Rutë 1
1
Elimelɛɛkëa ‑gbööö 'jäa' ‑sʋɩ
1‑Gätʋnyüüa#1.1 ‑Gätʋnyüü: 'Abɩa nyüülü ‑tʋʋäa' ‑gä. 'A 'üü 'kama Israɛɛlëa 'bre. Ebrööwiili 'ü nö 'wʋsɔɔrɔnyüü, 'wliklɩa nyüü, tafunyüü. Sɔ ‑Gätʋnyüüa ‑pɔɔkʋ 1.1 ‑gälɩ ‑a ‑tɔɔ 1 Samiɛɛlë 10 ‑gälɩ; 'ia 'taɩn 'lɩ 'kɩɩ ma 'nyɩ kä Israɛɛlë ‑a bä. 'I ‑si ‑sɩa ‑glʋɩpʋ ‑glʋɩgböö (300) 'fɩɔwʋ Israɛɛlë nya 'mä 'üa 'klɩsa 'kɩɩ Saulë 'jä. 'taɩn 'lɩ nɩ, ‑gbëkananie pa kä Israɛɛlëa 'blɩ ‑gälɩ. Judaa ‑tʋtʋ ‑gälɩa bätälä 'ü 'daraa' Bɛtëlɛɛmëa#1.1 Bɛtëlɛɛmë: Ebrööa wii 'lɩ 'ia ‑gbaa bä: «Nyukulu kä ‑wälɩ 'ü ‑tʋʋäa' 'flɔɔ» 'iɛ «Jijria nyuku». nyɔɔ 'doo nya dɔrɔ kä 'ɔa 'ŋlʋʋ nyra 'ɔa nyɩbɛjü 'sɔɔ 'wʋ, 'ünya mi nyɔtugbabre kʋ, Moabënyüüa 'blɩ ‑gälɩ. 2Nyɔɔlɔ 'ü 'dara kä Elimelɛɛkë, 'ɔa 'ŋlʋʋa 'nyrɩ bä kä Naomii. 'Ɔa nyɩbɛjü 'sɔɔ 'ü 'dara kä Makëlɔɔn nyra Kiliɔɔn#1.2 Elimelɛɛkëa ‑gbaa bä: «Nyɔsʋa bä 'na 'kɩɩ.» Noamiia ‑gbaa bä: «'Na dɔrʋ» 'iɛ «'Na ‑jɔrʋ». Tɛ bɩa 1.20. Makëlɔɔn a ‑gbaa bä: «'Fʋma» 'aiɛ «‑Wusu.» Kiliɔɔn a ‑gbaa bä: «'Fʋma». Judaa Bɛtëlɛɛmë, 'äa 'mlɩa Efrataa ‑glügböa nyüü 'ü bä. 'Ü 'tɔa' Moabëa 'blɩ ‑gälɩ nɩ, 'a ‑nyɛɛ 'ü nrörö 'üa kʋfa 'lɩ. 3Naomiia dʋɔ Elimelɛɛkë nya jä, 'ɔɔ ‑bɛ 'ɔa nyɩbɛjü 'sɔɔ nya tɩɔ 'lɩ. 4'Jülü nya kä Moabëyörü; 'dooa 'nyrɩ bä kä Ɔrëpaa, ‑molooa 'nyrɩ nya bä Rutë. 'Ü kʋ 'lɩ ‑sɩ ‑pʋa 'samaadɛɛ. 5Makëlɔɔn nyra Kiliɔɔn nya jä bɩa, Naomiia 'doo nya tɩɔ 'lɩ. 'Ɔa nyɩbɛjü 'sɔɔ nyra 'ɔa dʋɔ järä 'ɔɔn kälɩ.
'Sɩrɩ Rutëa plɛ 'kplaa' 'ɔa ŋʋtayio Naomii
6'Ɔ 'nua' ‑maa Yawe#1.6 Yawe: Ebrööwi 'lɩ 'ü nö YHWH. YHWH bä Nyɔsʋaa 'cɩca 'nyrɩ. Moisë ‑kätɩ 'ɔ srara 'imɩ (Ɛgësɔɔdë 3.14). 'a 'ɔa ‑glügbö ‑bëkalɩ 'ba nɩ, 'ɔnya dɔrɔ 'ɔa 'jüüa 'ŋlëgë 'sɔɔ 'wʋ 'ümä Moabëa 'bre 'cie. 7'Ɔɔ ‑bɛ 'ɔa 'jüa 'ŋlëgë nya sɔ ‑tɛlɩ 'ü ma kʋa', 'ünya dɔrɔ 'nyʋfɔ 'wʋ 'ümä Judaa 'blɩ ‑gälɩ dɛrɩblöö.
8Naomii nya ‑gbala 'ɔa 'jüa 'ŋlëgë 'sɔɔlü ‑maa: «'Ba mi, ‑moloo ma bälɩ ɔ 'blöö 'ɔa 'yioa ‑nyɛɛ dɛrɩ! Abɩa Yawea ‑gbinanakʋ bä 'amɩ ‑gälɩ, 'sɩrɩ 'a srara 'mɩ 'ana ‑gbinanakʋ, 'mɔɔ ‑bɛ 'na 'jü kɔsɔ. 9Abɩa Yawe ‑nyɩ 'amɩ ‑jɔrʋ, ɔ ‑nyɩ ‑moloo 'ɔa dʋɔ!» 'Ɔnya ‑gbere 'üün, ‑bɛ 'ü 'wuö ‑gböösa. 10'Ü ‑nëma: «‑Mää 'sɩ 'i ‑nëmä bä, a nyra ‑mɔ kɔsɔ nya ‑na ‑glügböa ‑nyɛɛ mia!» 11‑Maa Naomii ‑nëma: «'Ba 'blöö, 'na 'ŋlëkayerü 'amɩ! Dɛplɛɛ kä ‑gʋ 'nyraa 'amɔ 'mä 'mi le? 'Na 'mlɩ ‑ka bä nyɩbɛjü 'mä 'üün ‑gu 'ümä 'amɩ kä? 12'Ba 'blöö 'na 'ŋlëkayörü 'amɩ. 'Nyaa 'klɩbɩa 'mä dʋɔ kä. ‑Bakää 'nyɩ 'daa 'nɩmɩ: ‹‑Yɛɛ, 'n 'mrɛɛ ‑a ‑gu 'sɔɔwʋ ‑taa ‑gbiaralä 'nyaa dʋɔ 'jäa, 'kä 'nyaa nyɛbɛjü ‑gu› nɩ, 13'üü 'a nëmä ‑glaaa' 'ümä 'bʋa, 'ia ‑gʋ 'kä 'anya 'daa 'a ‑nëmä 'ti ‑a 'ti? 'Woo 'la! 'Na 'ŋlëkayörü 'amɩ! 'Na plɛ fie ‑gböösa 'ɛnya ‑si 'ana nɛ 'wʋ, 'be 'mɔɔ Yawe kö plɛ 'lɩ.» 14'Ünya 'patä 'ünya 'wu. Ɔrëpaa nya ‑gbere 'ɔa ŋʋtayio 'ɔnya mi, ‑maa Rutë blara 'ɔmä 'ɔɔn ‑gbasɔ.
15Naomii nya ‑gbala Rutë: «‑Jää ‑na dʋɔa ‑wlajʋa 'ŋlʋʋ, 'ɔ 'a 'ɔa ‑glügbö nyra 'ɔa nyɔsʋaɩɩa ‑nyɛɛ dɛrɩblöö. ‑Na 'mʋgbɛ nʋ 'ɔa 'saa.»
16‑Maa Rutë ‑nëma:
«‑Nyɩ 'soso 'mɩ 'wʋ ‑na ‑gbasɔsɔkʋa ‑gʋ;
‑nyɩ 'soso 'mɩ 'wʋ ‑na 'lɩdɛrɩtʋŋlɔkʋa ‑gʋ!
‑Plɩɩlɩ ‑nëmäa' mi, 'ii 'n mö.
‑Plɩɩlɩ ‑nëmäa' 'prere, 'ii 'nëmä 'prere.
‑Na ‑glügbö nya 'na ‑glügbö bäa.
‑Na Nyɔsʋa nya 'na Nyɔsʋa bäa.
17‑Plɩɩlɩ ‑nëmäa' järä, 'ii 'nëmä järä,
'ii 'ü nëmä 'mɩ ‑träärä.
Jäjäa 'doo 'ää 'mrɛɛ ä 'ba 'mɩ ‑mɩ ‑gba;
ima 'nyɩ 'ää ‑a bä nɩ,
abɩa Yawe nʋ 'ɔa 'klüa 'fɩɔ ɔ 'pɔnɩ 'mɩ!»
18Naomii jrea' 'saa Rutë fioro 'üa 'wʋnyɛrɛkʋ 'lɩ nɩ, 'ɔnya 'ba 'ɔɔn 'mä dɛrɩ.
19'Ünya mlörölɩ 'ünya 'tɔ Bɛtëlɛɛmë. 'Ü paa' Bɛtëlɛɛmë nɩ, 'i kala bätäa nyüüa 'fɩɔ plɛklɩ, ‑bɛ 'ŋlëgë nö: «Naomii kʋ ‑pɩ?» 20'Ɔnya ‑gbala 'üün ‑maa:
«'Anyɩ were 'mɩ Naomii#1.20 Naomii: 'Ia ‑gbaa bä «‑jɔrʋ» Ebrööwii 'lɩ.,
'ba 'dara 'mɩ Maraa#1.20 Maraa: 'Ia ‑gbaa bä «plɛfie» Ebrööwii 'lɩ.;
'be 'Nɩmrɛɛ Nyɔsʋa#1.20 'Nɩmrɛɛ Nyɔsʋa: Ebrööwii 'lɩ 'ii bä «Ɛlë Sadai»; «Sadaia» ‑gbaalä 'nyɩ 'bla 'saa plɛ ‑a. 'I 'mrɛɛ i bä «'Wlijränyɔɔ» 'aiɛ «'Wʋsinyɔɔ», 'aiɛ «'Wʋsi Nyɔsʋa». kätɛ 'ɔnya fiere 'na plɛ.
21'N mö käa' 'n jrä kä 'wli.
Yawe nya 'blöö 'na fʋfʋ dɛrɩ.
Yawe nyaa' ‑plɩɩ 'mɩ dɛrɩ sɔ;
'Nɩmrɛɛ Nyɔsʋa nyaa' ‑plɩɩ 'mɩ ‑pajɛ ‑fɔ nɩ,
dɛplɛɛ kä ‑gʋ 'a ‑ka 'mä 'mɩ Naomii were le?»
22'Asɩ Naomii nyra 'ɔa 'jʋa 'ŋlʋʋ Moabëyria Rutë nʋ 'ünya sɔ Moabëa 'bre. 'I bä kä ɔlëgëa#1.22 ɔlëgë: 'I ‑beere ‑bleee. 'böbötaɩn a cɛtɛ jrüü 'ünya 'tɔ kä Bɛtëlɛɛmë.
ទើបបានជ្រើសរើសហើយ៖
Rutë 1: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.