2 Bakorindo 6
6
1Rero bushi twákola ala'uma na Ongo, twáběma, mùtaesaa ebonjo bwai buha-buha. 2Bushi Ongo yeine átetaa mwa Maanjiko Mabuya-buya mbu:
«Kwa bihangi bya byábaa bikomire, náakulaa ememo mao,
ne'lusuku lwe'bununusi mango lwáikaa, nera kukutabala.»#6:2 Somaa Isaya 49:8.
Rero, binera bi bihangi bikomire, kanji lu lusuku lwe'bununusi.
Paulo álosa kwa análi mukosi wa Ongo kurengera emalibuko
3Tubano, tutáhonda kusibusa chiro na mundu asibya, ebandu bangesha kunde bákena emulimo wetu. 4Si mwa byoshi, twénjire twálosa ebandu kwa tùli bakosi ba Ongo mwa kuata bushibirisi bunene, kurengera ebuanya, ne'malibuko, ne'kunde twôbairisibwa, 5ne'kunde twápundwa, ne'kunde bátuuma mwa buroko, ne'kunde twátabalirwa, ne'bitamo-tamo, ne'kutasibya lukowe, ne'kunde twáchiima ebiryo. 6Twénjire twálosa kwa tùli bakosi ba Ongo kurengera ekukomya emichima yetu, na kurengera ebwenge bwetu, ne'kusesa emuchima, no'mwa kuira emabuya, na kurengera eMuchima Mubuya-buya, na kurengera enzii yetu ye'kanangana, 7na kurengera ekukangirisa emwasi we'kanangana, na kurengera ebuashi bwa Ongo. Twénjire twákoresa ekutunganana era muhondo sa Ongo nga chindu cha kulwisanya nachi kanji cha kuchilanga nachi. 8Twénjire twálosa kwa tùli bakosi ba Ongo mango twêresibwa etunda na mango twákenyibwa, mango bátwamaana kubuya na mango bátwamaana bulio, mango bátutola nga bafusi ba bisha chiro angaba mbu twénjire twáteta ekanangana. 9Bénjire bátutola nga bandu ba bàteshibwe, no'ku twishíbwe kubuya-buya. Bénjire bátutola nga ba báhonda kufa, no'ku tuchíri bauma-uma. Bénjire bátupunda busese, si batátwita. 10Bénjire bátusibusa, si tunáli mwa lumoo esuku soshi. Twénjire twálorekana'ko nga bakene, si twénjire twátuma bandu banene bába baare. Twénjire twálorekana'ko nga tutéte kandu, no'ku twéte byoshi.
11Rero mu besha Korindo, twàhambere nenyu busira kubabisha kandu, kanji emuchima wetu anáchiri àbookere busese era muhondo senyu. 12Tubano, tubéte ku chámba chinene, si echi chámba, mwanányire'chi mwa michima yenyu. 13Náhambala nenyu nga bana banyi: nenyu mutúbooreraa emichima yenyu busese.
Tubano tùli Luhu lwa Ongo
14Muténdaa mwába mwa buuma ne'bandu ba batá bemeresi. Bushi buuma buchiye bwa bùngaba ala kachi-kachi ke'myasi era ìtungenene ne'myasi ibi? Kanji buuma buchiye bwa bùngaba ala kachi-kachi ke'bulangare ne'musimya? 15Bûmvikane buchiye bwa bùngaba ala kachi-kachi ka Kirisito* na Beriali?#6:15 Beriali: Oyu Beriali lìri liuma mwa masina ma Wamusimu. Nesi buuma buchiye bwa bùngaba ala kachi-kachi ke'mwemeresi no'la utá mwemeresi? 16Buuma buchiye bwa bùli ala kachi-kachi ke'Luhu lwa Ongo* ne'bihuhanyi? Bushi tubano tùli Luhu lwa Ongo* ola ulí muuma-uma, ngo'kwa átetaa mbu:
«Nyingába mwa kachi-kachi kabo,
na kunde nátamba ala'uma nabo.
Nyingába Ongo wabo,
nabo bánaba lubaa lwanyi.»#6:16 Somaa Balawi 26:12.
17Bushi no'ku, Enawetu àtechire mbu:
«Muténgaa mwa kachi-kachi kabo, murékanaa nabo.
Muténdaa mwáuma ku kandu ka kàseneke'ko nga kàtakomisibwe*,
nanyi nyingábahuukasa.»#6:17 Somaa Isaya 52:11.
18Enawetu we'buashi boshi àtechire kanji mbu: «Nyingába eho wenyu,
nenyu mwánaba baala banyi na bali banyi.»#6:18 Somaa 2 Samweri 7:14.
ទើបបានជ្រើសរើសហើយ៖
2 Bakorindo 6: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 6
6
1Rero bushi twákola ala'uma na Ongo, twáběma, mùtaesaa ebonjo bwai buha-buha. 2Bushi Ongo yeine átetaa mwa Maanjiko Mabuya-buya mbu:
«Kwa bihangi bya byábaa bikomire, náakulaa ememo mao,
ne'lusuku lwe'bununusi mango lwáikaa, nera kukutabala.»#6:2 Somaa Isaya 49:8.
Rero, binera bi bihangi bikomire, kanji lu lusuku lwe'bununusi.
Paulo álosa kwa análi mukosi wa Ongo kurengera emalibuko
3Tubano, tutáhonda kusibusa chiro na mundu asibya, ebandu bangesha kunde bákena emulimo wetu. 4Si mwa byoshi, twénjire twálosa ebandu kwa tùli bakosi ba Ongo mwa kuata bushibirisi bunene, kurengera ebuanya, ne'malibuko, ne'kunde twôbairisibwa, 5ne'kunde twápundwa, ne'kunde bátuuma mwa buroko, ne'kunde twátabalirwa, ne'bitamo-tamo, ne'kutasibya lukowe, ne'kunde twáchiima ebiryo. 6Twénjire twálosa kwa tùli bakosi ba Ongo kurengera ekukomya emichima yetu, na kurengera ebwenge bwetu, ne'kusesa emuchima, no'mwa kuira emabuya, na kurengera eMuchima Mubuya-buya, na kurengera enzii yetu ye'kanangana, 7na kurengera ekukangirisa emwasi we'kanangana, na kurengera ebuashi bwa Ongo. Twénjire twákoresa ekutunganana era muhondo sa Ongo nga chindu cha kulwisanya nachi kanji cha kuchilanga nachi. 8Twénjire twálosa kwa tùli bakosi ba Ongo mango twêresibwa etunda na mango twákenyibwa, mango bátwamaana kubuya na mango bátwamaana bulio, mango bátutola nga bafusi ba bisha chiro angaba mbu twénjire twáteta ekanangana. 9Bénjire bátutola nga bandu ba bàteshibwe, no'ku twishíbwe kubuya-buya. Bénjire bátutola nga ba báhonda kufa, no'ku tuchíri bauma-uma. Bénjire bátupunda busese, si batátwita. 10Bénjire bátusibusa, si tunáli mwa lumoo esuku soshi. Twénjire twálorekana'ko nga bakene, si twénjire twátuma bandu banene bába baare. Twénjire twálorekana'ko nga tutéte kandu, no'ku twéte byoshi.
11Rero mu besha Korindo, twàhambere nenyu busira kubabisha kandu, kanji emuchima wetu anáchiri àbookere busese era muhondo senyu. 12Tubano, tubéte ku chámba chinene, si echi chámba, mwanányire'chi mwa michima yenyu. 13Náhambala nenyu nga bana banyi: nenyu mutúbooreraa emichima yenyu busese.
Tubano tùli Luhu lwa Ongo
14Muténdaa mwába mwa buuma ne'bandu ba batá bemeresi. Bushi buuma buchiye bwa bùngaba ala kachi-kachi ke'myasi era ìtungenene ne'myasi ibi? Kanji buuma buchiye bwa bùngaba ala kachi-kachi ke'bulangare ne'musimya? 15Bûmvikane buchiye bwa bùngaba ala kachi-kachi ka Kirisito* na Beriali?#6:15 Beriali: Oyu Beriali lìri liuma mwa masina ma Wamusimu. Nesi buuma buchiye bwa bùngaba ala kachi-kachi ke'mwemeresi no'la utá mwemeresi? 16Buuma buchiye bwa bùli ala kachi-kachi ke'Luhu lwa Ongo* ne'bihuhanyi? Bushi tubano tùli Luhu lwa Ongo* ola ulí muuma-uma, ngo'kwa átetaa mbu:
«Nyingába mwa kachi-kachi kabo,
na kunde nátamba ala'uma nabo.
Nyingába Ongo wabo,
nabo bánaba lubaa lwanyi.»#6:16 Somaa Balawi 26:12.
17Bushi no'ku, Enawetu àtechire mbu:
«Muténgaa mwa kachi-kachi kabo, murékanaa nabo.
Muténdaa mwáuma ku kandu ka kàseneke'ko nga kàtakomisibwe*,
nanyi nyingábahuukasa.»#6:17 Somaa Isaya 52:11.
18Enawetu we'buashi boshi àtechire kanji mbu: «Nyingába eho wenyu,
nenyu mwánaba baala banyi na bali banyi.»#6:18 Somaa 2 Samweri 7:14.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.