2 Bakorindo 4
4
Ekulibuka bushi na Yesu
1Ongo átweresise ono mulimo mwa bubuya bwai. Bushi no'ku, tùtangafunyika emuchima. 2Twánanyire kunde twáira myasi ya bubisho-bisho, kanji era ìngeta honyi. Tùtaira myasi ya butebanyi, kanji tùtabindula ne'chinwa cha Ongo ngo'kwa chìtatechire. Si twénjire twákangirisa ebandu kubuya-buya ekanangana, chasiya chira mundu aményerere mwa muchima wai era muhondo sa Ongo, kwa tunáli bandu bakúchinyiirwa. 3Rero akaba eMwasi Mubuya-buya ola twénjire twákangirisa àbishirwe, àbishirwe kwa bandu ba bàli mwa njira ye'muero. 4Abu bandu, batéte bwemeresi bushi Wamusimu, i'ongo wo'buno butala, áhukire ebwenge bwabo. Ende ábangika bangesha kulola kwa chilungere che'Mwasi Mubuya-buya we'bulangare bwa Kirisito*. No'yu Kirisito* i'utúsa ehuhi lya Ongo.
5Kubiri bacha, tuténjire twákangirisa myasi yetu tubeine. Si twénjire twákangirisa kwa Yesu Kirisito i'Enawetu, netu tunáli baanda benyu bushi nai. 6Ongo átetaa mbu: «Ebulangare bùlomekaa mwa musimya.» Ongo i'no'yu iwálomekaa mwa michima yetu na kutweresa ebuashi bwe'kumenyerera ebulangare bwai bwa bwénde bwálangala kwa buso bwa Kirisito*.
7Si tubano tu twète obu buare bwe'muchima mwa ndanda setu, tubwéte nga buare bwa bùli mwa bindu bya bìkunganyisibwe mwe'bumba. Bìri bacha, chasiya ebandu baménye kubuya-buya kwa obu buashi bwa bùtangalingamasibwa, bwátenga era mwa Ongo, si bùtatenganyire netu. 8Ebandu bénjire bátutabalira mu njira sinene, si chiro bacha, tuténjire twáimwa. Kanji bénjire bátulibusa busese, si chiro bacha tuténjire twáesa emunyiiro. 9Bénjire bátulibusa, si Ongo aténjire áturekerera. Bénjire bátuhuta emiúku, si chiro bacha, baténjire bátwita. 10Chira lusuku twénjire twêka emalibuko me'lufu lwa Yesu mwa mibiri yetu mu chira chisiki, chasiya ekalamo kai nako kénde kálorekana'ko mwa mibiri yetu. 11Bushi, chiro angaba mbu tùli bauma-uma, si chira lusuku twénjire twálola kwa lufu era muhondo setu bushi na Yesu. Byénjire byába bacha, chasiya ekalamo kai nako kalórekane'ko mwa mubiri wetu we'kufa. 12Mwa bacha, elufu lutúli era muongo, na bushi no'ku, mwabo mwénjire mwábona ekalamo. 13eMaanjiko Mabuya-buya matúla màtechire mbu: «Nèmerere, no'ku kwêmerera, ku kwátuma náteta.»#4:13 Somaa Saburi 116:10. Rero netu bushi twéte obu bwemeresi, ku kwénjire kwátuma twáteta. 14Twìshi kwa Ongo iwômwolaa Enawetu Yesu, netu akánatomwola ala'uma na Yesu. Kanji tubano nenyu, akátubika era muhondo sa Yesu.
15Ebi byoshi byénjire byátuikira bushi nenyu, chasiya ebubuya bwa Ongo buéndekere kuluwa ku bandu banene esuku soshi. Mwa bacha, bandu banene bánende báteta mbu akoko era mwa Ongo kwa kulosa ebulangare bwai.
Ekuendekera kuya era muhondo kurengera ebwemeresi
16Bushi no'ku tuténjire twáfunyika emuchima. Chiro angaba mbu emibiri yetu yáenda yákunguwa, si emichima yetu yénjire yáiribwa kuba iyayaya chira lusuku. 17Emalibuko ma twárenga'mo lwarero, mǎnguire mwa kumalingamanya ne'busito bwa bùtangalingamanyisibwa bwe'bulangare bwe'suku ne'mango, bwa mátukunganyisa.
18Tubano tùtabika emianyisa yetu kwa bindu byábiseneke'ko, si kwa bindu bya bìtaseneke'ko. Bushi ebindu bya bìseneke'ko, binátula bya bihangi bieke. Si ebindu bya bìtaseneke'ko byeke, bitúla bye'suku ne'mango.
ទើបបានជ្រើសរើសហើយ៖
2 Bakorindo 4: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 4
4
Ekulibuka bushi na Yesu
1Ongo átweresise ono mulimo mwa bubuya bwai. Bushi no'ku, tùtangafunyika emuchima. 2Twánanyire kunde twáira myasi ya bubisho-bisho, kanji era ìngeta honyi. Tùtaira myasi ya butebanyi, kanji tùtabindula ne'chinwa cha Ongo ngo'kwa chìtatechire. Si twénjire twákangirisa ebandu kubuya-buya ekanangana, chasiya chira mundu aményerere mwa muchima wai era muhondo sa Ongo, kwa tunáli bandu bakúchinyiirwa. 3Rero akaba eMwasi Mubuya-buya ola twénjire twákangirisa àbishirwe, àbishirwe kwa bandu ba bàli mwa njira ye'muero. 4Abu bandu, batéte bwemeresi bushi Wamusimu, i'ongo wo'buno butala, áhukire ebwenge bwabo. Ende ábangika bangesha kulola kwa chilungere che'Mwasi Mubuya-buya we'bulangare bwa Kirisito*. No'yu Kirisito* i'utúsa ehuhi lya Ongo.
5Kubiri bacha, tuténjire twákangirisa myasi yetu tubeine. Si twénjire twákangirisa kwa Yesu Kirisito i'Enawetu, netu tunáli baanda benyu bushi nai. 6Ongo átetaa mbu: «Ebulangare bùlomekaa mwa musimya.» Ongo i'no'yu iwálomekaa mwa michima yetu na kutweresa ebuashi bwe'kumenyerera ebulangare bwai bwa bwénde bwálangala kwa buso bwa Kirisito*.
7Si tubano tu twète obu buare bwe'muchima mwa ndanda setu, tubwéte nga buare bwa bùli mwa bindu bya bìkunganyisibwe mwe'bumba. Bìri bacha, chasiya ebandu baménye kubuya-buya kwa obu buashi bwa bùtangalingamasibwa, bwátenga era mwa Ongo, si bùtatenganyire netu. 8Ebandu bénjire bátutabalira mu njira sinene, si chiro bacha, tuténjire twáimwa. Kanji bénjire bátulibusa busese, si chiro bacha tuténjire twáesa emunyiiro. 9Bénjire bátulibusa, si Ongo aténjire áturekerera. Bénjire bátuhuta emiúku, si chiro bacha, baténjire bátwita. 10Chira lusuku twénjire twêka emalibuko me'lufu lwa Yesu mwa mibiri yetu mu chira chisiki, chasiya ekalamo kai nako kénde kálorekana'ko mwa mibiri yetu. 11Bushi, chiro angaba mbu tùli bauma-uma, si chira lusuku twénjire twálola kwa lufu era muhondo setu bushi na Yesu. Byénjire byába bacha, chasiya ekalamo kai nako kalórekane'ko mwa mubiri wetu we'kufa. 12Mwa bacha, elufu lutúli era muongo, na bushi no'ku, mwabo mwénjire mwábona ekalamo. 13eMaanjiko Mabuya-buya matúla màtechire mbu: «Nèmerere, no'ku kwêmerera, ku kwátuma náteta.»#4:13 Somaa Saburi 116:10. Rero netu bushi twéte obu bwemeresi, ku kwénjire kwátuma twáteta. 14Twìshi kwa Ongo iwômwolaa Enawetu Yesu, netu akánatomwola ala'uma na Yesu. Kanji tubano nenyu, akátubika era muhondo sa Yesu.
15Ebi byoshi byénjire byátuikira bushi nenyu, chasiya ebubuya bwa Ongo buéndekere kuluwa ku bandu banene esuku soshi. Mwa bacha, bandu banene bánende báteta mbu akoko era mwa Ongo kwa kulosa ebulangare bwai.
Ekuendekera kuya era muhondo kurengera ebwemeresi
16Bushi no'ku tuténjire twáfunyika emuchima. Chiro angaba mbu emibiri yetu yáenda yákunguwa, si emichima yetu yénjire yáiribwa kuba iyayaya chira lusuku. 17Emalibuko ma twárenga'mo lwarero, mǎnguire mwa kumalingamanya ne'busito bwa bùtangalingamanyisibwa bwe'bulangare bwe'suku ne'mango, bwa mátukunganyisa.
18Tubano tùtabika emianyisa yetu kwa bindu byábiseneke'ko, si kwa bindu bya bìtaseneke'ko. Bushi ebindu bya bìseneke'ko, binátula bya bihangi bieke. Si ebindu bya bìtaseneke'ko byeke, bitúla bye'suku ne'mango.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.