2 Bakorindo 5
5
1Bushi line hema tùli'mo muno butala, kukuteta mbu emubiri wetu, likáhandulibwa lusuku luuma. Si twìshi kubuya-buya kwa Ongo àtubikirire nyumba kwa nguba, era itáimbwaa na bandu. Na mwe'i nyumba, mu tukékala esuku ne'mango. 2Rero mango tuchíri mwe'line hema, twápuka bushi tùsimire busese twěmbale ei nyumba yetu yo'kwa nguba. 3Bushi mango tungémbala'i, tutáchilorekane'ko kwa tùli butambara. 4Kubinali, mango tuchíri mwe'line hema, twápuka nga bandu ba bèsibwe musio. Kuta kuteta mbu twáhonda tùkulibwe mwa mubiri we'butala. Si twáhonda twěmbale emubiri wo'kwa nguba, chasiya ekalamo ke'suku ne'mango kamíre emubiri we'kufa. 5Ongo iwátukunganyaa kwa'ku kalamo. Átweresise eMuchima Mubuya-buya, ábe chikinja che'bindu bya àtubikirire.
6Bushi no'ku, chira lusuku twénjire twáata ebushiru. Twìshi kwa mango tuchíri mwo'no mubiri, tùperekirwe bure na Enawetu. 7Bushi twáendekera kuya era muhondo kurengera ebwemeresi, si atá kurengera bya tusène'ko. 8Kubinali, twète ebushiru busese, kanji tùngasimire tuténge mwo'no mubiri, túye kuchiikalira ala'uma na Enawetu. 9Bushi no'ku, twáhonda túnde twásimisa Enawetu, ábe mango tuchíri mwo'no mubiri, nesi mango twàtengire muo. 10Bushi tuboshi twěmire kutongana era muhondo se'tiribinali ya Kirisito*. Mwa'mu mango, mu chira mundu akábona elwêmbo lwai kukulikana ne'mabuya, nesi emabi ma áiraa mango ábaa achíri mwa mubiri.
Ekuhuba kuba mwa buuma na Ongo kurengera Kirisito
11Rero, bushi twìshi kwa byěmire túnde twátunda Enawetu, echera chi chénjire chátuma twáhonda kwômvisa ebandu. Ongo atwîshi kubuya-buya, nanyi nyilángalire kwa nenyu munyîshi kanangana mwa michima yenyu. 12Tubano tùtahonda kuchikangana era mùli, si twáhonda tùbêrese enjira era ìngatuma múnde mwáchitonga bushi netu. Mwa bacha, mungábona emyasi era mungénde mwâkula ba bénjire báchitongera kwa baséne'ko mwa meho, si bàtachitongera emyasi era iri mwa michima yabo. 13Akaba twénjire twálorekana'ko nga basire, twálorekana'ko bacha bushi na Ongo. Na akaba tùli bandu ba balóngomanyire, tulóngomanyire kwa mufa wenyu. 14Bushi enzii ya Kirisito* yénde yátukoresa tu tutúla twèmerere kwa mundu muuma oshâo iwáfiraa ebandu boshi. Kukuteta mbu ebandu boshi bénde báhangira kwa lufu lwai. 15Kirisito* áfiraa ebandu boshi chasiya ba bàli bauma-uma, bàtabaa bauma-uma kwa mufa wabo beine. Si babáa bauma-uma, bushi no'yu wáfaa na kwômoka kwa mufa wabo.
16Bushi no'ku, kutengera lwarero, tùtachianja mundu asibya kukulikana ne'myanya ye'mundu. Chiro àngaba mbu twabáa twénjire twáanja Kirisito* kukulikana ne'myanya ye'mundu, si rero tùtachimuanja bacha. 17Rero, akaba mundu àli mwa buuma na Kirisito*, énde ába mundu muyayaya. Emyasi yo'kwa mira yánaba yàrengire, emyasi iyayaya yánaba yaíkire! 18Ei myasi yoshi, yénde yátenga era mwa Ongo, iwáhubire kutubika mwa buuma nai kurengera Kirisito*. Kanji Ongo iwátweresise emulimo we'kuhuba kubika ebanji bandu mwa buuma nai. 19Kubinali! Ongo yeine iwáhubaa kubika ebandu boshi mwa buuma nai kurengera Yesu Kirisito, busira kuanja emabi mabo. Rero, átweresise emulimo we'kunde twáhubanganya emwasi we'kuhuba kubika ebandu mwa buuma nai. 20Rero tubano twénjire twáteta mwe'sina lya Kirisito*. Ongo yeine iwábamaalaa kuturengera'ko. Bushi no'ku, twáběma kwe'sina lya Kirisito*: mwěmereraa kunde mwáhuba kuba mwa buuma na Ongo. 21Kirisito* atáiraa chiro na chibi chisibya, si Ongo ámwesaa emusio we'bibi byetu, chasiya mwa kumurengera'ko túbe bandu ba bàtungenene era muhondo sa Ongo.
ទើបបានជ្រើសរើសហើយ៖
2 Bakorindo 5: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 5
5
1Bushi line hema tùli'mo muno butala, kukuteta mbu emubiri wetu, likáhandulibwa lusuku luuma. Si twìshi kubuya-buya kwa Ongo àtubikirire nyumba kwa nguba, era itáimbwaa na bandu. Na mwe'i nyumba, mu tukékala esuku ne'mango. 2Rero mango tuchíri mwe'line hema, twápuka bushi tùsimire busese twěmbale ei nyumba yetu yo'kwa nguba. 3Bushi mango tungémbala'i, tutáchilorekane'ko kwa tùli butambara. 4Kubinali, mango tuchíri mwe'line hema, twápuka nga bandu ba bèsibwe musio. Kuta kuteta mbu twáhonda tùkulibwe mwa mubiri we'butala. Si twáhonda twěmbale emubiri wo'kwa nguba, chasiya ekalamo ke'suku ne'mango kamíre emubiri we'kufa. 5Ongo iwátukunganyaa kwa'ku kalamo. Átweresise eMuchima Mubuya-buya, ábe chikinja che'bindu bya àtubikirire.
6Bushi no'ku, chira lusuku twénjire twáata ebushiru. Twìshi kwa mango tuchíri mwo'no mubiri, tùperekirwe bure na Enawetu. 7Bushi twáendekera kuya era muhondo kurengera ebwemeresi, si atá kurengera bya tusène'ko. 8Kubinali, twète ebushiru busese, kanji tùngasimire tuténge mwo'no mubiri, túye kuchiikalira ala'uma na Enawetu. 9Bushi no'ku, twáhonda túnde twásimisa Enawetu, ábe mango tuchíri mwo'no mubiri, nesi mango twàtengire muo. 10Bushi tuboshi twěmire kutongana era muhondo se'tiribinali ya Kirisito*. Mwa'mu mango, mu chira mundu akábona elwêmbo lwai kukulikana ne'mabuya, nesi emabi ma áiraa mango ábaa achíri mwa mubiri.
Ekuhuba kuba mwa buuma na Ongo kurengera Kirisito
11Rero, bushi twìshi kwa byěmire túnde twátunda Enawetu, echera chi chénjire chátuma twáhonda kwômvisa ebandu. Ongo atwîshi kubuya-buya, nanyi nyilángalire kwa nenyu munyîshi kanangana mwa michima yenyu. 12Tubano tùtahonda kuchikangana era mùli, si twáhonda tùbêrese enjira era ìngatuma múnde mwáchitonga bushi netu. Mwa bacha, mungábona emyasi era mungénde mwâkula ba bénjire báchitongera kwa baséne'ko mwa meho, si bàtachitongera emyasi era iri mwa michima yabo. 13Akaba twénjire twálorekana'ko nga basire, twálorekana'ko bacha bushi na Ongo. Na akaba tùli bandu ba balóngomanyire, tulóngomanyire kwa mufa wenyu. 14Bushi enzii ya Kirisito* yénde yátukoresa tu tutúla twèmerere kwa mundu muuma oshâo iwáfiraa ebandu boshi. Kukuteta mbu ebandu boshi bénde báhangira kwa lufu lwai. 15Kirisito* áfiraa ebandu boshi chasiya ba bàli bauma-uma, bàtabaa bauma-uma kwa mufa wabo beine. Si babáa bauma-uma, bushi no'yu wáfaa na kwômoka kwa mufa wabo.
16Bushi no'ku, kutengera lwarero, tùtachianja mundu asibya kukulikana ne'myanya ye'mundu. Chiro àngaba mbu twabáa twénjire twáanja Kirisito* kukulikana ne'myanya ye'mundu, si rero tùtachimuanja bacha. 17Rero, akaba mundu àli mwa buuma na Kirisito*, énde ába mundu muyayaya. Emyasi yo'kwa mira yánaba yàrengire, emyasi iyayaya yánaba yaíkire! 18Ei myasi yoshi, yénde yátenga era mwa Ongo, iwáhubire kutubika mwa buuma nai kurengera Kirisito*. Kanji Ongo iwátweresise emulimo we'kuhuba kubika ebanji bandu mwa buuma nai. 19Kubinali! Ongo yeine iwáhubaa kubika ebandu boshi mwa buuma nai kurengera Yesu Kirisito, busira kuanja emabi mabo. Rero, átweresise emulimo we'kunde twáhubanganya emwasi we'kuhuba kubika ebandu mwa buuma nai. 20Rero tubano twénjire twáteta mwe'sina lya Kirisito*. Ongo yeine iwábamaalaa kuturengera'ko. Bushi no'ku, twáběma kwe'sina lya Kirisito*: mwěmereraa kunde mwáhuba kuba mwa buuma na Ongo. 21Kirisito* atáiraa chiro na chibi chisibya, si Ongo ámwesaa emusio we'bibi byetu, chasiya mwa kumurengera'ko túbe bandu ba bàtungenene era muhondo sa Ongo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.