1 Bakorindo 10
10
Muténdaa mwêra ebasimu
1Banyaketu, náhonda mukéngere emyasi era yáikiraa bahokulu betu. Boshi bábaa bálangibwa ne'lumbumbu, kanji boshi bánahabukaa enyanja ye'Mwola. 2Boshi bánabatisibwaa mwo'lu lumbumbu na mwe'i nyanja, chasiya bábe mwa buuma na Musa. 3Boshi béndee bánalya biryo biuma bye'muchima.#10:3 Anola, ebiryo bye'muchima kùli kuteta mbu emana ma méndee mátenga kwa nguba. Amu mana bi biryo eBayuta béndee bálya mwa buyeye mango bábaa bátenga eMisiri. Somaa Kutenga 16:35. 4Kanji boshi béndee bánamwa meshi mauma me'muchima. Bushi amu meshi méndee mátenga mwe'koi lya lyábaa liberekesise mwa lubalamo. Ne'ri koi, ábaa Kirisito* yeine. 5Si banene mubo baténdee básimisa Ongo. Bushi no'ku, bera kufira mwa buyeye*.
6Ei myasi yáikiraa'bo kwa kutukangirisa chasiya tuténdaa twáata mianyisa ya kuira mabi ngo'kwa nabo béndee báata'i. 7Muténdaa mwêra ebasimu ngo'kwa bauma mubo béndee báira. Bushi bitúla byǎnjikirwe mwa Maanjiko Mabuya-buya mbu: «Ebandu bera kwékala bálye banámwe, chasinda, bera kubatuka na bátangirisa báchimoeresa.»#10:7 Somaa Kutenga 32:6. 8Tuténdaa twáira elusingi ngo'kwa bauma mubo béndee báira'lo, na ku lusuku luuma oshâo, mwa kachi-kachi kabo mwera kufa bandu byumbi makunyabiri na bahatu. 9Tuténdaa twáereka Kirisito* ngo'kwa bauma mubo béndee báira, enjoka sera kwita'bo. 10Muténdaa mwáchǎnya, ngo'kwa bauma mubo béndee báira, emalaika* ola wénde wêta era kusikya'bo.
11Ei myasi yoshi yáikiraa bahokulu betu chasiya índe yátukangirisa. Kanji yáanjikibwaa mwa Maanjiko Mabuya-buya chasiya índe yátweresa emáno, bushi twera tùli mwa suku se'businda. 12Bushi no'ku, ola wáanyisa mbu eménze kubuya, aményaa angésha kukumbaala! 13Emiereko era yénjire yábaikira, iyénde yánaikira ne'banji bandu. Si bushi Ongo énde áira bya álanyaa, àtangabarekerera muerekibwe kurenza emisi yenyu. Na mango emuereko énde ábaikira, Ongo ánaberesa emisi ye'kusesa emichima, ne'njira ye'kutenga muo.
14Bushi no'ku bera banyi basiirwa, mundaa mwáchilanga kwa kunde mwêra ebasimu.
15Náhambala nenyu nga bandu ba bète bwenge. Rero, mubeine mutétaa kwa muányisise era luulu se'i myasi nàtechire. 16Twénde twátonga Ongo bushi ne'ngumbu ye'ngahanyi. Mùteshi kwa mango twámwa ei ngumbu, twénde twába mwa buuma ne'mikira ya Kirisito*? Na mango twáishanga mwa mukati ne'kulya'o, twénde twába mwa buuma ne'mubiri wa Kirisito*? 17Emukati anátula muuma oshâo. Netu chiro mbu tùli banene, si tunáli mundu muuma bushi oyu mukati muuma itwénde twánahangira.
18Mulóreraa kwa Baisiraeli: ebandu ba bénde bálya enyama sa sàtulwaa kwa kahaha ke'mitulo*, bénde bába mwa buuma na Ongo. 19Chi náhonda kuteta kasi? Enyama sa bandu bénde bátula ebihwasi sinátusa mufa? Nesi ebi bihwasi nabi, binéte mufa? 20Nânga! Si náhonda kubabura kwa mango ebandu ba bàteshi Ongo bénde bâna emitulo* yabo, bénde báitula ebasimu, si atá Ongo i'bénde bátula'i! Rero, ndáhonda mbu mundaa mwába mwa buuma ne'basimu. 21Mùtangaala kunde mwámwa kwa ngumbu ya Enawetu, mwámwa no'kwa ngumbu ye'basimu. Kanji mùtangaala kunde mwálya kwa biryo bya Enawetu, mwálya no'kwa biryo bye'basimu. 22Nesi twáhonda kukunza Enawetu chasiya áfe mufula? Mwáanyisa mbu tu twète misi kumurenza?
