يوحنای انجیل 10
10
خوروم چوپؤن مو ایسّم
1راست راستِ، شمره گونم، کسی که درَ جی گوسندؤن گئچه میئن نای، بلکه یکته راه دیگرای فیچکای، دزد و راهزن ایسّه. 2امّا اونی که درای دیرون بائ، گوسندؤن چوپؤنِ. 3دربؤن، دَرِ اونه بِه وأکؤنه و گوسندؤن اونه صدا ایشتؤنَن. او خوشِ گوسندؤنِ، به ایسم دوخُوبِنه و اوشونِ بیرون بِئنه. 4وختی خوشِ همته گوسندؤنِ بیرون ببوری، اوشونه پیش تر قدم ویگینه و گوسندؤن اونه دومبالسر شنن، چونکه اونه صدا شنأسنَن. 5اوشؤن غریبه دومبالسر نشَنَن، بلکه اونای فرار کؤنن، چونکه غریبه أنِ صدا نشنأسَنَن.»
6عیسی ایی حیکایت ایشؤنِ بِه بوته، ولی اوشؤن نفَهمَسن که ایشؤنِ چی گوتدره. 7پس دومَرته ایشؤنه بوته: «راست راستِ، شمره گونم، گوسندؤنِ ’در‘ مو ایسّم؛ 8اوشؤنی که می جَی پیشتر بومَئن، همته دوزد و راهزن ایسّن، امّا گوسندؤن اوشونه گوش نودَن. 9’در‘ مو ایسّم؛ هر کی می راه جَی دیرون بشی، نجات پیدا کوئنه و دیرون هنه و بیرون شنه و چراگا پیدا کوئنه. 10دوزد نَئنه، مگر دوزِئنه به، کوشتنه و نابودَ گودنه به؛ مو بومئم تا ایشون، زندگی بدارن و اونه به فراوونی بدارَن!
11«خوروم چوپؤن مو ایسّم! خوروم چوپؤن خوشِ جؤنِ خو گوسندؤن به نِئنه. 12کسی که پول وسه کار کوئنه، چون چوپؤن نیه و گوسندؤن اونهشی نییَن، هروخت بَینی وَرگ أمئدره، گوسندؤن هوره ویله کؤئنه و فرار کؤئنه و وَرگ اوشونه فترکنه و اوشونه پخشَ کؤنه. 13او فرار کوئنه، چرِء که فقط پول وَسه کار کوئنه، و گوسندونِ فکر نیه چون فقط پولِ دومبالِ. 14خوروم چوپؤن مو ایسّم. مو می گوسندؤنِ شنأسنم و می گوسندؤن مه شنأسَنَن. 15هیطو که آسمونی پئر مه شنأسنه، منم آسمونی پئره شنأسنم. مو می جونِ می گوسندؤنِ به نِئنَم. 16گوسندؤنِ دیگرم دَئنم که ایی گئچه شی نییَن. اوشؤنم باء بأرم و اوشؤنم می صدا گوش کوئنَن. هو وخت یکته گلّه بنن با یکته چوپؤن. 17آسمونی پئر، اینه وسه مه دوست دئنه که مو میجونِ نِئنَم تا اونه هنده پسَ هگیرم. 18هیشکس اونه می جَی هنگینه، بلکه مو می میلِ أمره اونه هَدِئنَم. اختیار دئنم که اونه هَدِم و اختیار دئنم که اونه هنده پسَ هگیرم. ایی حکمِ می پئرای هَیتم.»
19ایی گبؤن وسه یبار دِه یهودی أن میئن اختلاف دکته. 20خیلی از اوشؤن بوُتن: «او دیوبزه و تور ایسه؛ چرِء اونه گبؤنِ گوش کأدرین؟» 21ولی بقیه بوُتن: «ایشون یکته دیوبزِکِ گبؤن نیه. مگه دیو تینه کورؤنِ چیشمِ بازَ کونی؟»
مو و پِئر یک ایسّیم
22عید وقف موقع اورشلیم میئن برسه بو. زمستؤن بو. 23و عیسی معبد میئن، ایوؤن سلیمان میئن راه شؤدبو. 24یهودی أن اونه دور جومَه بوئن و بوُتن: «تا کی خؤانی اَمَره شکّ میئن بداری؟ اگه مسیح موعود ایسّی، اَمَره واضح بگو.» 25عیسی جواب بدا: «شمره بوُتم، امّا باور نوکُوئنین. کارؤنی که مو مي آسمونی پئر ایسم أمره کوئنَم، مهبِه گوایی دِئنَن. 26امّا شمه ایمؤن نأبِنین، چونکه می گوسندؤن نیین. 27می گوسندؤن، می صدا گوش کؤئنن؛ مو اوشونِ شنأسنم و اوشؤن می دومبال هَنن. 28مو اوشون ابدی زندگی هدِئنم و اوشؤن هرگی هلاکَ نَبنن. هیشکسم منئه اوشونِ میدستَ جی بقاپی. 29می آسمونی پئر که اوشونِ مَه ببخشه، همه کسای پيله‌تره و هیشکس منئه اوشونه می پئرِ دستَ جی بقاپی. 30مو و آسمونی پئر یکته ایسّیم.»
31هووخت هنده یهودی أن سنگ ویتَن تا عیسی سنگسار بکونَن. 32عیسی اوشونه بوته: «مو خیلی خوروم کارؤن می آسمونی پئر طرفَ جی شمره نیشون بدَئم، کویکته وسه خوائنین مه سنگسار بکونین؟» 33یهودی أن جواب بدَئن: «تی خوروم کار وسه تَه سنگسار نوکؤنیم، بلکه اینه وسه که کفر گونی تَه سنگسار کوئنیم. چونکه آدم ایسّی و گونی خدا ایسّی.» 34عیسی اوشونه بوته: «مگه شیمه تورات میئن نومَه که ”مو بوتم، شمه خدایؤن ایسّین“؟ 35اگه اوشؤني که خدا کلام اوشونِ برسه، ’خدایؤن‘ دوخونده بَنن، - و هیچ قسمتی مقدس کیتابونای باطیلَ نبنه - 36چوطو تینین اوکسی که آسمونی پئر اونه وقف بُوده و دونیا میئن سرا دا، بوگوین که ”کفر گونی“، فقط اونه واسه که بوُتم: خدا ریکای ایسّم؟ 37اگه مو می آسمونی پئرِ کارؤنِ انجوم ندَئم، مَه ایمؤن نئبِئنین. 38ولی اگر انجؤم بدِئم، حتّی اگه مَه ایمؤن نَئبِئنین، لااَقل اونه کارؤنِ ایمؤن بأرین تا بدوئنین و بفهمین که آسمونی پئر می میئن ایسَه و مو آسمونی پئر میئن.» 39دومَرته خواسّن اونه بگیرن، ولی عیسی اوشون دستَ جی در بوشو.
40بازین هنده اوطرف اردن روخؤنه، اوره که یحیی قبلاً غسلِ تعمید دأ، بوشو و اوره بیسه. 41خیلیأن اونه ورجه بومَئن. اوشؤن گوتَن: «یحیی هیچ نیشونه و معجزهای انجوم ندا، ولی هر چی که ایی مردکه باره بوته، درست بو.» 42پس خیلیأن اوره، عیسی ایمؤن بأردن.
ទើបបានជ្រើសរើសហើយ៖
يوحنای انجیل 10: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
