1 Bakorindo 2
2
Emyasi ya Kirisito ola wámanyikibwaa kwa musalaba
1Banyaketu, mango naíkaa eyi mwenyu kwa kubahubanganyisa emyasi ya Ongo era ìbishirwe, ndabáburaa'i mu binwa bya bìtaundukere, nesi mu binwa bya kuchilosa kwa nyéte bwenge bunene. 2Bushi mango nabáa nyìri ala'uma nenyu, ndahóndaa kumenyerera inji myasi, kureka emyasi ya Yesu Kirisito, ola wámanyikibwaa kwa musalaba. 3Bushi no'ku, mango n àikaa eyi mwenyu, nabáa nénjire náchumva nyitámbukere, na kunde nákukumana ne'buba. 4Kanji mango nabáa nénjire nábakangirisa na kubahubanganyisa eChinwa cha Ongo, ndàtetaa myasi ya bukalange nesi ya bwenge bwa bandu. Si ebuashi bwe'Muchima Mubuya-buya bu bwabáa bwénjire bwálosa kwa emyasi era náteta ináli ya kanangana. 5Nabáa nénjire náira bacha, chasiya ebwemeresi bwenyu bùtemangiraa kwa bwenge bwe'bandu, si kwa buashi bwa Ongo.
Ebwenge bwa Ongo
6Si chiro bacha, ebandu ba bera bàkulire mwa bwemeresi, bu twénde twákangirisa emyasi ye'bwenge. Si ei myasi ìtatula ya bwenge bo'muno butala, nesi ya bwenge bwe'bandu ba bèmire'mo, ba bálawaa kuya mwa muero. 7Twénde twákangirisa emyasi ìbishirwe ye'bwenge bwa Ongo, era ábaa àbishire ebandu. Si obu bwenge, Ongo ábaa ákunganyise'bo mira kutengera mango ebutala bwábaa bùtasa kubumbwa, chasiya tubóne etunda. 8Kanji kutáli chiro na muuma mwa bakulu-kulu ba bèmire muno butala, ola wámenyereraa obu bwenge. Bushi akaba bàngamenyerere'bo, bàtangamanyikire Enawetu we'ngulu kwa musalaba. 9Si bìri ngo'kwa bitúla byǎnjikirwe mwa Maanjiko Mabuya-buya mbu:
«Emyasi era bandu bàtafuraa kulola'ko, bàtafuraa na kûmva'ko,
kanji bàtafuraa na kuyǎnyisa'ko,
i'Ongo ákunganyisise ba batúla bàmusimire.»#2:9 Somaa Isaya 64:3.
10Ei myasi, Ongo átulosise'i kurengera eMuchima Mubuya-buya. Bushi eMuchima Mubuya-buya atúla èshi byoshi, anabe ne'bya bìbishirwe bya Ongo áhonda kuira. 11Kutali mundu ola ùngamenyerera emianyisa ye'unji mundu, kureka emuchima wa mundu yeine oshâo. Kanji kutáli ola ùngamenyerera emianyisa ya Ongo, kureka eMuchima wa Ongo yeine oshâo. 12Tubano, tùtabonaa emuchima wo'muno butala, si twàbonaa eMuchima Mubuya-buya ola wátenga era mwa Ongo, chasiya túnde twámenyerera bya Ongo àtwêresise. 13Ne'myasi era twénjire twáteta, tutákangirisibwaa'i na bwenge bwa bandu, si eMuchima wa Ongo iwátukangirisaa'i. Twénde twákangirisa emyasi ye'Muchima wa Ongo kwa bandu ba bákoresibwa no'yu Muchima.
14Si emundu ola wákulikira ebwenge bwai bwe'butala, àtangaala kwêmerera emyasi ye'Muchima wa Ongo, bushi énde átola'i nga ìri myasi ya buuta. Kanji àtangaala kumenyerera'i, bushi yénde yámenyeka kurengera ebuashi bwe'Muchima Mubuya-buya oshâo. 15Emundu ola wákoresibwa ne'Muchima wa Ongo, énde ámenyerera emyasi yoshi, si ebandu bàtangamenyerera bya áira. 16Bushi bitúla byǎnjikirwe mwa Maanjiko Mabuya-buya mbu:
«Nde i'ùngamenya emianyisa ya Enawetu?
Nde i'ùngamwêresa eano?»#2:16 Somaa Isaya 40:13.
Tubano, emianyisa yetu itúla ìtengire era mwa Kirisito*.
ទើបបានជ្រើសរើសហើយ៖
1 Bakorindo 2: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.