Akalabhe 8
8
Alune na yanamundo bhimiminilwa mahuta kubhehe akapiya matambiko
Kubhoka 29:1-37
1Bhambo Chapanga ngannobholila Mucha, 2“Nkema Alune pamonga na yana mundo, bhakonganika palonge jha litangala lya Lihema lya Chapanga, tola ngobho jhihaghulilwe ya upiya litambiko na mahuta gha kupakala, helahela tola ng'ombi nkambako lya litambiko lya kupepulila uhakaho na mambelele mabhele gha nkambako, pamonga na kichukilo cha mabumunda ghangaleke ngedule. 3Peniya, makonganicha Akaichilahele bhoha pa litangala lya Lihema lya Chapanga.”
4Mucha ngateila ngita chalaghalikilwe na Bhambo Chapanga, ngabhakonganicha Akaichilahele bhoha palonge jha litangala lya Lihema lya Chapanga. 5Mucha ngabhalobholila Akaichilahele bhoha naha, “Ghongo ndi nhwalo Bhambo Chapanga alaghalikii tulitende.”
6Kabhele Mucha ngabhakemita Alune na yana mundo, ngabhajhoghecha kwa mache. 7Peniya, Alune ngawalichwa likanjo na kunkonga luhunga, ngawalichwa lijoho na kichibao na kujhomolela ngankonga luhunga pa kibhuno chake, ghulembekilwe ku upunde. 8Kuhumii peniya, ngabhekita kimpuko cha panganga pa Alune na nkate jha kimpuko chenie ngabhekita maghanga ghala kukonye ghapala Chapanga, ghighakemwa Ulimo na Sumimo. 9Peniya, nganhwalicha Alune kinyemba pamuto gwake, na palonge jha kinyemba chenie ngabheka kibate cha chaabo, ngita Bhambo Chapanga channaghila Mucha.
10Peniya, Mucha ngatoila mahuta gha micheitune ngapakita ilebhe yoha ikibha mwenio mu Lihema lya Chapanga, kukutenda yene ngaijhelebhula palonge jha Bhambo Chapanga. 11Peniya, ngamichila mala chaba mahuta ghandina panane jha chehemo jha kupiikiya litambiko, nu kupakaya mahuta chehemo jhitengenichwe jhukupiikiya litambiko, na ilebhe yoha ya mwenio, pamonga na libilika na kitamilo chake, kupala kuijhelebhula palonge jha Bhambo Chapanga. 12Helahela Mucha nganyitila Alune mahuta pamuto gwake, kupala kummeka ku nhwalo gwa lihengo lya Bhambo Chapanga. 13Pajhomolila gheniya, Mucha ngabhaleta yana ya Alune, ngabhawalicha likanjo na kwakonga luhunga mu ibhuno yabhe, na kwawalicha kinyemba, ngita Bhambo Chapanga chalaghila.
14Peniya, Mucha nganneta ng'ombi jwa litambiko lya kupepulila uhakaho, na jwenie Alune na yana mundo ngabhabheka mabhoko pa muto gwa ng'ombi jwenio. 15Mucha nganchinja ng'ombi jwenio ngakenga myahe, na lukonje lwake ngapakiya manyelo ghoha gha chehemo jha kupiikiya litambiko, ngajhelebhula chehemo jhenio. Peniya, ngajhitii myahe jhenie pahe kutindii chehemo jha kupiikiya litambiko, ngaijhelebhula kupala kutenda ujhelanicho ku nhwalo gwa chehemo jhenio. 16Na ngatola mahuta ghoha ghighajhenila mulutumbo lwa ng'ombi na chehemo jhambone jha kibhende pamonga na ndutumba yoha ibhele na mahuta ghake, ngaikomelikiya pa chehemo jha kupiikiya litambiko. 17Nambo nyama jha ng'ombi jwenio na limbendela lyake na mahe ghake, ngaikomelikiya kwa mwotu panja jha kighono ngita chalaghalikilwa na Bhambo Chapanga.
18Peniya, Mucha ngaleta limbelele lya nkambako ku nhwalo gwa litambiko lya kukomelekelwa, Alune na yana mundo ngabhabhekita mabhoko ghabhe panane jha muto gwa limbelele lyenie. 19Mucha nganchinjita limbelele lyenio ngatola myahe nu kumichila mu imbetule yoha ya chehemo jha kupiikiya litambiko. 20Ngaheketina ipande, ngaikomelikiya pamonga na muto na mahuta. 21Peniya, ngabheliya matumbo na makongono kwa mache na kuhangalana pamonga na ipande henge, na kukomelekeya kubhehe litambiko lya kukomelekelwa. Lyenio ndi litambiko lyapiikilwa Bhambo Chapanga kwa mwotu, lilibhii na luhumba lwambone lulunhalalicha Bhambo Chapanga, Mucha ngateila ngita chalaghalikilwa na Bhambo Chapanga.
22Peniya, ngatola likambako lenge lya limbelele, ku nhwalo gwa Alune na yanamundo, kwatenda bhabha akapiya matambiko nnonge jha Bhambo Chapanga, ghabhabhekita mabhoko ghabhe panane jha muto gwa limbelele lyenio. 23Mucha ngachinja limbelele lyeno, na kutola myahe jhake, na kumpakaya Alone pa kilemeleme cha lichikilo lya ulelo, na lighumba lyake lya lubhoko lwa ulelo na lighumba lyake lya mulugholo lwa ulelo. 24Helahela, yana ya Alune ngabhaika palonge, na Mucha ngabhapakiya myahe pakilemeleme cha machikilo ghabhe gha ulelo, na maghumba ghabhe gha mu mabhoko gha ulelo na maghumba gha makongono gha ulelo. Mucha ngamichila myahe jhihighilike pahe kutindii chehemo jha kupiikiya litambiko. 25Peniya, ngatola mahuta ghoha, nkela pamonga na mahuta ghake, na mahuta ghoha ghighabhii mu matumbo, na chehemo jhambone jha kibhende na ndutumba yoha ibhele na mahuta ghake na libhondo lya ulelo lya kinyama chenie. 26Peniya, mu kichukilo cha mabumunda ghangaleke ngedule, chikibhii nnonge jha Bhambo Chapanga, ngatola libumunda limo, libumunda lilipiitwa na mahuta na liandache limo, ngabheka yoha panane jha ipande ya mahuta na libhondo lela lya ulelo. 27Mucha ngabheka yoha mulubhoko lwa Alune na yanamundo, ngabhatondobheya kunane kulangii kubhehe, matambiko gheniya bhimpiikiya Bhambo Chapanga. 28Mucha ngatoila ilebhe yenie yoha kuhumii mu mabhoko ghabhe, na kukomelekeya panane jha chehemo jha kupiikiya litambiko, pamonga na litambiko lya kukomelekelwa. Lende ndi litambiko lya kwatenda bhabhaha akapiya matambiko, lilibhii na luhumba lwambone lulunhalalicha Bhambo Chapanga. 29Peniya, Mucha ngatola kidale ngatondobhiya kunane, kulangii nginyililo jha kumpikiiya Bhambo Chapanga. Kidale cha limbelele lya nkambako lyenie lya kwatenda bhabhaha akapiya matambiko, kitoilwa na Mucha ngita chalaghila Bhambo Chapanga.
30Peniya, Mucha ngatola mahuta gha kujhelebhula, na myahe jhibhii panane jha chehemo jhu kupiikiya litambiko nu kummichii Alune na yana mundo na helahela mu ngobho yabhe. Kukutenda yenie Mucha ngabhajhelebhula kubhehe bhando bha Bhambo Chapanga, Alune na yanamundo pamonga na ngobho yabhe.
31Mucha ngannobholila Alune na yanamundo, “Nteleka nyama jhenie palitangala lya Lihema lya Chapanga, nnyangana papa pannyango, pamonga na mabumunda kuhumii mu kichukilo cha matambiko gha kujhelebhula. Ntenda ngita chalaghila Bhambo Chapanga, chehemo jhenio nabhalya Alune na yana mundo. 32Nyama jhipakuighala na mabumunda ghatiniya pa mwotu. 33Mangapita jhe panja jha litangala lya lwane lwa Lihema lya Chapanga kwa machiko chaba, ade kipinde chino chukutendwa kubhehe akapiya matambiko bha Bhambo Chapanga, pukipakulenganila. 34Bhambo Chapanga atulaghii tutende naha ngita chituteila deleno kupala nnekekelwa uhakaho gwino. 35Mangota natamangana palitangala lya Lihema lya Chapanga kipinde cha machiko chaba kilo na muhe, kongo mikitenda ilebhe yalaghalikiye Bhambo Chapanga anda jhe nantendakuwe. Yenie ndi yalaghii Bhambo Chapanga.” 36Yene, Alune na yana mundo ngabhateila gheniya ghoha ngita Bhambo Chapanga chalaghila kupete Mucha.
ទើបបានជ្រើសរើសហើយ៖
Akalabhe 8: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 8
8
Alune na yanamundo bhimiminilwa mahuta kubhehe akapiya matambiko
Kubhoka 29:1-37
1Bhambo Chapanga ngannobholila Mucha, 2“Nkema Alune pamonga na yana mundo, bhakonganika palonge jha litangala lya Lihema lya Chapanga, tola ngobho jhihaghulilwe ya upiya litambiko na mahuta gha kupakala, helahela tola ng'ombi nkambako lya litambiko lya kupepulila uhakaho na mambelele mabhele gha nkambako, pamonga na kichukilo cha mabumunda ghangaleke ngedule. 3Peniya, makonganicha Akaichilahele bhoha pa litangala lya Lihema lya Chapanga.”
4Mucha ngateila ngita chalaghalikilwe na Bhambo Chapanga, ngabhakonganicha Akaichilahele bhoha palonge jha litangala lya Lihema lya Chapanga. 5Mucha ngabhalobholila Akaichilahele bhoha naha, “Ghongo ndi nhwalo Bhambo Chapanga alaghalikii tulitende.”
6Kabhele Mucha ngabhakemita Alune na yana mundo, ngabhajhoghecha kwa mache. 7Peniya, Alune ngawalichwa likanjo na kunkonga luhunga, ngawalichwa lijoho na kichibao na kujhomolela ngankonga luhunga pa kibhuno chake, ghulembekilwe ku upunde. 8Kuhumii peniya, ngabhekita kimpuko cha panganga pa Alune na nkate jha kimpuko chenie ngabhekita maghanga ghala kukonye ghapala Chapanga, ghighakemwa Ulimo na Sumimo. 9Peniya, nganhwalicha Alune kinyemba pamuto gwake, na palonge jha kinyemba chenie ngabheka kibate cha chaabo, ngita Bhambo Chapanga channaghila Mucha.
10Peniya, Mucha ngatoila mahuta gha micheitune ngapakita ilebhe yoha ikibha mwenio mu Lihema lya Chapanga, kukutenda yene ngaijhelebhula palonge jha Bhambo Chapanga. 11Peniya, ngamichila mala chaba mahuta ghandina panane jha chehemo jha kupiikiya litambiko, nu kupakaya mahuta chehemo jhitengenichwe jhukupiikiya litambiko, na ilebhe yoha ya mwenio, pamonga na libilika na kitamilo chake, kupala kuijhelebhula palonge jha Bhambo Chapanga. 12Helahela Mucha nganyitila Alune mahuta pamuto gwake, kupala kummeka ku nhwalo gwa lihengo lya Bhambo Chapanga. 13Pajhomolila gheniya, Mucha ngabhaleta yana ya Alune, ngabhawalicha likanjo na kwakonga luhunga mu ibhuno yabhe, na kwawalicha kinyemba, ngita Bhambo Chapanga chalaghila.
14Peniya, Mucha nganneta ng'ombi jwa litambiko lya kupepulila uhakaho, na jwenie Alune na yana mundo ngabhabheka mabhoko pa muto gwa ng'ombi jwenio. 15Mucha nganchinja ng'ombi jwenio ngakenga myahe, na lukonje lwake ngapakiya manyelo ghoha gha chehemo jha kupiikiya litambiko, ngajhelebhula chehemo jhenio. Peniya, ngajhitii myahe jhenie pahe kutindii chehemo jha kupiikiya litambiko, ngaijhelebhula kupala kutenda ujhelanicho ku nhwalo gwa chehemo jhenio. 16Na ngatola mahuta ghoha ghighajhenila mulutumbo lwa ng'ombi na chehemo jhambone jha kibhende pamonga na ndutumba yoha ibhele na mahuta ghake, ngaikomelikiya pa chehemo jha kupiikiya litambiko. 17Nambo nyama jha ng'ombi jwenio na limbendela lyake na mahe ghake, ngaikomelikiya kwa mwotu panja jha kighono ngita chalaghalikilwa na Bhambo Chapanga.
18Peniya, Mucha ngaleta limbelele lya nkambako ku nhwalo gwa litambiko lya kukomelekelwa, Alune na yana mundo ngabhabhekita mabhoko ghabhe panane jha muto gwa limbelele lyenie. 19Mucha nganchinjita limbelele lyenio ngatola myahe nu kumichila mu imbetule yoha ya chehemo jha kupiikiya litambiko. 20Ngaheketina ipande, ngaikomelikiya pamonga na muto na mahuta. 21Peniya, ngabheliya matumbo na makongono kwa mache na kuhangalana pamonga na ipande henge, na kukomelekeya kubhehe litambiko lya kukomelekelwa. Lyenio ndi litambiko lyapiikilwa Bhambo Chapanga kwa mwotu, lilibhii na luhumba lwambone lulunhalalicha Bhambo Chapanga, Mucha ngateila ngita chalaghalikilwa na Bhambo Chapanga.
22Peniya, ngatola likambako lenge lya limbelele, ku nhwalo gwa Alune na yanamundo, kwatenda bhabha akapiya matambiko nnonge jha Bhambo Chapanga, ghabhabhekita mabhoko ghabhe panane jha muto gwa limbelele lyenio. 23Mucha ngachinja limbelele lyeno, na kutola myahe jhake, na kumpakaya Alone pa kilemeleme cha lichikilo lya ulelo, na lighumba lyake lya lubhoko lwa ulelo na lighumba lyake lya mulugholo lwa ulelo. 24Helahela, yana ya Alune ngabhaika palonge, na Mucha ngabhapakiya myahe pakilemeleme cha machikilo ghabhe gha ulelo, na maghumba ghabhe gha mu mabhoko gha ulelo na maghumba gha makongono gha ulelo. Mucha ngamichila myahe jhihighilike pahe kutindii chehemo jha kupiikiya litambiko. 25Peniya, ngatola mahuta ghoha, nkela pamonga na mahuta ghake, na mahuta ghoha ghighabhii mu matumbo, na chehemo jhambone jha kibhende na ndutumba yoha ibhele na mahuta ghake na libhondo lya ulelo lya kinyama chenie. 26Peniya, mu kichukilo cha mabumunda ghangaleke ngedule, chikibhii nnonge jha Bhambo Chapanga, ngatola libumunda limo, libumunda lilipiitwa na mahuta na liandache limo, ngabheka yoha panane jha ipande ya mahuta na libhondo lela lya ulelo. 27Mucha ngabheka yoha mulubhoko lwa Alune na yanamundo, ngabhatondobheya kunane kulangii kubhehe, matambiko gheniya bhimpiikiya Bhambo Chapanga. 28Mucha ngatoila ilebhe yenie yoha kuhumii mu mabhoko ghabhe, na kukomelekeya panane jha chehemo jha kupiikiya litambiko, pamonga na litambiko lya kukomelekelwa. Lende ndi litambiko lya kwatenda bhabhaha akapiya matambiko, lilibhii na luhumba lwambone lulunhalalicha Bhambo Chapanga. 29Peniya, Mucha ngatola kidale ngatondobhiya kunane, kulangii nginyililo jha kumpikiiya Bhambo Chapanga. Kidale cha limbelele lya nkambako lyenie lya kwatenda bhabhaha akapiya matambiko, kitoilwa na Mucha ngita chalaghila Bhambo Chapanga.
30Peniya, Mucha ngatola mahuta gha kujhelebhula, na myahe jhibhii panane jha chehemo jhu kupiikiya litambiko nu kummichii Alune na yana mundo na helahela mu ngobho yabhe. Kukutenda yenie Mucha ngabhajhelebhula kubhehe bhando bha Bhambo Chapanga, Alune na yanamundo pamonga na ngobho yabhe.
31Mucha ngannobholila Alune na yanamundo, “Nteleka nyama jhenie palitangala lya Lihema lya Chapanga, nnyangana papa pannyango, pamonga na mabumunda kuhumii mu kichukilo cha matambiko gha kujhelebhula. Ntenda ngita chalaghila Bhambo Chapanga, chehemo jhenio nabhalya Alune na yana mundo. 32Nyama jhipakuighala na mabumunda ghatiniya pa mwotu. 33Mangapita jhe panja jha litangala lya lwane lwa Lihema lya Chapanga kwa machiko chaba, ade kipinde chino chukutendwa kubhehe akapiya matambiko bha Bhambo Chapanga, pukipakulenganila. 34Bhambo Chapanga atulaghii tutende naha ngita chituteila deleno kupala nnekekelwa uhakaho gwino. 35Mangota natamangana palitangala lya Lihema lya Chapanga kipinde cha machiko chaba kilo na muhe, kongo mikitenda ilebhe yalaghalikiye Bhambo Chapanga anda jhe nantendakuwe. Yenie ndi yalaghii Bhambo Chapanga.” 36Yene, Alune na yana mundo ngabhateila gheniya ghoha ngita Bhambo Chapanga chalaghila kupete Mucha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved