2 Bakorindo 7
7
1Banyaketu basiirwa, ebi birane bìri byetu. Bushi no'ku, túndaa twáchikomya kwa myasi yoshi era yénde yátwaka esinga kwa mubiri no'kwa muchima. Kanji túndaa twáchisesa kuba babuya-buya kanangana mwa kunde twátunda Ongo.
Elumoo lwa Paulo
2Mutúbooreraa emichima yenyu! Kutali mundu ola twaíriraa chibi, kutáli no'la twàesaa mwa bwemeresi, kutáli no'la twengéeraa chasiya tumúbone kwe'mutoloke mwa bukalange. 3Ndàtechire bacha kwa kuhonda nyibáchinjibuse. Bushi nabáa nàbabwirire mira kwa mùli kwa michima yetu, ábe mwa kufa nesi mwa kulama. 4Nyitúla nyìchinyiire mwabo busese na kude náchitonga bushi nenyu. Mwa mano malibuko metu moshi, nénjire násesibwa emuchima na kuata lumoo lunene.
5Bushi, anabe mango twaíkaa eMaketoniya, tùtabonaa chiro na chihangi cha kutamuka. Twàrengaa mu malibuko ma chira njira: ebandu babáa bénjire bátubanganya, no'mwa michima yetu, mwabáa mùli buba. 6Si Ongo iwénde wêresa ebandu ba bàfunyikire emichima emisi, atúsesaa emichima kurengera ekuika kwa Tito. 7Atá ekuika kwa Tito kweine ku kwatúsesaa emuchima, si kanji kukulikana no'kwa nenyu mwamúsesaa emuchima. Tito àtubálikisise kwa mwéte mbuha inene ye'kuhuba kunyilola'ko. Kanji atúbalirire no'kwa malira ma mwéte, no'kwa mwénjire mwáchǎna bushi nanyi. Bushi no'ku, nàhubire kumowa busese.
8Rero, akaba emaruba nabátumiraa mabásibusaa, ndáchǎnya ku kandu. Nanáchǎnyaa mango naményereraa kwa amu maruba mabásibusaa chiro àngaba mbu mabásibusaa ku bihangi bieke. 9Rero nyìri mwa lumoo, atá bushi nabásibusaa, si bushi ebusinane bwenyu, bwatúmire mwábindula emichima yenyu. Bushi obu businane, bwabáa bùtenganyire ne'kuhonda kwa Ongo. Aola, kutáli chiro na chibi chisibya cha twabákoreraa. 10Kubinali, ebusinane bwa bùtenganyire ne'kuhonda kwa Ongo, bwénde bwátuma emundu ábindula emuchima wai na kununulibwa, busira kuchǎnya bushi no'bu businane. Si ebusinane bwa bùtengayire ne'myasi ye'butala, bweke bwénde bwáreta elufu! 11Kubinali, obu businane bwenyu bùtenganyire ne'kuhonda kwa Ongo! Rero mulólaa kwa myasi ibuya era bwabáretere: bwatúmire mwáata bushiru bunene, na kunde mwáchitetera, na kunde mwálosa kwa muyóngirwe, na kunde mwôbaa kuira emabi. Kanji bwatúmire mwáata embuha ya kuhuba kunyilola'ko, na kunde mwáchâna bushi nanyi, na kunde mwáhonda kukemera ebandu ba baírire emabi. Ebyera byálosa kwa mwabáa mutéte chiro na chibi chisibya mwe'i myasi.
12Rero ndàbaanjikiraa bushi ne'mundu ola waíraa emabi, nesi bushi no'la baíriraa'mo. Si nabáanjikiraa, chasiya muményerere kubuya-buya era muhondo sa Ongo, ebushiru bwa mùtwěte'ko. 13Echera chi chatúmire twásesibwa emuchima.
Tùtasesibwaa emuchima oshâo, si kanji elumoo lwetu lwàrengeresaa, bushi ne'lumoo lwa Tito abáa éte, kukulikana no'kwa muboshi mwamúbambatasaa emuchima. 14Nàchitongaa hicha era muhondo sai bushi nenyu, mùtanyitaa honyi. Rero, kukulikana no'kwa twabáa twénjire twábabura ekanangana mwa byoshi, kuno'ku ku ekuchitonga kwanyi era muhondo sa Tito bushi nenyu, kwalorekanyire'ko kwa kunali kwa kanangana. 15Enzii era Tito àběte'ko yénjire yáendekera yáluwa, mango ákengera kwa muboshi mwabáa mwénjire mwáira bya abábwirire, no'kwa mwàmuhuukasaa mwa buba no'mwe'tunda linene. 16Nyìmoire busese bushi nyìbalangalire mwa myasi yoshi!
ទើបបានជ្រើសរើសហើយ៖
2 Bakorindo 7: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 7
7
1Banyaketu basiirwa, ebi birane bìri byetu. Bushi no'ku, túndaa twáchikomya kwa myasi yoshi era yénde yátwaka esinga kwa mubiri no'kwa muchima. Kanji túndaa twáchisesa kuba babuya-buya kanangana mwa kunde twátunda Ongo.
Elumoo lwa Paulo
2Mutúbooreraa emichima yenyu! Kutali mundu ola twaíriraa chibi, kutáli no'la twàesaa mwa bwemeresi, kutáli no'la twengéeraa chasiya tumúbone kwe'mutoloke mwa bukalange. 3Ndàtechire bacha kwa kuhonda nyibáchinjibuse. Bushi nabáa nàbabwirire mira kwa mùli kwa michima yetu, ábe mwa kufa nesi mwa kulama. 4Nyitúla nyìchinyiire mwabo busese na kude náchitonga bushi nenyu. Mwa mano malibuko metu moshi, nénjire násesibwa emuchima na kuata lumoo lunene.
5Bushi, anabe mango twaíkaa eMaketoniya, tùtabonaa chiro na chihangi cha kutamuka. Twàrengaa mu malibuko ma chira njira: ebandu babáa bénjire bátubanganya, no'mwa michima yetu, mwabáa mùli buba. 6Si Ongo iwénde wêresa ebandu ba bàfunyikire emichima emisi, atúsesaa emichima kurengera ekuika kwa Tito. 7Atá ekuika kwa Tito kweine ku kwatúsesaa emuchima, si kanji kukulikana no'kwa nenyu mwamúsesaa emuchima. Tito àtubálikisise kwa mwéte mbuha inene ye'kuhuba kunyilola'ko. Kanji atúbalirire no'kwa malira ma mwéte, no'kwa mwénjire mwáchǎna bushi nanyi. Bushi no'ku, nàhubire kumowa busese.
8Rero, akaba emaruba nabátumiraa mabásibusaa, ndáchǎnya ku kandu. Nanáchǎnyaa mango naményereraa kwa amu maruba mabásibusaa chiro àngaba mbu mabásibusaa ku bihangi bieke. 9Rero nyìri mwa lumoo, atá bushi nabásibusaa, si bushi ebusinane bwenyu, bwatúmire mwábindula emichima yenyu. Bushi obu businane, bwabáa bùtenganyire ne'kuhonda kwa Ongo. Aola, kutáli chiro na chibi chisibya cha twabákoreraa. 10Kubinali, ebusinane bwa bùtenganyire ne'kuhonda kwa Ongo, bwénde bwátuma emundu ábindula emuchima wai na kununulibwa, busira kuchǎnya bushi no'bu businane. Si ebusinane bwa bùtengayire ne'myasi ye'butala, bweke bwénde bwáreta elufu! 11Kubinali, obu businane bwenyu bùtenganyire ne'kuhonda kwa Ongo! Rero mulólaa kwa myasi ibuya era bwabáretere: bwatúmire mwáata bushiru bunene, na kunde mwáchitetera, na kunde mwálosa kwa muyóngirwe, na kunde mwôbaa kuira emabi. Kanji bwatúmire mwáata embuha ya kuhuba kunyilola'ko, na kunde mwáchâna bushi nanyi, na kunde mwáhonda kukemera ebandu ba baírire emabi. Ebyera byálosa kwa mwabáa mutéte chiro na chibi chisibya mwe'i myasi.
12Rero ndàbaanjikiraa bushi ne'mundu ola waíraa emabi, nesi bushi no'la baíriraa'mo. Si nabáanjikiraa, chasiya muményerere kubuya-buya era muhondo sa Ongo, ebushiru bwa mùtwěte'ko. 13Echera chi chatúmire twásesibwa emuchima.
Tùtasesibwaa emuchima oshâo, si kanji elumoo lwetu lwàrengeresaa, bushi ne'lumoo lwa Tito abáa éte, kukulikana no'kwa muboshi mwamúbambatasaa emuchima. 14Nàchitongaa hicha era muhondo sai bushi nenyu, mùtanyitaa honyi. Rero, kukulikana no'kwa twabáa twénjire twábabura ekanangana mwa byoshi, kuno'ku ku ekuchitonga kwanyi era muhondo sa Tito bushi nenyu, kwalorekanyire'ko kwa kunali kwa kanangana. 15Enzii era Tito àběte'ko yénjire yáendekera yáluwa, mango ákengera kwa muboshi mwabáa mwénjire mwáira bya abábwirire, no'kwa mwàmuhuukasaa mwa buba no'mwe'tunda linene. 16Nyìmoire busese bushi nyìbalangalire mwa myasi yoshi!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.