی انجیل دار نفرینه کوئنه
12فردایی، وختی که بِیت‌عَنْیا جی شوئدبو، عیسی وشته بوبوُ. 13دورادوری یکته انجیل دار بدِه که وَلگ داشت؛ پَس جلو بُشو تا بَینه انجیل دئنه یا نه. وختی انجیل دار نزدیک بوبو جز وَلگ هیچّی اونه سر نیاتّه، چونکه هله انجیل فصل نَبو. 14پَس عیسی او انجیل دارِ بوته: « دِه هَرگی هیشکس ته جی میوه نخوری!» اونه شاگردؤن اینه بِشتوئسَن.
عیسی معبد تمیزَ کوئنه
15اوشون اورشلیم شهر برسِئن، عیسی معبد میئن بوشو و اوشونی که اوره کاسبی گودَن، بیرونَ گوده. عیسی صَرافون تختؤن و کبتر فروشؤن بساط فگردؤنه 16و نوگذاشته هیشکس خو اسبابِ بوردن به معبد صحن میئنای ردَّ بی. 17بازین اوشونه تعلیم بدا و بوته: «مگه مقدس کیتابون میئن بنویشته نوبؤبو که،
«”می خونه همته قومؤن به دوعا خونه، دوخونده بنه“؟
امّا شمه اونه ’دوزؤن لونه‘ چاگودین.
18کاهینؤن سرؤن و تورات معلمون هیطو که اینه بشتؤسَن، یکته راه دومبال بوئن که عیسی بکوشَن، چونکه اونای واهیمه داشتن، چرِه که جَمعیت همه، عیسی تعلیم دَئن جی حیرونا بوئن. 19وختی غروب بوبوُ، عیسی و شاگردؤن شهر جی بیرون بوشؤئن.
20صوبه دَم، راه میئن، انجیل دار بدِئن که بنه جی خُشکا بؤ بو. 21پِطرُس، او جریونِ به خاطر بأرده و عیسی بوته: «اوستاد، نیگاه بکون! او انجیل دارِ که نفرین بودی، خُشکَ بو.» 22عیسی جواب بَدَه: «خُدا ایمؤن بدارین. 23راست راستِ، شمره گونَم، اگه یه نفر ایی کوه بوگوی بَکنَده ببو و دریا میئن باگده بَبو،“ و خوشِ دیل میئن شک نکونی بَلکه ایمؤن بَداری اوچی که گونه هوطو بنه، اونه به انجوم بنه. 24پَس شمره گونَم، هر چی دوعا میئن بخوائین، ایمؤن بَدارین که اونه هیتین، اون شیمه شی بنه.
25«پَس هر وخت که دوعا کأدرین، اگه یه نفر جی یه چی شیمه دیل میئن دَئنین، اونه بَبَخشین تا شیمه پئر هم که آسمؤن میئن ایسَه، شیمه تقصیرات بَبَخشی. 26ولی اگه شمه نبَخشین، شیمه پئر هم که آسمؤن دیرون ایسَه، شیمه تقصیرون نبَخشنه.
عیسی حق و اختیار
27اوشون یه بار دِه اورشلیم شهر بومَئن. هووخت که عیسی معبدِ میئن قدم زئدبو، کاهینون سَرؤن و تورات معلمون و شیخؤن اونه ورجه بومَئن، 28اوشون عیسی جی بپورسِئن: «به چی حقی، ایی کارؤنِ کوئنی؟ کی تَه ایی حق و اختیارِ هَده که ایی کارؤنِ بکونی؟» 29عیسی جواب بده: «منم شمرای یکته سوال دَئنَم. مَه جواب بدین تا منم شمره بوگؤم چی حقی أمره ایی کارؤن کوئنم. 30یحیی غسل تعمید خدا جی بو یا آدمِ جی؟ می جوابِ بَدین.» 31اوشون خوشونِ میئن بُگو مگو بوُدَن، بوتَن: «اگه بگیم ”خدا جی بو“، گونه، ”پَس چرِه اونه ایمؤن نأردین؟“ 32اگه بگیم ”آدمَ جی بو“...»- اوشون مردوم واهیمه داشتن، چونکه همته باور داشتن که یحیی یکته واقعی پیغمبر ایسه. 33پَس ایشون عیسی جواب بَدَئن: «نودونیم.» عیسی بوته: «منم شمره نگونَم چی حقی أمره ایی کارؤنِ کوئنم.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company