Utumbuli 24
24
Isaka anzukuu Lebeka
1Ibulaimu jabii nseja jwa yaka hingi, najombi Bambu Sapanga jabiya ammpengi kila sindu sejwahengiki. 2Lisoba limu Ibulaimu ampwagila mtumisi waki jojabii kilongosi jwa bangi na jojujemale mali gaki goti, “Nigila nepani mbamba sukubeka kuboku kwaku mu miungu jango, 3mbala guliga palongi jaka Bambu Sapanga, Sapanga ju kunani nu nndema, ana ngawanzukuki mwana wangu kamwali jokapi kati jaka kamwali baatama pa Kanani pani. 4Nigila ana wijenda mbaka ku musi wangu, kwaka alongu bangu, kuntaputi mwana wangu Isaka mmbomba.”
5Lakini ntumisi hoju anndalukiya, “Kwibiya boo, ana kamwali hoju jukaniki kuhika na nepani kongo nankelubua mwana waku ku musi gogwauhumile?”
6Ibulaimu ampwagila, “Ngaela! Lingaliya ngani wankelabuu mwana wangu hoku. 7Bambu Sapanga, Sapanga ju kunani, jojwamoiki ku nyumba ja atati bangu nu kuhuma mu musi konzaliwi, na jojuwe jalongila nanepani nu kunigi ana jaapekiya ibeleku yangu mu nndema gongo gwa Kanani. Jombi jaantuma ntumi waki ju kunani ili jukulongusa kunndete mwanangu kamwali kuhuma hoku. 8Ana kabee mmbomba hoju ngajipali kulongana nawehapa mbaka kongone, ndienu kuliga mbamba kwangu nga kwagukongi, lakini wankelabuu mwana wahoku.” 9Ndienu, ntumisi hoju jabeka kuboku kwaki mu miungu jaka Ibulaimu nukuliga mbamba kwaka Ibulaimu kupete lijambu heli.
10Ntumisi jola jajukua ngamia komi yaka bambu waki Ibulaimu na nhupi yeinyambiki kuhuma kwaka Ibulaimu, jajenda mu musi gojutamika Naholi upandi uku kasikazini uku Mesopotania. 11Pajahika pambipi na musi jiijemika ngamia pambipi ni kiliba sekibii pulutengu ja musi. Kwabiya pakamii papuje akammbomba ajendika kuteka masi ku kiliba. 12Najombi jaloba, “Wa Bambu Sapanga, Sapanga waka bambu wangu Ibulaimu, nuguloba gunyangatiya lelenu numpata kamwali hoju nukutimisa gaumpwagila bambu wangu Ibulaimu. 13Mii pamba pulutengu ji kiliba papuje akamwali ba benei ba musi gongo ahika kuteka masi. 14Ndienu, kamwali jonumpwagila jutola pai mndundu waki wa masi jumbekiya masi ngunywa, najombi anajumbeki masi nepani pamu nu kukenga ngamia jangu, ndi jubiya jounhaguli ntumisi waku Isaka. Akubii hela niimanya kubanga gummboni ikia ntumisi wangu Ibulaimu.”
15Ejabiya nganukujomule kuloba, apalapa Lebeka kamwali waka Betueli mwana waka Milika jojuwe nhwanu waka Naoli nndongu waki Ibulaimu, jahika jutotwi mndundu waki mu mabega. 16Kamwali we hoju jabii junyambiki ngamaa na jwanga kummnya mwanalomi. Ndienu jahelala mwi kiliba na jatwelakiya mndundu waki masi nu kukwela. 17Apalapa ntumisi juka Ibulaimu jola anzombatikiya nukuketangana naku nu kumpwagi, “Gupepa koku, naambeke masi ga kunywa kuhuma mu mndundu wako.”
18Mmbomba jola jajibua, “Haga gukunywa nkolongu wangu.” Apalapa jatola mndundu waki mukuboku nukunkamuli jukunywa. 19Ejabiya ampeki masi ampwagila, “Ngiti niitekila ngamia yaku kabee, ikunywa mbaka itosika.” 20Ndienu, kamwali we hoju jatenda nnyata kujakana masi kuhuma mundundu kujege mu lukoi luku kenge inyama, jabutuka imbelu kuteka masi gangi na jateka masi gagatosaninya kunywa ngamia yoti. 21Mundu jola jabiya anndingali nakanopi bila kupwaaga sokapi, ili jumanya ana Bambu Sapanga junhwesisi kutimisa sejajendi mu sapwali jaki.
22Ngamia payajomula kunywa masi, ntumisi jola ampekiya kamwali jola bangili nzoku yeawata piimbulu jejitopi ngati gilamu sita na bangili ibeli ya zaabu ya gilamu komi kila jimu. 23Anndalukiya, “Gupepa koku gumbwagila, weapa wa kamwali waka nyane? Boo, kunyumba jii pabii pandu pu kugone nepani na bandu bango?” 24Lebeka jajibua, “Nepani ndi kamwali waka Betuali mwana waka Milika, nhwanu waka Naholi. 25Kwitu gabii manyoi na pandu pakolongu pukuleeke inyama na pandu pukugone mwanganya jibii.” 26Ndipala ntumisi jola japega magoti nu kujinamisa umutu waki pai, anndumbaliya Bambu Sapanga. 27Japwaaga, “Julumbalika Bambu Sapanga, Sapanga waka bambu wangu Ibulaimu, jojuwe ngasejukotwiki kuhenga gaamboni nukuhobaleka kutimisa malagi gaki kwaka bambu wangu Ibulaimu. Bambu Sapanga ndaba junongwisi namweti mbaka kwaka alongu baka bambu wangu.” 28Ndipala kamwali jola jabutuka kujenda kunyumba na kwaapwagi anyongo baki goti gagapiiti. 29Lebeka jabii nu nhwasa waki joankema Labani. Labani jaboka imbelu kuketangana na ntumisi jwaka Ibulaimu ku kiliba, 30Labani jabiya jijibweni bangili nzoku jukuwata piimbulu na bangili ju mumaboku gaka nndombu waki na jajoini malobi gajalongila Lebeka kundongale mundu hoju. Labani ankolila mundu jola jujemiki na ngamia waki pulutengu ji kiliba. 31Labani ampwagila, “Kalibu ku nyumba jito weapa wogupengaliwi na Bambu Sapanga. Mbona gujema kunza hoko? Nenuguhandalii nyumba na pandu pukubeka ngamia yaku.”
32Ndienu, ntumisi hoju waka Ibulaimu jajenda kunyumba kwa aka Labani. Atumisi baka Labani biibopuliya ngamia nu kwiiipeke manyoi ngamia yaki na ampekiya jombi na bandu baki masi gukusamba mu kugolu. 33Ndienu, atumisi baka Labani baaletila posu, lakini ntumisi waka Ibulaimu japwaaga, “Nganguli mbaka mbwaga oti sekinetiki.”
Labani ampwagila, “Hena utupwagilaje.”
34Ntumisi jola japwaaga, “Nepani nu ntumisi waka Ibulaimu.” 35“Bambu Sapanga ampengi ngamaa bambu wangu, na jubii na mali gingi. Bambu ampeki ng'ombi na makundi ga makondoo na malibu ga feza na zaabu na atumisi akanalomi na akammbomba ngamia na maponda! 36Sala nhwanu waka bambu wangu mu useja waki, ammbelakiya bambu wangu mwana, na bambu wangu ampeki mwana we hoju mali gaki goti. 37Bambu wangu junhengiki niga mbamba nukumbwagi, ‘Naanzukuki mwana waki kamwali jokapi kuhuma nndema uku Kaanani gondama. 38Ila gujenda mbaka kunyumba ja atati bangu na kwa alongu bangu ili ukunzukukiya mwana wangu Isaka kamwali.’ 39Lakini nundalukiya bambu wangu, ‘Kwibiya boo, ana jwiitenda kukana kuhika pamu na nepane?’ 40Lakini bambu wangu japwaaga, Bambu Sapanga jonunzetake masoba goa jagutumila atumi baki bu kunani kwaka Sapanga jugulongusa nu kugujangati ili sapwali jaku jibiya sapi, gujenda ukunzukukiya mwana wangu mmbomba kuhuma kwa alongu bangu bu lukolu lwa atati bangu. 41Ana pawakahika kwa alongu bangu ngabagupeke mmbomba hoju, ndienu kuliga mbamba kwangu nga kwagukongi.
42“Lelenu enhikika ku kiliba nobika, ‘Wa Bambu Sapanga, Sapanga waka bambu wangu Ibulaimu, nuguloba gunyangatiya mu sapwali jangu nu gummbonila ikia bambu wangu Ibulaimu. 43Mii pamba pulutengu ji kiliba. Ana kamwali jwikiki kuteka masi na nepani ana numpwagi gupepa koku gumbekiya masi kidogu kuhuma mu mundundu waku, masi ngunywa, 44najombi ana jumbeki masi ngunywa, nukuiteke ngamia yangu masi, ndienu hoju ndi jubia jounhaguli kuba nhwanu waka mwana waka bambu wangu.’ 45Enabiya nganukujomo kuloba mwoju wangu, apalapa Lebeka jahika nu nndundu waki puubega jaki, jahelala pi kiliba nukuteka masi. Nanepani numpwagila, ‘Gupepakoku, naambeke masi ngunywe.’ 46Najombi jatola nndundu waki nyata kuhuma muubega nukupwaaga, ‘Ganga kunywa nkolongu wangu. Na kabee ngiti niitekila masi na ngamia yaku.’ Ndi nakunywaa na jwiitekila ngamia na yombi yatenda kunywa. 47Ndienu nundalukiya, ‘Boo, wehapa waka mwali waka nyanye?’ Japwaga, ‘Nepani nakamwali waka Betueli mwana waka Milika nhwanu waka Naoli.’ Ndipala panumpekiya bangili nzoku jukuwata piimbulu nu kunhwatika bangili mu kuboku. 48Ndipala napega magoti nukujinama nu kunndumbali Bambu Sapanga, Sapanga waka nkolongu wangu Ibulaimu, jojunongwisi mwi indela kujenda kwaka alongu baka nkolongu wangu, kunzukuki mmbomba Isaka mwana waka nkolongu wangu. 49Henu mmbwagila ananndangi uamboni kokulangi ntenda kuhobaleka kwaka bambu wangu Ibulaimui, anangahela nala mpwaga nanepani niimanya sukuhenga.”
50Ebabiya jujoini haga, Labani na Betueli bumpwagila, “Lijambu heli lihumiki kwaka Bambu Sapanga, twepani ngatwiiwesi kuamu lokapi. 51Lebeka we jonzo, nzukua nzendannya. Najakabiya nhwanu waka mwana waka bambu waku ngati Bambu Sapanga ejupwagiki.” 52Ntumisi waka Ibulaimu pajajoa malobi haga, japega magoti nukunsengu Bambu Sapanga. 53Ndipala japia lupija na zaabu ni ingobu, ampekiya Lebeka. Kabee jaapekiya aka kilongu na anyongo baka Lebeka hindu ya bei ngolongu.
54Ndienu, ntumisi waka Ibulaimu na bandu bajabia juhikiki naku bakula nakunywa nu kugone koko. Pabajumuka pulukela, ntumisi jola japwaaga, “Nandi noba kubuja kwaka bambu wangu.”
55Lakini Labani na anyongo baka Lebeka bapwaaga, “Gundeka Lebeka jutaama oti kasokopi ngati masoba komi helahe, henu jiwesa kuboka.”
56Ntumisi jola japwaaga, “Mpepa koku mwinzelawesa ndaba Bambu Sapanga junyangati nsapwali jangu, nandi noba nyetakali kubuja kwaka bambu wangu.”
57Nabombi bapwaaga, “Nala tunkema kamwali weni tunndalukiya.”
58Bunkema Lebeka nu kundaluki, “Boo, wiijenda nu mundu ajojo?”
Najombi jajibua, “Mbaka nyende.”
59Ndienu, bunzetakaliya Lebeka jujenda nu ntumisi waka Ibulaimu na bandu baki. Na Debola nanyongo jojabiya antunza Lebeka toka pajabiya mwana jajenda pamu nabu. 60Ndienu, bumpengaliya Lebeka nukupwaga,
“Gunndombu witu! Wakabiya wanyongo wa bandu bingi ngamaa,
ibeleku yaku wakabiya nu uwesu panani ja Misi ja bandu babugusuki.” 61Ndipala, Lebeka na atumisi baki akambomba bakwela ngamia nu kujenda pamu nu ntumisi waka Ibulaimu, na boti batenda kubokane.
62Kipindi se hesi, Isaka jabiya juboi ku Beli Lahai Loi jabiya jutama hoku upandi uku kusini juku Kanani. 63Lisoba limu Isaka jajenda ku matui kutembale. Ndienu, ejalinga su kutali jiibona ngamia itenda kuhika. 64Najombi Lebeka pajalinga su kutali nu kummbona Isaka jahuluka mu ngamia jake, 65nukunndaluki ntumisi waka Ibulaimu, “Boo jojuhika kutujopa jolajo ndi nyane?”
Ntumisi jola jajibua, “Hoju ndi Isaka bambu wango.” Ndienu, Lebeka jajukua ingobu jaki jiliyeka pamihu jaki. 66Ntumisi jola andandila Isaka goti gajahengiki. 67Ndienu, Isaka anzukua Lebeka jajenda kutama naku mu lihema mobabii atama anyongo baki a Sala, ndienu jabiya nhwanamundu. Isaka ampala Lebeka nu kutogule mmwoju jaki ngati ejabiya jutogule kabula jakuwa anyongo.
ទើបបានជ្រើសរើសហើយ៖
Utumbuli 24: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 24
24
Isaka anzukuu Lebeka
1Ibulaimu jabii nseja jwa yaka hingi, najombi Bambu Sapanga jabiya ammpengi kila sindu sejwahengiki. 2Lisoba limu Ibulaimu ampwagila mtumisi waki jojabii kilongosi jwa bangi na jojujemale mali gaki goti, “Nigila nepani mbamba sukubeka kuboku kwaku mu miungu jango, 3mbala guliga palongi jaka Bambu Sapanga, Sapanga ju kunani nu nndema, ana ngawanzukuki mwana wangu kamwali jokapi kati jaka kamwali baatama pa Kanani pani. 4Nigila ana wijenda mbaka ku musi wangu, kwaka alongu bangu, kuntaputi mwana wangu Isaka mmbomba.”
5Lakini ntumisi hoju anndalukiya, “Kwibiya boo, ana kamwali hoju jukaniki kuhika na nepani kongo nankelubua mwana waku ku musi gogwauhumile?”
6Ibulaimu ampwagila, “Ngaela! Lingaliya ngani wankelabuu mwana wangu hoku. 7Bambu Sapanga, Sapanga ju kunani, jojwamoiki ku nyumba ja atati bangu nu kuhuma mu musi konzaliwi, na jojuwe jalongila nanepani nu kunigi ana jaapekiya ibeleku yangu mu nndema gongo gwa Kanani. Jombi jaantuma ntumi waki ju kunani ili jukulongusa kunndete mwanangu kamwali kuhuma hoku. 8Ana kabee mmbomba hoju ngajipali kulongana nawehapa mbaka kongone, ndienu kuliga mbamba kwangu nga kwagukongi, lakini wankelabuu mwana wahoku.” 9Ndienu, ntumisi hoju jabeka kuboku kwaki mu miungu jaka Ibulaimu nukuliga mbamba kwaka Ibulaimu kupete lijambu heli.
10Ntumisi jola jajukua ngamia komi yaka bambu waki Ibulaimu na nhupi yeinyambiki kuhuma kwaka Ibulaimu, jajenda mu musi gojutamika Naholi upandi uku kasikazini uku Mesopotania. 11Pajahika pambipi na musi jiijemika ngamia pambipi ni kiliba sekibii pulutengu ja musi. Kwabiya pakamii papuje akammbomba ajendika kuteka masi ku kiliba. 12Najombi jaloba, “Wa Bambu Sapanga, Sapanga waka bambu wangu Ibulaimu, nuguloba gunyangatiya lelenu numpata kamwali hoju nukutimisa gaumpwagila bambu wangu Ibulaimu. 13Mii pamba pulutengu ji kiliba papuje akamwali ba benei ba musi gongo ahika kuteka masi. 14Ndienu, kamwali jonumpwagila jutola pai mndundu waki wa masi jumbekiya masi ngunywa, najombi anajumbeki masi nepani pamu nu kukenga ngamia jangu, ndi jubiya jounhaguli ntumisi waku Isaka. Akubii hela niimanya kubanga gummboni ikia ntumisi wangu Ibulaimu.”
15Ejabiya nganukujomule kuloba, apalapa Lebeka kamwali waka Betueli mwana waka Milika jojuwe nhwanu waka Naoli nndongu waki Ibulaimu, jahika jutotwi mndundu waki mu mabega. 16Kamwali we hoju jabii junyambiki ngamaa na jwanga kummnya mwanalomi. Ndienu jahelala mwi kiliba na jatwelakiya mndundu waki masi nu kukwela. 17Apalapa ntumisi juka Ibulaimu jola anzombatikiya nukuketangana naku nu kumpwagi, “Gupepa koku, naambeke masi ga kunywa kuhuma mu mndundu wako.”
18Mmbomba jola jajibua, “Haga gukunywa nkolongu wangu.” Apalapa jatola mndundu waki mukuboku nukunkamuli jukunywa. 19Ejabiya ampeki masi ampwagila, “Ngiti niitekila ngamia yaku kabee, ikunywa mbaka itosika.” 20Ndienu, kamwali we hoju jatenda nnyata kujakana masi kuhuma mundundu kujege mu lukoi luku kenge inyama, jabutuka imbelu kuteka masi gangi na jateka masi gagatosaninya kunywa ngamia yoti. 21Mundu jola jabiya anndingali nakanopi bila kupwaaga sokapi, ili jumanya ana Bambu Sapanga junhwesisi kutimisa sejajendi mu sapwali jaki.
22Ngamia payajomula kunywa masi, ntumisi jola ampekiya kamwali jola bangili nzoku yeawata piimbulu jejitopi ngati gilamu sita na bangili ibeli ya zaabu ya gilamu komi kila jimu. 23Anndalukiya, “Gupepa koku gumbwagila, weapa wa kamwali waka nyane? Boo, kunyumba jii pabii pandu pu kugone nepani na bandu bango?” 24Lebeka jajibua, “Nepani ndi kamwali waka Betuali mwana waka Milika, nhwanu waka Naholi. 25Kwitu gabii manyoi na pandu pakolongu pukuleeke inyama na pandu pukugone mwanganya jibii.” 26Ndipala ntumisi jola japega magoti nu kujinamisa umutu waki pai, anndumbaliya Bambu Sapanga. 27Japwaaga, “Julumbalika Bambu Sapanga, Sapanga waka bambu wangu Ibulaimu, jojuwe ngasejukotwiki kuhenga gaamboni nukuhobaleka kutimisa malagi gaki kwaka bambu wangu Ibulaimu. Bambu Sapanga ndaba junongwisi namweti mbaka kwaka alongu baka bambu wangu.” 28Ndipala kamwali jola jabutuka kujenda kunyumba na kwaapwagi anyongo baki goti gagapiiti. 29Lebeka jabii nu nhwasa waki joankema Labani. Labani jaboka imbelu kuketangana na ntumisi jwaka Ibulaimu ku kiliba, 30Labani jabiya jijibweni bangili nzoku jukuwata piimbulu na bangili ju mumaboku gaka nndombu waki na jajoini malobi gajalongila Lebeka kundongale mundu hoju. Labani ankolila mundu jola jujemiki na ngamia waki pulutengu ji kiliba. 31Labani ampwagila, “Kalibu ku nyumba jito weapa wogupengaliwi na Bambu Sapanga. Mbona gujema kunza hoko? Nenuguhandalii nyumba na pandu pukubeka ngamia yaku.”
32Ndienu, ntumisi hoju waka Ibulaimu jajenda kunyumba kwa aka Labani. Atumisi baka Labani biibopuliya ngamia nu kwiiipeke manyoi ngamia yaki na ampekiya jombi na bandu baki masi gukusamba mu kugolu. 33Ndienu, atumisi baka Labani baaletila posu, lakini ntumisi waka Ibulaimu japwaaga, “Nganguli mbaka mbwaga oti sekinetiki.”
Labani ampwagila, “Hena utupwagilaje.”
34Ntumisi jola japwaaga, “Nepani nu ntumisi waka Ibulaimu.” 35“Bambu Sapanga ampengi ngamaa bambu wangu, na jubii na mali gingi. Bambu ampeki ng'ombi na makundi ga makondoo na malibu ga feza na zaabu na atumisi akanalomi na akammbomba ngamia na maponda! 36Sala nhwanu waka bambu wangu mu useja waki, ammbelakiya bambu wangu mwana, na bambu wangu ampeki mwana we hoju mali gaki goti. 37Bambu wangu junhengiki niga mbamba nukumbwagi, ‘Naanzukuki mwana waki kamwali jokapi kuhuma nndema uku Kaanani gondama. 38Ila gujenda mbaka kunyumba ja atati bangu na kwa alongu bangu ili ukunzukukiya mwana wangu Isaka kamwali.’ 39Lakini nundalukiya bambu wangu, ‘Kwibiya boo, ana jwiitenda kukana kuhika pamu na nepane?’ 40Lakini bambu wangu japwaaga, Bambu Sapanga jonunzetake masoba goa jagutumila atumi baki bu kunani kwaka Sapanga jugulongusa nu kugujangati ili sapwali jaku jibiya sapi, gujenda ukunzukukiya mwana wangu mmbomba kuhuma kwa alongu bangu bu lukolu lwa atati bangu. 41Ana pawakahika kwa alongu bangu ngabagupeke mmbomba hoju, ndienu kuliga mbamba kwangu nga kwagukongi.
42“Lelenu enhikika ku kiliba nobika, ‘Wa Bambu Sapanga, Sapanga waka bambu wangu Ibulaimu, nuguloba gunyangatiya mu sapwali jangu nu gummbonila ikia bambu wangu Ibulaimu. 43Mii pamba pulutengu ji kiliba. Ana kamwali jwikiki kuteka masi na nepani ana numpwagi gupepa koku gumbekiya masi kidogu kuhuma mu mundundu waku, masi ngunywa, 44najombi ana jumbeki masi ngunywa, nukuiteke ngamia yangu masi, ndienu hoju ndi jubia jounhaguli kuba nhwanu waka mwana waka bambu wangu.’ 45Enabiya nganukujomo kuloba mwoju wangu, apalapa Lebeka jahika nu nndundu waki puubega jaki, jahelala pi kiliba nukuteka masi. Nanepani numpwagila, ‘Gupepakoku, naambeke masi ngunywe.’ 46Najombi jatola nndundu waki nyata kuhuma muubega nukupwaaga, ‘Ganga kunywa nkolongu wangu. Na kabee ngiti niitekila masi na ngamia yaku.’ Ndi nakunywaa na jwiitekila ngamia na yombi yatenda kunywa. 47Ndienu nundalukiya, ‘Boo, wehapa waka mwali waka nyanye?’ Japwaga, ‘Nepani nakamwali waka Betueli mwana waka Milika nhwanu waka Naoli.’ Ndipala panumpekiya bangili nzoku jukuwata piimbulu nu kunhwatika bangili mu kuboku. 48Ndipala napega magoti nukujinama nu kunndumbali Bambu Sapanga, Sapanga waka nkolongu wangu Ibulaimu, jojunongwisi mwi indela kujenda kwaka alongu baka nkolongu wangu, kunzukuki mmbomba Isaka mwana waka nkolongu wangu. 49Henu mmbwagila ananndangi uamboni kokulangi ntenda kuhobaleka kwaka bambu wangu Ibulaimui, anangahela nala mpwaga nanepani niimanya sukuhenga.”
50Ebabiya jujoini haga, Labani na Betueli bumpwagila, “Lijambu heli lihumiki kwaka Bambu Sapanga, twepani ngatwiiwesi kuamu lokapi. 51Lebeka we jonzo, nzukua nzendannya. Najakabiya nhwanu waka mwana waka bambu waku ngati Bambu Sapanga ejupwagiki.” 52Ntumisi waka Ibulaimu pajajoa malobi haga, japega magoti nukunsengu Bambu Sapanga. 53Ndipala japia lupija na zaabu ni ingobu, ampekiya Lebeka. Kabee jaapekiya aka kilongu na anyongo baka Lebeka hindu ya bei ngolongu.
54Ndienu, ntumisi waka Ibulaimu na bandu bajabia juhikiki naku bakula nakunywa nu kugone koko. Pabajumuka pulukela, ntumisi jola japwaaga, “Nandi noba kubuja kwaka bambu wangu.”
55Lakini Labani na anyongo baka Lebeka bapwaaga, “Gundeka Lebeka jutaama oti kasokopi ngati masoba komi helahe, henu jiwesa kuboka.”
56Ntumisi jola japwaaga, “Mpepa koku mwinzelawesa ndaba Bambu Sapanga junyangati nsapwali jangu, nandi noba nyetakali kubuja kwaka bambu wangu.”
57Nabombi bapwaaga, “Nala tunkema kamwali weni tunndalukiya.”
58Bunkema Lebeka nu kundaluki, “Boo, wiijenda nu mundu ajojo?”
Najombi jajibua, “Mbaka nyende.”
59Ndienu, bunzetakaliya Lebeka jujenda nu ntumisi waka Ibulaimu na bandu baki. Na Debola nanyongo jojabiya antunza Lebeka toka pajabiya mwana jajenda pamu nabu. 60Ndienu, bumpengaliya Lebeka nukupwaga,
“Gunndombu witu! Wakabiya wanyongo wa bandu bingi ngamaa,
ibeleku yaku wakabiya nu uwesu panani ja Misi ja bandu babugusuki.” 61Ndipala, Lebeka na atumisi baki akambomba bakwela ngamia nu kujenda pamu nu ntumisi waka Ibulaimu, na boti batenda kubokane.
62Kipindi se hesi, Isaka jabiya juboi ku Beli Lahai Loi jabiya jutama hoku upandi uku kusini juku Kanani. 63Lisoba limu Isaka jajenda ku matui kutembale. Ndienu, ejalinga su kutali jiibona ngamia itenda kuhika. 64Najombi Lebeka pajalinga su kutali nu kummbona Isaka jahuluka mu ngamia jake, 65nukunndaluki ntumisi waka Ibulaimu, “Boo jojuhika kutujopa jolajo ndi nyane?”
Ntumisi jola jajibua, “Hoju ndi Isaka bambu wango.” Ndienu, Lebeka jajukua ingobu jaki jiliyeka pamihu jaki. 66Ntumisi jola andandila Isaka goti gajahengiki. 67Ndienu, Isaka anzukua Lebeka jajenda kutama naku mu lihema mobabii atama anyongo baki a Sala, ndienu jabiya nhwanamundu. Isaka ampala Lebeka nu kutogule mmwoju jaki ngati ejabiya jutogule kabula jakuwa anyongo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.