Juan 21
21
Ya pagpakitaꞌ salut ni Jisus kan Pédro aw manga eped nan
1Paglabay da na pilangallaw, migpakitaꞌ da uman si Jisus adti kanan manga umagakan dun ni ligad na Danaw na Tibériyas.#21:1 Ya Danaw na Tibériyas pigngalanan uman na Danaw na Galiliya aw Danaw na Génésarét. Maynini ya nya-imoꞌ: 2Migkatipun si Simon Pédro, aw si Tomas na pagtawagen uman na Pingin, aw si Natanyél na taga Cana sakup na Galiliya, aw ya duwa ya iseꞌ ni Zibidiyo na eseg, aw ya duwa pa uman na umagakan ni Jisus. 3Aw miglong si Simon Pédro adti manga eped nan, “Un pa aku mamiyala.” Aw law nilan, “Magad kami kanmu!” Aw syumakay silan sa balangay aw syuminan adti tenga-tengaꞌ na danaw. Aw sanggabi nilan ya nyamiyala manang walaꞌ ya nyakamang nilan.
4Na, sa to-o pa maselem, kyinitaꞌ nilan si Jisus nyinindeg adti baklayan dun ni ligad na danaw, manang walaꞌ nilan kilala͡a kun singalan sakanan. 5Aw migtatawag si Jisus kanilan, “We…Lew! Awun nyakamang mayu?” Aw tyumubag silan kanan, “Walaꞌ kay Lew, pangkay sambuk.” 6Aw migtatawag pa uman si Jisus kanilan, “Agbelan ya biyala mayu apit adti kalintu aw awun makamang mayu.” Yanagaw pig-agbel nilan ya kanilan biyala apit adti kalintu, aw to-o madég ya isdaꞌ na nyakamang nilan aw walaꞌ nilan kabatug engata. 7Aw miglong kan Pédro ya sambuk kanilan na to-o pigginawa͡an ni Jisus, “Wettay, ya migtatawag kadiꞌ kanaten, yan ya Matas na Pangulu tadun!” Aw sa pagdengeg ni Simon Pédro na si Jisus ya adti baklayan, maksay nan pigsut ya sa-ul na pigluwas nan, aw kyumawas sakanan adti tubig aw kyumapay pasinan adti kan Jisus. 8Manang ya manga eped na umagakan, kenneꞌ pa nilan adti balangay aw pigguyud nilan ya biyala na nyatmuꞌ na isdaꞌ. Kay ya kawat lekat adti ligad na danaw, manga kalima͡an (50) ka depa. 9Sa pagpakataklang da nilan adti baklayan, awun kyinitaꞌ nilan na manga baga na uling aw isdaꞌ na pigpasagan, aw awun uman pan. 10Aw miglong si Jisus kanilan, “Dala kamu kanaten adi sa isdaꞌ na nyakamang mayu!” 11Yanagaw nyanik si Simon Pédro sa balangay aw pigbeklas nan ya biyala na kenneꞌ pa nyatmuꞌ na manga mangkabaklaꞌ na isdaꞌ. Sanggatus aw kalima͡an tag tulu (153) ya kadég na isdaꞌ adti seled manang walaꞌ kakéséꞌ ya biyala. 12Pagkatigkas yan, miglong si Jisus kanilan, “Kan da kamu adi!” Aw walaꞌ ya pangkay sambuk na manga umagakan nan na nyaka-eles nyangusip kun singalan sakanan kay kya-ede-an da nilan na yan ya Matas na Pangulu. 13Aw pigkamang ni Jisus ya pan aw isdaꞌ na abus da nan pasagi aw pigtenga-tengaꞌ nan adti kanilan. 14Na, yeiy ya katlu na pagpakitaꞌ ni Jisus adti kanan manga umagakan pagkatigkas na pagkataw nan lekat adti pagkamatay.
Ya piglong ni Jisus kan Pédro
15Pagkatigkas nilan kuman, miglong si Jisus kan Simon Pédro, “Kay Simon na iseꞌ ni Juan, unu, dakulaꞌ ya pagginawa mu kanak kay sa kadég yeiy?” Aw tyumubag si Pédro, “E-e, kay Matas na Pangulu. Kya-ede-an mu na to-o ta kaw pigginawa͡an.” Aw miglong si Jisus kanan, “Pakana ya kanak manga karniro.” 16Miglong pa uman si Jisus, “Kay Simon na iseꞌ ni Juan, unu, tengteng aku mu pigginawa͡an?” Aw law ni Pédro, “E-e, kay Matas na Pangulu, kya-ede-an da mu saba na to-o ta kaw pigginawa͡an.” Aw miglong pa uman si Jisus, “Diyagayi ya kanak manga karniro.” 17Dun ni katlu na usip ni Jisus, miglong sakanan, “Kay Simon na iseꞌ ni Juan, unu, tengteng aku mu pigginawa͡an?” Migkalat ya ginawa ni Pédro asuntu na pig-usip sakanan ni Jisus na makatlu, “Unu, pigginawa͡an aku mu?” Yanagaw miglong si Pédro, “Kay Matas na Pangulu, nya-edeꞌ kaw sa kadég. Kya-ede-an da mu saba na to-o ta kaw pigginawa͡an!” Aw miglong si Jisus, “Diyagayi ya kanak manga karniro.”
18Pagkatigkas yan, miglong pa uman si Jisus adti kan Pédro, “Matinaw ya un ku paglongun kanmu: Sa bagu pa ya kanmu ginawa, ikaw ya magbayaꞌ sa pagka-utawun mu, kun unu ya un mu sutun aw kun ayin kaw pasinan. Manang pagkabakleg da mu, uladen mu ya kanmu manga bekten aw eped da na utaw ya magpasut aw mangelen kanmu, aw silan ya magbayaꞌ kanmu. Aw pa-agad kaw nilan adti banwa na diliꞌ mu kaliman kadtuwan.” 19Na, maynan ya piglong ni Jisus pada pa-edeꞌ kanan kun unu ya ka-agiyan na pagkamatay ni Pédro, aw magi dun, un nan basa͡an ya Tyumanem.#21:19 Paglabay da na madég na manga umay, pigpatay si Pédro na pigtingulu dun ni krus adti syudad na Roma. Pagkatigkas yan, miglong si Jisus kan Pédro, “Dalug kaw kanak!”
20Aw sa paglingiꞌ ni Pédro, kyinitaꞌ nan na gyumuyud kanilan ya sambuk na umagakan na pigginawa͡an ni Jisus. Yeiy ya umagakan na nyangunsalig dun ni aba ni Jisus adti pagpangiyambung idtu muna aw nyusip kan Jisus kun singalan ya un maglubid kanan. 21Sa pagkitaꞌ ni Pédro kanan, nyusip sakanan kan Jisus, “Kay Matas na Pangulu, unu ya datengan na utaw yeiy?” 22Aw tyumubag si Jisus kanan, “Kun kaliman ku na meyaꞌ pa sakanan asini tas na lupaꞌ mendaꞌ sa paglikuꞌ ku, unu ya kanmu labet? Gayed kaw sa kanmu dalug kanak!”
23Asuntu sa piglong nan yeiy, nyabekkal baling adti manga mangintu-uway ya kasampetanen na diliꞌ kunu matay ya sambuk na umagakan na pigginawa͡an ni Jisus. Manang walaꞌ si Jisus paglong na diliꞌ sakanan matay. Yan oloꞌ ya piglong nan, “Kun kaliman ku na meyaꞌ pa sakanan asini tas na lupaꞌ mendaꞌ sa paglikuꞌ ku, unu ya kanmu labet?” 24Aw yeiy ya umagakan ni Jisus na migmatinaw sa kadég na pigsulat nan asini. Aw kya-ede-an tadun na alag matinaw ya piglong nan asini. 25Madég pa ya manga pig-imoꞌ ni Jisus, aw kun mabus sulaten adti libru, ya kadég na manga libru diliꞌ masa asini kadakulaꞌ na banwa.
ទើបបានជ្រើសរើសហើយ៖
Juan 21: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Juan 21
21
Ya pagpakitaꞌ salut ni Jisus kan Pédro aw manga eped nan
1Paglabay da na pilangallaw, migpakitaꞌ da uman si Jisus adti kanan manga umagakan dun ni ligad na Danaw na Tibériyas.#21:1 Ya Danaw na Tibériyas pigngalanan uman na Danaw na Galiliya aw Danaw na Génésarét. Maynini ya nya-imoꞌ: 2Migkatipun si Simon Pédro, aw si Tomas na pagtawagen uman na Pingin, aw si Natanyél na taga Cana sakup na Galiliya, aw ya duwa ya iseꞌ ni Zibidiyo na eseg, aw ya duwa pa uman na umagakan ni Jisus. 3Aw miglong si Simon Pédro adti manga eped nan, “Un pa aku mamiyala.” Aw law nilan, “Magad kami kanmu!” Aw syumakay silan sa balangay aw syuminan adti tenga-tengaꞌ na danaw. Aw sanggabi nilan ya nyamiyala manang walaꞌ ya nyakamang nilan.
4Na, sa to-o pa maselem, kyinitaꞌ nilan si Jisus nyinindeg adti baklayan dun ni ligad na danaw, manang walaꞌ nilan kilala͡a kun singalan sakanan. 5Aw migtatawag si Jisus kanilan, “We…Lew! Awun nyakamang mayu?” Aw tyumubag silan kanan, “Walaꞌ kay Lew, pangkay sambuk.” 6Aw migtatawag pa uman si Jisus kanilan, “Agbelan ya biyala mayu apit adti kalintu aw awun makamang mayu.” Yanagaw pig-agbel nilan ya kanilan biyala apit adti kalintu, aw to-o madég ya isdaꞌ na nyakamang nilan aw walaꞌ nilan kabatug engata. 7Aw miglong kan Pédro ya sambuk kanilan na to-o pigginawa͡an ni Jisus, “Wettay, ya migtatawag kadiꞌ kanaten, yan ya Matas na Pangulu tadun!” Aw sa pagdengeg ni Simon Pédro na si Jisus ya adti baklayan, maksay nan pigsut ya sa-ul na pigluwas nan, aw kyumawas sakanan adti tubig aw kyumapay pasinan adti kan Jisus. 8Manang ya manga eped na umagakan, kenneꞌ pa nilan adti balangay aw pigguyud nilan ya biyala na nyatmuꞌ na isdaꞌ. Kay ya kawat lekat adti ligad na danaw, manga kalima͡an (50) ka depa. 9Sa pagpakataklang da nilan adti baklayan, awun kyinitaꞌ nilan na manga baga na uling aw isdaꞌ na pigpasagan, aw awun uman pan. 10Aw miglong si Jisus kanilan, “Dala kamu kanaten adi sa isdaꞌ na nyakamang mayu!” 11Yanagaw nyanik si Simon Pédro sa balangay aw pigbeklas nan ya biyala na kenneꞌ pa nyatmuꞌ na manga mangkabaklaꞌ na isdaꞌ. Sanggatus aw kalima͡an tag tulu (153) ya kadég na isdaꞌ adti seled manang walaꞌ kakéséꞌ ya biyala. 12Pagkatigkas yan, miglong si Jisus kanilan, “Kan da kamu adi!” Aw walaꞌ ya pangkay sambuk na manga umagakan nan na nyaka-eles nyangusip kun singalan sakanan kay kya-ede-an da nilan na yan ya Matas na Pangulu. 13Aw pigkamang ni Jisus ya pan aw isdaꞌ na abus da nan pasagi aw pigtenga-tengaꞌ nan adti kanilan. 14Na, yeiy ya katlu na pagpakitaꞌ ni Jisus adti kanan manga umagakan pagkatigkas na pagkataw nan lekat adti pagkamatay.
