Rutë ‑Pɔɔkʋa 'mlɩa wii
‑Pɔɔkʋa 'mlɩa wii
‑Gböö 'döö bä kä Israɛɛlëa bätä 'äa 'mlɩa nyüü 'a bɩabɩakʋ bɩa; 'a ‑gböölä 'ää 'paatä ä ‑goglolɩ. 'A 'äa ‑gä Rutëa ‑pɔɔkʋ 'paa. 'Taɩn 'lɩ 'ü ma 'daraa' Israɛɛlëa 'cifu ‑gätʋnyüü nɩ, 'a ‑plɩɩ wiili ‑si kä. Rutë bä Moabëyria, 'ɔɔ 'daa 'ɔ ‑nëmä 'ɔa ŋʋtayio dɛrɩ ‑a sɔ, 'ɔmä 'ɔa ‑glügbö mlɩkäjre. Israɛɛlënyɔɔlɔ fɔ käa' 'ɔ mia' Moabëa 'bre kʋ 'ɔa 'kusroŋlʋʋ 'ɔ bä kä. 'Ɔnya kä 'sɔɔwʋ Boasë, Israɛɛlënyɔɔ ‑moloo. 'A Boasë nyra Rutëa nyɩbɛjʋ ‑gu 'Kɩɩ Daviidëa tʋa tʋ. Rutë nya bä Israɛɛlëa 'ŋlëgë kpaküa ‑tɔrʋpɩɔa 'ŋlʋʋ kpakö.
Moabënyüü nyra Israɛɛlënyüü 'nyɩ 'nönrö 'saa 'wli ‑a. Nyɔtugbanyüü 'üma bä; 'ü ma 'nyɩ 'nyiere 'üün 'üa Nyɔsʋaanyüüa ‑jria 'lɩ ‑a (Deteronɔɔmë 23.4-5). Wiili kä ‑gʋ Rutëa ‑pɔɔkʋlʋ kʋa' ‑pɩ ‑jɩjraa' nɩ, 'iibä 'plä 'mä 'iin 'jä 'sɩrɩ nyɔtugbayria 'jʋ bäa Nyɔsʋaa ‑glügbö 'klɩa nyɔɔ kpakö.
‑Pɔɔkʋlʋ kʋa' ‑pɩ ‑jɩjra 'mʋfasa. 'Ua 'mlɩ bä nyüüa 'nyrɩ ‑bɛ 'ia ‑gbaa: Elimelɛɛkë ('Na Nyɔsʋa bä 'kɩɩ), Naomii ('Na ‑jɔrʋ). ‑Mölööa 'nyrɩ 'saarɩ jäjälä jöa' 'leee: Makëlɔɔn ('Wuwukʋ) nyra Kiliɔɔn ('Fʋmakʋ). Ɔrëpaa ‑gbaa bä (‑Plɩɩ) 'sɩrɩ nyɔɔ ‑kanyɩ toroa' dɛɛ plɛ ‑bɛ 'ɔ ‑gbataa' 'wli ‑bɛ 'ɔ 'paaa' wii; ‑maa Rutëa ‑gbaa ‑beere (‑Bei) 'iɛ ('Jraraklü) dɛrɩ bäbäkʋ bä 'klülɩpapakʋ. Boasëa ‑gbaa bä ('klükäkäkʋ) 'ii ja plɛ ‑gälɩa 'piepiekʋ. Maraa ‑gbaa bä (Plɛfie) 'ii bä kpɔkpɔɔkʋ. Obɛɛdëa ‑gbaa bä ('Jrʋpafɛnyɔɔ). 'Ii bä bɩa ('Wʋsinyɔɔa 'jrʋpafɛnyɔɔ). Naomiia 'nyrɩlɩ 'cicria' Mara 'lɩ 1.20 nɩ, 'iibä nyɔɔlɔ ‑jɩjraa' ‑taa ‑pɔɔkʋlʋ nɩ, 'ɔ ‑träärälɩ ‑gböösa nyüüa nyrɩ nyra 'ia ‑gbaa.
‑Jäsɩ ‑pɔɔkʋlʋ 'totroa' 'klɩ:
‑Sʋɛlɛ jräa' Naomii ‑gälɩ 1.1-5
Naomii nyra Rutë 'blööa' Bɛtëlɛɛmë dɛrɩ 1.6-22
Rutë mia' Boasëa ‑putu 'lɩ ‑gbaalakalɩ 2.1-23
Boasë bä käkänyɔɔ 3.1-18
Boasë käa' Rutë 4.1-12
Rutë nyra Boasë ‑gua' nyɩbɛjʋ: Naomiia 'kläa 'mlɩ 'sia 'sɔɔwʋ dɔrʋ 'klɩ 4.13-17
'Wʋwʋkʋa ‑tɔɔɔ 4.18-22
ទើបបានជ្រើសរើសហើយ៖
Rutë ‑Pɔɔkʋa 'mlɩa wii: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.