Kubhoka 30
30
Mecha jhukututukii ubane
Kubhoka 37:25-28
1“Ntendekeya lichanduko kwa mbau jha nkongo gwa nchita kupala ntutukiya ubane. 2Lichanduko lyenio likututukiya ubane libhaha telatela pande yoha, kutandamala na upana gwake ibhaha sentimita makome ncheche nunhwano ukolo gwake ubhaha sentimita makome ticha. Imbokotole yoha yukunane ibhonekana kilebhe chimo jha chehemo jhenio chehemo jhukututukiya ubane. 3Lichanduko lyenie yekelela chaabo pande yoha yukunane na pande yoha mumapamanda na manyelo ghake, mitindikiya miniko ya chaabo. 4Mitengenechela michegha mibhele jha chaabo na kuibheka pahe jha miniko yake mupande yoha ibhele ilolekehana na ikamulilo yukugheghela. 5Mighomba jhenio ntendekeya kwa nkongo gwa nchita nu kuyekelela chaabo. 6Chehemo jhenio jha kupiikiya matambiko gheniya ubhekwa palonge jha lipanjiya muupele jha Lichanduko lya Lilaghano. Peniya ndi pimbakukongana na mwenga. 7Kila lukela Alune pajhingila kulenganikiya mule lulubhii mwenio, jwenio ndi atutukiya ubane ghunungila petelele panane jhake. 8Kabhele natutukiya ubane kimiye papamba mule. Hupo yenio jha ubane litendwa kila lichiko lyangalekwa jhe muibheluko ino yoha. 9Mu lichanduko lyenio mangatutukii jhe ubane gwangabhe nyahinyahi na mangapiya hilu litambiko likukomeleya amu hupo ya mbonje hilu kujhitila panane jhake hupo ya kinywegho. 10Mala jhimo kila chaka Alune ipalwa ajhelebhula chehemo jhikupiikiya hupo yenio kukupakaya myahe. Atenda ujhelenicho gwa kubhokeya uhakaho kwa myahe kwa kila chaka muibheluko ino yoha nhwalo chehemo jhenio jhikupiikiya ndi nyahinyahi hake kwa nenga Bhambo Chapanga.”
Nchango kwa lihema lya nyahinyahi
11Bhambo Chapanga ngannobholila Mucha, 12“Kila pipakwabhalanga Akaichilahele, kila mundo ipalwa apiya nchango kunhwalo gwake jwenie kughombola ughome gwake, kupala pangabhejhe na malwalo mabhoho pakate jhabhe kukipinde chakwabhalanga. 13Kila mundo jwapakubhalangwa ipalwa alepa mbijha tela na kipemo chikipangitwe mu lihema lya nyahinyahi. Lyenio ndi litambiko lyake lyapakunnepa. 14Kila mundo jwapakubhalangwa, kuhumii jwa yaka makome mabhele nu kujhendelela, ipalwa ambiikiya litambiko lyenio. 15Jhuna ilebhe mbwe angapiya jhe kupeta chiipalwa na nhwocho angalepele jhe kupiya nucho jhikipato chikipalwa kipinde chimimpiikiya hupo Bhambo Chapanga kunhwalo jha kughombola ughome gwake. 16Mwenga nampokela mbijha yenio ya kughombola ughome gwabhe kubhoke kwa Akaichilahele na mwenga mitumila kwa mahengo gha lihema lya nyahinyahi, na kilebhe chenio kibhaha nangomboka kwalonda Akaichilahele nnonge jhango, gheniya ndi malepo gha ughome gwino.”
Libakule likolongwa lya shaba
17Bhambo Chapanga ngannobholila Mucha, 18“Ntendekeya libakule likolongwa lya shaba likukuhukiya lina kitamilo cha shaba, milibheka pakate jha lihema lya nyahinyahi na chehemo jhi kupiiikiya litambiko lyukukomelekeya nu mulitweleya mache. 19Alune na yana mundo nabhagholola mabhoko na makongono ghabhe kutumii mache gheniya, 20kabula jhukujhingii mu lihema lya nyahinyahi amu kubhandikila chehemo jhukumbiikiya litambiko lya kukomelekeya nenga Bhambo Chapanga, bhatenda yene kupala bhangawe jhe. 21Bhipalwa kugholola mabhoko na makongono ghabhe kupala bhangaika kuwe jhe. Gheniya ghabhaha mihilo jha machiko ghoha ghangapeta kwabhe, kutumbulii Alune na kibheluko chake, kibheluko ade kibheluko.”
