Markos 7
7
Ya makapalipaꞌ sa manga utaw
1Na, awun dyumateng lekat adti Jérusalim na manga Parisiyo aw manga magpalna-uway sa Uldin na manga Judiyu, aw dyumulud silan adti kan Jisus. 2Aw kyinitaꞌ nilan ya eped na manga umagakan ni Jisus na kyuman na kenneꞌ na kalipaꞌ na manga tulluꞌ nilan kay walaꞌ nilan daluga ya pa-agi na pag-unaw na pigsuguꞌ na manga Parisiyo. 3Kay ya manga Judiyu, labi la ya manga Parisiyo, pigpigil kanilan ya kuman na diliꞌ una mag-unaw kasiling na katanem na pigpalna-u na manga mangkabaklegay nilan. 4Aw diliꞌ silan uman kuman sa lekat adti palingki kun diliꞌ silan una mag-unaw. Madég pa ya maynan na katanem na gayed nilan pigdalug kasiling na pag-ugas sa manga tabuꞌ aw manga kulun aw manga lutu-unan.
5Yanagaw nyusip kan Jisus ya manga Parisiyo aw manga magpalna-uway sa Uldin, law nilan, “Anangaꞌ na walaꞌ na manga umagakan mu daluga ya manga katanem na mangkabaklegay tadun? Kyuman silan na kenneꞌ na kalipaꞌ na tulluꞌ nilan.” 6Tyumubag si Jisus kanilan, “Matinaw saba ya pigpasulat dadan kan Isayas sa bet mayu na manga migtallalingu, law na Tyumanem:
‘Ya manga utaw ini, pigbasa͡an aku nilan magi oloꞌ dun ni paglong nilan,
manang ya kanilan anenganeng mawat adi kanak.
7 Walaꞌ ya guna na pagsimba nilan kanak,
kay pigsayuwan nilan baling ya kanak manga suguꞌ sa palna-u na pig-imo-imoꞌ oloꞌ na manga utaw.’ ”#7:6-7 Mabasa adti Isayas 29:13.
8Migpadeleg si Jisus miglong adti manga Parisiyo, “Walaꞌ mayu daluga ya suguꞌ na Tyumanem aw pigdalug mayu baling ya katanem na manga utaw aw ya palna-u nilan.”
9Aw piglongan pa uman silan ni Jisus, “To-o kamu matadeng magpalipaslipas sa pigsuguꞌ na Tyumanem pada padelegen mayu ya kamayu manga katanem. 10Kasiling na piglong ni Moysis: ‘Pagbasa͡an mayu ya kamayu ama aw ina,’ aw ‘Pangkay singalan ya maglong sa malatay adti kanan ama aw ina, patayen sakanan.’ 11Manang sangkamuluꞌ ya pigpalna-u mayu. Kay pigpalna-uwan mayu ya manga utaw na maglong silan adti kanilan ama aw ina, ‘Pasinsiyayi beg aku, kay walaꞌ da ya kabatug ku magtabang kamayu, kay pigtani la ku adti Tyumanem ya un ku galu atag kamayu.’ 12Kasiling na pigtumbay mayu baling adti utaw na pabaya-an nilan ya kanilan mangkatikadeng. 13Yanagaw magi sa manga katanem na pigpalna-u mayu adti manga eped, pig-imoꞌ mayu kasiling na walaꞌ ya guna ya tengteng suguꞌ na Tyumanem. Aw madég pa uman ya baluk na pigpan-imoꞌ mayu kasiling na maynan.”
14Aw pigtawag da uman ni Jisus ya madég na utaw, aw piglongan nan silan, “Kadég mayu, pakanyegi ya un ku kamayu paglongun aw anenganenga mayu yeiy: 15Bekeꞌ na pagkanen na utaw ya makapalipaꞌ kanan, manang ya kadég na malatay na lyumekat adti kanan anenganeng, yan saba ya makapalipaꞌ kanan. 16[Kamu na migpakanyeg, ka-ilangan kalabetan mayu ya kamayu pigdengeg.]”
17Pagkatigkas yan, pig-indegan ni Jisus ya madég na utaw, aw syumeled sakanan adti balay. Adti seled, nyusip kanan ya manga umagakan nan kun unu ya kakawasan na pundinganan nan. 18Aw tyumubag si Jisus kanilan, “Pangkay kamu uman walaꞌ pa pakalabet sa kakawasan na piglong ku? Bekeꞌ na pagkanen na utaw ya makapalipaꞌ kanan adti Tyumanem. 19Kay ya pagkanen na utaw diliꞌ sumeled adti anenganeng nan, manang adtu baling ni buntit, aw diliꞌ madugay lumuwaꞌ adti lawas nan.” Yanagaw dun ni piglong ni Jisus, pigpa-edeꞌ nan na ya kadég na makan, alag da malinis.
20Miglong uman si Jisus, “Ya kadég na malatay na lyumekat adti anenganeng na utaw, yan ya makapalipaꞌ kanan. 21Kay ya anenganeng na utaw, yan ya lyekatan sa kadég na malatay kasiling na pagkasala-enen, pagpanakaw, pagpatay sa utaw, 22aw ya paglakadenen, aw ya pagkatagaw, aw ya pagkaybeg sa pametang na eped na utaw, aw ya pagkaliman mag-imoꞌ sa malatay adti eped, ya paggaluꞌ, aw ya pag-imoꞌ sa makamulamula sa lawas, aw ya pag-ingaꞌ, aw ya pagkalat sa dengeg na eped na utaw, aw ya pagpatastas, aw ya pagkategel. 23Ya kadég na malatay yeiy, lekat saba adti anenganeng na utaw, aw yan ya makapalipaꞌ kanan.”
Ya pagpangintu-u na ka͡ubayan na Héntil
24Pagkatigkas yan, nyindeg si Jisus lekat adti Galiliya aw nyadtu ni banwa na sakup na syudad na Tiro na pig-eya-an na manga utaw na Héntil. Syumeled sakanan adti sambuk na balay aw diliꞌ galu sakanan malim na ka-ede-an na manga utaw na awun sakanan, manang maksay baling nyabekkal ya ubat-ubat sa pagdateng nan. 25-26Na, dun ni banwa yan, awun sambuk na ka͡ubayan na Héntil na buwadbuwad na manga taga Ponisiya sakup na Sirya, aw awun iseꞌ nan na bubay na pigseledan na busaw. Yanagaw, pagdengeg na ka͡ubayan yan na dyumateng si Jisus adti kanilan banwa, maksay sakanan nyadtu aw lyumuhud dun ni asdangan nan, aw nyangilalat kan Jisus na alilinan ya busaw lekat adti iseꞌ nan. 27Manang miglong si Jisus kanan, “Pabiyagen pa una ya mangayseꞌ,#7:27 Asini pundinganan ni Jisus, pigpalabet nan na una͡en nan pa-ede-en sa Madyaw na Ubat-ubat ya manga utaw na Judiyu, aw pagkatigkas yan, ya manga Héntil. kay diliꞌ madyaw kun kamangen ya pan nilan aw agbel adti manga iduꞌ.” 28Tyumubag ya ka͡ubayan kan Jisus, “Matinaw yan kay Sir, manang pangkay ya manga iduꞌ adti dalem na lamisa makakan pa sa manga mumuꞌ na mangayseꞌ na mangkataktak.” 29Aw piglongan ni Jisus ya ka͡ubayan, “Asuntu sa tubag mu, uliꞌ da kaw, kay lyumuwaꞌ da ya busaw lekat adti iseꞌ mu.” 30Yanagaw nyuliꞌ ya ka͡ubayan aw kyinitaꞌ nan ya iseꞌ nan na kyumulang da adti kulanganan nan aw walaꞌ da ya busaw dun ni kanan.
Ya pagguliꞌ ni Jisus sa sambuk na utaw na bengel aw umal
31Na, pig-indegan ni Jisus ya Tiro aw nyadtu ni syudad na Sidon. Aw pagkatigkas yan, syuminan da uman sakanan adti manga banwa na awun ni palibed na Danaw na Galiliya aw adti manga lunsud na sakup na Dékapolis. 32Talana nan dun, pigpa-agad na manga utaw adti kan Jisus ya sambuk na eseg na bengel aw umal, aw nyanginayuꞌ silan na pandungan nan na kanan palad. 33Yanagaw pigtani ni Jisus ya eseg yan lekat adti manga utaw, aw pigseled nan ya duwa ya tulli-ay nan adti manga talinga na utaw yan, aw pigbetangan nan na laway ya dilaꞌ na umal. 34Aw lyumangad si Jisus adti langit aw gyuminawa na malalem, aw miglong sakanan, “Épata!” Ya kakawasan nan: “Ka-uwangan kaw!” 35Aw dayaw dyumengeg aw nyakapaglong ya eseg yan, aw mabangal da ya paglong nan. 36Pagkatigkas yan, piglongan ni Jisus ya manga utaw, “Diliꞌ mayu pag-ubat-ubat adti pangkay singalan ya nya-imoꞌ adun.” Manang to-o pa baling nilan pigbekkal adti madég na utaw ya nya-imoꞌ. 37Aw to-o nya-enneng-enneng ya manga utaw aw miglong silan, “Alag mangkadyaw ya pigpan-imoꞌ nan. Pigpadengeg nan ya manga bengel aw pigpapaglong nan ya manga umal.”
ទើបបានជ្រើសរើសហើយ៖
Markos 7: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Markos 7
7
Ya makapalipaꞌ sa manga utaw
1Na, awun dyumateng lekat adti Jérusalim na manga Parisiyo aw manga magpalna-uway sa Uldin na manga Judiyu, aw dyumulud silan adti kan Jisus. 2Aw kyinitaꞌ nilan ya eped na manga umagakan ni Jisus na kyuman na kenneꞌ na kalipaꞌ na manga tulluꞌ nilan kay walaꞌ nilan daluga ya pa-agi na pag-unaw na pigsuguꞌ na manga Parisiyo. 3Kay ya manga Judiyu, labi la ya manga Parisiyo, pigpigil kanilan ya kuman na diliꞌ una mag-unaw kasiling na katanem na pigpalna-u na manga mangkabaklegay nilan. 4Aw diliꞌ silan uman kuman sa lekat adti palingki kun diliꞌ silan una mag-unaw. Madég pa ya maynan na katanem na gayed nilan pigdalug kasiling na pag-ugas sa manga tabuꞌ aw manga kulun aw manga lutu-unan.
5Yanagaw nyusip kan Jisus ya manga Parisiyo aw manga magpalna-uway sa Uldin, law nilan, “Anangaꞌ na walaꞌ na manga umagakan mu daluga ya manga katanem na mangkabaklegay tadun? Kyuman silan na kenneꞌ na kalipaꞌ na tulluꞌ nilan.” 6Tyumubag si Jisus kanilan, “Matinaw saba ya pigpasulat dadan kan Isayas sa bet mayu na manga migtallalingu, law na Tyumanem:
‘Ya manga utaw ini, pigbasa͡an aku nilan magi oloꞌ dun ni paglong nilan,
manang ya kanilan anenganeng mawat adi kanak.
7 Walaꞌ ya guna na pagsimba nilan kanak,
kay pigsayuwan nilan baling ya kanak manga suguꞌ sa palna-u na pig-imo-imoꞌ oloꞌ na manga utaw.’ ”#7:6-7 Mabasa adti Isayas 29:13.
8Migpadeleg si Jisus miglong adti manga Parisiyo, “Walaꞌ mayu daluga ya suguꞌ na Tyumanem aw pigdalug mayu baling ya katanem na manga utaw aw ya palna-u nilan.”
9Aw piglongan pa uman silan ni Jisus, “To-o kamu matadeng magpalipaslipas sa pigsuguꞌ na Tyumanem pada padelegen mayu ya kamayu manga katanem. 10Kasiling na piglong ni Moysis: ‘Pagbasa͡an mayu ya kamayu ama aw ina,’ aw ‘Pangkay singalan ya maglong sa malatay adti kanan ama aw ina, patayen sakanan.’ 11Manang sangkamuluꞌ ya pigpalna-u mayu. Kay pigpalna-uwan mayu ya manga utaw na maglong silan adti kanilan ama aw ina, ‘Pasinsiyayi beg aku, kay walaꞌ da ya kabatug ku magtabang kamayu, kay pigtani la ku adti Tyumanem ya un ku galu atag kamayu.’ 12Kasiling na pigtumbay mayu baling adti utaw na pabaya-an nilan ya kanilan mangkatikadeng. 13Yanagaw magi sa manga katanem na pigpalna-u mayu adti manga eped, pig-imoꞌ mayu kasiling na walaꞌ ya guna ya tengteng suguꞌ na Tyumanem. Aw madég pa uman ya baluk na pigpan-imoꞌ mayu kasiling na maynan.”
14Aw pigtawag da uman ni Jisus ya madég na utaw, aw piglongan nan silan, “Kadég mayu, pakanyegi ya un ku kamayu paglongun aw anenganenga mayu yeiy: 15Bekeꞌ na pagkanen na utaw ya makapalipaꞌ kanan, manang ya kadég na malatay na lyumekat adti kanan anenganeng, yan saba ya makapalipaꞌ kanan. 16[Kamu na migpakanyeg, ka-ilangan kalabetan mayu ya kamayu pigdengeg.]”
17Pagkatigkas yan, pig-indegan ni Jisus ya madég na utaw, aw syumeled sakanan adti balay. Adti seled, nyusip kanan ya manga umagakan nan kun unu ya kakawasan na pundinganan nan. 18Aw tyumubag si Jisus kanilan, “Pangkay kamu uman walaꞌ pa pakalabet sa kakawasan na piglong ku? Bekeꞌ na pagkanen na utaw ya makapalipaꞌ kanan adti Tyumanem. 19Kay ya pagkanen na utaw diliꞌ sumeled adti anenganeng nan, manang adtu baling ni buntit, aw diliꞌ madugay lumuwaꞌ adti lawas nan.” Yanagaw dun ni piglong ni Jisus, pigpa-edeꞌ nan na ya kadég na makan, alag da malinis.
20Miglong uman si Jisus, “Ya kadég na malatay na lyumekat adti anenganeng na utaw, yan ya makapalipaꞌ kanan. 21Kay ya anenganeng na utaw, yan ya lyekatan sa kadég na malatay kasiling na pagkasala-enen, pagpanakaw, pagpatay sa utaw, 22aw ya paglakadenen, aw ya pagkatagaw, aw ya pagkaybeg sa pametang na eped na utaw, aw ya pagkaliman mag-imoꞌ sa malatay adti eped, ya paggaluꞌ, aw ya pag-imoꞌ sa makamulamula sa lawas, aw ya pag-ingaꞌ, aw ya pagkalat sa dengeg na eped na utaw, aw ya pagpatastas, aw ya pagkategel. 23Ya kadég na malatay yeiy, lekat saba adti anenganeng na utaw, aw yan ya makapalipaꞌ kanan.”
Ya pagpangintu-u na ka͡ubayan na Héntil
24Pagkatigkas yan, nyindeg si Jisus lekat adti Galiliya aw nyadtu ni banwa na sakup na syudad na Tiro na pig-eya-an na manga utaw na Héntil. Syumeled sakanan adti sambuk na balay aw diliꞌ galu sakanan malim na ka-ede-an na manga utaw na awun sakanan, manang maksay baling nyabekkal ya ubat-ubat sa pagdateng nan. 25-26Na, dun ni banwa yan, awun sambuk na ka͡ubayan na Héntil na buwadbuwad na manga taga Ponisiya sakup na Sirya, aw awun iseꞌ nan na bubay na pigseledan na busaw. Yanagaw, pagdengeg na ka͡ubayan yan na dyumateng si Jisus adti kanilan banwa, maksay sakanan nyadtu aw lyumuhud dun ni asdangan nan, aw nyangilalat kan Jisus na alilinan ya busaw lekat adti iseꞌ nan. 27Manang miglong si Jisus kanan, “Pabiyagen pa una ya mangayseꞌ,#7:27 Asini pundinganan ni Jisus, pigpalabet nan na una͡en nan pa-ede-en sa Madyaw na Ubat-ubat ya manga utaw na Judiyu, aw pagkatigkas yan, ya manga Héntil. kay diliꞌ madyaw kun kamangen ya pan nilan aw agbel adti manga iduꞌ.” 28Tyumubag ya ka͡ubayan kan Jisus, “Matinaw yan kay Sir, manang pangkay ya manga iduꞌ adti dalem na lamisa makakan pa sa manga mumuꞌ na mangayseꞌ na mangkataktak.” 29Aw piglongan ni Jisus ya ka͡ubayan, “Asuntu sa tubag mu, uliꞌ da kaw, kay lyumuwaꞌ da ya busaw lekat adti iseꞌ mu.” 30Yanagaw nyuliꞌ ya ka͡ubayan aw kyinitaꞌ nan ya iseꞌ nan na kyumulang da adti kulanganan nan aw walaꞌ da ya busaw dun ni kanan.
Ya pagguliꞌ ni Jisus sa sambuk na utaw na bengel aw umal
31Na, pig-indegan ni Jisus ya Tiro aw nyadtu ni syudad na Sidon. Aw pagkatigkas yan, syuminan da uman sakanan adti manga banwa na awun ni palibed na Danaw na Galiliya aw adti manga lunsud na sakup na Dékapolis. 32Talana nan dun, pigpa-agad na manga utaw adti kan Jisus ya sambuk na eseg na bengel aw umal, aw nyanginayuꞌ silan na pandungan nan na kanan palad. 33Yanagaw pigtani ni Jisus ya eseg yan lekat adti manga utaw, aw pigseled nan ya duwa ya tulli-ay nan adti manga talinga na utaw yan, aw pigbetangan nan na laway ya dilaꞌ na umal. 34Aw lyumangad si Jisus adti langit aw gyuminawa na malalem, aw miglong sakanan, “Épata!” Ya kakawasan nan: “Ka-uwangan kaw!” 35Aw dayaw dyumengeg aw nyakapaglong ya eseg yan, aw mabangal da ya paglong nan. 36Pagkatigkas yan, piglongan ni Jisus ya manga utaw, “Diliꞌ mayu pag-ubat-ubat adti pangkay singalan ya nya-imoꞌ adun.” Manang to-o pa baling nilan pigbekkal adti madég na utaw ya nya-imoꞌ. 37Aw to-o nya-enneng-enneng ya manga utaw aw miglong silan, “Alag mangkadyaw ya pigpan-imoꞌ nan. Pigpadengeg nan ya manga bengel aw pigpapaglong nan ya manga umal.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.