Chukutumbula 31
31
Yakobu antila Labane
1Yakobu ngajhoha kubhehe yana ya Labane ibhii kukokoleka nu kulonge, “Yakobu ajholite kila kilebhe cha tate gwito, ndi nhwalo abhii na ilebhe mbwe hake kuhumii kwa tate gwito.” 2Helehela Yakobu akamanye kubhehe Labane ujhelano ghabhe ubhii jhe ngita makacho. 3Peniya Bhambo Chapanga pannobholila Yakobu, “Nkelebhuke ku kilambo cha akahokolo bhino na akalongo bhino, nanenga mbakubhe pamonga na mwenga.”
4Peniya Yakobu ngabhalaghii Leya na Lahele, bhakongane kwachungii inyama yake. 5Yakobu ngabhalobholila, “Ne nilola kubhehe tate gwino ujhelano gwito ubhii jhe ngita makacho. Nambo Chapanga jwa tate gwango abhii pamonga na nenga. 6Mmanyingine kubhehe ndumike kwa tate gwino kwa makakala ghango ghoha. 7Pamo na gheniya, tate gwino andei kungolowa na kughalambuu malepo ghango mala kome. Nambo Chapanga akannekiti jhe andendele kilebhe chukumengwa. 8Kila palongila tate gwino, ‘Inyama ina mabakamabaka ndi yango,’ yene inyama yoha ngaitumbu kubhelekana ibhii na mabakamabaka. Na palonge, ‘Inyama ina michitale ibha hino,’ bhahe, inyama yoha ngaitumbu kubhehe na michitale. 9Yene ndi Chapanga patola inyama ya tate gwino nu kumbe nenga.
10“Machiko gha kumita inyama, nganota maloto, mu maloto gheniya nganyinwila miho na kulola mapongo gha mbuhe ibhobhote yankolo ina michitale na mabakamabaka na malembelo. 11Ntumiche jwa kunane kwa Chapanga ngalongela nanenga mu maloto gheniya nu kungema, ‘Yakobu!’ Nane nganyekita, ‘Ne pamba.’ 12Na jwene ngalongila, ‘Nnole, mapongo ghoha ghina malembo na mabakamabaka na michitale ghaibhobhotela yankolo. Kilebhe chenio kibhii yene mweni ghantendii Labane. 13Ne ndi Chapanga jhola jhunimpitila ku Betele, chehemo jhela pumekita ujhelubhulo lighanga kwa kujhilitii mahuta na kubheka kilapo kwa nenga. Na ngohe mmoke mu kilambo chenje nnyende mu kilambo chimmelukilwe.’ ” 14Lahele na Leya ngabhanyangwila Yakobu, “Twenga kibhii jhe chakubhujhii chikihighilike amu uliche ghoghoha kubhoka kwa tate gwito! 15Jwenio atubhona ngita akaghene, mana atuchulwiche na inyaghabhule, ndi yanomenekeya. 16Ilebhe yoha yatoi Chapanga kubhoka kwa tate gwito ndi ya twenga na yana hito. Yene ntende kila kilebhe chanaghii Chapanga!”
17Peniya Yakobu ngalenganikiya mwanja, ngahobhokeya yana mundo na akaanamundo panng'ongo gwa kinyama chikikemwa ngamiya. 18Yakobu ngatola inyama yoha pamonga na ilebhe yachumita ku kilambo chuku Padane Alamu, ngatumbu mwanja kukelebhuka ku kilambo chaku Kaanane kwa tatemundo Ichaka. 19Kabula jha Yakobu na akaana mundo kubhoka, Labane pakibha kutale mukuchekuu mangoma inyama yake, peniya Lahele ngapata pwache jhu kukwatuu inyagho ichapanga ya tate mundo. 20Yakobu akatei kunkoloya Labane, mundo jwa ku likabila lya Mwalamu, ngatila changantabhuka. 21Yakobu ngatola ilebhe yake yoha, nganyogholwika nako. Papa ngajhombwika lukemba lwa Efulate, ngajhenda ku kilambo chiitombe, ku Gileade.
Labane ankengama Yakobu
22Pughapetita machiko matato, Labane ngajhoa kubhehe Yakobu anyogholwike. 23Peniya Labane ngabhatola akalongo mundo, ngankengima Yakobu kwa machiko chaba na ngankolila mu itombe yaku Gileade. 24Nambo uhiko gwenio, Chapanga ngampitila Labane mundo jwaku Mwalamu mu maloto ngannobholila, “Chonde mukilolekeye! Mangalonge jhe kwa Yakobu kilebhe chochoha chikibhii kibhoho amu chamaha.” 25Peniya Labane ngaika pabhii Yakobu. Kipinde chenio Yakobu akibha abhekite kighono chake pikitombe. Labane na akalongo mundo, ngabhabheka kighono ku kilambo chiitombe yuku Gileade.
26Labane ngannobholila Yakobu, “Mikitei nike, mboni undei kungolowa, ngamitola yana yango ikeghe ngita ipukililwe kungondo? 27Nhwalo gwa nike ntei kunyogholoka? Nhwalo ghane ungolwiye? Nhwalo ghane undawike jhe? Ngaunnobholela, nganitawike kwa kuhangana, kwa mihambo nu kunhone ng'oma na malimba. 28Mbone umbii jhe pwache kupala nakumbatile natabhuke yana yango na ichokolo yango? Chakaka ungohite hake! 29Mmii na kindendeke chukummengwa, nambo Chapanga jwa tate gwino ambitii uhiko gwa kujhimukii deleno, ngalonge, ‘Chonde mukilolekeye! Mangalonge jhe kilebhe chochoha kwa Yakobu kibhaha kibhoho amu chamaha.’ 30Manye unyogholwika nhwalo mmi na kilolo hake kukelebhuka kajhino kwa tate gwino. Nambo nhwalo gwa nike nkwatii inyagho ya ichapanga yango?”
31Yakobu pannyangwila Labane, “Ndeila kujhoghopa pange naumboka yana hino. 32Nambo jhumumpala kunkolela na inyagho ichapanga hino akomwe! Nnonge jha akalongo bhito, nnangiye chochoha chikibhii chino, ntole.” Yakobu akamanyii jhe kubhehe, Lahele ndi jwakwatwii inyagho ya ichapanga ya Labane.
33Peniya Labane ngapaliya inyagho ichapanga yake mu kichimba cha Yakobu, na mu kichimba cha Leya na mu kichimba cha akatumiche akakeghe bhabhele, nambo akaimweni ndeka. Ngapita mu kichimba cha Leya nu kujhingii mu kichimba cha Lahele. 34Lahele ndi jwakwatwila inyagho yenio nu kuwininika mulitandiko panane jha ngamiya nukutamii panane jhake. Labane ngalyungita kupalaya mu kichimba choha nambo akaimweni ndeka. 35Peniya Lahele ngannobholila tate mundo, “Matate nihoto jhe kujhema nnonge jhino nhwalo mmi piye.” Peniya Labane ngalyunga kupalaya, nambo akaimweni ndeka.
36Peniya Yakobu ngachimwa, ngapwatalila na ngankonya Labane kulonge, “Ne lilemwa lyango nike?” Ngankonya Labane, “Ndei kilebhe ghane kibhoho ade uyeme? 37Bho, mpatite nike punhambulina miigho jhango jhoha? Mikibheke nnonge jha akalongo bhino na akalongo bhango kupala bhajhino bhatuhadabule panakate jha twe bhabhele! 38Ndamite na mwenga kwa yaka makome mabhele. Kipinde chenio choha mambelele ghino na mbuhe hino ghinahopo jhe ndumbo, hilu nni jhe lipongo lya limbelele. 39Hilu lichiko limo ninannete jhe nnyama jwino jwakwapitwe na kinyama chuku manyahe, nambo lighambo lyenio niligheghita namwete. Kabhele ngunongila nannepa chochoha chikikwatwilwe pangaloleke kubhehe bhakwatwii kilo amu muhe! 40Yene muhe ngahimbilila lyobha na kilo ngahimbilila malile, ng'ochii jhe ata pandina. 41Yaka yenio makome mabhele ndamita na mwenga kajhino. Ndumike yaka makome mabhele na ncheche, kwa nhwalo gwa yana hino ibhele. Yaka chita kwa nhwalo gwa kulucha ipugho hino. Nambo mwe ngang'alambwiya malepo ghango mala kome. 42Chapanga jwa tate gwango Chapanga gwa Ulaimo, ndi Chapanga jwanteila Ichaka alendeme nukubhehe jhe lubhoko lwango, chakaka ngaunekite moke mabhoko matopo. Nambo Chapanga alolite kulagha kwango na lihengo lindei kwa mabhoko ghango, nganakalila uhiko gwa kujhimukii deleno.”
Yakobu na Labane bhilaghilana
43Peniya Labane pannobholila Yakobu, “Ikeghe henge ndi yanango na yenio ichokolo ndi umbombwe gwango na inyama yenio ndi inyama yango na yoha yankwete yanenga. Bho, deleno nandenda nike bhahighilike yanango na umbombe gwabhe? 44Yene tubheke lilaghano panakate jha mwenga na nenga, lilangiye ghitulaghine.”
45Peniya Yakobu ngatola lighanga, ngahimika andi luheke lwa ukombokelo. 46Yakobu ngabhalobholila akalongo mundo, “Nnokote maghanga.” Na bhene ngabhalundika lilundo. Peniya ngabhalila chakulya pahina na lilundo lyenio. 47Labane ngalikema lilundo lyenio Yegale Saahaduta nambo Yakobu akemita Galedi. 48Labane ngannobholila Yakobu, “Lilundo lende lya maghanga ndi uchaile panakate jha mwenga nanenga deleno.” 49Chehemo jhene limanyikina Misipa, nhwalo Labane ngalongila, “Bhambo Chapanga nalolekeya putupakubhehe kutale changakongana.” 50Labane pajhendilila kulonge, “Anda mang'ahite yanango amu kutole akakeghe bhange, mmanya kubhehe Chapanga ndi jwalola.” 51Peniya Labane ngannobholila Yakobu, “Nnole lilundo lende lya maghanga, ndi luheke lunyemike panakate jhino nanenga. 52Lilundo lende ndi uchaile na luheke londo uchaile gwakukombokela kubhehe nenga nihomba jhe lilundo lende kuhika kwino kumengwa. Mwenga hele mihomba jhe lilundo lende na luheke londo kuhika kwa nenga kumengwa. 53Chapanga jwa Ulaimo na Chapanga jwa Nahole na Chapanga jwa akahokolo bhito nabhatuhadabula panakate jhito.” Peniya Yakobu ngalapila kwa Chapanga jwammeka Ichaka alendeme, kubhehe alikomboke lilaghano lende. 54Peniya Yakobu ngapiya litambiko lya kuchinja kinyama kuitombe na ngabhalalika akalongo mundo kujhenda kulye yakulya. Pubhajhomolila kulye ngabhakelwiya kwenio kelo ndaa. 55Lukela jhake putepute, Labane ngajhimwika, ngajhenda kuikumbatila ichokolo na yana mundo ikeghe na kuijhope mota. Peniya ngabhoka kukelebhuka kajhake.
ទើបបានជ្រើសរើសហើយ៖
Chukutumbula 31: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 31
31
Yakobu antila Labane
1Yakobu ngajhoha kubhehe yana ya Labane ibhii kukokoleka nu kulonge, “Yakobu ajholite kila kilebhe cha tate gwito, ndi nhwalo abhii na ilebhe mbwe hake kuhumii kwa tate gwito.” 2Helehela Yakobu akamanye kubhehe Labane ujhelano ghabhe ubhii jhe ngita makacho. 3Peniya Bhambo Chapanga pannobholila Yakobu, “Nkelebhuke ku kilambo cha akahokolo bhino na akalongo bhino, nanenga mbakubhe pamonga na mwenga.”
4Peniya Yakobu ngabhalaghii Leya na Lahele, bhakongane kwachungii inyama yake. 5Yakobu ngabhalobholila, “Ne nilola kubhehe tate gwino ujhelano gwito ubhii jhe ngita makacho. Nambo Chapanga jwa tate gwango abhii pamonga na nenga. 6Mmanyingine kubhehe ndumike kwa tate gwino kwa makakala ghango ghoha. 7Pamo na gheniya, tate gwino andei kungolowa na kughalambuu malepo ghango mala kome. Nambo Chapanga akannekiti jhe andendele kilebhe chukumengwa. 8Kila palongila tate gwino, ‘Inyama ina mabakamabaka ndi yango,’ yene inyama yoha ngaitumbu kubhelekana ibhii na mabakamabaka. Na palonge, ‘Inyama ina michitale ibha hino,’ bhahe, inyama yoha ngaitumbu kubhehe na michitale. 9Yene ndi Chapanga patola inyama ya tate gwino nu kumbe nenga.
10“Machiko gha kumita inyama, nganota maloto, mu maloto gheniya nganyinwila miho na kulola mapongo gha mbuhe ibhobhote yankolo ina michitale na mabakamabaka na malembelo. 11Ntumiche jwa kunane kwa Chapanga ngalongela nanenga mu maloto gheniya nu kungema, ‘Yakobu!’ Nane nganyekita, ‘Ne pamba.’ 12Na jwene ngalongila, ‘Nnole, mapongo ghoha ghina malembo na mabakamabaka na michitale ghaibhobhotela yankolo. Kilebhe chenio kibhii yene mweni ghantendii Labane. 13Ne ndi Chapanga jhola jhunimpitila ku Betele, chehemo jhela pumekita ujhelubhulo lighanga kwa kujhilitii mahuta na kubheka kilapo kwa nenga. Na ngohe mmoke mu kilambo chenje nnyende mu kilambo chimmelukilwe.’ ” 14Lahele na Leya ngabhanyangwila Yakobu, “Twenga kibhii jhe chakubhujhii chikihighilike amu uliche ghoghoha kubhoka kwa tate gwito! 15Jwenio atubhona ngita akaghene, mana atuchulwiche na inyaghabhule, ndi yanomenekeya. 16Ilebhe yoha yatoi Chapanga kubhoka kwa tate gwito ndi ya twenga na yana hito. Yene ntende kila kilebhe chanaghii Chapanga!”
17Peniya Yakobu ngalenganikiya mwanja, ngahobhokeya yana mundo na akaanamundo panng'ongo gwa kinyama chikikemwa ngamiya. 18Yakobu ngatola inyama yoha pamonga na ilebhe yachumita ku kilambo chuku Padane Alamu, ngatumbu mwanja kukelebhuka ku kilambo chaku Kaanane kwa tatemundo Ichaka. 19Kabula jha Yakobu na akaana mundo kubhoka, Labane pakibha kutale mukuchekuu mangoma inyama yake, peniya Lahele ngapata pwache jhu kukwatuu inyagho ichapanga ya tate mundo. 20Yakobu akatei kunkoloya Labane, mundo jwa ku likabila lya Mwalamu, ngatila changantabhuka. 21Yakobu ngatola ilebhe yake yoha, nganyogholwika nako. Papa ngajhombwika lukemba lwa Efulate, ngajhenda ku kilambo chiitombe, ku Gileade.
Labane ankengama Yakobu
22Pughapetita machiko matato, Labane ngajhoa kubhehe Yakobu anyogholwike. 23Peniya Labane ngabhatola akalongo mundo, ngankengima Yakobu kwa machiko chaba na ngankolila mu itombe yaku Gileade. 24Nambo uhiko gwenio, Chapanga ngampitila Labane mundo jwaku Mwalamu mu maloto ngannobholila, “Chonde mukilolekeye! Mangalonge jhe kwa Yakobu kilebhe chochoha chikibhii kibhoho amu chamaha.” 25Peniya Labane ngaika pabhii Yakobu. Kipinde chenio Yakobu akibha abhekite kighono chake pikitombe. Labane na akalongo mundo, ngabhabheka kighono ku kilambo chiitombe yuku Gileade.
26Labane ngannobholila Yakobu, “Mikitei nike, mboni undei kungolowa, ngamitola yana yango ikeghe ngita ipukililwe kungondo? 27Nhwalo gwa nike ntei kunyogholoka? Nhwalo ghane ungolwiye? Nhwalo ghane undawike jhe? Ngaunnobholela, nganitawike kwa kuhangana, kwa mihambo nu kunhone ng'oma na malimba. 28Mbone umbii jhe pwache kupala nakumbatile natabhuke yana yango na ichokolo yango? Chakaka ungohite hake! 29Mmii na kindendeke chukummengwa, nambo Chapanga jwa tate gwino ambitii uhiko gwa kujhimukii deleno, ngalonge, ‘Chonde mukilolekeye! Mangalonge jhe kilebhe chochoha kwa Yakobu kibhaha kibhoho amu chamaha.’ 30Manye unyogholwika nhwalo mmi na kilolo hake kukelebhuka kajhino kwa tate gwino. Nambo nhwalo gwa nike nkwatii inyagho ya ichapanga yango?”
31Yakobu pannyangwila Labane, “Ndeila kujhoghopa pange naumboka yana hino. 32Nambo jhumumpala kunkolela na inyagho ichapanga hino akomwe! Nnonge jha akalongo bhito, nnangiye chochoha chikibhii chino, ntole.” Yakobu akamanyii jhe kubhehe, Lahele ndi jwakwatwii inyagho ya ichapanga ya Labane.
33Peniya Labane ngapaliya inyagho ichapanga yake mu kichimba cha Yakobu, na mu kichimba cha Leya na mu kichimba cha akatumiche akakeghe bhabhele, nambo akaimweni ndeka. Ngapita mu kichimba cha Leya nu kujhingii mu kichimba cha Lahele. 34Lahele ndi jwakwatwila inyagho yenio nu kuwininika mulitandiko panane jha ngamiya nukutamii panane jhake. Labane ngalyungita kupalaya mu kichimba choha nambo akaimweni ndeka. 35Peniya Lahele ngannobholila tate mundo, “Matate nihoto jhe kujhema nnonge jhino nhwalo mmi piye.” Peniya Labane ngalyunga kupalaya, nambo akaimweni ndeka.
36Peniya Yakobu ngachimwa, ngapwatalila na ngankonya Labane kulonge, “Ne lilemwa lyango nike?” Ngankonya Labane, “Ndei kilebhe ghane kibhoho ade uyeme? 37Bho, mpatite nike punhambulina miigho jhango jhoha? Mikibheke nnonge jha akalongo bhino na akalongo bhango kupala bhajhino bhatuhadabule panakate jha twe bhabhele! 38Ndamite na mwenga kwa yaka makome mabhele. Kipinde chenio choha mambelele ghino na mbuhe hino ghinahopo jhe ndumbo, hilu nni jhe lipongo lya limbelele. 39Hilu lichiko limo ninannete jhe nnyama jwino jwakwapitwe na kinyama chuku manyahe, nambo lighambo lyenio niligheghita namwete. Kabhele ngunongila nannepa chochoha chikikwatwilwe pangaloleke kubhehe bhakwatwii kilo amu muhe! 40Yene muhe ngahimbilila lyobha na kilo ngahimbilila malile, ng'ochii jhe ata pandina. 41Yaka yenio makome mabhele ndamita na mwenga kajhino. Ndumike yaka makome mabhele na ncheche, kwa nhwalo gwa yana hino ibhele. Yaka chita kwa nhwalo gwa kulucha ipugho hino. Nambo mwe ngang'alambwiya malepo ghango mala kome. 42Chapanga jwa tate gwango Chapanga gwa Ulaimo, ndi Chapanga jwanteila Ichaka alendeme nukubhehe jhe lubhoko lwango, chakaka ngaunekite moke mabhoko matopo. Nambo Chapanga alolite kulagha kwango na lihengo lindei kwa mabhoko ghango, nganakalila uhiko gwa kujhimukii deleno.”
Yakobu na Labane bhilaghilana
43Peniya Labane pannobholila Yakobu, “Ikeghe henge ndi yanango na yenio ichokolo ndi umbombwe gwango na inyama yenio ndi inyama yango na yoha yankwete yanenga. Bho, deleno nandenda nike bhahighilike yanango na umbombe gwabhe? 44Yene tubheke lilaghano panakate jha mwenga na nenga, lilangiye ghitulaghine.”
45Peniya Yakobu ngatola lighanga, ngahimika andi luheke lwa ukombokelo. 46Yakobu ngabhalobholila akalongo mundo, “Nnokote maghanga.” Na bhene ngabhalundika lilundo. Peniya ngabhalila chakulya pahina na lilundo lyenio. 47Labane ngalikema lilundo lyenio Yegale Saahaduta nambo Yakobu akemita Galedi. 48Labane ngannobholila Yakobu, “Lilundo lende lya maghanga ndi uchaile panakate jha mwenga nanenga deleno.” 49Chehemo jhene limanyikina Misipa, nhwalo Labane ngalongila, “Bhambo Chapanga nalolekeya putupakubhehe kutale changakongana.” 50Labane pajhendilila kulonge, “Anda mang'ahite yanango amu kutole akakeghe bhange, mmanya kubhehe Chapanga ndi jwalola.” 51Peniya Labane ngannobholila Yakobu, “Nnole lilundo lende lya maghanga, ndi luheke lunyemike panakate jhino nanenga. 52Lilundo lende ndi uchaile na luheke londo uchaile gwakukombokela kubhehe nenga nihomba jhe lilundo lende kuhika kwino kumengwa. Mwenga hele mihomba jhe lilundo lende na luheke londo kuhika kwa nenga kumengwa. 53Chapanga jwa Ulaimo na Chapanga jwa Nahole na Chapanga jwa akahokolo bhito nabhatuhadabula panakate jhito.” Peniya Yakobu ngalapila kwa Chapanga jwammeka Ichaka alendeme, kubhehe alikomboke lilaghano lende. 54Peniya Yakobu ngapiya litambiko lya kuchinja kinyama kuitombe na ngabhalalika akalongo mundo kujhenda kulye yakulya. Pubhajhomolila kulye ngabhakelwiya kwenio kelo ndaa. 55Lukela jhake putepute, Labane ngajhimwika, ngajhenda kuikumbatila ichokolo na yana mundo ikeghe na kuijhope mota. Peniya ngabhoka kukelebhuka kajhake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved