Akëtë 24
24
‑Gälä ‑trääräa' Feliisëa 'klʋɩ
1Jrüü ‑gböö ‑sia' nɩ, ‑gbɔsapɛrɩnyɔɔ kpakö Ananiasë nya ji, 'ɔɔ ‑bɛ tagbü nyra ‑gbigbanyɔɔlɔ 'ü 'daraa' Tɛrëtulë. 'Ü ji 'Pɔɔlëa nʋnʋgbi Feliisë 'klɩsrara. 2'Ünya we 'Pɔɔlë, Tɛrëtulë nya 'bösrö 'ɔɔn ‑bɛ 'ɔ 'saalɩ ɔ: «'Na nyɔɔ kpakö, ‑na 'nyrɩklɩa ‑gʋ nyra wiili ‑ciicia' ana 'plälä kʋa' ‑pɩa 'mlɩ nɩ, 'ia ‑gʋ ana 'plä bä 'wʋ ‑pio. 3Nyɔɔ kpakö Feliisë, ‑pɩɔ o ‑pɩɔ, 'taɩn a 'fɩɔ 'lɩ, a jre ‑na 'mʋfagbi, 'ii känyrɩ a 'trɛɛ ‑mɩ. 4‑Maa a ‑pɩa' ‑mɩ 'taɩn ‑gbasie 'sɔɔwʋ nɩ, ‑na ‑gbinanakʋa ‑gʋ nɩ, wiili a nëmäa' klüü 'sɔɔ klüü tää 'klɩba amäa' ‑mɩ ‑gbala nɩ, po 'iin 'nyakli 'cɩcasa. 5‑Taa nyɔɔlɔ kʋa' ‑pɩ nɩ, 'ɔa plɛ 'kpörö. 'Ɔ ja juifënyüüa 'fɩɔa ‑tɔrʋpɩɔ nyra 'pläa 'mli ‑yrɛ kpaki; 'ɔnya bä Nasarɛɛtënyüüa 'cɛcɩa 'wliklɩa nyɔɔ. 6'Ɔ 'bata 'ɔmä 'nɩmɩ 'lɩ Nyɔsʋaanyuku kpaku 'sa, anya 'kpla 'ɔɔn. Amä ɩ ana ‑dɔa 'sa 'ɔa ‑gä tʋ#24.6 Amä ɩ ana ‑dɔa 'sa 'ɔa ‑gä tʋ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 7‑Maa 'kamanyɔɔlɔ 'ü 'daraa' Lisiasë ji 'ɔnya 'ba amɩ 'ɔɔn kälɩ 'klüsa#24.7 ‑Taa 'pɛlɛ (7) 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 8'Ɔnya 'daa 'Pɔɔlëa wii ma bä ‑molooa plɛklɩ nɩ, ɔ ji ‑tɛ ‑na ‑nyɛɛ#24.8 'Ɔnya 'daa 'Pɔɔlëa wii ma bä ‑molooa plɛklɩ nɩ, ɔ ji ‑tɛ ‑na ‑nyɛɛ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. ‑Na 'mʋgbɛ ‑ama 'bete 'ɔɔn nɩ, ‑nya 'saa jrea 'sɩrɩ wiili kä 'fɩɔ a 'saalɩ bäa' 'cɩcasa.»
9Juifënyüü nya 'nyiere 'ɔɔn ‑gälɩ; 'ü ‑nëma: «'Asɩ 'i bä.»
'Pɔɔlë 'sasraa' ‑gälɩ
10‑Gʋmla nya ‑nyɩ 'Pɔɔlë wii, 'Pɔɔlë nya dɔrɔ 'darʋ 'wʋ, 'ɔ ‑nëma nɩ: «'N jrea' 'iin 'ia ‑sɩ kä, 'sɩrɩ ‑mɔ ‑tʋʋäa' 'plälä kʋa' ‑pɩ ‑gä; 'ii ‑nyɩ 'mɩ 'klü 'mä 'na nɛ 'pɛ ‑gälɩ 'sasra. 11‑Mrɛɛ ‑a ‑baata 'ia 'cɩcasa ‑bɛ ‑mä 'iin 'jä. 'I ‑kaaŋlʋ jrüü ‑pʋ jrüü 'sɔɔ ‑gbasi, 'nyaa mi Jerusalɛɛmë Nyɔsʋa bibrie. 12Nyɔɔ 'nyɩ 'mɩ 'blarʋ mlɩ ‑a jrä Nyɔsʋaanyuku kpaku ‑wälɩ. Nyɔɔ 'nyɩ 'mɩ 'klɩkakladɛtʋ mlɩ ‑a jrä. Nyɔsʋaanyuku kpaku ‑wälɩ o, 'sraaplanyëka o, bätäa 'mlɩ o, 'mä käa' ‑pɩ ji 'n ‑kaapɩɔ 'samaa wii nʋ. 13'Ünyɩ 'lɩ ‑a bɩa ü srara ‑mɩ ‑plɩɩ wiili ü ‑tʋa' ‑plɩɩ 'mɩ ‑gälɩ 'ia 'cɩcasa. 14'Cɩcasa 'n ‑gbala ‑mɩ, nyüülü 'ü werea' 'Pläkänyɔɔa 'Nyʋfɔ, ü 'ü 'daraa' nyüügbë nɩ, 'a 'ii 'n bibrie 'na tʋɩɩa Nyɔsʋa. Diili kä 'fɩɔ ‑jɩjraa' ‑Dɔa 'mlɩ nyra i nyɔsʋaamlɩpalanyüü ‑jɩjraa' nɩ, 'n toro 'iin plɛ. 15Nyɔsʋalɔ 'ü bibiea' nɩ, 'ɔɔ 'na 'mʋgbɛ toroplɛ 'sɩrɩ jäjänyüü 'mäa' 'kuaabre sɔ: 'palɩ 'klɩgänyüü nyra ‑balʋnyüü. 16'A 'ia ‑gʋ 'n 'paalɩklü ‑srɩ o ‑srɩ, 'na plɛ ‑pɩ 'mɩ 'daa Nyɔsʋa nyra nyüüa 'klʋɩ.
17«'I ‑sia' ‑sɩ 'kɔkɔmlɛ ‑bɛ 'n ‑kaaŋlʋa' ‑tɛ ji nɩ, 'nëmäa' ji 'n ja dii 'mä 'na 'brea 'pʋablanyüü ‑nyɩ ‑bɛ 'mä ‑gbɔsa. 18'A 'i 'n nö ɩ ‑bɛ juifëlü bäa' Asii ji 'ünya jrä 'mɩ Nyɔsʋaanyuku kpaku ‑wälɩ; 'nyaa ɩ ‑gbafuto. ‑Mää nyüü 'kɔkɔmlɛ 'nyɩ 'mɩ fala, ‑yrɛ 'nyɩ ɩ 'lɩ ‑a bä. 19'Na wii ma bä ɩ juifënyüülü bäa' Asiia 'mlɩ nɩ, 'üü nëmä 'mɩ 'kpla 'ümä ɩ 'mɩ ‑mɩ ja. 20'Iɛ, nyüülü kʋa' ‑pɩ ü ‑gbala 'mɩ bʋbɔgbili 'n nʋa' 'taɩn 'lɩ 'n mia' juifëa tropina 'lɩ. 21‑Pasawii 'nyɩ 'lɩ ‑a bä, 'ima 'nyɩ ‑taa waklöölä kʋa' ‑pɩ, ä 'n ‑gboloa' mlɩ 'n 'palaa' 'üa 'klʋɩ ‑a bä: ‹Jäjänyüü nya 'kuaabre sɔa.› 'A wiili kä ‑gʋ 'ü jaa' 'saarɩ 'mɩ ‑jria 'lɩ#24.21 Akëtë 23.6.!»
22Feliisë jre 'mʋfasa nyüülü 'ü 'daraa' 'Pläkänyɔɔa 'Nyʋfɔ#24.22 'Nyʋfɔ: Tɛ wiili ‑jɩjraa' Akëtë 9.2 ‑wälɩ.. 'Ɔ 'nua' 'iin 'wli nɩ, 'ɔnya blö dɛtʋlʋ kälɩ, 'ɔ ‑nëma: «'Taɩn 'lɩ 'sʋgɩaa 'kamanyɔɔlɔ 'ü 'daraa' Lisasë 'mäa' ji nɩ, 'nyaa 'ana wii dɛtɛa.» 23'Ɔnya ‑gbala 'sʋgɩanyɔɔ 'doo ɔ ‑gäälä 'Pɔɔlë 'nyiöli ‑jie 'lɩ, ‑maa ɔ ‑nyɩ bɩa 'ɔɔn 'taɩn 'ɔmä 'känyɛnyɛ 'kä 'ɔ 'cɛrɛ 'ɔa nyüü ‑wälɩ 'ümä 'ɔa ‑gä pakalɩ ji.
'Pɔɔlë ‑gbalaa' Feliisë nyra 'ɔa 'ŋlʋʋ Nyɔsʋaa 'Mʋfagogo
24Jrüü jie ‑sia' nɩ, Feliisë nyra 'ɔa 'ŋlʋʋ Drusiilë nya ji; 'ɔɔ bä juifëyria. 'Ɔnya blɔ nyɔɔ ɔ we 'Pɔɔlë, 'Pɔɔlë 'mä 'ɔɔn 'Kriisëa#24.24 'Kriisëa plɛtorokʋ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «Jesu 'Kriisëa plɛtorokʋ». plɛtorokʋa wii ‑gbala. 25‑Maa 'ɔ ‑ka 'paa ɩ 'klɩgägäkʋa ‑gä, 'sɩrɩ nyɔɔ käa' 'ɔmäa' plɛböblökʋ kä, ‑bɛ 'sɩrɩ ‑gätʋtaɩn jöa' nɩ, 'inya kä Feliisë ŋalɛ 'wʋ, 'ɔ ‑nëma: «Mi ‑kätɩ, ama kä 'taɩn nɩ, 'nyaa ‑mɩ wea.» 26'Ɔa plɛ boboa' nɩ, 'Pɔɔlë nya 'ɔɔn mölii ‑nyɩa ‑bɛ 'ɔmä 'ɔɔn ‑wälɩ 'cɛrɛ. 'A 'ia ‑gʋ 'ɔ we 'ɔɔn a 'doo 'ümä ‑wlɛ.
27'Imä ‑sɩ 'sɔɔ käkalɩ mi nɩ, Pɔɔsë Fesëtusë nya 'prɛrɛ Feliisëa ‑pi 'lɩ. ‑Bɛ Feliisë 'bataa' juifë 'mä 'ɔɔn ‑wa nɩ, 'ɔnya tɩ 'Pɔɔlë ‑jie 'lɩ.
ទើបបានជ្រើសរើសហើយ៖
Akëtë 24: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
