Baefeso 1
1
Paulo álamusa ebemeresi
1Nyono Paulo, nyìri ndumwa* ya Yesu Kirisito kwa kuhonda kwa Ongo. Nábǎnjikira mu bandu ba Ongo bo'mwa musi we'Efeso.#1:1 Bitabo biuma bye'Chikiriki byo'kwa mira bìtatusa echinwa cha chìtechire mbu: «bo'mwa musi we'Efeso.» Mùli bandu babuya-buya mwa buuma bwenyu na Yesu Kirisito. 2Ongo Tata na Enawetu Yesu Kirisito, béndaa bábaahanyira na kuberesa ebôlo!
Engahanyi sa twénde twábona kurengera Kirisito
3Túndaa twátonga Ongo, Eshe wa Enawetu Yesu Kirisito! Bushi iwátweresise engahanyi soshi se'muchima kutenga kwa nguba kurengera ebuuma bwetu na Kirisito*. 4Era muhondo se'kubumbwa kwe'butala, Ongo ábaa átulondwere mira, túbe bandu bai kurengera ebuuma bwetu na Kirisito*. Áiraa bacha, chasiya túbe bandu babuya-buya kanji ba batéte chibi chisibya era muhondo sai. Rero bushi Ongo atúla àtusimire, 5átulondolaa kutengera mira túbe bana bai kurengera emulimo wa Yesu Kirisito. Ásimaa kuira bacha mwa bubuya bwai. 6Bushi no'ku, túndaa twátonga Ongo kwa bonjo bwai bunene bwa átufiraa kurengera eMwana wai musiirwa. 7Bushi Kirisito* átufiraa, twánunulibwe na kubabalirwa emabi metu. Aola, Ongo álosise ebwingi bwe'bonjo bwai, 8mwa kutweresa ebuashi bwe'kumenyerera emyasi, ánatweresa na bwenge bwa bùlumirire. 9Ongo átulosise emyasi yai era yábaa ìbishirwe ye'kuhonda kwai, era ábaa áhonda kuira kutenga mira kurengera Kirisito*. 10Ábaa áhonda kuira ei myasi kwa bihangi bya ábaa álondwere, kukuteta mbu byoshi bya bitúla kwa nguba no'muno butala angábika'bi mwa mino sa Kirisito*, émangire'bi.
11Ongo énde áira chira kandu kukulikana ne'kuhonda kwai. Átulondolaa kutengera mira túbe bandu bai kurengera ebuuma bwetu na Kirisito*. 12Rero tu twábaa babere-bere kuchinyiira Kirisito*, túndaa twátonga Ongo bushi ne'ngulu yai!
13Nenyu, mango mómvaa emwasi we'kanangana, kukuteta mbu eMwasi Mubuya-buya ola wábareteraa ebununusi, mwera kwêmerera Kirisito*. Chasinda, Ongo era kubabika kwe'kalorero kai ka kálosa kwa munáli bandu bai. Na'ku kalorero, àli eMuchima Mubuya-buya ola álaanyaa. 14Oyu Muchima Mubuya-buya, àli chikinja che'bindu bya tukábona era mwa Ongo. Echera chálosa kanangana kwa tukábona'bi mango Ongo akánunula ebandu bai loshi. Bushi no'ku, túndaa twámutonga bushi ne'ngulu yai!
Paulo émera ebemeresi
15Rero, kutengera mango nomváa emwasi kwa mwemérere Enawetu Yesu, no'kwa musimire ebandu ba Ongo boshi, 16echera chi chénjire chátuma nátonga Ongo bushi nenyu busira kutama. Nénjire nábakengera mwa memo manyi. 17Nénjire néma Ongo wa Enawetu Yesu Kirisito, Tata we'bulangare, àbêrese emuchima we'kumenyerera emyasi, na kunde áchilosa era mùli chasiya mùmumenye kanangana. 18Kanji nénjire námwěma àbalomekere mwa michima yenyu, múnde mwálola kwa bulangare bwai. Mwa bacha, mungámenyerera emunyiiro ola áberesaa mango ábamaalaa. Kanji mungámenyerera engulu ye'buare bwe'mwandu bwa ábikirire ebandu bai. 19Kanji mungámenyerera kwa emisi ye'buashi bwai itúla inene ku tubano tu tùmwêmerere. Ei misi ye'buashi bwai inei 20i'Ongo ákoresaa mango ômwolaa Kirisito* ne'kumwěkasa kwa lunda lwai lwe'malyo kwa nguba. 21Mwa bacha, Kirisito* i'ùli era luulu se'bakulu-kulu boshi, ba bète buashi boshi, na ba bète misi, ne'bami boshi, ne'ra luulu sa chira esina mwo'buno butala bwa lwarero no'mwa butala bwa bukábaha. 22Ongo ábikire ebindu byoshi kuba chisimachiro cha Kirisito*. Kanji ámubikire era luulu sa byoshi na kumuira etwe lye'bemeresi. 23Abu bemeresi i'mubiri wa Kirisito*. Kirisito* atúla mwa ndanda sabo, na iwénde wálumisa'bo tenene, kanji iwénde wálumisa chira chindu.
ទើបបានជ្រើសរើសហើយ៖
Baefeso 1: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.