Namuna jha kulenganikiya mahuta
22Bhambo Chapanga ngannobholila Mucha, 23“Nantola ilebhe henge inungilila petelele hake, malelalela ghighakemwa manemane kilo chita na mdalachine ghunungila kilo itato na ukobha gwa mimeya ghunungilila ghulandana na mikota kilo itato, 24na jhenge aina jha mdalachine jhikemwa kida kilo chita, ipemo yenio yoha ibhaha lengalenga ngita ipemo ipangwitwe mu lihema lya nyahinyahi, helahela ntola lita ncheche ya mahuta gha micheitune. 25Kubhoke muilebhe yenio mitendekeya mahuta gha nyahinyahi mighahangalana ngita chaitenda punde jwa manukatu, gheniya ghatumika kujhelebhulila ilebhe kunhwalo gwango. 26Kwa mahuta gheniya mulimichila lihema lya nyahinyahi na Lichanduko lya Lilaghano, 27na mecha na yombo yake yoha, kinala chakubheke mule na yombo yoha, lichanduko lya kututukiya ubane, 28na chehemo jhukupiikiya matambiko ghu kukomelekeya na yombo yake yoha, libakule likolongwa na kitamilo chake. 29Miitenda ilebhe yenio yoha ihenga lihengo lya Bhambo Chapanga na ibha nyahinyahi hake. Chochoha chimpakupapaya, nakibhaha nyahinyahi. 30Peniya mupakaya mamiminila mahuta Alune na yana mundo na kwajhelebhula kupala bhatumika ngita akapiya matambiko bhango. 31Malobholela Akaichilahele kubhehe ghanga naghabhaha mahuta ghango gha nyahinyahi gha kupakala naghatumika mulihengo lyango muibheluko hino yoha. 32Chonde mahuta gheniya angamiminilwa jhe mundo jwangabhehe mpiya litambiko, hilu ghangatengenechwa jhe mahuta ghange ngita ghanga, gheniya ndi mahuta gha nyahinyahi ghapalwa ghabhaha machiko ghoha kwino. 33Mundo jhojhoha jwapakutengenecha mahuta ngita gheniya amu kumiminila mundo jwangabhehe mpiya litambiko, mundo jwenio ipalwa abhekwa kutale na bhando bhango.”
Kulenganikii ubane
34Bhambo Chapanga ngannobholila Mucha, “Nantola ilebhe henge yukuhangalana ina kunogha ipemo yake ibhaha lengalenga, malelalela gha nkongo natafi na malelalela gha nkongo shekelete na malelalela gha nkongo gwa kalibena na ubane ghunungilila petelele. 35Ntumila ilebhe yenio kutengenechela ubane ngita punde patengenecha manukatu, nnekela mwinyo ubhaha gwambone na nyahinyahi. 36Peniya nhyagha ubane gwenio nu kubhehe ukobha ghunakutema, utumika mu lihema lya Nyahinyahi nu kulipakaya Lichanduko lya Lilaghano, chehemo pimbakukongana na mwenga, gwenio ubhaha ubane gwa nyahinyahi hake kwino. 37Pangabhehe jhe na mundo pakate jhino jwatengenecha ubane ngita gwenio, kwa nhwalo jhake jwenie. Nhwalo ubane gwenio ubhaha gwa nyahinyahi nnonge jhango. 38Mundo jhojhoha jwapakukitengenechela ubane ngita gwenio nu kutumila ngita mahuta ghighanungulila petelele, nabhalangika jhe pakate jha bhando bhango.”
ទើបបានជ្រើសរើសហើយ៖
Kubhoka 30: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 30
30
Mecha jhukututukii ubane
Kubhoka 37:25-28
1“Ntendekeya lichanduko kwa mbau jha nkongo gwa nchita kupala ntutukiya ubane. 2Lichanduko lyenio likututukiya ubane libhaha telatela pande yoha, kutandamala na upana gwake ibhaha sentimita makome ncheche nunhwano ukolo gwake ubhaha sentimita makome ticha. Imbokotole yoha yukunane ibhonekana kilebhe chimo jha chehemo jhenio chehemo jhukututukiya ubane. 3Lichanduko lyenie yekelela chaabo pande yoha yukunane na pande yoha mumapamanda na manyelo ghake, mitindikiya miniko ya chaabo. 4Mitengenechela michegha mibhele jha chaabo na kuibheka pahe jha miniko yake mupande yoha ibhele ilolekehana na ikamulilo yukugheghela. 5Mighomba jhenio ntendekeya kwa nkongo gwa nchita nu kuyekelela chaabo. 6Chehemo jhenio jha kupiikiya matambiko gheniya ubhekwa palonge jha lipanjiya muupele jha Lichanduko lya Lilaghano. Peniya ndi pimbakukongana na mwenga. 7Kila lukela Alune pajhingila kulenganikiya mule lulubhii mwenio, jwenio ndi atutukiya ubane ghunungila petelele panane jhake. 8Kabhele natutukiya ubane kimiye papamba mule. Hupo yenio jha ubane litendwa kila lichiko lyangalekwa jhe muibheluko ino yoha. 9Mu lichanduko lyenio mangatutukii jhe ubane gwangabhe nyahinyahi na mangapiya hilu litambiko likukomeleya amu hupo ya mbonje hilu kujhitila panane jhake hupo ya kinywegho. 10Mala jhimo kila chaka Alune ipalwa ajhelebhula chehemo jhikupiikiya hupo yenio kukupakaya myahe. Atenda ujhelenicho gwa kubhokeya uhakaho kwa myahe kwa kila chaka muibheluko ino yoha nhwalo chehemo jhenio jhikupiikiya ndi nyahinyahi hake kwa nenga Bhambo Chapanga.”
Nchango kwa lihema lya nyahinyahi
11Bhambo Chapanga ngannobholila Mucha, 12“Kila pipakwabhalanga Akaichilahele, kila mundo ipalwa apiya nchango kunhwalo gwake jwenie kughombola ughome gwake, kupala pangabhejhe na malwalo mabhoho pakate jhabhe kukipinde chakwabhalanga. 13Kila mundo jwapakubhalangwa ipalwa alepa mbijha tela na kipemo chikipangitwe mu lihema lya nyahinyahi. Lyenio ndi litambiko lyake lyapakunnepa. 14Kila mundo jwapakubhalangwa, kuhumii jwa yaka makome mabhele nu kujhendelela, ipalwa ambiikiya litambiko lyenio. 15Jhuna ilebhe mbwe angapiya jhe kupeta chiipalwa na nhwocho angalepele jhe kupiya nucho jhikipato chikipalwa kipinde chimimpiikiya hupo Bhambo Chapanga kunhwalo jha kughombola ughome gwake. 16Mwenga nampokela mbijha yenio ya kughombola ughome gwabhe kubhoke kwa Akaichilahele na mwenga mitumila kwa mahengo gha lihema lya nyahinyahi, na kilebhe chenio kibhaha nangomboka kwalonda Akaichilahele nnonge jhango, gheniya ndi malepo gha ughome gwino.”
Libakule likolongwa lya shaba
17Bhambo Chapanga ngannobholila Mucha, 18“Ntendekeya libakule likolongwa lya shaba likukuhukiya lina kitamilo cha shaba, milibheka pakate jha lihema lya nyahinyahi na chehemo jhi kupiiikiya litambiko lyukukomelekeya nu mulitweleya mache. 19Alune na yana mundo nabhagholola mabhoko na makongono ghabhe kutumii mache gheniya, 20kabula jhukujhingii mu lihema lya nyahinyahi amu kubhandikila chehemo jhukumbiikiya litambiko lya kukomelekeya nenga Bhambo Chapanga, bhatenda yene kupala bhangawe jhe. 21Bhipalwa kugholola mabhoko na makongono ghabhe kupala bhangaika kuwe jhe. Gheniya ghabhaha mihilo jha machiko ghoha ghangapeta kwabhe, kutumbulii Alune na kibheluko chake, kibheluko ade kibheluko.”
Namuna jha kulenganikiya mahuta
22Bhambo Chapanga ngannobholila Mucha, 23“Nantola ilebhe henge inungilila petelele hake, malelalela ghighakemwa manemane kilo chita na mdalachine ghunungila kilo itato na ukobha gwa mimeya ghunungilila ghulandana na mikota kilo itato, 24na jhenge aina jha mdalachine jhikemwa kida kilo chita, ipemo yenio yoha ibhaha lengalenga ngita ipemo ipangwitwe mu lihema lya nyahinyahi, helahela ntola lita ncheche ya mahuta gha micheitune. 25Kubhoke muilebhe yenio mitendekeya mahuta gha nyahinyahi mighahangalana ngita chaitenda punde jwa manukatu, gheniya ghatumika kujhelebhulila ilebhe kunhwalo gwango. 26Kwa mahuta gheniya mulimichila lihema lya nyahinyahi na Lichanduko lya Lilaghano, 27na mecha na yombo yake yoha, kinala chakubheke mule na yombo yoha, lichanduko lya kututukiya ubane, 28na chehemo jhukupiikiya matambiko ghu kukomelekeya na yombo yake yoha, libakule likolongwa na kitamilo chake. 29Miitenda ilebhe yenio yoha ihenga lihengo lya Bhambo Chapanga na ibha nyahinyahi hake. Chochoha chimpakupapaya, nakibhaha nyahinyahi. 30Peniya mupakaya mamiminila mahuta Alune na yana mundo na kwajhelebhula kupala bhatumika ngita akapiya matambiko bhango. 31Malobholela Akaichilahele kubhehe ghanga naghabhaha mahuta ghango gha nyahinyahi gha kupakala naghatumika mulihengo lyango muibheluko hino yoha. 32Chonde mahuta gheniya angamiminilwa jhe mundo jwangabhehe mpiya litambiko, hilu ghangatengenechwa jhe mahuta ghange ngita ghanga, gheniya ndi mahuta gha nyahinyahi ghapalwa ghabhaha machiko ghoha kwino. 33Mundo jhojhoha jwapakutengenecha mahuta ngita gheniya amu kumiminila mundo jwangabhehe mpiya litambiko, mundo jwenio ipalwa abhekwa kutale na bhando bhango.”
Kulenganikii ubane
34Bhambo Chapanga ngannobholila Mucha, “Nantola ilebhe henge yukuhangalana ina kunogha ipemo yake ibhaha lengalenga, malelalela gha nkongo natafi na malelalela gha nkongo shekelete na malelalela gha nkongo gwa kalibena na ubane ghunungilila petelele. 35Ntumila ilebhe yenio kutengenechela ubane ngita punde patengenecha manukatu, nnekela mwinyo ubhaha gwambone na nyahinyahi. 36Peniya nhyagha ubane gwenio nu kubhehe ukobha ghunakutema, utumika mu lihema lya Nyahinyahi nu kulipakaya Lichanduko lya Lilaghano, chehemo pimbakukongana na mwenga, gwenio ubhaha ubane gwa nyahinyahi hake kwino. 37Pangabhehe jhe na mundo pakate jhino jwatengenecha ubane ngita gwenio, kwa nhwalo jhake jwenie. Nhwalo ubane gwenio ubhaha gwa nyahinyahi nnonge jhango. 38Mundo jhojhoha jwapakukitengenechela ubane ngita gwenio nu kutumila ngita mahuta ghighanungulila petelele, nabhalangika jhe pakate jha bhando bhango.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved