Kubhoka 29
29
Malaghalikilo ghakwabheka kubhehe akapiya matambiko Alune na yanamundo
Akalabhe 8:1-36
1“Henge ndi ilebhe ipalwa atendelwa Alune na yana mundo kupala bhajheketele kuntumika ngita akapiya matambiko. Ntola litohe lya ng'ombi nkambako na mambelele ghankambako mabhele ghangalemala, 2na mabumunda ghangalekwe ngedule ghighaunyitwe kwa mahuta na maandache majhebhejhalo jhangalekwe ngedule, nambo jhipakitwe mahuta. Yenio yoha itendengenechwa kwa liunya lya ukobha gwa ngano. 3Peniya, mmeka mabumunda gheniya mu kichukilo chimo nu kupiya litambiko kipinde chimo na litohe lela na mambelele mabhele ghala.
4“Peniya, mupeleka Alune na yanamundo pannyango gwa Lihema Lya Nyahinyahi na makuwicha mache ngita chibhayobhalile Akayahude. 5Ntola ngobho henge, muhwalicha Alune ngobho yu upiya litambiko, likote na likanjo na kichibao kiweko chapanganga nu luhunga lwa kunkonga mukibhuno lulupumitwe kwa upunde. 6Kabhele muwalicha kinyemba umuto na pananejhi kilemba chenio mmeka kibate cha chaabo chikijhandikwe, jwabhohitwe kwa Bhambo Chapanga. 7Andannyomolii gheniya, ntola mahuta nu kumiminila Alune pamuto gwake.
8“Peniya, matola yana ya Alune miwalicha makanjo manhuo. 9Hele, matabha luhunga mikibhuno na kwawalicha kopiya yabhe nhuo. Yene pimipakummeka Alune na yanamundo kubhehe akapiya matambiko. Bheniya nabhabha akapiya matambiko machiko ghoha ghangapeta.
10“Peniya nanneta litohe lya nng'ombi nnonge jha Lihema Lya Nyahinyahi. Alune na yanamundo nabhabheka mabhoko ghabhe panane jha muto gwa ng'ombi jwenio. 11Na kulichinja nnonge jha Bhambo Chapanga pannyango ghu Lihema Lya Nyahinyahi. 12Nkenga miyahe jhandina nu kuipakaya mumanyelo gha chehemo jha kupiikiya litambiko na lukonje lwino na miyahe jhiighalile mijhitila pahe pa kupiikiya litambiko. 13Kabhele ntola mahuta ghighayekele matumbo, pamonga na ibhende na ndutumba ibhele pamonga na mahuta ghake, mitiniya likitu panane pa kupiikiya litambiko. 14Nambo nyama jha likambako lyenio pamonga na limbendela na matumbo nnyochela panja jha kighono chino. Lyenio ndi litambiko lyu kubhoya uhakaho.
15“Peniya, ntola limo panakate jha mambelele ghankambako nu kunnobhole Alune na yanamundo bhabheka mabhoko ghabhe panane jha muto gwa limbelele lyene. 16Na mwenga milichinja na miyahe jhake mimichila pa kupiikiya litambiko mumanyelo yoha. 17Kabhele nheketa limbelele lyenie ipandeipande nu kujhoha matumbo ghake na makongono ghake, mibheka pamonga pubhii muto na ipande henge. 18Ntiniya ilebhe yoha ilimbelele lyenie panane pa kupiikiya litambiko likukomelekeya ngita chimipiya litambiko, luumba lya litambiko lulupita pamoto lupakunhalalii nenga Bhambo Chapanga.
19“Ntola limbelele lenge lilihighilike, Alune na yanamundo bhabheka mabhoko ghabhe panane jha muto gwa limbelele lyenie. 20Namwe mulichinja nu kukenga miyahe jhake jhandina nu kunpakaya Alune na yanamundo muilepelepe ya machikilo ghabhe gha ulelo na mumaghumba ghumulubhoko lwalelo na mumaghumba ghumulukongono lwabhe lwalelo. Na miyahe jhiighilile mmichila pa kupiikiya litambiko pande yoha ncheche. 21Peniya, ntola miyahe jhandina jhiighalile panane pa kupiikiya litambiko pamonga na mahuta ghala mummichila Alune pamonga na ngobho yake, hele mamichila yana mundo na ngobho yabhe. Alune na yana mundo pamonga na ngobho yabhe nabhabha bhabhekwitwe palonge jhango.”
