Chukutumbula 32
32
Yakobu akilenganikiya kukongana na Echau
1Yakobu ngajhendelila na mwanja gwake. Bhahe, ngakonganika na akatumiche bha kunane kwa Chapanga. 2Yakobu pakonganika ngalonge, “Ka, abha ndi akakomana ngondo bha Chapanga!” Yene, ngapakema peniya Mahanaimu, #32:2 mana ghake pamba ndi paighono ibhele ya akakomana ngondo.
3Yakobu ngatuma bhando bhalongolele kujhenda kwa nhwacha mundo Echau kuitombe ya ku Seile, ibhii mu kilambo cha ku Edomu. 4Yakobu ngalaghila kukulonge, “Ahacha bhango Echau, makalobholela naha, ntumiche gwino Yakobu ilonge naha, ndamite kwa njomba Labane ade ngohe. 5Mmi na ng'ombe na maponda na nchambe gwa mambelele na mbuhe na akatumiche akanalome na akakeghe. Ninnete lilobhe lende nhwacha bhango kupala nihika umonele kiya.”
6Bheniya ngabhajhenda, ngabhannobholela Yakobu, “Tuikite kwa nhwacha gwino na abhii undela kuika kumpokela, abhii na nchambe gwa bhando miya ncheche.” 7Peniya Yakobu ngabhe na kiholo hake na uechuko, ngabhaghanicha bhando bhakibha nabho makunde mabhele, helahela bhando bhubhakibha pamo na mambelele na ngamiya na henge ipugho. 8Yakobu ahololila kubhehe, “Anda Echau aikite nu koma, bhahe, nchambe ghumo ghupakuighalika na unyogholoka.”
9Peniya Yakobu ngannyopa Chapanga kwa kulonge, “Mwe ma Chapanga bha tate gwango Ulaimo na Chapanga jwa tate gwango Ichaka! Mwe ndi Bhambo Chapanga jhonnobholila kubhehe, ngelebhuke mu kilambo cha tate gwango na akalongo bhango, ngatulaghana naundendela ghambone. 10Ne nipalwa jhe hilu pandina kutangatilwa ngita chundangatila kukuaminika kwino, ne natumiche nganyombwika lukemba lwa Yoludane, nakibha jhe chochoha, nambo nga nkongocho tugha na ngohe mmi na makunde ghanga mabhele. 11Ninnyopa ung'ombole mumabhoko gha nhwacha gwango Echau, mana mii na kiholo nu kutukoma twabhoha, akamajhe na yana yabhe. 12Nambo mwenga ngatulaghina na nenga kundende ghambone, na ibheluko yango ngita ncheke gwa kumbwane gwanga bhalangika.”
13Kilo jhenio Yakobu ngagholwika pena, peniya ngahagwila ipugho yake kupala ampele nhwacha mundo Echau hupo. 14Hupo jhene ikibha mbuhe yankolo miya ibhele na mapongo makome mabhele na mambelele ghankolo miya ibhele na mapongo makome mabhele, 15ngamiya ijhongecha makome matato pamo na yana yabhe na ng'ombi yankolo makome ncheche na mapongo kome na maponda ghankolo makome mabhele na mapongo kome. 16Ngabhakamuya akatumiche bhake kila mundo na nchambe gwake, ngalongila, “Nnongolele nambo mwileka pwache panakate jha nchambe ghumo na ghonge.” 17Nganaghalikiya jhola jwalongoli kulonge, “Nhwacha gwango Echau pupakukongana nako na anda ankonyite, ‘Mwe matumiche bha ghane? Na koo mijhenda? Na inyama ilongolile ndi ya ghane?’ 18Mwe munyangula kulonge, ‘Henge ndi ilebhe ya ntumiche gwino Yakobu, henge ndi hupo ina mwenga manahota bhango Echau. Kabhele jwenio Yakobu akengama unyuma.’ ” 19Hele naha nganaghilikiya kwa bhoha ntumiche jhubhele na jwautato kukulonge, “Pumpa kukongana na Echau munnobholela malobhe gheniya. 20Nnongela naha, ‘Ntumiche gwino Yakobu abhii kuika.’ ” Yakobu ateila yene aholila kubhehe, “Kwa hupo yalongwiye pibhapakukongana pange jhe nampokela mbone.” 21Peniya ngalongwiya hupo yake, nambo jwenio kilo jhenio ngagholwika koko pakighono.
Yakobu ilimbana na mundo kweno Panuele
22Kilo jhenio Yakobu ngajhimuka, ngatola matala ghake na akatumiche bhabhele na yana mundo kome na jhumo, ngabhajhombwika lukemba lwa Yaboke. 23Pibhajhomolila kujhomboka kwiye helahela ngajhombwiya na male ghake ghoha. 24Yene Yakobu ngahighila kanjika ndo.
Peniya ngaika mundo jhumo, ngabhalimbana malimba ade pulipitita lyobha. 25Mundo jwenio palolita Yakobu anhotwi jhe, jwenio ngantilighula kibhuno. 26Mundo jwenio ngannobholila Yakobu, “Uneke nyabhule, unhwalo ngo kuchile.”
Yakobu ngalonge, “Nineka ng'o mpaka umbe ote mota.”
27Mundo ngankonya, “Mwe liina lino maghane?”
Yakobu ngajhangwila, “Ne Yakobu.”
28Mundo jwenio pannobholila Yakobu, “Mikemwa jhe ma Yakobu kabhele, nankemwa Ichilahele nhwalo nnimbine na Chapanga na bhando nu kuhotola.”
29Papa Yakobu ngalonge, “Chonde nyopa unnobholele liina lino.”
Nambo mundo jwenio ngalonge, “Nhwalo gwa nike ungonya liina lyango?” Peniya ngampila mota Yakobu.
30Yakobu ngapakema chehemo jhenio kubhehe, “Panuele, tela nukulonge nimwene Chapanga miho kwa miho na nenga nhwi jhe.” 31Yakobu ngabhoka ku Panuele lyobha likibha lipitite na itenda kuchepela nhwalo gwa kibhuno chake. 32Ade ngohe Akaichilahele bhimemena jhe ncheketa gwa kibhuno, nhwalo mundo jwenio akantegwii ncheketa gwa kibhuno.
ទើបបានជ្រើសរើសហើយ៖
Chukutumbula 32: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 32
32
Yakobu akilenganikiya kukongana na Echau
1Yakobu ngajhendelila na mwanja gwake. Bhahe, ngakonganika na akatumiche bha kunane kwa Chapanga. 2Yakobu pakonganika ngalonge, “Ka, abha ndi akakomana ngondo bha Chapanga!” Yene, ngapakema peniya Mahanaimu, #32:2 mana ghake pamba ndi paighono ibhele ya akakomana ngondo.
3Yakobu ngatuma bhando bhalongolele kujhenda kwa nhwacha mundo Echau kuitombe ya ku Seile, ibhii mu kilambo cha ku Edomu. 4Yakobu ngalaghila kukulonge, “Ahacha bhango Echau, makalobholela naha, ntumiche gwino Yakobu ilonge naha, ndamite kwa njomba Labane ade ngohe. 5Mmi na ng'ombe na maponda na nchambe gwa mambelele na mbuhe na akatumiche akanalome na akakeghe. Ninnete lilobhe lende nhwacha bhango kupala nihika umonele kiya.”
6Bheniya ngabhajhenda, ngabhannobholela Yakobu, “Tuikite kwa nhwacha gwino na abhii undela kuika kumpokela, abhii na nchambe gwa bhando miya ncheche.” 7Peniya Yakobu ngabhe na kiholo hake na uechuko, ngabhaghanicha bhando bhakibha nabho makunde mabhele, helahela bhando bhubhakibha pamo na mambelele na ngamiya na henge ipugho. 8Yakobu ahololila kubhehe, “Anda Echau aikite nu koma, bhahe, nchambe ghumo ghupakuighalika na unyogholoka.”
9Peniya Yakobu ngannyopa Chapanga kwa kulonge, “Mwe ma Chapanga bha tate gwango Ulaimo na Chapanga jwa tate gwango Ichaka! Mwe ndi Bhambo Chapanga jhonnobholila kubhehe, ngelebhuke mu kilambo cha tate gwango na akalongo bhango, ngatulaghana naundendela ghambone. 10Ne nipalwa jhe hilu pandina kutangatilwa ngita chundangatila kukuaminika kwino, ne natumiche nganyombwika lukemba lwa Yoludane, nakibha jhe chochoha, nambo nga nkongocho tugha na ngohe mmi na makunde ghanga mabhele. 11Ninnyopa ung'ombole mumabhoko gha nhwacha gwango Echau, mana mii na kiholo nu kutukoma twabhoha, akamajhe na yana yabhe. 12Nambo mwenga ngatulaghina na nenga kundende ghambone, na ibheluko yango ngita ncheke gwa kumbwane gwanga bhalangika.”
13Kilo jhenio Yakobu ngagholwika pena, peniya ngahagwila ipugho yake kupala ampele nhwacha mundo Echau hupo. 14Hupo jhene ikibha mbuhe yankolo miya ibhele na mapongo makome mabhele na mambelele ghankolo miya ibhele na mapongo makome mabhele, 15ngamiya ijhongecha makome matato pamo na yana yabhe na ng'ombi yankolo makome ncheche na mapongo kome na maponda ghankolo makome mabhele na mapongo kome. 16Ngabhakamuya akatumiche bhake kila mundo na nchambe gwake, ngalongila, “Nnongolele nambo mwileka pwache panakate jha nchambe ghumo na ghonge.” 17Nganaghalikiya jhola jwalongoli kulonge, “Nhwacha gwango Echau pupakukongana nako na anda ankonyite, ‘Mwe matumiche bha ghane? Na koo mijhenda? Na inyama ilongolile ndi ya ghane?’ 18Mwe munyangula kulonge, ‘Henge ndi ilebhe ya ntumiche gwino Yakobu, henge ndi hupo ina mwenga manahota bhango Echau. Kabhele jwenio Yakobu akengama unyuma.’ ” 19Hele naha nganaghilikiya kwa bhoha ntumiche jhubhele na jwautato kukulonge, “Pumpa kukongana na Echau munnobholela malobhe gheniya. 20Nnongela naha, ‘Ntumiche gwino Yakobu abhii kuika.’ ” Yakobu ateila yene aholila kubhehe, “Kwa hupo yalongwiye pibhapakukongana pange jhe nampokela mbone.” 21Peniya ngalongwiya hupo yake, nambo jwenio kilo jhenio ngagholwika koko pakighono.
Yakobu ilimbana na mundo kweno Panuele
22Kilo jhenio Yakobu ngajhimuka, ngatola matala ghake na akatumiche bhabhele na yana mundo kome na jhumo, ngabhajhombwika lukemba lwa Yaboke. 23Pibhajhomolila kujhomboka kwiye helahela ngajhombwiya na male ghake ghoha. 24Yene Yakobu ngahighila kanjika ndo.
Peniya ngaika mundo jhumo, ngabhalimbana malimba ade pulipitita lyobha. 25Mundo jwenio palolita Yakobu anhotwi jhe, jwenio ngantilighula kibhuno. 26Mundo jwenio ngannobholila Yakobu, “Uneke nyabhule, unhwalo ngo kuchile.”
Yakobu ngalonge, “Nineka ng'o mpaka umbe ote mota.”
27Mundo ngankonya, “Mwe liina lino maghane?”
Yakobu ngajhangwila, “Ne Yakobu.”
28Mundo jwenio pannobholila Yakobu, “Mikemwa jhe ma Yakobu kabhele, nankemwa Ichilahele nhwalo nnimbine na Chapanga na bhando nu kuhotola.”
29Papa Yakobu ngalonge, “Chonde nyopa unnobholele liina lino.”
Nambo mundo jwenio ngalonge, “Nhwalo gwa nike ungonya liina lyango?” Peniya ngampila mota Yakobu.
30Yakobu ngapakema chehemo jhenio kubhehe, “Panuele, tela nukulonge nimwene Chapanga miho kwa miho na nenga nhwi jhe.” 31Yakobu ngabhoka ku Panuele lyobha likibha lipitite na itenda kuchepela nhwalo gwa kibhuno chake. 32Ade ngohe Akaichilahele bhimemena jhe ncheketa gwa kibhuno, nhwalo mundo jwenio akantegwii ncheketa gwa kibhuno.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved