1 Bakorindo 11
11
1Mundaa mwányeya, ngo'kwa nanyi nénde néya Kirisito*.
Mano kwa mulume ne'mukasi mwa luhu lwa Ongo
2Nábatonga bushi mwénjire mwányikengera mwa myasi yoshi, kanji bushi muchiri mùkulikire emyasi era nàbakangirisaa. 3Si chiro bacha, che'chine chi náhonda muményerere: Kirisito* li'twe lya chira mulume. Ne'mulume li'twe lya mukai, na Ongo li'twe lya Kirisito*. 4Bushi no'ku, chira mulume woshi ola wàhukira etwe lyai mango éma Ongo, nesi mango áreba, eri Kirisito* li'twe lyai yêchisa ehonyi. 5Si chira mukasi woshi ola ùtahukire etwe lyai mango éma Ongo, nesi mango áreba, eri eba li'twe lyai yêchisa ehonyi. Aola énde ába ngo'la ùkumulibwe emviri. 6Akaba emukasi àtangahukira etwe lyai, ěmire akúmulibwe! Si bushi sìri honyi kwa mukasi ekuishibwa kwa mviri nesi kukumulibwa, rero ěmire kunde áhukira etwe. 7Emulume atémire kunde áhukira etwe, bushi àli huhi kanji ánaba etunda lya Ongo. Si emukasi àli etunda lye'mulume. 8Bushi emulume atábumbwaa kutengera kwa mukasi, si emukasi iwábumbwaa kutengera kwa mulume. 9Kanji emulume atábumbwaa bushi ne'mukasi, si emukasi ábumbwaa bushi ne'mulume.#11:9 Somaa Ndangiriso 2:18-23. 10Echera chi chitúmire emukasi ěmire kuata kalorero ke'buashi#11:10 Kalorero ke'buashi: Bandu bauma bénde báteta mbu aku kalorero kàli ka kulosa kwa emukasi àli era chibanda se'buashi bwe'mulume. Ne'banji bénde báteta mbu aku kalorero kàli ka kulosa ebuashi bwe'mukasi yeine. kwe'twe bushi ne'bamalaika*.
11Si mwa buuma bwetu na Enawetu, kutangaba mukasi busira mulume, kutangaba na mulume busira mukasi. 12Bushi ngo'kwa emukasi ábumbwaa kutengera kwa mulume, kuno'ku kwe'mulume nai énde ábutwa ne'mukasi. Byoshi era mwa Ongo yi bìtengire.
13Mubeine mutétaa kute musene, akaba kunákomire emukasi kunde éma Ongo àtahukire ne'twe! 14Kubinali! Kukulikana no'kwa Ongo ábumbaa ebandu, kunálosise kwa sìri honyi kwa mulume ekuata mviri sirerere. 15Si emukasi yeke, ekuata mviri sirerere li'tunda lyai. Bushi êresibwaa'si, chasiya sínde sáhukira etwe lyai.
16Si akaba mundu áhonda kuira bwaka era luulu so'yu mwasi, aményereraa kwa tubano ne'nyuhu sa Ongo, tùtatusa unji mwanya.
Eáno era luulu se'biryo bye'kukengera Enawetu
(Mat 26:26-29; Mar 14:22-25; Luk 22:15-20)
17Kukulikana ne'mano ma náhonda kuberesa, ndábatonga, bushi mango mwénjire mwábuanana, enyibuanano senyu wakúnde sa bǎsa, sénjire sábalibusa. 18Ne'chibere-bere chi chechine: nòmvire emwasi kwa mango mwénjire mwábuanana, mwénjire mwáberekana'mo. Ku lunda luuma, nanyi nànêmerere kwa ei myasi ináli ya kanangana. 19Ekuberekana'mo kwémire kunábe mwa kachi-kachi kenyu, chasiya ebandu ba bàngachinyiirwa mu mwabo baményeke. 20Mango mwénjire mwábuanana, bita biryo bya kukengera Enawetu bi mwénjire mwálya. 21Bushi mango mwálya, chira muuma énjire álibichira kulya ebiryo byai, no'ku bauma mu mwabo báfa ne'businya, ne'banji bátamirira. 22Mwabo, mùtatusa nyumba sa kulira'mo nesi kumwera'mo? Nesi kukena kumwahonda mukene eluhu lwa Ongo? Balikenyu ba batéte kalyo, bu mwénjire mwáhonda mwǐchise honyi? Chi nyibáburaa kanji? Mwáhonda nyibátonge? Ebyera, bìtangatuma nábatonga chiro na hicha!