22“Kabhele ntola mahuta gha limbelele lya nkambako lela na nkela gwake na mahuta ghighayekilii matumbo pamonga na kipande chambone cha kibhende na ndutumba yoha ibhele pamonga na mahuta ghake na libhondo lya ulelo. 23Kubhoke mu kichukilo chela cha mabumunda ghangaleke ngedule, chikibhii nnonge jha Bhambo Chapanga, mitola libumunda limo pamonga na liandache limo lilihunyitwe kwa mahuta na liandache lijhebhejhalo limo. 24Yenio yoha mukamuya Alune na yanamundo na bhene nabhajhinula kunane kubhehe ndi nginyililo jhukumbiikiya litambiko nenga Bhambo Chapanga. 25Peniya, mitola kabhele kubhoke mumabhoko ghabhe nu kuitiniya panane pa kupiikiya litambiko lyukukomelekeya na ipiya luumba lwambone lupakuhalilicha nenga Bhambo Chapanga. Lyenio ndi litambiko lilipiywa kwa mwotu kwa Bhambo Chapanga.
26“Peniya, mitola kidale cha limbelele chukummeke Alune palonge jhango na mijhinula mabhoko kunane ngita nginyililo chukumbiikiya nenga Bhambo Chapanga. Kidale chenie nakibhaha chino.”
27Mpiya litambiko pabhekwa palonge jha Bhambo Chapanga kuhenga lihengo lya Chapanga, kidale na libhondo lya lilimbelele lya nkambako jhola jwatumika mulihengo lyenio lya kubhekwa nannyinula kunane ngita nginyililo jha kumbiikiya, na ilebhe yenio ndi ibhaha ya Alune na yana mundo. 28Yene Akaichilahele machiko ghoha bhatola yenio kubhoke mu matambiko gha uteeke, nu kumpe Alune pamonga na yanamundo, gheniya ndi matambiko gha bhando bhuku Ichilahele ibhaipiya kwa Bhambo Chapanga.
29“Pukujhomwoka Alune, ngobho yake ya nyahinyahi ipelwa ibheluko yake, na bhene nabhawala lichiko lyabhe likumiminilwa mahuta nu kubhekelwa mabhoko. 30Mwana gwa Alune jwapakubhujhii upiya litambiko gwa tatemundo, awala ngobho yenio machiko chaba mu Lihema lyanyahinyahi, kupala atumikila Chehemo Jha Nyahinyahi.
31“Ntola nyama jhilimbelele lyenio jwa litambiko nu kuteleka mulwane jhi Lihema Lya Nyahinyahi. 32Peniya, mupela Alune pamonga na yanamundo, na bhene nabhalya pannyango gwa lihema lya nyahinyahi pamonga na mabumunda jhiighi mu kichukilo. 33Nabhalya ilebhe yenie iipiitwa litambiko kunhwalo jha kujhelenichwa, nambo mundo jhonge ajheketilwa jhe kulye, nhwalo yenio ndi ya nyahinyahi. 34Nyama amu mabumunda anda ihighilike ade lukela, bhahe, mitiniya pamwotu, mangalye jhe nhwalo jhenio ndi ya nyahinyahi.
35“Yene ndi chimpakwatende Alune na yanamundo, nkengema ghoha ghuninnaghalikiye, matendela kwa kipinde cha machiko chaba. 36Kila lichiko mpiya ng'ombi nkambako abha litambiko lijhelebhula uhakaho, kupala kubheka ujhelanicho na Chapanga, kukutenda yenie mulujhelebhula pa kupiikiya litambiko, peniya nnyitila mahuta pa kupiikiya litambiko kupala pajhelebulwa. 37Kwa machiko chaba ntende ujhelanicho pa kupiikiya litambiko nu kujhelebhula, kujhomole kwa gheniya chehemo jhenio napabhaha pa nyahinyahi hake na chochoha chimpakupapaya nakibhaha cha nyahinyahi.”
Litambiko lya kila lichiko
Kibhalango 28:1-8
38“Kila machiko kipinde choha chikiika, mpiya litambiko panane jha chehemo jhikupiikiya litambiko, matohe gha limbelele mabhele gha chaka chimo. 39Litohe limo lya limbelele mpiya litambiko lukela na lenge mpiya kimiye. 40Pamonga na litohe lyukutumbula, mpiya hele kilo jhimo jha ukobha ghuangalwinwe na mahuta ghambone gha cheitune lita jhimo, na lita jhimo jha divaye ngita litambiko likinywegho. 41Na kimiye mitenda ngita chinteila lukela, milipiya limbelele lela lubhele lilitambiko pamonga na litambiko yakulya na kinywegho, luumba lwa litambiko lwenio lulupita pamwotu lumbakunhalalicha ne Bhambo Chapanga. 42Litambiko lyukukomelekeya naipiywa kila lichiko, kibheluko ade kibheluko, nnonge jhango nenga Bhambo Chapanga, nnonge jha nnyango gwa lihema lya nyahinyahi. Mwenio nenga nangongana na bhando bhango nu kulonge namangota. 43Peniya ndi pambakukongana na Akaichilahele nu ung'alo gwango napatenda chehemo jhenio kubhehe pa nyahinyahi. 44Kuyene, naniitenda Lihema lyanyahinyahi chehemo jha kupiikiya litambiko ibhaha nyahinyahi, hele Alune na yanamundo bhandumikila ngita akapiya matambiko. 45Nandama panakate jha Akaichilahele, nanenga nama Chapanga gwabhe. 46Pena ndi nabhamanya kubhehe Bhambo Chapanga, Chapanga gwabhe, jhunimmohita kubhoke mukilambo chuku Michile, kupala ndamepamo panakate jhabhe. Nenga ndi Bhambo Chapanga, Chapanga gwabhe.
ទើបបានជ្រើសរើសហើយ៖
Kubhoka 29: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 29
29
Malaghalikilo ghakwabheka kubhehe akapiya matambiko Alune na yanamundo
Akalabhe 8:1-36
1“Henge ndi ilebhe ipalwa atendelwa Alune na yana mundo kupala bhajheketele kuntumika ngita akapiya matambiko. Ntola litohe lya ng'ombi nkambako na mambelele ghankambako mabhele ghangalemala, 2na mabumunda ghangalekwe ngedule ghighaunyitwe kwa mahuta na maandache majhebhejhalo jhangalekwe ngedule, nambo jhipakitwe mahuta. Yenio yoha itendengenechwa kwa liunya lya ukobha gwa ngano. 3Peniya, mmeka mabumunda gheniya mu kichukilo chimo nu kupiya litambiko kipinde chimo na litohe lela na mambelele mabhele ghala.
4“Peniya, mupeleka Alune na yanamundo pannyango gwa Lihema Lya Nyahinyahi na makuwicha mache ngita chibhayobhalile Akayahude. 5Ntola ngobho henge, muhwalicha Alune ngobho yu upiya litambiko, likote na likanjo na kichibao kiweko chapanganga nu luhunga lwa kunkonga mukibhuno lulupumitwe kwa upunde. 6Kabhele muwalicha kinyemba umuto na pananejhi kilemba chenio mmeka kibate cha chaabo chikijhandikwe, jwabhohitwe kwa Bhambo Chapanga. 7Andannyomolii gheniya, ntola mahuta nu kumiminila Alune pamuto gwake.
8“Peniya, matola yana ya Alune miwalicha makanjo manhuo. 9Hele, matabha luhunga mikibhuno na kwawalicha kopiya yabhe nhuo. Yene pimipakummeka Alune na yanamundo kubhehe akapiya matambiko. Bheniya nabhabha akapiya matambiko machiko ghoha ghangapeta.
10“Peniya nanneta litohe lya nng'ombi nnonge jha Lihema Lya Nyahinyahi. Alune na yanamundo nabhabheka mabhoko ghabhe panane jha muto gwa ng'ombi jwenio. 11Na kulichinja nnonge jha Bhambo Chapanga pannyango ghu Lihema Lya Nyahinyahi. 12Nkenga miyahe jhandina nu kuipakaya mumanyelo gha chehemo jha kupiikiya litambiko na lukonje lwino na miyahe jhiighalile mijhitila pahe pa kupiikiya litambiko. 13Kabhele ntola mahuta ghighayekele matumbo, pamonga na ibhende na ndutumba ibhele pamonga na mahuta ghake, mitiniya likitu panane pa kupiikiya litambiko. 14Nambo nyama jha likambako lyenio pamonga na limbendela na matumbo nnyochela panja jha kighono chino. Lyenio ndi litambiko lyu kubhoya uhakaho.
15“Peniya, ntola limo panakate jha mambelele ghankambako nu kunnobhole Alune na yanamundo bhabheka mabhoko ghabhe panane jha muto gwa limbelele lyene. 16Na mwenga milichinja na miyahe jhake mimichila pa kupiikiya litambiko mumanyelo yoha. 17Kabhele nheketa limbelele lyenie ipandeipande nu kujhoha matumbo ghake na makongono ghake, mibheka pamonga pubhii muto na ipande henge. 18Ntiniya ilebhe yoha ilimbelele lyenie panane pa kupiikiya litambiko likukomelekeya ngita chimipiya litambiko, luumba lya litambiko lulupita pamoto lupakunhalalii nenga Bhambo Chapanga.
19“Ntola limbelele lenge lilihighilike, Alune na yanamundo bhabheka mabhoko ghabhe panane jha muto gwa limbelele lyenie. 20Namwe mulichinja nu kukenga miyahe jhake jhandina nu kunpakaya Alune na yanamundo muilepelepe ya machikilo ghabhe gha ulelo na mumaghumba ghumulubhoko lwalelo na mumaghumba ghumulukongono lwabhe lwalelo. Na miyahe jhiighilile mmichila pa kupiikiya litambiko pande yoha ncheche. 21Peniya, ntola miyahe jhandina jhiighalile panane pa kupiikiya litambiko pamonga na mahuta ghala mummichila Alune pamonga na ngobho yake, hele mamichila yana mundo na ngobho yabhe. Alune na yana mundo pamonga na ngobho yabhe nabhabha bhabhekwitwe palonge jhango.”
22“Kabhele ntola mahuta gha limbelele lya nkambako lela na nkela gwake na mahuta ghighayekilii matumbo pamonga na kipande chambone cha kibhende na ndutumba yoha ibhele pamonga na mahuta ghake na libhondo lya ulelo. 23Kubhoke mu kichukilo chela cha mabumunda ghangaleke ngedule, chikibhii nnonge jha Bhambo Chapanga, mitola libumunda limo pamonga na liandache limo lilihunyitwe kwa mahuta na liandache lijhebhejhalo limo. 24Yenio yoha mukamuya Alune na yanamundo na bhene nabhajhinula kunane kubhehe ndi nginyililo jhukumbiikiya litambiko nenga Bhambo Chapanga. 25Peniya, mitola kabhele kubhoke mumabhoko ghabhe nu kuitiniya panane pa kupiikiya litambiko lyukukomelekeya na ipiya luumba lwambone lupakuhalilicha nenga Bhambo Chapanga. Lyenio ndi litambiko lilipiywa kwa mwotu kwa Bhambo Chapanga.
26“Peniya, mitola kidale cha limbelele chukummeke Alune palonge jhango na mijhinula mabhoko kunane ngita nginyililo chukumbiikiya nenga Bhambo Chapanga. Kidale chenie nakibhaha chino.”
27Mpiya litambiko pabhekwa palonge jha Bhambo Chapanga kuhenga lihengo lya Chapanga, kidale na libhondo lya lilimbelele lya nkambako jhola jwatumika mulihengo lyenio lya kubhekwa nannyinula kunane ngita nginyililo jha kumbiikiya, na ilebhe yenio ndi ibhaha ya Alune na yana mundo. 28Yene Akaichilahele machiko ghoha bhatola yenio kubhoke mu matambiko gha uteeke, nu kumpe Alune pamonga na yanamundo, gheniya ndi matambiko gha bhando bhuku Ichilahele ibhaipiya kwa Bhambo Chapanga.
29“Pukujhomwoka Alune, ngobho yake ya nyahinyahi ipelwa ibheluko yake, na bhene nabhawala lichiko lyabhe likumiminilwa mahuta nu kubhekelwa mabhoko. 30Mwana gwa Alune jwapakubhujhii upiya litambiko gwa tatemundo, awala ngobho yenio machiko chaba mu Lihema lyanyahinyahi, kupala atumikila Chehemo Jha Nyahinyahi.
31“Ntola nyama jhilimbelele lyenio jwa litambiko nu kuteleka mulwane jhi Lihema Lya Nyahinyahi. 32Peniya, mupela Alune pamonga na yanamundo, na bhene nabhalya pannyango gwa lihema lya nyahinyahi pamonga na mabumunda jhiighi mu kichukilo. 33Nabhalya ilebhe yenie iipiitwa litambiko kunhwalo jha kujhelenichwa, nambo mundo jhonge ajheketilwa jhe kulye, nhwalo yenio ndi ya nyahinyahi. 34Nyama amu mabumunda anda ihighilike ade lukela, bhahe, mitiniya pamwotu, mangalye jhe nhwalo jhenio ndi ya nyahinyahi.
35“Yene ndi chimpakwatende Alune na yanamundo, nkengema ghoha ghuninnaghalikiye, matendela kwa kipinde cha machiko chaba. 36Kila lichiko mpiya ng'ombi nkambako abha litambiko lijhelebhula uhakaho, kupala kubheka ujhelanicho na Chapanga, kukutenda yenie mulujhelebhula pa kupiikiya litambiko, peniya nnyitila mahuta pa kupiikiya litambiko kupala pajhelebulwa. 37Kwa machiko chaba ntende ujhelanicho pa kupiikiya litambiko nu kujhelebhula, kujhomole kwa gheniya chehemo jhenio napabhaha pa nyahinyahi hake na chochoha chimpakupapaya nakibhaha cha nyahinyahi.”
Litambiko lya kila lichiko
Kibhalango 28:1-8
38“Kila machiko kipinde choha chikiika, mpiya litambiko panane jha chehemo jhikupiikiya litambiko, matohe gha limbelele mabhele gha chaka chimo. 39Litohe limo lya limbelele mpiya litambiko lukela na lenge mpiya kimiye. 40Pamonga na litohe lyukutumbula, mpiya hele kilo jhimo jha ukobha ghuangalwinwe na mahuta ghambone gha cheitune lita jhimo, na lita jhimo jha divaye ngita litambiko likinywegho. 41Na kimiye mitenda ngita chinteila lukela, milipiya limbelele lela lubhele lilitambiko pamonga na litambiko yakulya na kinywegho, luumba lwa litambiko lwenio lulupita pamwotu lumbakunhalalicha ne Bhambo Chapanga. 42Litambiko lyukukomelekeya naipiywa kila lichiko, kibheluko ade kibheluko, nnonge jhango nenga Bhambo Chapanga, nnonge jha nnyango gwa lihema lya nyahinyahi. Mwenio nenga nangongana na bhando bhango nu kulonge namangota. 43Peniya ndi pambakukongana na Akaichilahele nu ung'alo gwango napatenda chehemo jhenio kubhehe pa nyahinyahi. 44Kuyene, naniitenda Lihema lyanyahinyahi chehemo jha kupiikiya litambiko ibhaha nyahinyahi, hele Alune na yanamundo bhandumikila ngita akapiya matambiko. 45Nandama panakate jha Akaichilahele, nanenga nama Chapanga gwabhe. 46Pena ndi nabhamanya kubhehe Bhambo Chapanga, Chapanga gwabhe, jhunimmohita kubhoke mukilambo chuku Michile, kupala ndamepamo panakate jhabhe. Nenga ndi Bhambo Chapanga, Chapanga gwabhe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved