Akalabhe 9
9
Akapiya matambiko bhitumbuu lihengo lyabhe
1Mu lichiko lya nane, Mucha ngankemita Alune na yana yake pamonga na ilongoche ya Akachilahele. 2Mucha ngannobholila Alune, “Ntole litohe lya ng'ombi lya nkambako ku nhwalo gwa litambiko lya kupepulila uhakaho na limbelele lyankambako ku nhwalo gwa litambiko lya kukomelekelwa, inyama yoha yangalemala jhe. Peniya, mpiye litambiko palonge jha Bhambo Chapanga. 3Malobholela Akaichilahele, bhatola mbuhe jhumo jwa nkambako, ku nhwalo gwa litambiko lya kupepulila uhakaho, na limbelele lya chaka chimo bhangalemala, kunhwalo gwa litambiko lya kukomelekelwa. 4Hele, bhatola ng'ombi jhumo na limbelele lya nkambako limo ku nhwalo gwa litambiko lya uteeke, nabhampiikiya Bhambo Chapanga pamonga na litambiko lya uhembe lilihangalinwe na mahuta nhwalo deleno Bhambo Chapanga nabhapitila.”
5Akaichilahele ngabhaleta yenie yoha palonge jha nyumba jha Chapanga ngita chabhalaghalikiye Mucha na bhando bhoha ngabhajhemita palonge jha Bhambo Chapanga. 6Mucha ngabhalobholila, “Kilebhe chenje ndi chalaghila Bhambo Chapanga mukitende, kupala ung'alicho gwake ubhonekana kwino.” 7Mucha ngannobholila Alune, “Nnyenda pa chehemo jha kupiikiya litambiko, kupala mpiye litambiko lino lya kupepulila uhakaho na litambiko lya kukomelekeya na kwatende ujhelanicho ku nhwalo gwino na kwa Akaichilahele. Kabhele mpiye litambiko lya bhando na kwatende ujhelanicho ngita chalaghila Bhambo Chapanga.”
8Bhahe, Alune ngaheghilila chehemo jha kupiikiya litambiko, nu kulichinja litohe lela libhaha litambiko lya kupepulila uhakaho gwake jwene. 9Yana yake ngabhannetila myahe, ngachwiya lukonje lwake mu myahe jhenie na kupakaya mu manyelo gha chehemo jha kupiikiya litambiko. Myahe jhiighilike ngaijhitita pahe kutindii chehemo jha kupiikiya litambiko. 10Peniya, mahuta na ndutumba ngaikomilikiya yoha chehemo jha kupiikiya litambiko ngita Bhambo Chapanga channaghalikiye Mucha. 11Nambo nyama na limbendela ngaikomilikiya kwa mwotu panja jha kighono.
12Peniya, Alune nganchinjita kinyama cha litambiko lya kukomelekeya. Yana yake ngabhannetila myahe, na jwenie ngaimichila chehemo jha kupiikiya litambiko pande yoha. 13Na bheniya ngabhannetila litambiko lya kukomelekeya, kipande chimochimo na muto, na jwenie ngakomilikiya pa kupiikiya litambiko. 14Ngagholwila matumbo na magholo na kuikomelekeya pamonga na litambiko lela lya kukomelekeya pa kupiikiya litambiko lya kukomelekeya.
15Pughapetita gheniya, Alune ngaletita palonge litambiko lela lya bhando. Ngantoila mbuhe jwa litambiko lya kupepulia uhakaho, nganchinjita na kumpiya litambiko lya kupepulila uhakaho ngita chateila kwa jhola jwatumbwila. 16Alune ngaletita litambiko lya kukomilikiya na kupiya ngita chalaghalikilwe. 17Kabhele ngaletita palonge litambiko lya uhembe ngatoila lukohe lumo na kuikomelekiya pa chehemo jhukupiikiya litambiko pamonga na litambiko lya kukomelekiya lya kila lukela. 18Kabhele Alune nganchinjita ng'ombi jwankambako na limbelele lyankambako lya litambiko lya uteeke ku nhwalo gwa bhando. Yana yake ngannetila myahe ngaimichila pa chehemo jhikupiikiya litambiko pandi yoha. 19Mahuta gha ng'ombi jwankambako na limbelele lyankambako na nkela gwa limbelele na mahuta ghighajhenile mu matumbo, ndutumba na chehemo jhambone jha ibhende, 20ngabhabhekita panane jha idale, na jwenio ngaikomilikiya pa chehemo jhikupiikiya litambiko. 21Nambo idale yela na libhondo lela lya ulelo, Alune akatei nako nginyililo jha kumpikii Bhambo Chapanga, ngita chalaghila Mucha.
22Alune pajhomolila kupiya matambiko gha kupepulila uhakaho na matambiko gha kukomelekeya na matambiko gha uteeke, ngabhatondobhikiya bhando mabhoko na kwapela mota bhando na ngahulwika pahe. 23Peniya, Mucha na Alune ngabhajhingila nkate jha lihema lya Chapanga, pibhapitita mwenio ngabhapila mota bhando na ung'alicho gwa Bhambo Chapanga ngaubhonikina kwa bhando bhoha. 24Papa Bhambo Chapanga ngahulwiya mwotu kukomelekeya kila litambiko pa chehemo jhukupiikiya matambiko, na bhando bhoha pubhalolita kilebhe chenio ngabhanonwiya lilobhe nu kutama makilikite nu kibhonge kutipika pahe, kunnomba Bhambo Chapanga.
ទើបបានជ្រើសរើសហើយ៖
Akalabhe 9: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 9
9
Akapiya matambiko bhitumbuu lihengo lyabhe
1Mu lichiko lya nane, Mucha ngankemita Alune na yana yake pamonga na ilongoche ya Akachilahele. 2Mucha ngannobholila Alune, “Ntole litohe lya ng'ombi lya nkambako ku nhwalo gwa litambiko lya kupepulila uhakaho na limbelele lyankambako ku nhwalo gwa litambiko lya kukomelekelwa, inyama yoha yangalemala jhe. Peniya, mpiye litambiko palonge jha Bhambo Chapanga. 3Malobholela Akaichilahele, bhatola mbuhe jhumo jwa nkambako, ku nhwalo gwa litambiko lya kupepulila uhakaho, na limbelele lya chaka chimo bhangalemala, kunhwalo gwa litambiko lya kukomelekelwa. 4Hele, bhatola ng'ombi jhumo na limbelele lya nkambako limo ku nhwalo gwa litambiko lya uteeke, nabhampiikiya Bhambo Chapanga pamonga na litambiko lya uhembe lilihangalinwe na mahuta nhwalo deleno Bhambo Chapanga nabhapitila.”
5Akaichilahele ngabhaleta yenie yoha palonge jha nyumba jha Chapanga ngita chabhalaghalikiye Mucha na bhando bhoha ngabhajhemita palonge jha Bhambo Chapanga. 6Mucha ngabhalobholila, “Kilebhe chenje ndi chalaghila Bhambo Chapanga mukitende, kupala ung'alicho gwake ubhonekana kwino.” 7Mucha ngannobholila Alune, “Nnyenda pa chehemo jha kupiikiya litambiko, kupala mpiye litambiko lino lya kupepulila uhakaho na litambiko lya kukomelekeya na kwatende ujhelanicho ku nhwalo gwino na kwa Akaichilahele. Kabhele mpiye litambiko lya bhando na kwatende ujhelanicho ngita chalaghila Bhambo Chapanga.”
8Bhahe, Alune ngaheghilila chehemo jha kupiikiya litambiko, nu kulichinja litohe lela libhaha litambiko lya kupepulila uhakaho gwake jwene. 9Yana yake ngabhannetila myahe, ngachwiya lukonje lwake mu myahe jhenie na kupakaya mu manyelo gha chehemo jha kupiikiya litambiko. Myahe jhiighilike ngaijhitita pahe kutindii chehemo jha kupiikiya litambiko. 10Peniya, mahuta na ndutumba ngaikomilikiya yoha chehemo jha kupiikiya litambiko ngita Bhambo Chapanga channaghalikiye Mucha. 11Nambo nyama na limbendela ngaikomilikiya kwa mwotu panja jha kighono.
12Peniya, Alune nganchinjita kinyama cha litambiko lya kukomelekeya. Yana yake ngabhannetila myahe, na jwenie ngaimichila chehemo jha kupiikiya litambiko pande yoha. 13Na bheniya ngabhannetila litambiko lya kukomelekeya, kipande chimochimo na muto, na jwenie ngakomilikiya pa kupiikiya litambiko. 14Ngagholwila matumbo na magholo na kuikomelekeya pamonga na litambiko lela lya kukomelekeya pa kupiikiya litambiko lya kukomelekeya.
15Pughapetita gheniya, Alune ngaletita palonge litambiko lela lya bhando. Ngantoila mbuhe jwa litambiko lya kupepulia uhakaho, nganchinjita na kumpiya litambiko lya kupepulila uhakaho ngita chateila kwa jhola jwatumbwila. 16Alune ngaletita litambiko lya kukomilikiya na kupiya ngita chalaghalikilwe. 17Kabhele ngaletita palonge litambiko lya uhembe ngatoila lukohe lumo na kuikomelekiya pa chehemo jhukupiikiya litambiko pamonga na litambiko lya kukomelekiya lya kila lukela. 18Kabhele Alune nganchinjita ng'ombi jwankambako na limbelele lyankambako lya litambiko lya uteeke ku nhwalo gwa bhando. Yana yake ngannetila myahe ngaimichila pa chehemo jhikupiikiya litambiko pandi yoha. 19Mahuta gha ng'ombi jwankambako na limbelele lyankambako na nkela gwa limbelele na mahuta ghighajhenile mu matumbo, ndutumba na chehemo jhambone jha ibhende, 20ngabhabhekita panane jha idale, na jwenio ngaikomilikiya pa chehemo jhikupiikiya litambiko. 21Nambo idale yela na libhondo lela lya ulelo, Alune akatei nako nginyililo jha kumpikii Bhambo Chapanga, ngita chalaghila Mucha.
22Alune pajhomolila kupiya matambiko gha kupepulila uhakaho na matambiko gha kukomelekeya na matambiko gha uteeke, ngabhatondobhikiya bhando mabhoko na kwapela mota bhando na ngahulwika pahe. 23Peniya, Mucha na Alune ngabhajhingila nkate jha lihema lya Chapanga, pibhapitita mwenio ngabhapila mota bhando na ung'alicho gwa Bhambo Chapanga ngaubhonikina kwa bhando bhoha. 24Papa Bhambo Chapanga ngahulwiya mwotu kukomelekeya kila litambiko pa chehemo jhukupiikiya matambiko, na bhando bhoha pubhalolita kilebhe chenio ngabhanonwiya lilobhe nu kutama makilikite nu kibhonge kutipika pahe, kunnomba Bhambo Chapanga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved