1 Bakorindo NDANGIRISO
NDANGIRISO
Paulo ndumwa ya Yesu Kirisito iwáanjikiraa ebemeresi bo'mwa musi we'Korindo mano maruba. Áanjikiraa'bo, chasiya àbalose emyasi era ìtakomire era yábaa yèngirire mwa kachi-kachi kabo na kwákula'bo kwa myasi era bábaa bàmubusise. Bushi no'ku, mwa'mano maruba, mùli myasi inene era anabe ne'bemeresi ba lwarero nabo běmire kunde bákulikira. Mwa chimbi chibere-bere kuikira kwa cha ndatu, Paulo àtondosise myasi inene era ìtakomire, nga'kuno era ìtechire era luulu se'kuberekana'mo kwe'bemeresi, ne'ye'lusingi mwa kachi-kachi kabo. Mwa chimbi cha kalinda kuikira kwa che'kumi na ndatu, Paulo ǎkwire ku myasi inene era bábaa bàmubusise era luulu se'mibere ye'mwemeresi. Echimbi che'kumi ne'hatu chìtechire era luulu se'nzii. Ne'chimbi che'kumi ne'tano chìtechire era luulu se'kwômoka kwe'bafu.
Mundu angàsoma Mikolo ye'ndumwa 18:1-17 chasiya alóle kute Paulo áhubanganyaa eMwasi Mubuya-buya mwa musi we'Korindo kwa Bayuta no'kwa ba bàtatula Bayuta. Aola we'chikembe che'beremeresi be'Korindo chátangiriraa. Mango esuku sa Paulo se'kuba mwa musi we'Korindo sáwaa, era kwire áya mwa musi we'Efeso. Mwo'yu musi mu Paulo ábaa àli mango áanjikaa mano maruba. Manola mu maruba makabiri áanjikiraa besha Korindo (1Bakorindo 5:9), si emabere-bere màtachitula.
Emusi we'Korindo ábaa atúsa mufa munene kwa lunda lwe'ra masina se'chio che'Bukiriki. Mwo'yu musi mwábaa mutúla bandu ba bátengeraa mu bio binene kwa kuchimbulira'mo. Emusi we'Korindo ábaa áire ngulu mwa kwêra ebasimu no'mwa lusingi. Mwa'mano maruba, tusene kwa Paulo êresa ebemeresi emano mbu: «Muteshi kwe'mubiri wenyu, lu luhu lwe'Muchima Mubuya-buya, ola utúla mwa ndanda senyu, ola Ongo áberesise? Rero, mundaa mwákoresa emubiri wenyu kwe'tunda lya Ongo.» (1 Bakorindo 6:19-20).
ទើបបានជ្រើសរើសហើយ៖
1 Bakorindo NDANGIRISO: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.