23Bushi emyasi era Enawetu ányikangirisaa i'nanyi nánabakangirisaa: Ebutufu bwa Enawetu Yesu ânyibwaa'mo, átolaa emukati, 24ne'ra nyuma se'kutonga Ongo, era kuisha muo, era kuteta mbu: «Onola i'mubiri wanyi, ola wànyirwe bushi nenyu. Mundaa mwáira bacha, kwa kunyikengera.» 25Kuno'ku, era nyuma se'kulya, era kutola ne'ngumbu, era kuteta mbu: «Ene ngumbu chìri Chilaano chiyayaya kurengera emikira yanyi. Chira mango ma mungénde mwámwa'i, mundaa mwáira bacha kwa kunyikengera.» 26Bushi chira mango mwa kuba mwálya ono mukati, na kumwa ene ngumbu, mungénde mwába mwábalira ebandu emwasi we'kufa kwa Enawetu kuikira mango akáfuluka.
27Bushi no'ku, chira mundu ola wálya kwa mukati wa Enawetu, nesi ámwa kwa ngumbu yai kwa kutatungenene, eri aírire chibi era luulu se'mubiri, ne'mikira ya Enawetu. 28Rero, chira mundu éndaa áanyisa tanga era luulu se'myanya yai. Chasinda ánere álya kwo'no mukati na kumwa kwe'ne ngumbu. 29Bushi emundu ola wálya oyu mukati na kumwa kwe'i ngumbu, busira kumenya kwa oyola àli mubiri wa Enawetu, eri yeine áchikululira ebuchinjibusi. 30Echera chi chitúmire banene mu mwabo bàli balwala, kanji bátambukalisa, na banene bafíre. 31Si akaba tubeine tungénjire twáanyisa tanga era luulu se'myanya yetu, Ongo àtangatuchinjibusise. 32Si Enawetu énde átuchinjibusa kwa kutukemera, tungesha kuchinjibusibwa ala'uma ne'bandu bo'buno butala.
33Bushi no'ku banyaketu, mango mungénde mwábuanana kwa kulya ebiryo bye'kukengera Enawetu, mundaa mwálinjirana. 34Akaba mundu áfa businya, éndaa álira mwa mwai. Mwa bacha, Ongo atábachinjibuse mango mungénde mwábuanana.
Einji myasi era yeshíbire, nyingábǎkula kui, mango nyingáika eyi mwenyu.
ទើបបានជ្រើសរើសហើយ៖
1 Bakorindo 11: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
1 Bakorindo 11
11
1Mundaa mwányeya, ngo'kwa nanyi nénde néya Kirisito*.
Mano kwa mulume ne'mukasi mwa luhu lwa Ongo
2Nábatonga bushi mwénjire mwányikengera mwa myasi yoshi, kanji bushi muchiri mùkulikire emyasi era nàbakangirisaa. 3Si chiro bacha, che'chine chi náhonda muményerere: Kirisito* li'twe lya chira mulume. Ne'mulume li'twe lya mukai, na Ongo li'twe lya Kirisito*. 4Bushi no'ku, chira mulume woshi ola wàhukira etwe lyai mango éma Ongo, nesi mango áreba, eri Kirisito* li'twe lyai yêchisa ehonyi. 5Si chira mukasi woshi ola ùtahukire etwe lyai mango éma Ongo, nesi mango áreba, eri eba li'twe lyai yêchisa ehonyi. Aola énde ába ngo'la ùkumulibwe emviri. 6Akaba emukasi àtangahukira etwe lyai, ěmire akúmulibwe! Si bushi sìri honyi kwa mukasi ekuishibwa kwa mviri nesi kukumulibwa, rero ěmire kunde áhukira etwe. 7Emulume atémire kunde áhukira etwe, bushi àli huhi kanji ánaba etunda lya Ongo. Si emukasi àli etunda lye'mulume. 8Bushi emulume atábumbwaa kutengera kwa mukasi, si emukasi iwábumbwaa kutengera kwa mulume. 9Kanji emulume atábumbwaa bushi ne'mukasi, si emukasi ábumbwaa bushi ne'mulume.#11:9 Somaa Ndangiriso 2:18-23. 10Echera chi chitúmire emukasi ěmire kuata kalorero ke'buashi#11:10 Kalorero ke'buashi: Bandu bauma bénde báteta mbu aku kalorero kàli ka kulosa kwa emukasi àli era chibanda se'buashi bwe'mulume. Ne'banji bénde báteta mbu aku kalorero kàli ka kulosa ebuashi bwe'mukasi yeine. kwe'twe bushi ne'bamalaika*.
