Chukutumbula 29
29
Yakobu iika pakajha kwa Labane
1Yakobu ngajhendilila na mwanja gwake, ngaikita ku kilambo cha bhando kwa upande ghulihumii lyobha. 2Kwenio ngakibhona kilibha kumanyahe, na paupele jhake ngaghabhona malongo matato gha mambelele ghagholwike. Mambelele gheniya ghanywila mache kubhoka pakilibha chenio chikiyekwililwe na lighanga likolongwa. 3Malongo gha mambelele pighakongina peniya, bhibhalucha bhoha bhitenda kulibhilimbiya lighanga lyenio kubhoka pikilibha chenio kupala ghanywe mambelele ghabhe. Pibhajhomolila ughubikila pikilibha.
4Yakobu ngabhakonya bhibhalucha bheniya, “Akalongo nhumii koo?”
Ngabhajhangwila, “Tuhumii kumuche gwaku Alane.”
5Jwenio ngankonya kabhele, “Mumanye Labane mwana gwa Naole?”
Ngabhajhangwila, “Hena, tummanye.”
6Ngajhendilila kwakonya, “Bho, kubhii kunchela?”
Bhene ngabhajhangwila, “Kubhii kunchelela, nchikana gwabhe Lahele jwajho itenda kuika na mambelele ghake!”
7Peniya Yakobu ngalongila, “Ngohe nola kuhumii muhi, kipinde chukughaleta mambelele jhe. Bhahe, mughanyweche mache mambelele, kubhoke peniya mukaghaluche.”
8Nambo bheniye ngabhalongila, “Twe, tuhoto jhe kuhenga gheniya ade malongo ghoha ghabhehe pamonga, kupala tuhoto kubhilimbiya lighanga kutale na kilibha, peniya tughanywecha mache.”
9Yakobu pajhendilila kulonge nabho bhibhalucha bheniya, Lahele ngaika na mambelele gha tatemundo, nhwalo jwenio ndi jwakibha aghaluchita. 10Yakobu pamonita Lahele, mwana jwa Labane nnjomba mundo pamonga na mambelele gha njomba mundo ngajhenda na kulibhilimbiya lighanga na kughanywecha mache mambelele gha njomba gwake. 11Peniya Yakobu ngakumbatila Lahele nu kulela kanonoha kwa kuhangana hake. 12Yakobu ngannobholila Lahele, nenga ndi nnongo jwa tate mundo na mwana jwa Lebeka.
Lebeka ngabhutwika lubhelo ade kajhake kwalobholela tate mundo. 13Papa Labane pajhohina nhwalo gwa Yakobu, nnjomba mundo, ngajhenda kajhombe kukongana nako, ngankumbatila nu kujhenda nako kajhake. Yakobu nganchimulila ilebhe yoha ipitile. 14Labane ngannobholila, “Chakaka mwe malongo bhango, tuhumii lukolo lumo!” Yakobu ngatamita nako kwa mwehe ghumo.
Yakobu itolana na ichikana ya Labane
15Lichiko limo Labane ngannobholila Yakobu, “Nhwalo mwe malongo bhango mbala jhe nhenga jhajhe lihengo lyango, nnobhole mipala ninepa nike?” 16Labane akibha na achikabhale bhabhele, nkolo akemitwa Leya na unung'una akemitwa Lahele. 17Leya akibha na miho ghambone ghighahutila, nambo Lahele akibha na yegha jhambone na akibha lembulembu.
18Yakobu ngampala Lahele, ngannobholila Labane, “Naninhengela mahengo kwa yaka chaba mbala nitolele mwana gwino nchoko.”
19Labane nganyangwila, “Mbaha Lahele nintolanikiye mwenga kuliku kuntoleke mundo jhonge. Nnyendelele kutama nanenga.” 20Yene, Yakobu ngakundika mahengo kwa Labane kwa yaka chaba kupala antolele Lahele, nambo kwa yaka chaba kilebhe nacho kwa Yakobu kwa kumpala Lahele.
21Peniya Yakobu ngannobholila Labane, “Kipinde chango kihikite mbela aanabhango nintolele.” 22Yene Labane ngabheka ngundila jha unyagho gwa ndowa na ngalalika bhando bha kwenio. 23Nambo kilo jhela, Labane ngantola Leya, kamwale jwake nkolo ngankamuya Yakobu na Yakobu ngagholwika nako. 24Labane ngantola Zilipa ntumiche jwake mwikeghe abhe ntumiche jwa Leya. 25Lukela, Yakobu ngakangicha kubhehe kumbe Leya! Yene ngankonya Labane, “Nanjino untendi kilebhe ghane? Ne ndumika kwa nhwalo jha Lahele. Ngohe mwe nhwalo ghane ungolwiye naha?”
26Labane ngajhangwila, “Luhomo lwito jhe kilambo chenje kutumbuu kuntolanicha unung'una kone nkolo amela. 27Ntimichila hote Leya machiko ghake chaba gha ndowa, na peniya tuntolanikiya Lahele ntumika kwa yaka henge chaba.”
28Yakobu ngajheketila. Kipinde Yakobu pajhomolila machiko chaba gha ndowa kwa Leya, Labane ngantolanikicha Lahele. 29Labane ngampiya Biliya ntumiche jwake mwikeghe, abhe ntumiche jwa Lahele. 30Yakobu ngagholoka na Lahele hele. Nambo Yakobu ngampala hake Lahele kupeta Leya. Ngatumika kwa Labane kwa yaka henge chaba.
Yana inalome ya Yakobu
31Bhambo Chapanga palolita Leya apalwa jhe ngita Lahele, Chapanga ngampila Leya upapo, Lahele ngantenda abhe ntonga. 32Leya ngabhila na ndumbo, ngapapa mwana munalome ngankema liina lyake Lubene, Leya ngalongila “Bhambo mughawene malagho ghango. Chakaka ngohe nngana gwango nambala.” 33Helahela Leya ngapata ndumbo jhenge, ngapapa mwana munalome, ngalongila, “Bhambo Chapanga ambii kabhele mwana munalome nhwalo alolite chanjimwa.” Yene ngankemita mwana jhono liina lyake Chimeone. 34Leya ngabhila na jhenge ndumbo, ngapapa mwana munalome, “Ngohe nngana gwango natubhaa maghumba nde, nhwalo nimpapi yana itato inalome.” Yene ngankemita mwana jhono lihina lyake Lawe. 35Ngaghelika jhenge ndumbo, ngapapa mwana jhonge munalome, ngalonge, “Mwanja ghongo ninnomba Bhambo Chapanga.” Yene mwana jhono ngankema liina lyake Yuda. Peniya Leya ngaleka kupapa.
ទើបបានជ្រើសរើសហើយ៖
Chukutumbula 29: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 29
29
Yakobu iika pakajha kwa Labane
1Yakobu ngajhendilila na mwanja gwake, ngaikita ku kilambo cha bhando kwa upande ghulihumii lyobha. 2Kwenio ngakibhona kilibha kumanyahe, na paupele jhake ngaghabhona malongo matato gha mambelele ghagholwike. Mambelele gheniya ghanywila mache kubhoka pakilibha chenio chikiyekwililwe na lighanga likolongwa. 3Malongo gha mambelele pighakongina peniya, bhibhalucha bhoha bhitenda kulibhilimbiya lighanga lyenio kubhoka pikilibha chenio kupala ghanywe mambelele ghabhe. Pibhajhomolila ughubikila pikilibha.
4Yakobu ngabhakonya bhibhalucha bheniya, “Akalongo nhumii koo?”
Ngabhajhangwila, “Tuhumii kumuche gwaku Alane.”
5Jwenio ngankonya kabhele, “Mumanye Labane mwana gwa Naole?”
Ngabhajhangwila, “Hena, tummanye.”
6Ngajhendilila kwakonya, “Bho, kubhii kunchela?”
Bhene ngabhajhangwila, “Kubhii kunchelela, nchikana gwabhe Lahele jwajho itenda kuika na mambelele ghake!”
7Peniya Yakobu ngalongila, “Ngohe nola kuhumii muhi, kipinde chukughaleta mambelele jhe. Bhahe, mughanyweche mache mambelele, kubhoke peniya mukaghaluche.”
8Nambo bheniye ngabhalongila, “Twe, tuhoto jhe kuhenga gheniya ade malongo ghoha ghabhehe pamonga, kupala tuhoto kubhilimbiya lighanga kutale na kilibha, peniya tughanywecha mache.”
9Yakobu pajhendilila kulonge nabho bhibhalucha bheniya, Lahele ngaika na mambelele gha tatemundo, nhwalo jwenio ndi jwakibha aghaluchita. 10Yakobu pamonita Lahele, mwana jwa Labane nnjomba mundo pamonga na mambelele gha njomba mundo ngajhenda na kulibhilimbiya lighanga na kughanywecha mache mambelele gha njomba gwake. 11Peniya Yakobu ngakumbatila Lahele nu kulela kanonoha kwa kuhangana hake. 12Yakobu ngannobholila Lahele, nenga ndi nnongo jwa tate mundo na mwana jwa Lebeka.
Lebeka ngabhutwika lubhelo ade kajhake kwalobholela tate mundo. 13Papa Labane pajhohina nhwalo gwa Yakobu, nnjomba mundo, ngajhenda kajhombe kukongana nako, ngankumbatila nu kujhenda nako kajhake. Yakobu nganchimulila ilebhe yoha ipitile. 14Labane ngannobholila, “Chakaka mwe malongo bhango, tuhumii lukolo lumo!” Yakobu ngatamita nako kwa mwehe ghumo.
Yakobu itolana na ichikana ya Labane
15Lichiko limo Labane ngannobholila Yakobu, “Nhwalo mwe malongo bhango mbala jhe nhenga jhajhe lihengo lyango, nnobhole mipala ninepa nike?” 16Labane akibha na achikabhale bhabhele, nkolo akemitwa Leya na unung'una akemitwa Lahele. 17Leya akibha na miho ghambone ghighahutila, nambo Lahele akibha na yegha jhambone na akibha lembulembu.
18Yakobu ngampala Lahele, ngannobholila Labane, “Naninhengela mahengo kwa yaka chaba mbala nitolele mwana gwino nchoko.”
19Labane nganyangwila, “Mbaha Lahele nintolanikiye mwenga kuliku kuntoleke mundo jhonge. Nnyendelele kutama nanenga.” 20Yene, Yakobu ngakundika mahengo kwa Labane kwa yaka chaba kupala antolele Lahele, nambo kwa yaka chaba kilebhe nacho kwa Yakobu kwa kumpala Lahele.
21Peniya Yakobu ngannobholila Labane, “Kipinde chango kihikite mbela aanabhango nintolele.” 22Yene Labane ngabheka ngundila jha unyagho gwa ndowa na ngalalika bhando bha kwenio. 23Nambo kilo jhela, Labane ngantola Leya, kamwale jwake nkolo ngankamuya Yakobu na Yakobu ngagholwika nako. 24Labane ngantola Zilipa ntumiche jwake mwikeghe abhe ntumiche jwa Leya. 25Lukela, Yakobu ngakangicha kubhehe kumbe Leya! Yene ngankonya Labane, “Nanjino untendi kilebhe ghane? Ne ndumika kwa nhwalo jha Lahele. Ngohe mwe nhwalo ghane ungolwiye naha?”
26Labane ngajhangwila, “Luhomo lwito jhe kilambo chenje kutumbuu kuntolanicha unung'una kone nkolo amela. 27Ntimichila hote Leya machiko ghake chaba gha ndowa, na peniya tuntolanikiya Lahele ntumika kwa yaka henge chaba.”
28Yakobu ngajheketila. Kipinde Yakobu pajhomolila machiko chaba gha ndowa kwa Leya, Labane ngantolanikicha Lahele. 29Labane ngampiya Biliya ntumiche jwake mwikeghe, abhe ntumiche jwa Lahele. 30Yakobu ngagholoka na Lahele hele. Nambo Yakobu ngampala hake Lahele kupeta Leya. Ngatumika kwa Labane kwa yaka henge chaba.
Yana inalome ya Yakobu
31Bhambo Chapanga palolita Leya apalwa jhe ngita Lahele, Chapanga ngampila Leya upapo, Lahele ngantenda abhe ntonga. 32Leya ngabhila na ndumbo, ngapapa mwana munalome ngankema liina lyake Lubene, Leya ngalongila “Bhambo mughawene malagho ghango. Chakaka ngohe nngana gwango nambala.” 33Helahela Leya ngapata ndumbo jhenge, ngapapa mwana munalome, ngalongila, “Bhambo Chapanga ambii kabhele mwana munalome nhwalo alolite chanjimwa.” Yene ngankemita mwana jhono liina lyake Chimeone. 34Leya ngabhila na jhenge ndumbo, ngapapa mwana munalome, “Ngohe nngana gwango natubhaa maghumba nde, nhwalo nimpapi yana itato inalome.” Yene ngankemita mwana jhono lihina lyake Lawe. 35Ngaghelika jhenge ndumbo, ngapapa mwana jhonge munalome, ngalonge, “Mwanja ghongo ninnomba Bhambo Chapanga.” Yene mwana jhono ngankema liina lyake Yuda. Peniya Leya ngaleka kupapa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved