1 Bakorindo 12
12
Enyêmbo se'Muchima Mubuya-buya
1Rero, tuhámbalaa era luulu se'myasi era yèrekere enyembo se'Muchima Mubuya-buya. Banyaketu, náhonda muményerere kubuya emyasi ye'si nyêmbo. 2Mwìshi kwa mango mwábaa mùtasa kumenya Ongo, mwéndee mwákululibwa na kwéngeerwa ne'myasi ye'kwêra ebihuhanyi bya bìtateta. 3Bushi no'ku, nábabura kanangana kwa kutáli mundu ola wákoresibwa ne'Muchima wa Ongo, ola ùngateta mbu: «Yesu áfe shambyo!» Kanji kutáli mundu ola ùngateta mbu: «Yesu i'Enawetu», akaba atákoresibwa ne'Muchima Mubuya-buya.
4Enyêmbo sitúla sirenzenye, si eMuchima Mubuya-buya ola wénde wâna'si, anátula muuma. 5Emikorere irenzenye, si Enawetu anátula muuma. 6Ne'mirimo nai irenzenye, si Ongo anátula muuma, iwénde wáira byoshi mwa bandu boshi. 7eMuchima Mubuya-buya énde êresa chira mundu lwêmbo lurebe, kwa mutoloke we'bandu boshi. 8eMuchima Mubuya-buya énde êresa mundu muuma elwêmbo lwe'kuata ebuashi bwe'kuteta myasi ya bwenge. Oyu Muchima ino'yu, ánêresa ne'unji mundu elwêmbo lwe'kuata ebuashi bwe'kumenyerera emyasi. 9Oyu Muchima Mubuya-buya ino'yu énde êresa eunji mundu elwêmbo lwe'kuata ebwemeresi, ne'unji elwe'kulamya ebalwala. 10Ne'unji, ánamweresa elwêmbo lwe'kuira ebisomerano, ne'unji elwe'kureba, ne'unji elwe'kumenyerera emyasi era ìtengire ne'ra ítatengire era mwe'Muchima Mubuya-buya, ne'unji elwe'kuteta mu mateta ma màteshibwe, ne'unji elwe'kuanulula amu mateta. 11Ei myasi yoshi, oyu Muchima Mubuya-buya muuma, yeine iwénde wánaira'i mwa kwêresa chira mundu elwai lwêmbo ngo'kwa anásimire.
Emubiri atúla muuma si atúsa bitera binene
12Emubiri atúla muuma si atúsa bitera binene. Chiro àngaba mbu ebitera bye'mubiri bìri binene, si binátula bya mubiri muuma. Rero, Kirisito* nai ku anátula bacha. 13Bushi, ábe eBayuta, nesi ba bàtatula Bayuta, nesi etuungu*, nesi ebandu ba bàli mwa buhuru, tuboshi twánabatisibwaa mwo'yu Muchima Mubuya-buya muuma, chasiya túbe mundu muuma. Kanji tuboshi, kwa shokororo yo'yu Muchima Mubuya-buya muuma ku twánamweraa.
14Emubiri àtatusa chitera chiuma oshâo, si atúsa bítera binene. 15Akaba wakuulu àngateta mbu: «Nyono bushi nda mino, nda chitera che'mubiri», ekuteta bacha, kutangatuma átaba chitera che'mubiri. 16Na akaba wakutu àngateta mbu: «Nyono bushi nda liho, nda chitera che'mubiri», ekuteta bacha kutangatuma átaba chitera che'mubiri. 17Akaba emubiri woshi àngabere liho, kute emundu angénjire ômva? Na akaba emubiri woshi àngabere kutu, kute emundu angénjire áunyirisa? 18Si rero Ongo átondekaa chira chitera che'mubiri ngo'kwa ábaa anáhonjire. 19Akaba ebitera byoshi bìngabere chitera chiuma, emubiri àtangabere. 20Rero ebítera bìri binene, si emubiri anátula muuma.
21Waliho àtangabura wamino mbu: «Ndakúlaire'ko!» Nesi etwe lìtangabura emaulu mbu: «Ndabálaire'ko!» 22Si chiro bacha, ebitera bye'mubiri bya bitúla biseneke'ko nga bitéte misi, binátusa mufa. 23Kanji ebítera bya twénde twátola nga bitéte etunda, bi twénde twéresa etunda busese. Ne'bítera bya twénde twábisha, bi twénde twálanga kubuya, 24no'ku ebitera bya tùtabisha, byeke bìtatula bìlaire ku kulangibwa kubuya. Bushi mango Ongo ômatanyaa emubiri, ebítera bya byábaa bitéte tunda, era kwêresa'bi etunda linene. 25Áiraa bacha chasiya ebitera bye'mubiri bìtaberekanaa'mo, si chira chitera chínde chálaa ku chirikabo. 26Akaba chitera chiuma chìngalibuka, ebinji bítera byoshi, nabi byánalibuka ala'uma nachi. Na akaba chitera chiuma chìngeresibwa etunda, ebinji bítera byoshi, byánamoa ala'uma nachi.
27Mwabo mùli mubiri wa Kirisito*. Na chira muuma mu mwabo àli chitera cho'yu mubiri. 28Mwa luhu lwa Ongo, echibere-bere, Ongo ábikaa endumwa*, echakabiri era kubika ebarebi*, echakahatu era kubika ebakangirisi. Chasinda, era kubika ebandu ba bénde báira ebisomerano. Kwa businda era kubika ba batúsa elwêmbo lwe'kulamya ebalwala, nesi elwe'kuasa ebanji, nesi elwe'kwêmangira ebanji, nesi elwe'kuteta mu mateta ma màteshibwe. 29Boshi sita ndumwa*, boshi batá barebi*, boshi batá bákangirisi, boshi bàtaira bisomerano. 30Boshi batéte elwêmbo lwa kulamya ebalwala, nesi elwe'kuteta mu mateta ma màteshibwe, nesi elwe'kuanulula amu mateta. 31Mundaa mwáhonda busese enyêmbo sa sète mufa munene.
Si rero nyingábalosa enjira era ìkomire busese, era irenzise esinji soshi.
ទើបបានជ្រើសរើសហើយ៖
1 Bakorindo 12: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
1 Bakorindo 12
12
Enyêmbo se'Muchima Mubuya-buya
1Rero, tuhámbalaa era luulu se'myasi era yèrekere enyembo se'Muchima Mubuya-buya. Banyaketu, náhonda muményerere kubuya emyasi ye'si nyêmbo. 2Mwìshi kwa mango mwábaa mùtasa kumenya Ongo, mwéndee mwákululibwa na kwéngeerwa ne'myasi ye'kwêra ebihuhanyi bya bìtateta. 3Bushi no'ku, nábabura kanangana kwa kutáli mundu ola wákoresibwa ne'Muchima wa Ongo, ola ùngateta mbu: «Yesu áfe shambyo!» Kanji kutáli mundu ola ùngateta mbu: «Yesu i'Enawetu», akaba atákoresibwa ne'Muchima Mubuya-buya.
4Enyêmbo sitúla sirenzenye, si eMuchima Mubuya-buya ola wénde wâna'si, anátula muuma. 5Emikorere irenzenye, si Enawetu anátula muuma. 6Ne'mirimo nai irenzenye, si Ongo anátula muuma, iwénde wáira byoshi mwa bandu boshi. 7eMuchima Mubuya-buya énde êresa chira mundu lwêmbo lurebe, kwa mutoloke we'bandu boshi. 8eMuchima Mubuya-buya énde êresa mundu muuma elwêmbo lwe'kuata ebuashi bwe'kuteta myasi ya bwenge. Oyu Muchima ino'yu, ánêresa ne'unji mundu elwêmbo lwe'kuata ebuashi bwe'kumenyerera emyasi. 9Oyu Muchima Mubuya-buya ino'yu énde êresa eunji mundu elwêmbo lwe'kuata ebwemeresi, ne'unji elwe'kulamya ebalwala. 10Ne'unji, ánamweresa elwêmbo lwe'kuira ebisomerano, ne'unji elwe'kureba, ne'unji elwe'kumenyerera emyasi era ìtengire ne'ra ítatengire era mwe'Muchima Mubuya-buya, ne'unji elwe'kuteta mu mateta ma màteshibwe, ne'unji elwe'kuanulula amu mateta. 11Ei myasi yoshi, oyu Muchima Mubuya-buya muuma, yeine iwénde wánaira'i mwa kwêresa chira mundu elwai lwêmbo ngo'kwa anásimire.
Emubiri atúla muuma si atúsa bitera binene
12Emubiri atúla muuma si atúsa bitera binene. Chiro àngaba mbu ebitera bye'mubiri bìri binene, si binátula bya mubiri muuma. Rero, Kirisito* nai ku anátula bacha. 13Bushi, ábe eBayuta, nesi ba bàtatula Bayuta, nesi etuungu*, nesi ebandu ba bàli mwa buhuru, tuboshi twánabatisibwaa mwo'yu Muchima Mubuya-buya muuma, chasiya túbe mundu muuma. Kanji tuboshi, kwa shokororo yo'yu Muchima Mubuya-buya muuma ku twánamweraa.
14Emubiri àtatusa chitera chiuma oshâo, si atúsa bítera binene. 15Akaba wakuulu àngateta mbu: «Nyono bushi nda mino, nda chitera che'mubiri», ekuteta bacha, kutangatuma átaba chitera che'mubiri. 16Na akaba wakutu àngateta mbu: «Nyono bushi nda liho, nda chitera che'mubiri», ekuteta bacha kutangatuma átaba chitera che'mubiri. 17Akaba emubiri woshi àngabere liho, kute emundu angénjire ômva? Na akaba emubiri woshi àngabere kutu, kute emundu angénjire áunyirisa? 18Si rero Ongo átondekaa chira chitera che'mubiri ngo'kwa ábaa anáhonjire. 19Akaba ebitera byoshi bìngabere chitera chiuma, emubiri àtangabere. 20Rero ebítera bìri binene, si emubiri anátula muuma.
21Waliho àtangabura wamino mbu: «Ndakúlaire'ko!» Nesi etwe lìtangabura emaulu mbu: «Ndabálaire'ko!» 22Si chiro bacha, ebitera bye'mubiri bya bitúla biseneke'ko nga bitéte misi, binátusa mufa. 23Kanji ebítera bya twénde twátola nga bitéte etunda, bi twénde twéresa etunda busese. Ne'bítera bya twénde twábisha, bi twénde twálanga kubuya, 24no'ku ebitera bya tùtabisha, byeke bìtatula bìlaire ku kulangibwa kubuya. Bushi mango Ongo ômatanyaa emubiri, ebítera bya byábaa bitéte tunda, era kwêresa'bi etunda linene. 25Áiraa bacha chasiya ebitera bye'mubiri bìtaberekanaa'mo, si chira chitera chínde chálaa ku chirikabo. 26Akaba chitera chiuma chìngalibuka, ebinji bítera byoshi, nabi byánalibuka ala'uma nachi. Na akaba chitera chiuma chìngeresibwa etunda, ebinji bítera byoshi, byánamoa ala'uma nachi.
27Mwabo mùli mubiri wa Kirisito*. Na chira muuma mu mwabo àli chitera cho'yu mubiri. 28Mwa luhu lwa Ongo, echibere-bere, Ongo ábikaa endumwa*, echakabiri era kubika ebarebi*, echakahatu era kubika ebakangirisi. Chasinda, era kubika ebandu ba bénde báira ebisomerano. Kwa businda era kubika ba batúsa elwêmbo lwe'kulamya ebalwala, nesi elwe'kuasa ebanji, nesi elwe'kwêmangira ebanji, nesi elwe'kuteta mu mateta ma màteshibwe. 29Boshi sita ndumwa*, boshi batá barebi*, boshi batá bákangirisi, boshi bàtaira bisomerano. 30Boshi batéte elwêmbo lwa kulamya ebalwala, nesi elwe'kuteta mu mateta ma màteshibwe, nesi elwe'kuanulula amu mateta. 31Mundaa mwáhonda busese enyêmbo sa sète mufa munene.
Si rero nyingábalosa enjira era ìkomire busese, era irenzise esinji soshi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.