Pigpan-imo' 1
1
Ya pagka-engat ni Jisus adti tas na langit
1Kay Tyupilo: Dun ni tagnaꞌ na libru na pigsulat ku idtu muna, pigpa-edeꞌ ku ya kadég na pigpan-imoꞌ ni Jisus aw ya kadég na pigpalna-u nan, lekat adti pagpalekat na imo-unun nan 2-3taman na allaw na nya-engat sakanan adti tas na langit. Na, pagkatigkas na pagkamatay nan, nyataw sakanan aw migpakitaꞌ adti manga apostolés na dadan da nan pigpamalliꞌ. Seled na kapatan (40) ya allaw, pigmatinaw nan na nyataw sakanan lekat adti pagkamatay, aw gayed nan pigpa-edeꞌ kanilan ya Kasakupan na Pighari-an na Tyumanem, aw piglongan nan silan magi sa katulus na Ispiritu Santo kun unu ya un nilan imo-un. 4Sa kenneꞌ pa ni Jisus adti tampid nilan, piglongan nan silan, “Diliꞌ pa kamu magpanaw asini Jérusalim manang tagadi mayu una asini ya pigpakang na Ama na dyengeg mayu adi kanak. 5Idtu muna sa utaw pa si Juan, pigba͡utismuwan kamu nan magi sa tubig, manang diliꞌ madugay un kamu ba͡utismuwan magi sa Ispiritu Santo.”
6Pagkatipun da uman nilan, nyusip silan kan Jisus, law nilan, “Kay Magpalna-uway, unu kaꞌ, paluwa-en da mu adun ya nasud na Isra-él lekat adti pagsakup na Roma aw ikaw da ya maghariꞌ?” 7Aw tyumubag si Jisus, “Walaꞌ tumbayan kamayu ya pagka-edeꞌ kun kinunu yan ka-imoꞌ, kay ya Ama, yan ya magbayaꞌ sa kadég. 8Manang dun ni allaw na pagdateng na Ispiritu Santo adti kamayu, madawat mayu ya katulus na Tyumanem. Yanagaw kamu ya magmatinaw kanak asini Jérusalim, aw adti kadakulaꞌ na probinsiya na Judiya aw banwa na Samariya, aw pangkay adti kadakulaꞌ na banwa.” 9Pagkatigkas ni Jisus maglong kanilan, nya-engat sakanan adti langit aw gayed nilan pigtandawan mendaꞌ na kyasalibenan na labun aw walaꞌ da nilan sakanan kita-a.
10Sa kenneꞌ pa nilan lyumangad adti langit, biglaꞌ nyaka-indeg dun ni sayid nilan ya duwa ya eseg na syumut sa kadégkadég na alag maputiꞌ. 11Aw law nilan, “Kay manga taga Galiliya, anangaꞌ kenneꞌ pa mayu mig-indeg-indeg asini aw lyumangad adti langit? Ya Jisus na nya-engat lekat adti kamayu pasinan adti tas na langit, dumateng ya allaw na lumikuꞌ sakanan, aw maynini uman ya ma-imoꞌ dun ni paglikuꞌ nan.”
Ya pagpamalliꞌ sa un pagsayu kan Judas
12Na, ya kadég yeiy nya-imoꞌ adti buntud na pigngalanan na Olibo adti dipag na syudad na Jérusalim. Aw tigkas yan, lyumikuꞌ ya manga apostolés adti Jérusalim, aw ya kawat na pigpanawan nilan sangka kilomitro. 13Aw syumeled silan adti bantukanan aw nyanik adti gibalayan na awun ni kadwa na kansad. Aw migkatipun silan si Pédro, aw si Juan, aw si Santiago, aw si Andrés, aw si Pilipi, aw si Tomas, aw si Bartolomi, aw si Matiyo, aw si Santiago na iseꞌ ni Alpiyo, aw si Simon na nyakasakup idtu muna adti partido na manga Zéloti, aw si Judas na iseꞌ ni Santiago. 14Aw gayed migsambuk ya ginawa nilan aw nyatibulluk adti pagpanawagtawag sa Tyumanem. Aw dun uman ya manga ka͡ubayan na nya-imoꞌ umagakan ni Jisus, aw si Maria na ina nan, aw ya manga inulug ni Jisus.
15Sambuk na allaw yan, migkatipun ya manga sanggatus aw kaluwa͡an (120) ya manga mangintu-uway kan Jisus. Aw nyindeg si Pédro aw piglongan nan ya kadég nilan: 16“Kay manga inulug ku, nyatuman da ya pigpa-edeꞌ dadan ni Dabid magi sa katulus na Ispiritu Santo, aw yeiy saba ya pag-allad ni Judas sa manga utaw na migdakep kan Jisus. 17Si Judas, yan ya sambuk na eped nami na pigpamalliꞌ ni Jisus na tyumabang sa manga imo-unun nan.”
18Na, yeiy ya nya-imoꞌ kan Judas: Ya pigtandan kanan sa pig-imoꞌ nan na malatay, pigbayad nan sa lupaꞌ. Aw adti lupaꞌ na pigbayadan nan, dun sakanan kolug lekat adti kawuy na nyaka-una ya ulu nan aw nyakadakdak adti lupaꞌ aw nyutu ya buntit nan aw lyumuwaꞌ ya tinay nan. 19Pagdengeg da na manga utaw na nyeyaꞌ dun ni Jérusalim sa kyagamakan ni Judas, pigngalanan nilan ya lupaꞌ yan na Akéldama. Ya kakawasan: lupaꞌ na pigbayadan na duguꞌ.
20Migpadeleg pa si Pédro miglong, “Yeiy ya pigsulat asini muna dun ni Salmo: ‘Pabaya-an da galu na kadég na manga utaw ya kanan eya-anan, aw walaꞌ da ya un pa-eya-en dun ni lupaꞌ yan.’#1:20a Mabasa adti Salmo 69:25. Aw pigsulat uman,
‘Madyaw awun sumayu sa katundanan nan.’ ”#1:20b Mabasa adti Salmo 109:8.
21-22Miglong pa uman si Pédro, “Ka-ilangan awun sambuk uman na eseg na un ma-imoꞌ apostol eped nami aw magmatinaw sa pagkataw ni Jisus na kanaten Matas na Pangulu lekat adti pagkamatay. Aw ya umbaꞌ pamalli-en, yan ya sambuk na utaw na nyaka-iyeped kanami lekat adti allaw na pagba͡utismu ni Juan kan Jisus taman na allaw na nya-engat si Jisus adti tas na langit.”
23Yanagaw awun duwa ya eseg na un nilan pamalli-an. Ya sambuk, yan si José na pigngalanan uman na si Barsabas na pagtawagen nilan na Justo. Aw ya sambuk, yan si Matiyas. 24Pagkatigkas yan, nyanawagtawag silan, law nilan, “Kay Tyumanem na awun ni tas na langit: Kya-ede-an mu ya anenganeng na kadég na utaw. Pa-ede-an beg kanami kun singalan kanilan ya pigpamalliꞌ da mu 25na ma-imoꞌ apostol na un sumayu kan Judas. Kay pig-ayawan ni Judas ya katundanan nan aw adtu la sakanan ni banwa na umbaꞌ kanan.” 26Pagkatigkas yan, migbunutbunut silan, aw kan Matiyas ngalan ya kyabunutan, aw nya-imoꞌ sakanan apostol eped na sampuluꞌ taggesyaꞌ (11).
ទើបបានជ្រើសរើសហើយ៖
Pigpan-imo' 1: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Pigpan-imo' 1
1
Ya pagka-engat ni Jisus adti tas na langit
1Kay Tyupilo: Dun ni tagnaꞌ na libru na pigsulat ku idtu muna, pigpa-edeꞌ ku ya kadég na pigpan-imoꞌ ni Jisus aw ya kadég na pigpalna-u nan, lekat adti pagpalekat na imo-unun nan 2-3taman na allaw na nya-engat sakanan adti tas na langit. Na, pagkatigkas na pagkamatay nan, nyataw sakanan aw migpakitaꞌ adti manga apostolés na dadan da nan pigpamalliꞌ. Seled na kapatan (40) ya allaw, pigmatinaw nan na nyataw sakanan lekat adti pagkamatay, aw gayed nan pigpa-edeꞌ kanilan ya Kasakupan na Pighari-an na Tyumanem, aw piglongan nan silan magi sa katulus na Ispiritu Santo kun unu ya un nilan imo-un. 4Sa kenneꞌ pa ni Jisus adti tampid nilan, piglongan nan silan, “Diliꞌ pa kamu magpanaw asini Jérusalim manang tagadi mayu una asini ya pigpakang na Ama na dyengeg mayu adi kanak. 5Idtu muna sa utaw pa si Juan, pigba͡utismuwan kamu nan magi sa tubig, manang diliꞌ madugay un kamu ba͡utismuwan magi sa Ispiritu Santo.”
6Pagkatipun da uman nilan, nyusip silan kan Jisus, law nilan, “Kay Magpalna-uway, unu kaꞌ, paluwa-en da mu adun ya nasud na Isra-él lekat adti pagsakup na Roma aw ikaw da ya maghariꞌ?” 7Aw tyumubag si Jisus, “Walaꞌ tumbayan kamayu ya pagka-edeꞌ kun kinunu yan ka-imoꞌ, kay ya Ama, yan ya magbayaꞌ sa kadég. 8Manang dun ni allaw na pagdateng na Ispiritu Santo adti kamayu, madawat mayu ya katulus na Tyumanem. Yanagaw kamu ya magmatinaw kanak asini Jérusalim, aw adti kadakulaꞌ na probinsiya na Judiya aw banwa na Samariya, aw pangkay adti kadakulaꞌ na banwa.” 9Pagkatigkas ni Jisus maglong kanilan, nya-engat sakanan adti langit aw gayed nilan pigtandawan mendaꞌ na kyasalibenan na labun aw walaꞌ da nilan sakanan kita-a.
10Sa kenneꞌ pa nilan lyumangad adti langit, biglaꞌ nyaka-indeg dun ni sayid nilan ya duwa ya eseg na syumut sa kadégkadég na alag maputiꞌ. 11Aw law nilan, “Kay manga taga Galiliya, anangaꞌ kenneꞌ pa mayu mig-indeg-indeg asini aw lyumangad adti langit? Ya Jisus na nya-engat lekat adti kamayu pasinan adti tas na langit, dumateng ya allaw na lumikuꞌ sakanan, aw maynini uman ya ma-imoꞌ dun ni paglikuꞌ nan.”
Ya pagpamalliꞌ sa un pagsayu kan Judas
12Na, ya kadég yeiy nya-imoꞌ adti buntud na pigngalanan na Olibo adti dipag na syudad na Jérusalim. Aw tigkas yan, lyumikuꞌ ya manga apostolés adti Jérusalim, aw ya kawat na pigpanawan nilan sangka kilomitro. 13Aw syumeled silan adti bantukanan aw nyanik adti gibalayan na awun ni kadwa na kansad. Aw migkatipun silan si Pédro, aw si Juan, aw si Santiago, aw si Andrés, aw si Pilipi, aw si Tomas, aw si Bartolomi, aw si Matiyo, aw si Santiago na iseꞌ ni Alpiyo, aw si Simon na nyakasakup idtu muna adti partido na manga Zéloti, aw si Judas na iseꞌ ni Santiago. 14Aw gayed migsambuk ya ginawa nilan aw nyatibulluk adti pagpanawagtawag sa Tyumanem. Aw dun uman ya manga ka͡ubayan na nya-imoꞌ umagakan ni Jisus, aw si Maria na ina nan, aw ya manga inulug ni Jisus.
15Sambuk na allaw yan, migkatipun ya manga sanggatus aw kaluwa͡an (120) ya manga mangintu-uway kan Jisus. Aw nyindeg si Pédro aw piglongan nan ya kadég nilan: 16“Kay manga inulug ku, nyatuman da ya pigpa-edeꞌ dadan ni Dabid magi sa katulus na Ispiritu Santo, aw yeiy saba ya pag-allad ni Judas sa manga utaw na migdakep kan Jisus. 17Si Judas, yan ya sambuk na eped nami na pigpamalliꞌ ni Jisus na tyumabang sa manga imo-unun nan.”
18Na, yeiy ya nya-imoꞌ kan Judas: Ya pigtandan kanan sa pig-imoꞌ nan na malatay, pigbayad nan sa lupaꞌ. Aw adti lupaꞌ na pigbayadan nan, dun sakanan kolug lekat adti kawuy na nyaka-una ya ulu nan aw nyakadakdak adti lupaꞌ aw nyutu ya buntit nan aw lyumuwaꞌ ya tinay nan. 19Pagdengeg da na manga utaw na nyeyaꞌ dun ni Jérusalim sa kyagamakan ni Judas, pigngalanan nilan ya lupaꞌ yan na Akéldama. Ya kakawasan: lupaꞌ na pigbayadan na duguꞌ.
20Migpadeleg pa si Pédro miglong, “Yeiy ya pigsulat asini muna dun ni Salmo: ‘Pabaya-an da galu na kadég na manga utaw ya kanan eya-anan, aw walaꞌ da ya un pa-eya-en dun ni lupaꞌ yan.’#1:20a Mabasa adti Salmo 69:25. Aw pigsulat uman,
‘Madyaw awun sumayu sa katundanan nan.’ ”#1:20b Mabasa adti Salmo 109:8.
21-22Miglong pa uman si Pédro, “Ka-ilangan awun sambuk uman na eseg na un ma-imoꞌ apostol eped nami aw magmatinaw sa pagkataw ni Jisus na kanaten Matas na Pangulu lekat adti pagkamatay. Aw ya umbaꞌ pamalli-en, yan ya sambuk na utaw na nyaka-iyeped kanami lekat adti allaw na pagba͡utismu ni Juan kan Jisus taman na allaw na nya-engat si Jisus adti tas na langit.”
23Yanagaw awun duwa ya eseg na un nilan pamalli-an. Ya sambuk, yan si José na pigngalanan uman na si Barsabas na pagtawagen nilan na Justo. Aw ya sambuk, yan si Matiyas. 24Pagkatigkas yan, nyanawagtawag silan, law nilan, “Kay Tyumanem na awun ni tas na langit: Kya-ede-an mu ya anenganeng na kadég na utaw. Pa-ede-an beg kanami kun singalan kanilan ya pigpamalliꞌ da mu 25na ma-imoꞌ apostol na un sumayu kan Judas. Kay pig-ayawan ni Judas ya katundanan nan aw adtu la sakanan ni banwa na umbaꞌ kanan.” 26Pagkatigkas yan, migbunutbunut silan, aw kan Matiyas ngalan ya kyabunutan, aw nya-imoꞌ sakanan apostol eped na sampuluꞌ taggesyaꞌ (11).
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.