Akëtë 23
23
1'Pɔɔlë nya tɛ juifëa tropina 'lɩa nyüü 'klɩ 'ɔ ‑nëma: «'Na ‑wlajü 'amɩ, Nyɔsʋaa 'nyrɩklɩa ‑gʋ 'nyɩ 'na ‑susu ‑fre ‑a pla ‑a ji 'saarɩ ‑gälɩ; 'na plɛ 'nyɩ ‑taaralɩ ‑a 'ia ‑gʋ.» 2‑Gbɔsapɛrɩnyɔɔ kpakölɔ 'ü 'daraa' Ananiasë nya ‑gbala nyüülü bäa' 'Pɔɔlëa ‑gba ü 'pa 'ɔa 'mäklɩ 'kpa. 3'Iibäa' 'Pɔɔlë nɩ: «‑Mɔ Nyɔsʋa nëmä bɔtɔ, 'pɔlɔ ‑gälɩbla nyuku#23.3 'Ia 'taɩn 'lɩ nɩ, Israɛɛlëa bätäa nyëkalë kä ‑gälɩ bʋblɔa' nɩ, 'pɔlɔ dii 'ü nö 'kä 'ü 'blaa ‑plɩɩlɩ ‑gälɩ. 'Papla Matiö 23.27-28 'klɩ.! ‑Mɔlɔ nɩ, ‑Dɔa 'nyrɩa ‑gʋ kʋ ‑pɩ ‑mä 'na ‑gä ‑tʋ, ‑bɛ ‑nyɩ ‑träärälɩ 'umɩ ‑a, 'kä ‑gbala nyüü ü bɔtɔ 'mɩ!» 4'Iibäa' nyüülü bä ɩa' 'Pɔɔlëa ‑gba nɩ: «Nyɔsʋaa ‑gbɔsapɛrɩnyɔɔ kpakö ‑nö 'saa ‑jree!» 5'Pɔɔlë ‑nëma nɩ: «'Na ‑wlajü 'amɩ, 'nyɩ ɩ 'iin ‑a jre 'sɩrɩ 'ɔɔ bäa' ‑gbɔsapɛrɩnyɔɔ kpakö, 'be nyɔsʋapɔɔkʋ nɩnɩa: Nyɔɔ 'nyɩ kä ‑a kä 'ɔmä 'ɔa ‑glügböa 'cifia ‑gʋ bʋbɔwii 'pa#23.5 Ɛgësɔɔdë 22.27..»
6'Pɔɔlë jrea' 'saa juifëa tropina 'lɩ bä bɩa Sadusinyüü nyra Farisinyüü nɩ, 'ia ‑gʋ 'ɔnya ‑gbolomlɩ 'ɔ ‑nëma: «'Na ‑wlajü 'amɩ, Farisinyɔɔ 'n bä, Farisinyɔɔ ‑gu 'mɩ#23.6 Akëtë 26.5; Filipënyüü 3.5.. Dɛɛlɛ kä ‑gʋ 'n jrea' 'saa jäjänyüü nya ‑srɩɩ 'kuaabre sɔa nɩ, 'ia ‑gʋ 'ü ‑träärä 'mɩ ‑gä ‑gälɩ!» 7'Ɔ ‑gbaa' 'saa nɩ, ‑yrɛ kpaki nya blö Sadusinyüü nyra Farisinyüüa ‑tɔrʋpɩɔ, ‑jria nya 'bölötɩa. 8Sadusinyüü nɩnɩa jäjänyüü 'nyɩ sɔ 'kuaabre ‑a, ‑bɛ 'aanjë nyra ‑susu 'nyɩ 'plä 'wʋ ‑a bä. ‑Maa ‑mää 'sɩ 'inyɩ bä Farisinyüüa ‑nyɛɛ#23.8 Matiö 22.23; Marëkë 12.18; Lukë 20.27.. 9Nyüü nya 'kpölɩkä ‑gböösa. ‑Dɔkpɩanyüü 'doorodoolü bä ɩa' Farisinyüüa ‑tɔrʋpɩɔ nya sɔwʋ 'ü ‑nëma: «Wiili nyɔɔlɔ nʋa' i bʋbɔa' anyɩ 'jä 'imɩ 'wʋ ‑a; ‑bɛ ima bä ‑susu 'aiɛ 'aanjë ma 'pala 'ɔɔn wii ‑gba nɩ, a nyra Nyɔsʋa 'nyɩ totrowli 'plɔʋ#23.9 a nyra Nyɔsʋa 'nyɩ totrowli 'plɔʋ: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: «‑bɛ ima bä ‑susu 'aiɛ 'aanjë ma 'pala 'ɔɔn wii ‑gba le?».» 10‑Bɛ 'blarʋ fumöa' nɩ, ŋalɛ nya 'bla 'sʋgɩaa 'kamanyɔɔlɔ 'ü ‑pɩ 'Pɔɔlë 'lɩkʋɛɛ 'kʋɛɛrɛ 'ɔ ‑pɩ jä. 'Ɔnya ‑gbala 'ɔa 'sʋgɩanyüü ü mi ü 'ba 'Pɔɔlë ‑jria ‑tɔrʋpɩɔ 'kä 'ü fa 'ɔɔn 'sʋgɩaa nyuku kpaku ‑wälɩ. 11'Ia ‑gbiara nɩ, 'Pläkänyɔɔ nya ji 'Pɔɔlëa ‑gba, 'ɔnya ‑gbala 'ɔɔn: «'Pɔɔlë, 'palɩklü ‑o; 'sɩrɩ ‑paaa' 'na ‑gä Jerusalɛɛmë, 'asɩ ‑mä bɩa 'na ‑gä 'pa Rɔmë.»
Juifënyüü toa' 'Pɔɔlë ‑gbasi
12‑Srɩ paa' nɩ, juifënyüü 'doorodoo nya 'nönröwli. 'Ünya 'sɔrɩ ‑maa ü ma ‑kaaŋlʋ 'Pɔɔlë 'bla 'ü ‑nëmä dɛɛ ‑a ji, 'ü ‑nëmä bɩa 'nɩ ‑a 'mlaa. 13Nyüülü nʋa' 'ia ni wiili nɩ, 'ü ‑si nyüüa ‑glʋɩsɔɔ ‑gba. 14'Ünya mi ‑gbɔsapɛrɩnyüü kpakü nyra tagbüa ‑nyɛɛ, 'ünya ‑gbala 'üün ‑maa: «A 'sɔrɩ, ama ‑kaaŋlʋ 'Pɔɔlë 'bla, a ‑nëmä dɛɛ 'mlɩ ‑a 'pa. 15'Ia ‑gʋ, 'ba 'nönröwli 'amɔ ‑bɛ tropinanyüü 'sɔɔ, 'kä 'a ‑gbala 'sʋgɩaa 'kamanyɔɔ, ɔ ja 'amɩ 'ɔɔn ‑jria 'lɩ ‑sraakäpɩ#23.15 ‑sraakäpɩ: ‑Taa ‑waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.; 'ba nʋ 'sɩrɩ 'a 'bataa' 'amäa' 'ɔa wiili dɛtɛ 'mʋfasa. Amɔlɔ nɩ, anya 'ɔɔn 'blaa 'fɩɔwʋ 'kä 'ɔnya 'tɔ.»
16'Pɔɔlëa ‑wladiaa 'jʋ 'nua' wiili 'ü 'pala 'üa 'kpɛɛlɩ 'wli nɩ, 'ɔnya mi 'sʋgɩaa nyuku kpaku ‑wälɩ, 'ɔnya ‑gbala 'iin 'Pɔɔlë. 17'Pɔɔlë nya we 'sʋgɩanyüüa 'cifi 'doo, 'ɔnya ‑gbala 'ɔɔn: «Fala 'jʋlɔ kʋa' ‑pɩ 'kamanyɔɔa ‑nyɛɛ, bälɩ 'ɔmä 'ɔɔn ‑gbala.» 18'Ɔnya fala 'ɔɔn 'ɔa 'kamanyɔɔlɔa ‑nyɛɛ, 'ɔ ‑nëma: «‑Jienyɔɔ 'Pɔɔlë we 'mɩ, 'ɔ ‑nëma ‑a jara 'jʋlɔ kʋa' ‑pɩ ‑na ‑nyɛɛ, wii bälɩ 'ɔmä ‑mɩ 'iin ‑gbala.» 19'Kamanyɔɔ nya 'kpla 'jʋlɔa 'darʋ 'ɔ nyra 'ɔɔn nya bereklɩ 'ɔnya 'bete 'ɔmɩ: «Wii 'plɛɛ bälɩ le?» 20'Iibä: «Juifë 'nönröwli 'ümä ‑mɩ ‑gbala ‑mä ‑pɩ 'üün 'Pɔɔlë ja tropina 'lɩ ‑beere 'sɩrɩ 'ümäa' 'ɔa ‑gbaa ‑gä 'lɩgbasa 'ümäa' 'ään dɛtɛ 'mʋfasa. 21‑Maa ‑nyɩ 'dara 'iin wii! Nyüüa ‑glʋɩsɔɔ bä 'üa ‑tɔrʋpɩɔ, 'ɔɔ 'ü ‑glaaa'. 'Ü 'sɔrɩ, ü ‑nëmä dɛɛ ‑a ji, 'ü ‑nëmä 'nɩ ‑a 'mla üma 'nyɩ 'ɔɔn 'bla ‑a 'bla. ‑Glaaa 'ü ‑glaaa, ‑mä 'nyie 'ia 'doo tɩɔ 'lɩ.» 22'Kamanyɔɔlɔ nya ‑gbala 'jʋlɔ ‑maa: «‑Nyɩ ‑gbala nyɔɔ 'sɩrɩ ‑gbaalaa' 'mɩ 'samaa wii ‑o!» 'Ɔnya 'cɛrɛ 'ɔɔn ‑wälɩ 'ɔnya mi.
23'Kamanyɔɔ nya we 'ɔa 'sʋgɩaa 'kamanyüüa ‑tɔrʋpɩɔa 'cifu 'sɔɔ, 'ɔ ‑nëma: «'Ba 'papla 'sʋgɩaa ‑glʋɩpʋ (200) ‑gba nyra 'sʋgɩalë kʋäa' ‑sɩ ‑gälɩ, 'üa ‑glʋɩtää ‑bɛ ‑pʋ, nyra ‑mülü 'paaa' 'die, 'üa ‑glʋɩpʋ, 'ümä Sesareebätä mi ‑gbiaraa ‑gliiibei ‑uumlɔɔ 'lɩ#23.23 ‑gbiaraa ‑gliiibei ‑uumlɔɔ 'lɩ: Grɛɛkëwii nö: «‑gbiaraa ‑gliiibei tää 'lɩ.». 24'Ba ‑nyɩgla bɩa 'Pɔɔlëa ni ‑sɩ kä 'imä 'ɔɔn ‑gbötö 'sɩrɩ dɛɛ ‑pɩa' 'ɔɔn nʋ, 'amä 'ɔɔn ‑gʋmla Feliisëa ‑nyɛɛ fa.»
'Pɔɔlë 'tɔa' ‑gʋmla Feliisëa ‑nyɛɛ
25‑Jää wiili 'kamanyɔɔlɔ ‑jɩjraa' ‑pɔɔkʋlʋa 'mlɩ:
26'Mɔɔ Kloodë Lisasë 'mɔɔ ‑jɩjra ‑gʋmla kpakö Feliisë 'wʋ. 'N 'trɛɛ ‑mɩ! 27Nyɔɔlɔ kʋa' ‑pɩ nɩ, juifënyüü 'kpla 'ɔɔn 'ümä ɩ 'ɔɔn 'bla. 'N 'nua' 'sɩrɩ 'ɔ bäa' Rɔmënyɔɔ nɩ, 'nyaa fa 'sʋgɩa, 'nya 'balɩ 'ɔɔn mlɩ. 28Wiili ‑tɛɛ 'ü 'daaa' 'ɔ nʋa', 'ii 'n 'bata ɩ 'mä jre, 'nyaa fa 'ɔɔn juifëa tropinanyüü 'lɩ. 29'Nyaa jresaa 'üa ‑dɔa wii 'ü 'ma 'ɔɔn ‑gälɩ 'kä. ‑Maa ‑pasawii 'nyɩ 'lɩ ‑a bä i kä ‑gʋ 'ümäa' 'ɔɔn 'bla, 'aiɛ 'ümäa' 'ɔɔn ‑jie 'lɩ 'pa. 30'N 'nua' 'sɩrɩ juifë toa' ‑gbasi nɩ, 'a ‑plɩɩ 'n kʋ 'nyaa ja 'ɔɔn ‑na ‑nyɛɛ. 'N ‑gbala nyüülü 'nyɩ 'nyiea' 'ɔa ‑gʋ, 'ü ji ‑na ‑nyɛɛ 'ümä ‑gälɩ 'sasra. 'A 'na ‑jraarafa#23.30 'A 'na ‑jraarafa: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..
31'Sʋgɩa nya nʋ wiili 'ɔ 'daaa'. 'Ünya dɔrɔ 'Pɔɔlë 'wʋ, 'ünya fa 'ɔɔn Antipatrisëbätä ‑gbiara. 32'Ia ‑srɩ paa' nɩ, ‑mülü 'nyɛrɛa' bei nya 'blöö 'sʋgɩanyuku kpaku ‑wälɩ dɛrɩ, 'ünya 'cɛrɛ ‑mülü bäa' ‑sɩ ‑gälɩ ‑wälɩ, 'ü nyra 'Pɔɔlë nya mi. 33'Sʋgɩa ‑mülü bäa' ‑sɩ ‑gälɩ 'tɔa' Sesareebätä nɩ, 'ünya ‑nyɩ ‑pɔɔkʋlʋ ‑gʋmla kpakölɔ, 'ünya srara 'ɔɔn 'Pɔɔlë bɩa. 34‑Gʋmla nya ‑täsä ‑pɔɔkʋlʋ, 'ɔnya 'bete 'Pɔɔlë ‑tʋtʋ 'pɛlɛ kä ‑gälɩa nyɔɔ 'ɔ bäa'. 'Ɔ 'nua' ‑maa Silisiia 'pɛ ‑gälɩ nɩ, 35'ɔ ‑nëmä: «Nyüülü 'nyɩ 'nyiea' ‑mɩ ma ji nɩ, 'nyaa ‑mɩ 'betea ‑mä 'lɩsa.» 'Ɔnya ‑gbala 'sʋgɩa ü ‑gäälä 'ɔɔn 'nyiöli Erɔɔdëa ‑gbööli#23.35 Erɔɔdëa ‑gbööli: Grɛɛkëwii nö: «Erɔɔdëa prɛtɔarë». ‑Gʋmlagbö bäsaa. Erɔɔdë Kpakö, 'ɔɔ 'pa 'ään..
ទើបបានជ្រើសរើសហើយ៖
Akëtë 23: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