Ya piglong ni Jisus kan Pédro
15Pagkatigkas nilan kuman, miglong si Jisus kan Simon Pédro, “Kay Simon na iseꞌ ni Juan, unu, dakulaꞌ ya pagginawa mu kanak kay sa kadég yeiy?” Aw tyumubag si Pédro, “E-e, kay Matas na Pangulu. Kya-ede-an mu na to-o ta kaw pigginawa͡an.” Aw miglong si Jisus kanan, “Pakana ya kanak manga karniro.” 16Miglong pa uman si Jisus, “Kay Simon na iseꞌ ni Juan, unu, tengteng aku mu pigginawa͡an?” Aw law ni Pédro, “E-e, kay Matas na Pangulu, kya-ede-an da mu saba na to-o ta kaw pigginawa͡an.” Aw miglong pa uman si Jisus, “Diyagayi ya kanak manga karniro.” 17Dun ni katlu na usip ni Jisus, miglong sakanan, “Kay Simon na iseꞌ ni Juan, unu, tengteng aku mu pigginawa͡an?” Migkalat ya ginawa ni Pédro asuntu na pig-usip sakanan ni Jisus na makatlu, “Unu, pigginawa͡an aku mu?” Yanagaw miglong si Pédro, “Kay Matas na Pangulu, nya-edeꞌ kaw sa kadég. Kya-ede-an da mu saba na to-o ta kaw pigginawa͡an!” Aw miglong si Jisus, “Diyagayi ya kanak manga karniro.”
18Pagkatigkas yan, miglong pa uman si Jisus adti kan Pédro, “Matinaw ya un ku paglongun kanmu: Sa bagu pa ya kanmu ginawa, ikaw ya magbayaꞌ sa pagka-utawun mu, kun unu ya un mu sutun aw kun ayin kaw pasinan. Manang pagkabakleg da mu, uladen mu ya kanmu manga bekten aw eped da na utaw ya magpasut aw mangelen kanmu, aw silan ya magbayaꞌ kanmu. Aw pa-agad kaw nilan adti banwa na diliꞌ mu kaliman kadtuwan.” 19Na, maynan ya piglong ni Jisus pada pa-edeꞌ kanan kun unu ya ka-agiyan na pagkamatay ni Pédro, aw magi dun, un nan basa͡an ya Tyumanem.#21:19 Paglabay da na madég na manga umay, pigpatay si Pédro na pigtingulu dun ni krus adti syudad na Roma. Pagkatigkas yan, miglong si Jisus kan Pédro, “Dalug kaw kanak!”
20Aw sa paglingiꞌ ni Pédro, kyinitaꞌ nan na gyumuyud kanilan ya sambuk na umagakan na pigginawa͡an ni Jisus. Yeiy ya umagakan na nyangunsalig dun ni aba ni Jisus adti pagpangiyambung idtu muna aw nyusip kan Jisus kun singalan ya un maglubid kanan. 21Sa pagkitaꞌ ni Pédro kanan, nyusip sakanan kan Jisus, “Kay Matas na Pangulu, unu ya datengan na utaw yeiy?” 22Aw tyumubag si Jisus kanan, “Kun kaliman ku na meyaꞌ pa sakanan asini tas na lupaꞌ mendaꞌ sa paglikuꞌ ku, unu ya kanmu labet? Gayed kaw sa kanmu dalug kanak!”
23Asuntu sa piglong nan yeiy, nyabekkal baling adti manga mangintu-uway ya kasampetanen na diliꞌ kunu matay ya sambuk na umagakan na pigginawa͡an ni Jisus. Manang walaꞌ si Jisus paglong na diliꞌ sakanan matay. Yan oloꞌ ya piglong nan, “Kun kaliman ku na meyaꞌ pa sakanan asini tas na lupaꞌ mendaꞌ sa paglikuꞌ ku, unu ya kanmu labet?” 24Aw yeiy ya umagakan ni Jisus na migmatinaw sa kadég na pigsulat nan asini. Aw kya-ede-an tadun na alag matinaw ya piglong nan asini. 25Madég pa ya manga pig-imoꞌ ni Jisus, aw kun mabus sulaten adti libru, ya kadég na manga libru diliꞌ masa asini kadakulaꞌ na banwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.