Kubhoka 28
28
Ngobho ya akapiya matambiko
Kubhoka 39:1-7
1Namwe Mucha munnete kwango nnongo gwino Alune pamonga na yana yake bhibhahaghulilwe pakate jha Akaichilahele, Nadabo na Abihu na Eleazale na Itamale, kupala bhandumikile ngita akapiya matambiko. 2Munchonela Alune ngobho ya upiya litambiko ya nyahinyahi kupala impela ung'alicho na ichima. 3Malaghila akamapunde bhoha bhinabholite, bhanchonele Alune ngobho kupala abhekwe palonge kwa lihengo lya upiya litambiko gwango. 4Malobholela bhantengenechela ilebhe henge, kanpuko kapanganga na ngobho jhikuhekele nganga na kichibao na kanjo na lijoho lililembitwe na kilemba nu luhunga. Alune na yana yake bhawala kupala bhandumikila ngita akapiya matambiko bhango. 5Akamapunde bheniya bhatumila ngojhe itengenichwe kwa mangoma gha mambelele gha lange jha kibuluu na chambalau na ngele na ngojhe ya chaabo na ngobho nhuo ina kuhalala jhikulokwa.
6Mapunde bhatendekeya kichibao chakuwala mpiya litambiko cha ngobho nhuo jhilembelekiwe kwa ngojhe ya lange jha chaabo na lange jha kibuluu na chambalau na ngele jhilokwitwe na kulembelekelwa kwa upunde. 7Kibhaha na ngojhe ibhele yukutabhii mu mabhegha ghichonitwe mu malombolo ghake mabhele. 8Luhunga lulukamulila itengenechwa kwa ilebhe yeye, kwa ngobho nhuo ya kuhalala nu kulembelekelwa kwa ngojhe ya chaabo ya lange buluu na chambalau na ngele kukulokwa nukubhehe kilebhe chimo na kichibao chenio. 9“Peniya ntola maghanga mabhele ghighakemwa saludonike, gheniya mijhandika kukulemba panane jhake maina gha yana ya Akaichilahele yane Yakobo. 10Maina chita mulighanga likutumbula na maina ghighaighalike mulighanga lenge, mahina ghakengama tela mu kubhelukwa kwabhe. 11Mughajhandika maina kukulemba panane jha maghanga gheniya ngita punde palemba muhuli, peniya nnyingiya mukikamulilo chikitengenichwe kwa chaabo. 12Maghanga mabhele gheniya naghabhekwa panane jha luhunga lwa kichibao ngita ukombokelo gwa makabila kome na mabhele gha Akaichilahele. Na Alune nawala maina gheniya mu mabhegha ghake nnonge jhango ne Bhambo Chapanga ngita ukombokelo gwa machiko ghoha ghangapeta. 13Ntendekeya ikamulilo ibhele ya chaabo, 14na mikupu mibhele jha chaabo jhina kuhalala jhilokwite ngita ngojhe. Ntabha mikupu jhenie mu ikamulilo yenio.
Kimpuko chukuwala panganga
Kubhoka 39:8-21
15“Nantendekeya kampuko chikuwala panganga kwa ngobho nhuo jhina kuhalala jhukuloka chikutemulila, kitengenechwa kuupunde hake ngita kichibao chela kwa nyuche ya lange ya chaabo na ya lange jha kibuluu na chambalau na ngele yukulokwa. 16Kimpuko chenie kikonjwa kibhaha telatela pande yoha ncheche. Upana gwake na utandamaho gwake sentimita makome mabhele niibhele. 17Kilembwa kwa upunde michitale ncheche jha maghanga gha bei ngolongwa. Nchitale ghukutumbula nchonela maghanga gha akiki na lya topache na lya alumache ngele, 18na nchitale gwa ubhele nnemba maghanga gha chumalide na chohale jha lange jha samawate na alumache, 19na nchitale gwa utato nnemba maghanga gha Yachinto na akiki ngele na lya amesisito, 20na nchitale gwa ncheche nnemba maghanga gha zabalajade na lya chohamu na lya yasipe, ghoha ghabhekwa mu ikamulilo ya chaabo. 21Pabhaha na maghanga kome na mabhele ghighajhandikwe na kulembwa maina kome na mabhele gha yana ya Yakobo. Kila lighanga lijhandikwa liina limo kukulembwa, kupala kulangiya makabila kome na mabhele gheniya. 22Kunhwalo gwa kampuko kapanganga keniya, ntengenecha mikupu jha chaabo jhina kuhalala jhukuloka ngita ngojhe. 23Helahela ntendekeya pete ibhele ya chaabo nhwalo gwa kampuko kapanganga nu kubheka mu malombolo mabhele gha kampuko keniya, 24muikonga mikupu mibhele jha chaabo mupete yene mu kampuko kapanganga keniya. 25Nyenja henge ibhele ya imikupu ya chaabo jhenio nnombanicha mu ikamulilo ibhi mu kichibao mu mabhegha upande gwa nnonge. 26Hele, ntendekeya pete henge ibhele ya chaabo nu kubheka malemulilo gha pahe upande gwa nkate gwa kampuko kapanganga pahina na kichibao. 27Peniya, ntendekeya pete henge ibhele ya chaabo na muibheka palonge mulilombolo lya pahe jha ipande ya kichibao nu luhunga pukilombanicha kichibao na luhunga lulutabha ku upunde. 28Mitabha pete ya kampuko ka panganga pamonga na pete ya kichibao kwa ngojhe ya lange jha buluu, kupala kukibheka kimpuko chapanganga kitame panane jha luhunga changamboghombala.
29“Yene Alune pajhingii chehemo jha Nyahinyahi awala kampuko ka panganga keniya chikijhandikwe mahina gha yana ya Yakobo, kwa ndela jhenio nenga Bhambo Chapanga nanikomboka mangota machiko ghoha ghangapeta. 30Mu kimpuko chenio nnekela ilebhe ibhele ikemwa Ulimo na Sumimo, ghitumila akapiya matambiko kukonyekeya chapala Chapanga kupala Alune aghegha panganga jhake kila paika nnonge jhango. Kupala amanya ibhele yambala kwa Akaichilahele.
Ngobho henge yu upiya litambiko
Kubhoka 39:22-31
31“Nchona likanjo jhukuwalii kichibao kwa ngojhe ya mangoma ghilimbelele jhilembelikii lange jha buluu tugha. 32Ibhaha na chehemo yukupetecha muto panakate, na chehemo jhenio ntindikiya lupendicho lulupumitwe kupala lingajwepuka. 33Mu lilombolo lya pahe nnembelekeya ilebhe ngita makomamanga gha lange jha buluu na chambalau na ngele, hele pabhaha na mangengecha gha chaabo pakate jha malembo ghenio. 34Likomamanga na mangengecha gha chaabo, likomamanga na mangengecha kutindii likanjo jhoha. 35Alune nawala likanjo jhenio pandumikii lihengo lyake lya upiya litambiko na mangengecha gheniya ghajhokanikika kipinde pajhingii Chehemo Jha Nyahinyahi nnonge jhango na kipinde pabhoka. Anda awalite mangengecha gheniya nakomwa jhe.
36“Peniya, ntendekeya kibate cha chaabo jhambone na nyandika malobhe ghanga ngita chibhonekana muhuli, ‘Jwabhoitwe kwa Bhambo Chapanga.’ 37Kibate cha chaabo chenie mukitabha nnonge jha kilemba ku lughojhe lwa buluu. 38Alune nawala kibate chenie pa kibhonge chake, kupala ne Bhambo Chapanga nyeketela matambiko ghoha ghibhipiya Akaichilahele kipinde nabhalemwa chukumbikiya litambiko.”
39“Muntengenechela Alune likanjo litandamaho linhuo lililembitwe na kilemba kinhuo. Kabhele nntengenechela luhunga lunhuo lululembwitwe na jwaloka.”
40Na mitengenechela yana ya Alune likanjo na luhunga na kilemba kupala bhabhonekana lembolembo na bhina kuhalala. 41Muwalicha nnongo gwino Alune na yanamundo ngobho yenie, peniya mandonyekela mahuta gha micheitune na kwabheke mabhoko kupala kwape mota ngita akapiya matambiko bhango.
42Kabhele machonela kabudula nhuo yenio kubhoke mukibhuno ade mumabhondo, kupala bhakihibhilila chibhabhile. 43Alune na yana mundo bhawala kabudula yenio kila pibhajhingii mu Lihema lyanyahinyahi, pange jhe pibhabhandikila chehemo pa kupiikiya litambiko, kukamu lihengo ghu upiya litambiko chehemo jha Nyahinyahi. Kwa ndela jhenio bhilangii jhe chibhabhile nu kupala bhakoto kukomwa. Gheniya ghipalwa kukengemwa machiko ghoha ghangapeta Alune na ibheluko yake.
ទើបបានជ្រើសរើសហើយ៖
Kubhoka 28: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 28
28
Ngobho ya akapiya matambiko
Kubhoka 39:1-7
1Namwe Mucha munnete kwango nnongo gwino Alune pamonga na yana yake bhibhahaghulilwe pakate jha Akaichilahele, Nadabo na Abihu na Eleazale na Itamale, kupala bhandumikile ngita akapiya matambiko. 2Munchonela Alune ngobho ya upiya litambiko ya nyahinyahi kupala impela ung'alicho na ichima. 3Malaghila akamapunde bhoha bhinabholite, bhanchonele Alune ngobho kupala abhekwe palonge kwa lihengo lya upiya litambiko gwango. 4Malobholela bhantengenechela ilebhe henge, kanpuko kapanganga na ngobho jhikuhekele nganga na kichibao na kanjo na lijoho lililembitwe na kilemba nu luhunga. Alune na yana yake bhawala kupala bhandumikila ngita akapiya matambiko bhango. 5Akamapunde bheniya bhatumila ngojhe itengenichwe kwa mangoma gha mambelele gha lange jha kibuluu na chambalau na ngele na ngojhe ya chaabo na ngobho nhuo ina kuhalala jhikulokwa.
6Mapunde bhatendekeya kichibao chakuwala mpiya litambiko cha ngobho nhuo jhilembelekiwe kwa ngojhe ya lange jha chaabo na lange jha kibuluu na chambalau na ngele jhilokwitwe na kulembelekelwa kwa upunde. 7Kibhaha na ngojhe ibhele yukutabhii mu mabhegha ghichonitwe mu malombolo ghake mabhele. 8Luhunga lulukamulila itengenechwa kwa ilebhe yeye, kwa ngobho nhuo ya kuhalala nu kulembelekelwa kwa ngojhe ya chaabo ya lange buluu na chambalau na ngele kukulokwa nukubhehe kilebhe chimo na kichibao chenio. 9“Peniya ntola maghanga mabhele ghighakemwa saludonike, gheniya mijhandika kukulemba panane jhake maina gha yana ya Akaichilahele yane Yakobo. 10Maina chita mulighanga likutumbula na maina ghighaighalike mulighanga lenge, mahina ghakengama tela mu kubhelukwa kwabhe. 11Mughajhandika maina kukulemba panane jha maghanga gheniya ngita punde palemba muhuli, peniya nnyingiya mukikamulilo chikitengenichwe kwa chaabo. 12Maghanga mabhele gheniya naghabhekwa panane jha luhunga lwa kichibao ngita ukombokelo gwa makabila kome na mabhele gha Akaichilahele. Na Alune nawala maina gheniya mu mabhegha ghake nnonge jhango ne Bhambo Chapanga ngita ukombokelo gwa machiko ghoha ghangapeta. 13Ntendekeya ikamulilo ibhele ya chaabo, 14na mikupu mibhele jha chaabo jhina kuhalala jhilokwite ngita ngojhe. Ntabha mikupu jhenie mu ikamulilo yenio.
Kimpuko chukuwala panganga
Kubhoka 39:8-21
15“Nantendekeya kampuko chikuwala panganga kwa ngobho nhuo jhina kuhalala jhukuloka chikutemulila, kitengenechwa kuupunde hake ngita kichibao chela kwa nyuche ya lange ya chaabo na ya lange jha kibuluu na chambalau na ngele yukulokwa. 16Kimpuko chenie kikonjwa kibhaha telatela pande yoha ncheche. Upana gwake na utandamaho gwake sentimita makome mabhele niibhele. 17Kilembwa kwa upunde michitale ncheche jha maghanga gha bei ngolongwa. Nchitale ghukutumbula nchonela maghanga gha akiki na lya topache na lya alumache ngele, 18na nchitale gwa ubhele nnemba maghanga gha chumalide na chohale jha lange jha samawate na alumache, 19na nchitale gwa utato nnemba maghanga gha Yachinto na akiki ngele na lya amesisito, 20na nchitale gwa ncheche nnemba maghanga gha zabalajade na lya chohamu na lya yasipe, ghoha ghabhekwa mu ikamulilo ya chaabo. 21Pabhaha na maghanga kome na mabhele ghighajhandikwe na kulembwa maina kome na mabhele gha yana ya Yakobo. Kila lighanga lijhandikwa liina limo kukulembwa, kupala kulangiya makabila kome na mabhele gheniya. 22Kunhwalo gwa kampuko kapanganga keniya, ntengenecha mikupu jha chaabo jhina kuhalala jhukuloka ngita ngojhe. 23Helahela ntendekeya pete ibhele ya chaabo nhwalo gwa kampuko kapanganga nu kubheka mu malombolo mabhele gha kampuko keniya, 24muikonga mikupu mibhele jha chaabo mupete yene mu kampuko kapanganga keniya. 25Nyenja henge ibhele ya imikupu ya chaabo jhenio nnombanicha mu ikamulilo ibhi mu kichibao mu mabhegha upande gwa nnonge. 26Hele, ntendekeya pete henge ibhele ya chaabo nu kubheka malemulilo gha pahe upande gwa nkate gwa kampuko kapanganga pahina na kichibao. 27Peniya, ntendekeya pete henge ibhele ya chaabo na muibheka palonge mulilombolo lya pahe jha ipande ya kichibao nu luhunga pukilombanicha kichibao na luhunga lulutabha ku upunde. 28Mitabha pete ya kampuko ka panganga pamonga na pete ya kichibao kwa ngojhe ya lange jha buluu, kupala kukibheka kimpuko chapanganga kitame panane jha luhunga changamboghombala.
29“Yene Alune pajhingii chehemo jha Nyahinyahi awala kampuko ka panganga keniya chikijhandikwe mahina gha yana ya Yakobo, kwa ndela jhenio nenga Bhambo Chapanga nanikomboka mangota machiko ghoha ghangapeta. 30Mu kimpuko chenio nnekela ilebhe ibhele ikemwa Ulimo na Sumimo, ghitumila akapiya matambiko kukonyekeya chapala Chapanga kupala Alune aghegha panganga jhake kila paika nnonge jhango. Kupala amanya ibhele yambala kwa Akaichilahele.
Ngobho henge yu upiya litambiko
Kubhoka 39:22-31
31“Nchona likanjo jhukuwalii kichibao kwa ngojhe ya mangoma ghilimbelele jhilembelikii lange jha buluu tugha. 32Ibhaha na chehemo yukupetecha muto panakate, na chehemo jhenio ntindikiya lupendicho lulupumitwe kupala lingajwepuka. 33Mu lilombolo lya pahe nnembelekeya ilebhe ngita makomamanga gha lange jha buluu na chambalau na ngele, hele pabhaha na mangengecha gha chaabo pakate jha malembo ghenio. 34Likomamanga na mangengecha gha chaabo, likomamanga na mangengecha kutindii likanjo jhoha. 35Alune nawala likanjo jhenio pandumikii lihengo lyake lya upiya litambiko na mangengecha gheniya ghajhokanikika kipinde pajhingii Chehemo Jha Nyahinyahi nnonge jhango na kipinde pabhoka. Anda awalite mangengecha gheniya nakomwa jhe.
36“Peniya, ntendekeya kibate cha chaabo jhambone na nyandika malobhe ghanga ngita chibhonekana muhuli, ‘Jwabhoitwe kwa Bhambo Chapanga.’ 37Kibate cha chaabo chenie mukitabha nnonge jha kilemba ku lughojhe lwa buluu. 38Alune nawala kibate chenie pa kibhonge chake, kupala ne Bhambo Chapanga nyeketela matambiko ghoha ghibhipiya Akaichilahele kipinde nabhalemwa chukumbikiya litambiko.”
39“Muntengenechela Alune likanjo litandamaho linhuo lililembitwe na kilemba kinhuo. Kabhele nntengenechela luhunga lunhuo lululembwitwe na jwaloka.”
40Na mitengenechela yana ya Alune likanjo na luhunga na kilemba kupala bhabhonekana lembolembo na bhina kuhalala. 41Muwalicha nnongo gwino Alune na yanamundo ngobho yenie, peniya mandonyekela mahuta gha micheitune na kwabheke mabhoko kupala kwape mota ngita akapiya matambiko bhango.
42Kabhele machonela kabudula nhuo yenio kubhoke mukibhuno ade mumabhondo, kupala bhakihibhilila chibhabhile. 43Alune na yana mundo bhawala kabudula yenio kila pibhajhingii mu Lihema lyanyahinyahi, pange jhe pibhabhandikila chehemo pa kupiikiya litambiko, kukamu lihengo ghu upiya litambiko chehemo jha Nyahinyahi. Kwa ndela jhenio bhilangii jhe chibhabhile nu kupala bhakoto kukomwa. Gheniya ghipalwa kukengemwa machiko ghoha ghangapeta Alune na ibheluko yake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved