رسولؤن اعمال 14
14
پولُس و بَرنابا قونیه میئن
1پولُس و بَرنابا قونیه شهر دیرون یهود عبادتگاه بوشؤئن و جوری گب بزِئن که خیلی از یهودی أن و یونانی أن ایمؤن بأردَن. 2اما او یهودی أنی که ایمؤن نأرده‌بوئن، غیر یهودی أنِ کوکَ گودَن و اوشونه فیکرِ برأرؤنِ ضید، مسمومَ گودن. 3پس پولُس و بَرنابا خیلی زمت اوره بِیسَئن و شجاعت أمره خداوند بِه گب بزِئن، خداوندی که ایشؤنِ قدرت هدَای تا نیشونه أن و معجزات بأرن و ایطوری خوشه فیض پیغؤمِ تأئید گود. 4ولی او شهر مردوم دو گروه بوبوئن؛ یکته گروه یهودی أن جی طرفداری گودَن و اویکته رسولؤنای طرفداری گودن. 5وختی غیریهودی أن و یهودی أن خوشؤنِ پیلترونِ أمره خواسّن، پولُس و بَرنابا اذیت بکونن و اوشونِ سنگسار بکونَن، 6پولس و بَرنابا، ایی جریونَ جی واخوبَ بوئن، لِستْره و دِرِبه سو، که لیكائونیه شهرؤن جی بو، و او اطراف فرار بودن. 7اوشون اوره خوروم خبر اعلام گودن.
بَرنابا و پولُس لِستْره و دِرِبه میئن
8لِستْره میئن یکته مردکای نیشته‌بو که منّیس خو پاأنِ توكؤن بدای و هرگی راه نوشؤبو، چون مادرزادی شَل بو. 9وختی که پولُس گب زی، او مردکای گوش دَء. پولُس اونه چال بزه و بدِه که ایی ایمؤن دئنه که شفا بگیری. 10پولس پیله صدا أمره اونه بوته: «تی پاأنِ سر بَیس!» او مردکای خوشه جا سرای بپّرسه راه دکته.
11وختی مردم او چیزی که پولُس انجؤم بده بدِئن، لیكائونی زبؤن أمره فریاد بزِئن: «خداأن آدم مورسون اَمه میئن جیر بومَئن!» 12اوشؤن بَرنابا ’زئوس‘ و پولُس اینه واسه که اصلی گب زن بو’هِرمِس‘ ایسم بنَئن. 13زئوس كاهین که اونه معبد شهر دروازه بیرون هنه بو، چندته گاو و چندته تاج گُل، شهرِ دروازه ورجه بأرده؛ زئوس و او جماعت خواسّن که اوشونه به قربؤنی بکونن. 14اما وختی او دوته رسول، یعنی بَرنابا و پولُس، ایی کفرِ بشتؤسَن، خوشؤنِ لیباسؤنِ چاك بزِئن و تاتأدی مردم میئن بوشوئن، فریاد بزِئن که: 15«ای مرداكؤن، چرِه ایطوری كؤنین؟ امَرَم شیمه مورسون، آدمیم. امه شمره خوروم خبر دئنیم که ایی بیخودِ کارونَ جی دست ویگیرین و خدای زنده ایمؤن بأرین که آسمؤن و زمین و دریا و هر چیزی که اوشونه میئن هَنّه، خلق بوده. 16خدا، از قدیم نسلؤن غیریهودی أنِ قومون، همتَه ویلَه گوده که هرته خوشونِ راهؤنِ بوشوئن، 17با ایی حال، او خوشِ بدونِ گوا ننَه؛ چونکه او آسمونای بارؤن سرادَه و پر بار فصلؤن بخشِئن أمره شیمه به خوبی بودِه، شمره خیلی غذا هدَه و شیمه دیلؤنِ شادی جی پورا کوئنه.» 18حتی ایی گبؤنِ أمره، اوشون خیلی سخت بتؤنستَن مردمِ جلوئه بگیرَن که اوشونه به قربونی نکونَن. 19ولی اَنطاكیه و قونیه جی یهودی أنی بومَئن و مردومِ خوشؤنِ أمره متحدَ گودَن، پولُسِ سنگسار بودن و به ایی خیال که بمورده، اونه شهرای بیرون هکشِئن. 20اما وختی شاگردؤن پولسُ دور جومَه بؤئن، او ویریسَه و وگرسه شهر. فردأیی، پولسُ بَرنابا، دِرِبه شهر سو بوشوئن.
21بازین اوشؤن او شهر میئنم خوروم خبر اعلوم بودَن و خیلی‌أنِ عیسی شاگردؤن چأگودَن. بازین لِستْره و قونیه و اَنطاكیه وگَرسَن. 22او شهرؤنِ دیرون شاگردؤنِ جؤنِ قوت دَئن، اوشونه تشویق گودن که خوشونِ ایمؤن دیرون بَیسَن و نصیحت بودن که: «خدا پادشاهیِ دیرون شوئنِ به بأء خیلی سختی‌أنِ تحمل بکونیم.» 23اوشون هرته از كلیساأن ایماندارؤنِ سرِ جؤر شیخؤنی بنئن و اوشونه دعا و روزه أمره او خداوندیِ که اونه ایمؤن بارده بوئن، بسپوردَن.
24بازین پیسیدیه ولایت جی بوگذشتن و پامفیلیه ولایت بوشوئن، 25بعد اونکه اوشون پِرجه شهر میئن خدا كلام موعظه بودن، اوراجی بندرِ آتّالیه سو بومَئن.
26آتّالیه جی كشتی أمره، اَنطاكیه شهرِ وگرسن، هوجایی که ایماندارون، پولس و برنابا خدا فیضِ بسپورده بوئن تا او كاریِ بکونن که الون اونه انجوم بده بوئن. 27وختی پولس و برنابا اورَه برسئن، كلیسا آدمؤنِ جومَه گودَن، تعریف بودَن که خدا بواسطه اوشؤن چی کارؤنی بودِه و چوطو ایمؤنِ دَرِ غیریهودی أنِ بِه بازَ گوده. 28اوشؤن خیلی زمت، شاگردؤنِ أمره اوره بیسَئن.
ទើបបានជ្រើសរើសហើយ៖
رسولؤن اعمال 14: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
