Chukutumbula 30
30
1Lahele pabhonita ampapi jhe Yakobu yana, ngammonela wiho nnombo mundo, ngannobholila Yakobu, “Umbe yana, anda jhe mbakuwe!”
2Yakobu ngayomila Lahele nu kunnobholela, “Bho, deleno ne Nachapanga jhunnitei mwe mangabhe jhe na yana?”
3Lahele pajhangwila, “Ntumiche jwango Biliya abhile. Nng'oloke nako ambapile yana, kupete jwenio nane hele mbate kibheluko.” 4Yene, Lahele ngampila Yakobu ntumiche jwake mwikeghe Biliya abhe nhwanamundo, Yakobu ngagholwika nako. 5Biliya ngabhila na ndumbo ngampapila Yakobu mwana munalome. 6Yene Lahele palongila, “Chapanga andendi maha na ajhoine kulela kwango na ambi mwana munalome.” Yene ngankema liina lyake Dane. 7Biliya, ntumiche jwa Lahele ngabhila na jhenge ndumbo ngampapila Yakobu mwana jhuubhele munalome. 8Peniya Lahele palongila, “Ngomine hake na alombo bhango, nambo nahotwile.” Yene ngankemwa mwana jwenio liina lyake Nafutale mana ghake, kukomana.
9Leya palolita alekite kupapa, ngantola Zilifa, ntumiche jwake mwikeghe ngankamuya Yakobu abhe nhwanamundo. 10Zilipa ngampapila Yakobu mwana munalome. 11Leya palongila, “Mmi na mota!” Kwa yene ngankemwa mwana jwenio liina lyake Gade #30:11 mana jhake bahati. 12Zilipa ntumiche jwa Leya, ngampapila Yakobu mwana jhubhele munalome. 13Leya ngalonge, “Hangine hake! Ngohe akakeghe bhingema naluheko.” Yene ngankema mwana jwenio Asheli mana jhake naluheko.
14Ngaghaika machiko gha mahuno gha ngano, Lubene ngajhenda kunng'onda na kwenio ntela jhitumika ngita chemeko, ngannetela majhe gwake Leya ntela gwenio. Lahele ngannobholila Leya, “Chonde umaghulile kandina ntela gwa mwana gwino.”
15Nambo Leya ngajhangwila, “Mwe nkita kilebhe chukinila kumboka nngana gwango, na ngohe mpakuto ntela gwa mwanango?”
Lahele pajhangwila, “Anda umbi ntela gwa mwana gwino deleno jheno, umanya Yakobu nang'oloka nako.”
16Yakobu pabhujha kimiye kunng'onda, Leya ngajhenda kumpokela nu kunobholela, “Deleno mpaka mkagholoke na nenga nhwalo minhemi kwa chemeko jha mwanango.” Yene Yakobu ngajhenda kugholoka kwa Leya uhiko gwenio.
17Chapanga ngajhowa kujhopa kwa Leya, ngapata ndumbo ngampapila Yakobu mwana jhu nhwano. 18Leya ngalonge, “Chapanga anhupite nhwalo angana bhango nakape ntumiche jwango mwikeghe.” Yene ngankema mwana jwenio Ichakale, mana jhake hupo. 19Leya ngapata jhenge ndumbo na kumpapii Yakobu mwana munalome jwa chita. 20Yene Leya ngalongila, “Chapanga ambii hupo jhambone. Ngohe angana bhango nabhandembekeya nhwalo napapii yana chita inalome.” Yene ngankema mwana jwenio liina lyake Chabulone, #30:20 mana ghake, “Utembekeho.” 21Peniya, Leya ngapapa mwana mwikeghe, ngankema liina lyake Dina.
22Peniya, Chapanga ngankomboka Lahele, nganyoa kujhopa kwake yane ngamopwila lutumbo lwake na kupapa. 23Lahele ngapata ndumbo, ngapapa mwana munalome ngalonge, “Chapanga amohite hone jhango.” 24Yene ngankema mwana jwenio liina lyake Uchupo, ngalonge, “Bhambo Chapanga anyonjekeye jhonge mwana munalome.”#30:24 Mana jha liina lya Uchupo, ambekee jhonge mwana.
Yakobu abhe ni ilebhe mbwe
25Lahele pampapita Uchupo, Yakobu ngannobholila Labane, “Uneke mujhe ukajhango, mu kilambo chango. 26Umbeke akaana bhango na yana yango inipapite kubhoke mukuhenga kwango mahengo kwino, mbala moke nako. Umanye kubhehe nitumikii maha tugha.”
27Nambo Labane palongila, “Chonde nijhopa nnonge kilebhe chimo. Manye kukulondola kwango kubhehe Bhambo Chapanga ambii mota kwa nhwalo jhino mwenga. 28Nnongele malepo ghimipala, naninepa.”
29Yakobu ngalonge, “Mabhene umanye punihengii mahengo kwino na panuchita ipugho hino. 30Mana ne panakibhajhe kwino mukibha na ilebhe yandina, nambo ngohe kubhoke mukuika nenga, ilebhe ijhonjikike kubhehe mbwe hake na Bhambo Chapanga ampii mota mbwe kila pimijhenda. Nambo ligha nandenda ilebhe ya pakajhango?”
31Labane ngankonya, “Ninepe kilebhe ghane?”
Yakobu pajhangwila, “Nikipaijhe kilebhe chochoha unepa, nambo anda undendi limo leno, nannyendelela kulucha na kuilonda ipugho hino. 32Unyeketele mbete mwiipugho hino yoha deleno, maghule kila kinyama chikibhii na mabakamabaka amu malembo, kila limbelele lipile, na kila mbuhe jhuna malembo amu mabakamabaka. Ibha malepo ghango. 33Yene kuhobholeka kwango namukubhona machiko gha palongolo, kila pumikaghula malepo ghango. Anda ngwete mambelele amu mbuhe yangamabaka amu limbelele lyolyoha lyangabhehe lipile, umanya litei kujhibwa.”
34Labane ngalonge, “Lyene lyamaha, libha ngita chinongii.” 35Nambo lichiko lyene, Labane ngajhenda kubheka pakanjika mapongo ghoha ghina mabaka na ghina malembelo, na mbuhe yankolo yoha ghina mabakamabaka na malembo amu malembelo mahuo, nambo mambelele mapile ghoha ngaibheka ijhemelelwe na yana yake. 36Labane ngakumwika naipugho yake ngajhenda kutama kutale na Yakobu, kolepa kwake tela na mwanja gwa machiko matato. Yakobu ngaighila papa akilucha inyama ya Labane iighilike.
37Peniya Yakobu ngatola ndela mbehe imikongo mulubina na mulozi na mwalamone, ngakobhila kupala jhibhonekane malembo manhuu mundela yenio. 38Peniya ngahemika ndela yenio yakobhile nnonge jha inyama, piinywe mache inyama. Nhwalo inyama ibhobhotela peniya kipinde pinywe mache, 39ngimitita nnonge jha ndela yenio, ngaipapita yana ina michitale na mabakamabaka na malembelo.
40Yakobu ngaibheka pakanjika mambelele na mbuhe, peniya ghabhatenda ghalolehane na inyama ina michitale na inyama bhapile mulilongo lya Labane. Kwa kutenda yene, Yakobu ngabhila na kibhajha chake cha inyama na akahangalini ng'o na Labane.
41Kila pikiika kipinde cha inyama ina makakala kumita, Yakobu ngabheka ndela yenio, inamalembelo kuimika nnonge jha inyama piinywe mache, kupala ibhobhotela pahina na ndela yenio. 42Nambo ndela yenio abheka jhe nnonge mu inyama imitite ikombile. Yene inyama yoha ikombile ngabhila ya Labane na inyama yoha ina makakala ngabhila ya Yakobu. 43Yene, Yakobu ngabhila na ilebhe mbwe hake, ngabhila na michambe ndii jha inyama na akatumiche akakeghe na akanalome, ngamiya na maponda.
ទើបបានជ្រើសរើសហើយ៖
Chukutumbula 30: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 30
30
1Lahele pabhonita ampapi jhe Yakobu yana, ngammonela wiho nnombo mundo, ngannobholila Yakobu, “Umbe yana, anda jhe mbakuwe!”
2Yakobu ngayomila Lahele nu kunnobholela, “Bho, deleno ne Nachapanga jhunnitei mwe mangabhe jhe na yana?”
3Lahele pajhangwila, “Ntumiche jwango Biliya abhile. Nng'oloke nako ambapile yana, kupete jwenio nane hele mbate kibheluko.” 4Yene, Lahele ngampila Yakobu ntumiche jwake mwikeghe Biliya abhe nhwanamundo, Yakobu ngagholwika nako. 5Biliya ngabhila na ndumbo ngampapila Yakobu mwana munalome. 6Yene Lahele palongila, “Chapanga andendi maha na ajhoine kulela kwango na ambi mwana munalome.” Yene ngankema liina lyake Dane. 7Biliya, ntumiche jwa Lahele ngabhila na jhenge ndumbo ngampapila Yakobu mwana jhuubhele munalome. 8Peniya Lahele palongila, “Ngomine hake na alombo bhango, nambo nahotwile.” Yene ngankemwa mwana jwenio liina lyake Nafutale mana ghake, kukomana.
9Leya palolita alekite kupapa, ngantola Zilifa, ntumiche jwake mwikeghe ngankamuya Yakobu abhe nhwanamundo. 10Zilipa ngampapila Yakobu mwana munalome. 11Leya palongila, “Mmi na mota!” Kwa yene ngankemwa mwana jwenio liina lyake Gade #30:11 mana jhake bahati. 12Zilipa ntumiche jwa Leya, ngampapila Yakobu mwana jhubhele munalome. 13Leya ngalonge, “Hangine hake! Ngohe akakeghe bhingema naluheko.” Yene ngankema mwana jwenio Asheli mana jhake naluheko.
14Ngaghaika machiko gha mahuno gha ngano, Lubene ngajhenda kunng'onda na kwenio ntela jhitumika ngita chemeko, ngannetela majhe gwake Leya ntela gwenio. Lahele ngannobholila Leya, “Chonde umaghulile kandina ntela gwa mwana gwino.”
15Nambo Leya ngajhangwila, “Mwe nkita kilebhe chukinila kumboka nngana gwango, na ngohe mpakuto ntela gwa mwanango?”
Lahele pajhangwila, “Anda umbi ntela gwa mwana gwino deleno jheno, umanya Yakobu nang'oloka nako.”
16Yakobu pabhujha kimiye kunng'onda, Leya ngajhenda kumpokela nu kunobholela, “Deleno mpaka mkagholoke na nenga nhwalo minhemi kwa chemeko jha mwanango.” Yene Yakobu ngajhenda kugholoka kwa Leya uhiko gwenio.
17Chapanga ngajhowa kujhopa kwa Leya, ngapata ndumbo ngampapila Yakobu mwana jhu nhwano. 18Leya ngalonge, “Chapanga anhupite nhwalo angana bhango nakape ntumiche jwango mwikeghe.” Yene ngankema mwana jwenio Ichakale, mana jhake hupo. 19Leya ngapata jhenge ndumbo na kumpapii Yakobu mwana munalome jwa chita. 20Yene Leya ngalongila, “Chapanga ambii hupo jhambone. Ngohe angana bhango nabhandembekeya nhwalo napapii yana chita inalome.” Yene ngankema mwana jwenio liina lyake Chabulone, #30:20 mana ghake, “Utembekeho.” 21Peniya, Leya ngapapa mwana mwikeghe, ngankema liina lyake Dina.
22Peniya, Chapanga ngankomboka Lahele, nganyoa kujhopa kwake yane ngamopwila lutumbo lwake na kupapa. 23Lahele ngapata ndumbo, ngapapa mwana munalome ngalonge, “Chapanga amohite hone jhango.” 24Yene ngankema mwana jwenio liina lyake Uchupo, ngalonge, “Bhambo Chapanga anyonjekeye jhonge mwana munalome.”#30:24 Mana jha liina lya Uchupo, ambekee jhonge mwana.
Yakobu abhe ni ilebhe mbwe
25Lahele pampapita Uchupo, Yakobu ngannobholila Labane, “Uneke mujhe ukajhango, mu kilambo chango. 26Umbeke akaana bhango na yana yango inipapite kubhoke mukuhenga kwango mahengo kwino, mbala moke nako. Umanye kubhehe nitumikii maha tugha.”
27Nambo Labane palongila, “Chonde nijhopa nnonge kilebhe chimo. Manye kukulondola kwango kubhehe Bhambo Chapanga ambii mota kwa nhwalo jhino mwenga. 28Nnongele malepo ghimipala, naninepa.”
29Yakobu ngalonge, “Mabhene umanye punihengii mahengo kwino na panuchita ipugho hino. 30Mana ne panakibhajhe kwino mukibha na ilebhe yandina, nambo ngohe kubhoke mukuika nenga, ilebhe ijhonjikike kubhehe mbwe hake na Bhambo Chapanga ampii mota mbwe kila pimijhenda. Nambo ligha nandenda ilebhe ya pakajhango?”
31Labane ngankonya, “Ninepe kilebhe ghane?”
Yakobu pajhangwila, “Nikipaijhe kilebhe chochoha unepa, nambo anda undendi limo leno, nannyendelela kulucha na kuilonda ipugho hino. 32Unyeketele mbete mwiipugho hino yoha deleno, maghule kila kinyama chikibhii na mabakamabaka amu malembo, kila limbelele lipile, na kila mbuhe jhuna malembo amu mabakamabaka. Ibha malepo ghango. 33Yene kuhobholeka kwango namukubhona machiko gha palongolo, kila pumikaghula malepo ghango. Anda ngwete mambelele amu mbuhe yangamabaka amu limbelele lyolyoha lyangabhehe lipile, umanya litei kujhibwa.”
34Labane ngalonge, “Lyene lyamaha, libha ngita chinongii.” 35Nambo lichiko lyene, Labane ngajhenda kubheka pakanjika mapongo ghoha ghina mabaka na ghina malembelo, na mbuhe yankolo yoha ghina mabakamabaka na malembo amu malembelo mahuo, nambo mambelele mapile ghoha ngaibheka ijhemelelwe na yana yake. 36Labane ngakumwika naipugho yake ngajhenda kutama kutale na Yakobu, kolepa kwake tela na mwanja gwa machiko matato. Yakobu ngaighila papa akilucha inyama ya Labane iighilike.
37Peniya Yakobu ngatola ndela mbehe imikongo mulubina na mulozi na mwalamone, ngakobhila kupala jhibhonekane malembo manhuu mundela yenio. 38Peniya ngahemika ndela yenio yakobhile nnonge jha inyama, piinywe mache inyama. Nhwalo inyama ibhobhotela peniya kipinde pinywe mache, 39ngimitita nnonge jha ndela yenio, ngaipapita yana ina michitale na mabakamabaka na malembelo.
40Yakobu ngaibheka pakanjika mambelele na mbuhe, peniya ghabhatenda ghalolehane na inyama ina michitale na inyama bhapile mulilongo lya Labane. Kwa kutenda yene, Yakobu ngabhila na kibhajha chake cha inyama na akahangalini ng'o na Labane.
41Kila pikiika kipinde cha inyama ina makakala kumita, Yakobu ngabheka ndela yenio, inamalembelo kuimika nnonge jha inyama piinywe mache, kupala ibhobhotela pahina na ndela yenio. 42Nambo ndela yenio abheka jhe nnonge mu inyama imitite ikombile. Yene inyama yoha ikombile ngabhila ya Labane na inyama yoha ina makakala ngabhila ya Yakobu. 43Yene, Yakobu ngabhila na ilebhe mbwe hake, ngabhila na michambe ndii jha inyama na akatumiche akakeghe na akanalome, ngamiya na maponda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved