Akalabhe 10
10
Uhakaho gwa Nadabo na Abiho
1Nadabo na Abiho, yana ya Alune, kila mundo ngatola kitecho chake, ngabhajhokolila mwotu nu ubane, ngabhannyokolila Bhambo Chapanga mwotu gwangajheketelwa palonge jhake. 2Papa mwotu ngaupitila kuhumii kwa Bhambo Chapanga, ngubhakomelikiya, ngabhajhomwika nnonge jha Bhambo Chapanga. 3Mucha ngannobholila Alune, “Ku nhwalo ghongo, Bhambo Chapanga annangiye mana jha chela chalongila, ‘Nanikilangiya kubhehe jwa Nyahinyahi pakate jha bhala bhibhabhii pahina jhango, na kila mundo annumbalila!’ ” Nambo Alune akalongii jhe kilebhe.
4Mucha ngabhakemita Mishaele na Elisafane, yana ya Uziele, tate unung'una mundo Alune, na ngannobholila, “Nheghelele pahina, ntolangane malelo gha akalongo bhino kuhumii pa Lihema lya Chapanga, na mpitanagho panja jha kighono.” 5Ngabhatoila malelo gha akalongo bhabhe, ngabhapelika panja jha kighono, kongo malelo ghala ghabhii na ngobho yabhe ya upiya litambiko ngita chabhalaghila Mucha. 6Peniya, Mucha ngannobholila Alune na yana mundo ibhele Eleazale na Itamale, “Mangakwemulila jhe majhunjo ghino hilu kukenjula ngobho ino kulangiya kubhehe mmi na ungolongonde. Kukutenda yene nantenda kuwegha na Chapanga nabhachimwa akalongobhino bhoha. Nambo akalongo bhino Akaichilahele bhoha bhihotola kulela malelo gha bheniya, bhibhakomitwe kwa mwotu kuhumii kwa Bhambo Chapanga. 7Hilu mangapita jhe panja jha litangala lwa Lihema lya Chapanga, anda ntei yene, nantenda kujhomwoka, ku nhwalo mahuta ghimpakilwe na Bhambo Chapanga ghabhii panane jhino.” Bheniya ngabhatenda ngita chibhalaghilwa na Mucha.
Mihilo jha akapiya matambiko
8Bhambo Chapanga ngalongila na Alune kubhehe, 9“Mwenga pamonga na yana ino manganywe jhe divaye amu ughembe pimijhingii mu Lihema lya Chapanga, anda ntehi yenie nantenda kujhomwoka. Ghongo ubhaha nhwilo gwa machiko ghoha ghangapeta mu ibheluko ino yoha. 10Mipalwa kupembula pakate jha kilebhe chamaha na kilebhe kibhoho na ilebhe ijheketelwa na ilebhe yangajheketelwa palonge jha Bhambo Chapanga pumunyinamila. 11Kabhele namabhola bhando bhuku Ichilahele mihilo jhoha Bhambo Chapanga jhampila Mucha annobholele.”
12Peniya, Mucha ngannobholila Alune na yana yenie iighilike Eleazale na Itamale, “Ntolangane litambiko lya uhembe chikihighilike mu litambiko lya Bhambo Chapanga lilipitwe kwa mwotu, ntendekeya mabumunda ghangaleke ngedule, nnyengane pahina na chehemo jhukupiikiya matambiko, nhwalo jhenio ndi nyahinyahi hake. 13Mangota nanyangana pa chehemo jha nyahinyahi, nhwalo lyenio ndi lipungu lino pamonga na yana ino, kuhumii mu litambiko lilipelekwa kwa Bhambo Chapanga kwa kukomelekelwa kwa mwotu, nhwalo yenie ndi chinnobholilwe. 14Nambo mangota nnyangana kidale na libhondo lya ulelo lilijhinulwa ngita litambiko lilipiwa kwa Bhambo Chapanga. Nanyangana ilebhe yenio chehemo jhela jhaijhekatii Bhambo Chapanga, mwenga na yana ino inalome pamonga na ikeghe. llebhe yenie bhampile ibhehe lipungo lino mwenga na ibheluko ino kuhumii mu litambiko. 15Bhaleta libhondo lela na kidale ipiitwa ngita litambiko kwa Bhambo Chapanga pamonga na litambiko lya mahuta pighajhochwa kwa mwotu, kupala ijhinulilwa kulangiya kubhehe ipiitwe kwa Bhambo Chapanga. Yenie naibhaha ino pamonga na ibheluko ino, ngita chalaghila Bhambo Chapanga.”
16Peniya, Mucha ngalingukiya hake mbuhe jhumo jwapihitwa litambiko lya kupepulila uhakaho, nambo ngang'amwila kubhehe akibha akomalikilwe njwe. Yenie, Mucha ngabhayomila hake Eleazale na Itamale, yana ya Alune iighalike, ngabhakonyita, 17“Nhwalo ghane nnijhe litambiko lyenio chehemo jhijheketilwe na Bhambo Chapanga, ipiitwa kunhwalo gwa Bhambo Chapanga, jhampii mangota, kupepulila uhakaho gwa bhando bhake Akaichilahele, kupala Bhambo Chapanga bhalekekeya uhakaho gwabhe. 18Kabhele, nhwalo myahe jhenio iletitwe jhe nkate jha chehemo jha Lihema lya Chapanga, mpalitwa kulye nkate chehemo jha Lihema lya Chapanga, ngita chinnaghalikilwe.”
19Alune ngannobholila Mucha, “Dolekeya, deleno yanango bhampiikile matambiko ghabhe gha kupepulila uhakaho na litambiko lya kukomelekeya palonge jha Bhambo Chapanga, nambo ilebhe ngita yenie imbatite nenga. Anda nganyakila litambiko lya kupepulila uhakaho deleno, bho, nganyeketilwe palonge jha Bhambo Chapanga?” 20Mucha pajhohina malobhe gheniya, ngaleka kwayomela.
ទើបបានជ្រើសរើសហើយ៖
Akalabhe 10: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 10
10
Uhakaho gwa Nadabo na Abiho
1Nadabo na Abiho, yana ya Alune, kila mundo ngatola kitecho chake, ngabhajhokolila mwotu nu ubane, ngabhannyokolila Bhambo Chapanga mwotu gwangajheketelwa palonge jhake. 2Papa mwotu ngaupitila kuhumii kwa Bhambo Chapanga, ngubhakomelikiya, ngabhajhomwika nnonge jha Bhambo Chapanga. 3Mucha ngannobholila Alune, “Ku nhwalo ghongo, Bhambo Chapanga annangiye mana jha chela chalongila, ‘Nanikilangiya kubhehe jwa Nyahinyahi pakate jha bhala bhibhabhii pahina jhango, na kila mundo annumbalila!’ ” Nambo Alune akalongii jhe kilebhe.
4Mucha ngabhakemita Mishaele na Elisafane, yana ya Uziele, tate unung'una mundo Alune, na ngannobholila, “Nheghelele pahina, ntolangane malelo gha akalongo bhino kuhumii pa Lihema lya Chapanga, na mpitanagho panja jha kighono.” 5Ngabhatoila malelo gha akalongo bhabhe, ngabhapelika panja jha kighono, kongo malelo ghala ghabhii na ngobho yabhe ya upiya litambiko ngita chabhalaghila Mucha. 6Peniya, Mucha ngannobholila Alune na yana mundo ibhele Eleazale na Itamale, “Mangakwemulila jhe majhunjo ghino hilu kukenjula ngobho ino kulangiya kubhehe mmi na ungolongonde. Kukutenda yene nantenda kuwegha na Chapanga nabhachimwa akalongobhino bhoha. Nambo akalongo bhino Akaichilahele bhoha bhihotola kulela malelo gha bheniya, bhibhakomitwe kwa mwotu kuhumii kwa Bhambo Chapanga. 7Hilu mangapita jhe panja jha litangala lwa Lihema lya Chapanga, anda ntei yene, nantenda kujhomwoka, ku nhwalo mahuta ghimpakilwe na Bhambo Chapanga ghabhii panane jhino.” Bheniya ngabhatenda ngita chibhalaghilwa na Mucha.
Mihilo jha akapiya matambiko
8Bhambo Chapanga ngalongila na Alune kubhehe, 9“Mwenga pamonga na yana ino manganywe jhe divaye amu ughembe pimijhingii mu Lihema lya Chapanga, anda ntehi yenie nantenda kujhomwoka. Ghongo ubhaha nhwilo gwa machiko ghoha ghangapeta mu ibheluko ino yoha. 10Mipalwa kupembula pakate jha kilebhe chamaha na kilebhe kibhoho na ilebhe ijheketelwa na ilebhe yangajheketelwa palonge jha Bhambo Chapanga pumunyinamila. 11Kabhele namabhola bhando bhuku Ichilahele mihilo jhoha Bhambo Chapanga jhampila Mucha annobholele.”
12Peniya, Mucha ngannobholila Alune na yana yenie iighilike Eleazale na Itamale, “Ntolangane litambiko lya uhembe chikihighilike mu litambiko lya Bhambo Chapanga lilipitwe kwa mwotu, ntendekeya mabumunda ghangaleke ngedule, nnyengane pahina na chehemo jhukupiikiya matambiko, nhwalo jhenio ndi nyahinyahi hake. 13Mangota nanyangana pa chehemo jha nyahinyahi, nhwalo lyenio ndi lipungu lino pamonga na yana ino, kuhumii mu litambiko lilipelekwa kwa Bhambo Chapanga kwa kukomelekelwa kwa mwotu, nhwalo yenie ndi chinnobholilwe. 14Nambo mangota nnyangana kidale na libhondo lya ulelo lilijhinulwa ngita litambiko lilipiwa kwa Bhambo Chapanga. Nanyangana ilebhe yenio chehemo jhela jhaijhekatii Bhambo Chapanga, mwenga na yana ino inalome pamonga na ikeghe. llebhe yenie bhampile ibhehe lipungo lino mwenga na ibheluko ino kuhumii mu litambiko. 15Bhaleta libhondo lela na kidale ipiitwa ngita litambiko kwa Bhambo Chapanga pamonga na litambiko lya mahuta pighajhochwa kwa mwotu, kupala ijhinulilwa kulangiya kubhehe ipiitwe kwa Bhambo Chapanga. Yenie naibhaha ino pamonga na ibheluko ino, ngita chalaghila Bhambo Chapanga.”
16Peniya, Mucha ngalingukiya hake mbuhe jhumo jwapihitwa litambiko lya kupepulila uhakaho, nambo ngang'amwila kubhehe akibha akomalikilwe njwe. Yenie, Mucha ngabhayomila hake Eleazale na Itamale, yana ya Alune iighalike, ngabhakonyita, 17“Nhwalo ghane nnijhe litambiko lyenio chehemo jhijheketilwe na Bhambo Chapanga, ipiitwa kunhwalo gwa Bhambo Chapanga, jhampii mangota, kupepulila uhakaho gwa bhando bhake Akaichilahele, kupala Bhambo Chapanga bhalekekeya uhakaho gwabhe. 18Kabhele, nhwalo myahe jhenio iletitwe jhe nkate jha chehemo jha Lihema lya Chapanga, mpalitwa kulye nkate chehemo jha Lihema lya Chapanga, ngita chinnaghalikilwe.”
19Alune ngannobholila Mucha, “Dolekeya, deleno yanango bhampiikile matambiko ghabhe gha kupepulila uhakaho na litambiko lya kukomelekeya palonge jha Bhambo Chapanga, nambo ilebhe ngita yenie imbatite nenga. Anda nganyakila litambiko lya kupepulila uhakaho deleno, bho, nganyeketilwe palonge jha Bhambo Chapanga?” 20Mucha pajhohina malobhe gheniya, ngaleka kwayomela.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved