Utumbuli 25
25
Ibeleku yengi yaka Ibulaimu
1Ibulaimu jajukua mmbomba jongi, liina laki Ketula. 2Ketula ammbelakiya Ibulaimu bana sita akanalomi bana be ndi bamba, Zimulani na Yokishani na Medani na Midiani na Ishibaki na Shua. 3Yokishani ammbelika Sheba na Dedani ni ibeleku yaka Dedani babiya Aashulu na Aletushi na Aleumi. 4Bana baka Midiani babii ku Epa na Epeli na Enoki na Abida na Elida. Boti haba babii ibeleku yaka Ketula.
5Ibulaimu anndisisa Isaka mali gaki goa. 6Lakini jaapekiya nhupi bana baatumisi baki bangi kabula ja kuwa kwaki, ndienu jaapelika mu musi wa upandi golipiti lyoba, kutali ni Isaka mwana waki.
Kuwa kwaka Ibulaimu
7Ibulaimu jatemi yaka mia jimu na sabini nu nhwanu. 8Ibulaimu jakuwa baada jukutama yaka hingi na jwabiya jwaamboni, jijiunga na aseja ajaki babunndonguli kuwa kabula jaki. 9Isaka na Isimaili na bana baka Ibulaimu baataga Ahengo babu mu likolu luku Makipela lu upandi golipiti lyoba uku mamule mu litui lelabii la Epuloni na mwana waka Soali Nhiti. 10Ibulaimu jabiya julombiki litui heli kwa Ahiti, hoku ndi kobuntaga Ibulaimu nu nhwanamundu Sala. 11Egapeta malelu gaka Ibulaimu, Sapanga ampengila Isaka mwana waki. Najombi Isaka jabiya jutama pambipi ni kiliba suku Beli Lahai Loi.
Ibeleku saka Isimaili
1Majambu gi Ipindi 1:28-31
12Haba ndi ibeleku yaka Isimaili mwana waka Ibulaimu jojuwe Ajili mundu juku Misili jojabii ntumisi mmbomba waka Sala, ambelakiya Ibulaimu. 13Ganga ndi maina gabu kulengana nu kusaliwa kwabu. Mwana jukutumbuli ankemika Nebayoti mwana jwapili ankemika Kedali Adibeeli na mwana jwa tatu jwabia Mibisamu, 14na Mishima na Duma na Masa, 15na Adadi na Tema na Yetuli na Napisha na Kedema. 16Haba ndi bana akanalomi baka Isimaili na baba ndi babia aka kilongosi ba makabila komi na mabeli, pandu pababia atenda kutama ni ijiji yabu pamanyikana kwa mahina gabu. 17Isimaili pajabii na umuli wa yaka mia moja selasini na saba pajakua jiliunga na aseja ajaki babalongulii. 18Ibeleku yaka Isimaili batama mu lieneu lelibii kati ja Awila na Shuli nu upandi uku Misili nu kujenda ku Ashulu. Batama sukukomana ni ibeleku yengi yaka Ibulaimu.
Kusaliwa kwaka Esau na Yakobu
19Yenze ndi ibeleku yaka Isaka mwana waka Ibulaimu. 20Isaka pajabii na yaka alubaini anzukua Lebeka, kamwali waka Betueli. Mwalamu jwa musi wa Pada nalamu. Lebeka jabiya nndobu waka Labani. 21Lebeka jabii ngajukuwesa kubeleka, henu Isaka anndoba Bambu Sapanga. Najombi Bambu Sapanga jajetakiya kuloba kwaki, Lebeka japata kitumbu.
22Kitumbu se hesi sabiya sa mapaa. Bana be haba babiya atenda kusindana mulutumbu lwaka Lebeka najombi japwaaga, “Ndaba jakii majambu haga gapitii kwangu nepane?” Ndienu jajenda kunndaluki Bambu Sapanga.
23Bambu Sapanga ampwagila,
“Bana abeli abii mu lutumbu lwaku,
ebiikola biikuba bandu ba ndema ibeli ni ibeleku yabu iitenda kukomana.
Ibeleku yaka nsoku yiibia na makili kupeta ibeleku yuku nkolongu,
ni ibeleku yuku nkolongu yaantumakiya ibeleku yuku nsoku.”
24Masoba gaki gukubeleka pagahikila, Lebeka jabelika bana mapaa akanalomi. 25Jojatumbulia jabiya nkeli jwana majunzu yega joti, henu bunkema Esau. 26Jojapwatila kusaliwa jabiya ankamwi Esau mwikinzekeni, henu bunkema Yakobu. Isaka jabiya na yaka sitini kipindi Esau na Yakobu pabasaliwi.
Esau julombesa napwasi juku kusaliwa
27Bana haba bakola, Esau jabiya mundu jukubenga inyama ngamaa, jwabiya jojupala kupilaki kukioli na Yakobu jabii mundu jojupala kutuli na jwabiya jojupala kutama panyumba ngani. 28Ndienu, Isaka ampai ngamaa Esau ndaba jugapai kula inyama yejubengika, lakini Lebeka ampai Yakobu.
29Lisoba limu, Yakobu pajabiya juteleka uji, Esau jakelubuka kunyumba kuhuma kukubenga koni junkamwi inzala ngamaa. 30Henu ampwagila Yakobu, “Ngua ni inzala lena, gupepa koku nandi gumagulii posu jaku ngeli heji nguule.” Ndi mana ankema liina laki Edomu mana jaki ngeli.
31Yakobu anzibua, “Nombasiya oti napwasi jaku ju kulisa kwaku ngati nsaliwa ju utumbuli.”
32Esau japwaaga, “Ena! Nepani nhegale kuwa, kulisi kwangu ngati nsaliwa ju utumbuli kwinyangatiya kyane?”
33Yakobu ampwagila, “Nigila ote mbamba.” Ndienu, Esau andigila mbamba nu kunndombase napwasi ju ulisi waki ngati nsaliwa ju utumbuli. 34Ndienu Yakobu ampekiya Esau libumunda na uji kidogu. Esau jakula nu kunywa ndipala nu kuboka. Hela ndi Esau ejijilongama napwasi ju ulisi waki gu usaliwa gu utumbuli.
ទើបបានជ្រើសរើសហើយ៖
Utumbuli 25: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 25
25
Ibeleku yengi yaka Ibulaimu
1Ibulaimu jajukua mmbomba jongi, liina laki Ketula. 2Ketula ammbelakiya Ibulaimu bana sita akanalomi bana be ndi bamba, Zimulani na Yokishani na Medani na Midiani na Ishibaki na Shua. 3Yokishani ammbelika Sheba na Dedani ni ibeleku yaka Dedani babiya Aashulu na Aletushi na Aleumi. 4Bana baka Midiani babii ku Epa na Epeli na Enoki na Abida na Elida. Boti haba babii ibeleku yaka Ketula.
5Ibulaimu anndisisa Isaka mali gaki goa. 6Lakini jaapekiya nhupi bana baatumisi baki bangi kabula ja kuwa kwaki, ndienu jaapelika mu musi wa upandi golipiti lyoba, kutali ni Isaka mwana waki.
Kuwa kwaka Ibulaimu
7Ibulaimu jatemi yaka mia jimu na sabini nu nhwanu. 8Ibulaimu jakuwa baada jukutama yaka hingi na jwabiya jwaamboni, jijiunga na aseja ajaki babunndonguli kuwa kabula jaki. 9Isaka na Isimaili na bana baka Ibulaimu baataga Ahengo babu mu likolu luku Makipela lu upandi golipiti lyoba uku mamule mu litui lelabii la Epuloni na mwana waka Soali Nhiti. 10Ibulaimu jabiya julombiki litui heli kwa Ahiti, hoku ndi kobuntaga Ibulaimu nu nhwanamundu Sala. 11Egapeta malelu gaka Ibulaimu, Sapanga ampengila Isaka mwana waki. Najombi Isaka jabiya jutama pambipi ni kiliba suku Beli Lahai Loi.
Ibeleku saka Isimaili
1Majambu gi Ipindi 1:28-31
12Haba ndi ibeleku yaka Isimaili mwana waka Ibulaimu jojuwe Ajili mundu juku Misili jojabii ntumisi mmbomba waka Sala, ambelakiya Ibulaimu. 13Ganga ndi maina gabu kulengana nu kusaliwa kwabu. Mwana jukutumbuli ankemika Nebayoti mwana jwapili ankemika Kedali Adibeeli na mwana jwa tatu jwabia Mibisamu, 14na Mishima na Duma na Masa, 15na Adadi na Tema na Yetuli na Napisha na Kedema. 16Haba ndi bana akanalomi baka Isimaili na baba ndi babia aka kilongosi ba makabila komi na mabeli, pandu pababia atenda kutama ni ijiji yabu pamanyikana kwa mahina gabu. 17Isimaili pajabii na umuli wa yaka mia moja selasini na saba pajakua jiliunga na aseja ajaki babalongulii. 18Ibeleku yaka Isimaili batama mu lieneu lelibii kati ja Awila na Shuli nu upandi uku Misili nu kujenda ku Ashulu. Batama sukukomana ni ibeleku yengi yaka Ibulaimu.
Kusaliwa kwaka Esau na Yakobu
19Yenze ndi ibeleku yaka Isaka mwana waka Ibulaimu. 20Isaka pajabii na yaka alubaini anzukua Lebeka, kamwali waka Betueli. Mwalamu jwa musi wa Pada nalamu. Lebeka jabiya nndobu waka Labani. 21Lebeka jabii ngajukuwesa kubeleka, henu Isaka anndoba Bambu Sapanga. Najombi Bambu Sapanga jajetakiya kuloba kwaki, Lebeka japata kitumbu.
22Kitumbu se hesi sabiya sa mapaa. Bana be haba babiya atenda kusindana mulutumbu lwaka Lebeka najombi japwaaga, “Ndaba jakii majambu haga gapitii kwangu nepane?” Ndienu jajenda kunndaluki Bambu Sapanga.
23Bambu Sapanga ampwagila,
“Bana abeli abii mu lutumbu lwaku,
ebiikola biikuba bandu ba ndema ibeli ni ibeleku yabu iitenda kukomana.
Ibeleku yaka nsoku yiibia na makili kupeta ibeleku yuku nkolongu,
ni ibeleku yuku nkolongu yaantumakiya ibeleku yuku nsoku.”
24Masoba gaki gukubeleka pagahikila, Lebeka jabelika bana mapaa akanalomi. 25Jojatumbulia jabiya nkeli jwana majunzu yega joti, henu bunkema Esau. 26Jojapwatila kusaliwa jabiya ankamwi Esau mwikinzekeni, henu bunkema Yakobu. Isaka jabiya na yaka sitini kipindi Esau na Yakobu pabasaliwi.
Esau julombesa napwasi juku kusaliwa
27Bana haba bakola, Esau jabiya mundu jukubenga inyama ngamaa, jwabiya jojupala kupilaki kukioli na Yakobu jabii mundu jojupala kutuli na jwabiya jojupala kutama panyumba ngani. 28Ndienu, Isaka ampai ngamaa Esau ndaba jugapai kula inyama yejubengika, lakini Lebeka ampai Yakobu.
29Lisoba limu, Yakobu pajabiya juteleka uji, Esau jakelubuka kunyumba kuhuma kukubenga koni junkamwi inzala ngamaa. 30Henu ampwagila Yakobu, “Ngua ni inzala lena, gupepa koku nandi gumagulii posu jaku ngeli heji nguule.” Ndi mana ankema liina laki Edomu mana jaki ngeli.
31Yakobu anzibua, “Nombasiya oti napwasi jaku ju kulisa kwaku ngati nsaliwa ju utumbuli.”
32Esau japwaaga, “Ena! Nepani nhegale kuwa, kulisi kwangu ngati nsaliwa ju utumbuli kwinyangatiya kyane?”
33Yakobu ampwagila, “Nigila ote mbamba.” Ndienu, Esau andigila mbamba nu kunndombase napwasi ju ulisi waki ngati nsaliwa ju utumbuli. 34Ndienu Yakobu ampekiya Esau libumunda na uji kidogu. Esau jakula nu kunywa ndipala nu kuboka. Hela ndi Esau ejijilongama napwasi ju ulisi waki gu usaliwa gu utumbuli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.