11Si mwa buuma bwetu na Enawetu, kutangaba mukasi busira mulume, kutangaba na mulume busira mukasi. 12Bushi ngo'kwa emukasi ábumbwaa kutengera kwa mulume, kuno'ku kwe'mulume nai énde ábutwa ne'mukasi. Byoshi era mwa Ongo yi bìtengire.
13Mubeine mutétaa kute musene, akaba kunákomire emukasi kunde éma Ongo àtahukire ne'twe! 14Kubinali! Kukulikana no'kwa Ongo ábumbaa ebandu, kunálosise kwa sìri honyi kwa mulume ekuata mviri sirerere. 15Si emukasi yeke, ekuata mviri sirerere li'tunda lyai. Bushi êresibwaa'si, chasiya sínde sáhukira etwe lyai.
16Si akaba mundu áhonda kuira bwaka era luulu so'yu mwasi, aményereraa kwa tubano ne'nyuhu sa Ongo, tùtatusa unji mwanya.
Eáno era luulu se'biryo bye'kukengera Enawetu
(Mat 26:26-29; Mar 14:22-25; Luk 22:15-20)
17Kukulikana ne'mano ma náhonda kuberesa, ndábatonga, bushi mango mwénjire mwábuanana, enyibuanano senyu wakúnde sa bǎsa, sénjire sábalibusa. 18Ne'chibere-bere chi chechine: nòmvire emwasi kwa mango mwénjire mwábuanana, mwénjire mwáberekana'mo. Ku lunda luuma, nanyi nànêmerere kwa ei myasi ináli ya kanangana. 19Ekuberekana'mo kwémire kunábe mwa kachi-kachi kenyu, chasiya ebandu ba bàngachinyiirwa mu mwabo baményeke. 20Mango mwénjire mwábuanana, bita biryo bya kukengera Enawetu bi mwénjire mwálya. 21Bushi mango mwálya, chira muuma énjire álibichira kulya ebiryo byai, no'ku bauma mu mwabo báfa ne'businya, ne'banji bátamirira. 22Mwabo, mùtatusa nyumba sa kulira'mo nesi kumwera'mo? Nesi kukena kumwahonda mukene eluhu lwa Ongo? Balikenyu ba batéte kalyo, bu mwénjire mwáhonda mwǐchise honyi? Chi nyibáburaa kanji? Mwáhonda nyibátonge? Ebyera, bìtangatuma nábatonga chiro na hicha!
23Bushi emyasi era Enawetu ányikangirisaa i'nanyi nánabakangirisaa: Ebutufu bwa Enawetu Yesu ânyibwaa'mo, átolaa emukati, 24ne'ra nyuma se'kutonga Ongo, era kuisha muo, era kuteta mbu: «Onola i'mubiri wanyi, ola wànyirwe bushi nenyu. Mundaa mwáira bacha, kwa kunyikengera.» 25Kuno'ku, era nyuma se'kulya, era kutola ne'ngumbu, era kuteta mbu: «Ene ngumbu chìri Chilaano chiyayaya kurengera emikira yanyi. Chira mango ma mungénde mwámwa'i, mundaa mwáira bacha kwa kunyikengera.» 26Bushi chira mango mwa kuba mwálya ono mukati, na kumwa ene ngumbu, mungénde mwába mwábalira ebandu emwasi we'kufa kwa Enawetu kuikira mango akáfuluka.
27Bushi no'ku, chira mundu ola wálya kwa mukati wa Enawetu, nesi ámwa kwa ngumbu yai kwa kutatungenene, eri aírire chibi era luulu se'mubiri, ne'mikira ya Enawetu. 28Rero, chira mundu éndaa áanyisa tanga era luulu se'myanya yai. Chasinda ánere álya kwo'no mukati na kumwa kwe'ne ngumbu. 29Bushi emundu ola wálya oyu mukati na kumwa kwe'i ngumbu, busira kumenya kwa oyola àli mubiri wa Enawetu, eri yeine áchikululira ebuchinjibusi. 30Echera chi chitúmire banene mu mwabo bàli balwala, kanji bátambukalisa, na banene bafíre. 31Si akaba tubeine tungénjire twáanyisa tanga era luulu se'myanya yetu, Ongo àtangatuchinjibusise. 32Si Enawetu énde átuchinjibusa kwa kutukemera, tungesha kuchinjibusibwa ala'uma ne'bandu bo'buno butala.
33Bushi no'ku banyaketu, mango mungénde mwábuanana kwa kulya ebiryo bye'kukengera Enawetu, mundaa mwálinjirana. 34Akaba mundu áfa businya, éndaa álira mwa mwai. Mwa bacha, Ongo atábachinjibuse mango mungénde mwábuanana.
Einji myasi era yeshíbire, nyingábǎkula kui, mango nyingáika eyi mwenyu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.