Túndaa twáira byoshi kwe'tunda lya Ongo
23Bandu bauma mu mwabo bénde báteta mbu: «Nyéte loso lwa kuira chira kandu.» Kubinali! Si atá chira kandu ku kabêtere mufa! Kanji chiro mbu nyéte loso lwa kuira chira kandu, si atá chira kandu ku kète mufa kwa kukusa ebwemeresi bwe'bandu. 24Emundu aténdaa áhonda emutoloke wai yeine, si éndaa áhonda ne'we'banji.
25Mùli mwa buhuru bwe'kulya enyama soshi sa sáusibwa mwe'soko busira kubusirisa myasi era ìngabalibusisa mwa michima. 26Bushi ebutala na byoshi bya bitúla'mo, bìri bya Enawetu.#10:26 Somaa Saburi 24:1.
27Akaba emundu ola ùteshi Ongo àngabalalika mbu muyáa kulya kwa biryo, na mwêmerera kuenda, munályaa byoshi bya àngabasheera busira kubusirisa myasi era ìngatuma mwálibukira mwa michima. 28Si akaba mundu murebe àngababura mbu: «Bine biryo byàtulwaa ebasimu», mùtalyaa'bi mungesha kulibusa emuchima wo'yu wàbakengesaa. 29Ndàtechire mbu mwabo mu mungálibukira mwa michima, si oyu wàbakengesaa. Rero, chi chìngatuma ekulibukira mwa muchima kwe'unji mundu kwa nyângika kuira cha nyéte kwe'buhuru? 30Akaba nàtongire Ongo mira bushi ne'biryo byánalya, chi chìngatuma ebanji bandu bányamaana bulio bushi nabi?
31Mwa bacha, akaba mùngalya, nesi mwámwa, nesi mwáira chira mwasi woshi, mundaa mwáira byoshi kwe'tunda lya Ongo. 32Muténdaa mwáira cha chìngatuma emundu áya mwa mabi: ábe Muyuta, ábe Mukiriki, nesi ebandu bo'mwa luhu lwa Ongo. 33Mundaa mwáchitola nga nyono. Nénde náchisesa kusimisa ebandu boshi mwa myasi yoshi. Ndáhonda emutoloke wanyi nyeine, si nénde náhonda emutoloke we'bandu boshi, chasiya nabo banúnulibwe.
ទើបបានជ្រើសរើសហើយ៖
1 Bakorindo 10: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
1 Bakorindo 10
10
Muténdaa mwêra ebasimu
1Banyaketu, náhonda mukéngere emyasi era yáikiraa bahokulu betu. Boshi bábaa bálangibwa ne'lumbumbu, kanji boshi bánahabukaa enyanja ye'Mwola. 2Boshi bánabatisibwaa mwo'lu lumbumbu na mwe'i nyanja, chasiya bábe mwa buuma na Musa. 3Boshi béndee bánalya biryo biuma bye'muchima.#10:3 Anola, ebiryo bye'muchima kùli kuteta mbu emana ma méndee mátenga kwa nguba. Amu mana bi biryo eBayuta béndee bálya mwa buyeye mango bábaa bátenga eMisiri. Somaa Kutenga 16:35. 4Kanji boshi béndee bánamwa meshi mauma me'muchima. Bushi amu meshi méndee mátenga mwe'koi lya lyábaa liberekesise mwa lubalamo. Ne'ri koi, ábaa Kirisito* yeine. 5Si banene mubo baténdee básimisa Ongo. Bushi no'ku, bera kufira mwa buyeye*.
6Ei myasi yáikiraa'bo kwa kutukangirisa chasiya tuténdaa twáata mianyisa ya kuira mabi ngo'kwa nabo béndee báata'i. 7Muténdaa mwêra ebasimu ngo'kwa bauma mubo béndee báira. Bushi bitúla byǎnjikirwe mwa Maanjiko Mabuya-buya mbu: «Ebandu bera kwékala bálye banámwe, chasinda, bera kubatuka na bátangirisa báchimoeresa.»#10:7 Somaa Kutenga 32:6. 8Tuténdaa twáira elusingi ngo'kwa bauma mubo béndee báira'lo, na ku lusuku luuma oshâo, mwa kachi-kachi kabo mwera kufa bandu byumbi makunyabiri na bahatu. 9Tuténdaa twáereka Kirisito* ngo'kwa bauma mubo béndee báira, enjoka sera kwita'bo. 10Muténdaa mwáchǎnya, ngo'kwa bauma mubo béndee báira, emalaika* ola wénde wêta era kusikya'bo.
11Ei myasi yoshi yáikiraa bahokulu betu chasiya índe yátukangirisa. Kanji yáanjikibwaa mwa Maanjiko Mabuya-buya chasiya índe yátweresa emáno, bushi twera tùli mwa suku se'businda. 12Bushi no'ku, ola wáanyisa mbu eménze kubuya, aményaa angésha kukumbaala! 13Emiereko era yénjire yábaikira, iyénde yánaikira ne'banji bandu. Si bushi Ongo énde áira bya álanyaa, àtangabarekerera muerekibwe kurenza emisi yenyu. Na mango emuereko énde ábaikira, Ongo ánaberesa emisi ye'kusesa emichima, ne'njira ye'kutenga muo.
14Bushi no'ku bera banyi basiirwa, mundaa mwáchilanga kwa kunde mwêra ebasimu.
15Náhambala nenyu nga bandu ba bète bwenge. Rero, mubeine mutétaa kwa muányisise era luulu se'i myasi nàtechire. 16Twénde twátonga Ongo bushi ne'ngumbu ye'ngahanyi. Mùteshi kwa mango twámwa ei ngumbu, twénde twába mwa buuma ne'mikira ya Kirisito*? Na mango twáishanga mwa mukati ne'kulya'o, twénde twába mwa buuma ne'mubiri wa Kirisito*? 17Emukati anátula muuma oshâo. Netu chiro mbu tùli banene, si tunáli mundu muuma bushi oyu mukati muuma itwénde twánahangira.
18Mulóreraa kwa Baisiraeli: ebandu ba bénde bálya enyama sa sàtulwaa kwa kahaha ke'mitulo*, bénde bába mwa buuma na Ongo. 19Chi náhonda kuteta kasi? Enyama sa bandu bénde bátula ebihwasi sinátusa mufa? Nesi ebi bihwasi nabi, binéte mufa? 20Nânga! Si náhonda kubabura kwa mango ebandu ba bàteshi Ongo bénde bâna emitulo* yabo, bénde báitula ebasimu, si atá Ongo i'bénde bátula'i! Rero, ndáhonda mbu mundaa mwába mwa buuma ne'basimu. 21Mùtangaala kunde mwámwa kwa ngumbu ya Enawetu, mwámwa no'kwa ngumbu ye'basimu. Kanji mùtangaala kunde mwálya kwa biryo bya Enawetu, mwálya no'kwa biryo bye'basimu. 22Nesi twáhonda kukunza Enawetu chasiya áfe mufula? Mwáanyisa mbu tu twète misi kumurenza?
Túndaa twáira byoshi kwe'tunda lya Ongo
23Bandu bauma mu mwabo bénde báteta mbu: «Nyéte loso lwa kuira chira kandu.» Kubinali! Si atá chira kandu ku kabêtere mufa! Kanji chiro mbu nyéte loso lwa kuira chira kandu, si atá chira kandu ku kète mufa kwa kukusa ebwemeresi bwe'bandu. 24Emundu aténdaa áhonda emutoloke wai yeine, si éndaa áhonda ne'we'banji.
25Mùli mwa buhuru bwe'kulya enyama soshi sa sáusibwa mwe'soko busira kubusirisa myasi era ìngabalibusisa mwa michima. 26Bushi ebutala na byoshi bya bitúla'mo, bìri bya Enawetu.#10:26 Somaa Saburi 24:1.
27Akaba emundu ola ùteshi Ongo àngabalalika mbu muyáa kulya kwa biryo, na mwêmerera kuenda, munályaa byoshi bya àngabasheera busira kubusirisa myasi era ìngatuma mwálibukira mwa michima. 28Si akaba mundu murebe àngababura mbu: «Bine biryo byàtulwaa ebasimu», mùtalyaa'bi mungesha kulibusa emuchima wo'yu wàbakengesaa. 29Ndàtechire mbu mwabo mu mungálibukira mwa michima, si oyu wàbakengesaa. Rero, chi chìngatuma ekulibukira mwa muchima kwe'unji mundu kwa nyângika kuira cha nyéte kwe'buhuru? 30Akaba nàtongire Ongo mira bushi ne'biryo byánalya, chi chìngatuma ebanji bandu bányamaana bulio bushi nabi?
31Mwa bacha, akaba mùngalya, nesi mwámwa, nesi mwáira chira mwasi woshi, mundaa mwáira byoshi kwe'tunda lya Ongo. 32Muténdaa mwáira cha chìngatuma emundu áya mwa mabi: ábe Muyuta, ábe Mukiriki, nesi ebandu bo'mwa luhu lwa Ongo. 33Mundaa mwáchitola nga nyono. Nénde náchisesa kusimisa ebandu boshi mwa myasi yoshi. Ndáhonda emutoloke wanyi nyeine, si nénde náhonda emutoloke we'bandu boshi, chasiya nabo banúnulibwe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.