Baefeso NDANGIRISO
NDANGIRISO
Paulo, ndumwa ya Yesu Kirisito iwáanjikaa mano maruba. Áanjikaa'mo mango ábaa àli mwa buroko eRoma. Mwe'si suku mu áanjikiraa ne'Bakolosayi na Filemono. Paulo áanjikiraa eBaefeso, chasiya baménye bàli bande kurengera ebuuma bwabo na Kirisito, baménye ne'buare bwa běte bushi ne'bonjo bwai. Mwa bacha, bangáata mibere era ìsimise Ongo.
Mano maruba maábirwe'mu myasi ebiri inenene. Mwa chimbi chibere-bere kuikira kwa cha kahatu, Paulo álosa kute ebemeresi bánunulibwe kurengera ebonjo bwa Ongo, na kute êresise'bo engahanyi se'kuba mwa buuma kurengera Yesu Kirisito. Mwa chimbi cha kane kuikira kwa cha ndatu, Paulo êresa ebemeresi emano mbu béndaa báata mibere era íkulikene ne'si ngahanyi.
Paulo ámalaa suku sinene áhubanganya eMwasi Mubuya-buya mwa musi munene we'Efeso. Ábaa enjire áira bisomerano na kukángirisa ebemeresi (Mikolo ye'ndumwa 19). Ebandu bénde báanyisa mbu abunya mano maruba, Paulo átumiraa'mo bikembe binene bya bemeresi bo'mwa chio che'Efeso, si átatumiraa'mo ebemeresi bo'mwa musi we'Efeso beine. Kanji mano maruba màtahambere era luulu sa chikembe chiuma cha bemeresi oshi ao, si màhambere era luulu se'mibere era Ongo àsimire ebemeresi boshi béndaa báata kuikira lwarero.
ទើបបានជ្រើសរើសហើយ៖
Baefeso NDANGIRISO: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.