Markos 4
4
Yazriyetiih aymassal
(Maatiyos 13:1-9; Luukas 8:4-8)
1Malammih igil gimamalle yaydaraso erherhishe. Jalbadde korah igilille defeyandah lel mango xiyaw alle yekettin, amaa mango xiyaw lel igil gimamhi baarholle defeyak yinin. 2Aymassalah lel mango xaaja ten aydurusuk yine, ishi aydarasadde lel tayim akko yerhxe: 3“Oobbaanta! Taykinna, yazriyeti yazraw ifaare. 4Yizriye gedda lel amaa zaraako gari arax afalle radeyaako kimbir yemeeteh beete. 5Zaraako gari lel mango buure hin dhayit le baarholle radeyaako, addale buure luuk miyinemhi sabbatah, akkanih yubqule. 6Ayrotta boodde gedda lel xarare. Rimid luuk miyinemhi sabbatah lel kafe. 7Zaraako gari keenanti fanadde rade, keenan aalih carsimeh lel kaa yisniqheyaako ilaw mibaaho. 8Zaraako gari mece buuredde radeyaako ilaw baahe, carsimeyaako lel yemmengeh soddom waqhtiya, laxtam waqhtiya, bool waqhtiya yemfeere.” 9“Yaabbe cokkak leti yaabboo!” akko yerhxe.
Aymassal macal
(Maatiyos 13:10-17; Luukas 8:9-10)
10Usuk ulah anik lel amaa lamman kee tamanlih yine mari amaa aymassalhi sabbatah kaa esseren. 11Usuk lel: “Sinah carshi nigsinnahi mashthir taarhagoona caashir sinah yomxoyeh yane, ta irolle yane marah laakin ummannim aymassalah kinni akah warrishimtam. 12Amayim lel,
‘gaxaanamko kee xabbot akah yamxayemko,
rummah yablin hanuk miduhaana,
rummah yaabbin hanuk lel adde moobtah’ #Isayas 6:9-10
kinni” akko yerhxe.
13Tahe lel akko yerhxe: “Ta aymassal sinadde moobinna? Aki aymassal aaginah sinadde oobo kinni haye? 14Yazriyeti waanitta yazriye. 15Ta arax agaagalle tanem, waanitta alle timzirriyeya, yaabbin gedda, Sheethan akkanih yamiiteh tenadde timzirriyeh tine waanitta akko beya. 16Ta dhayitle buurelle timzirriyem, ta mari, waanitta yaabbin gedda, akkanih xedenlih kabbaata mara kinon. 17Sinnedde rimid maloonimhi sabbatah, dago waqhte curaanah, sarrah, amaa waanittat sabbatah cazaab kee hadaano tamiite gedda, akkanih gaba yaxayin. 18Aki mari lel keenanti fanadde timzirriyem kinon. Usun amaa waanitta yaabbiinih, 19laakin ta caalamti nawashshiga kee solaadit doolab, amaye balih aki xaajujhi farhi adde orobah amaa waanitta yasniqhe, daro baahekkah lel racta. 20Amaa mece buuredde timzirriyem lel, amaa waanitta yaabbeh kabbaatah soddom waqhtiya, laxtam waqhtiya, bool waqhtiya yamfeere” akko yerhxe.
Faanus citrot geridde
(Luukas 8:16-18)
21Akko yerhxe lel: “ Faanus baahaanah citrot geridde hayaana, woole carat geridde, woole defeenakke hayaana? 22Amayim lel caddoyto kinam agoogitteyah, tammadhdhago kinam lel sucutteya mitanemhi sabbatah kinni. 23Yaabbe cokkak leti yaabboo!” 24Akko yerhxe lel: “Taabbiinim macalsita; atin tatneefecin qiyaasah sinah tanqaaso kinni, ziyaada lel sinah ossimto kinni. 25Amayim lel le tiyah ziyaada akah ossimteyaako manginatah yaallo, hin tiyaako laakin amaa luuk yinem gantah akko tadawo kinamhi sabbatah kinni.”
Carsima zarih aymassal
26Akko yerhxe lel: “Yallih nigsinna wuli xiyawti ishi dhagelle zara yizriyem balih kinni. 27Usuk bar dhiina itre lel uguta, amaa zari lel yabquleh carsima, usuk laakin aaginah kinam miyaarhige. 28Amaa baarho isheh taybuqhule, erherhih buqhletta bahta, sarrah zalaalatto, sarrah lel ilaw amaa zalaalattok yaabuke. 29Amaa ilaw gufa gedda lel rabci yakkemhi sabbatah maczit dhirhiya.”
Adri zarattohi aymassal
(Maatiyos 8:23-27; Luukas 8:22-25)
30Akko yerhxe lel: “Yallih nigsinna ayimlih naybalaalaw, hido lel awlih aymassalah akah natnaafaco kinni? 31Baarholle yamzirriye gedda umbuka zaraako cindha, adri caynahi zarattoh higgida. 32Carsimta gedda laakin inkoh jardiin taklitko tanabeh naba xakuk tayyaace, kimbir lel tee silaladde care siraaxitan.”
33Usun akah kaa yaabboona dhiicaanaakah lel ta gina le mango aymassalah waanitta tenlih waanishe. 34Usuk aymassal hinnim tenlih miwaanisho, ishi katattaynitih laakin ummanim ulah akah caddoyshe.
Yeesus goomadhdhe daw-ishe
(Maatiyos 8:23-27; Luukas 8:22-25)
35Amaa max, baarho dhumte gedda: “Amaa carhalle tabnok hayyaanta” akko yerhxe. 36Amaa mango xiyawko yedeynih, kayya ulah jalbadde sinneelih beyen. Aki jalaabu lel kaalih yine. 37Naba xaaxatti goomadhdhe ugutte, amaa goomadhdhe jalba safucteh orobteyaako, amaa jalba ammaaguk tine. 38Usuk laakin amaa jalbadde caazaako cikkishiteh dhiinak yine. Kaa uguseenih lel: “Mucallimo, ni liyadde macal malito?” akko yerhxin. 39Usuk lel uguteh amaa xaaxatta yoskoolofeyaako amaa igilik: “Daw-erhex! Uskun!” akko yerhxe. Amaa xaaxatti daw-yerhxeh lel naba sukuun yekke. 40Usuk: “Aymihi tayidhdha mashshittaanam? Kaddih imaan malitiini?” akko yerhxe. 41Naba gilixih yemmeegiinih lel: “Tati xaaxatta kee igil gantah kaa yaabbinti miyatto kinni?” sittiyak yerhxin.
ទើបបានជ្រើសរើសហើយ៖
Markos 4: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Markos 4
4
Yazriyetiih aymassal
(Maatiyos 13:1-9; Luukas 8:4-8)
1Malammih igil gimamalle yaydaraso erherhishe. Jalbadde korah igilille defeyandah lel mango xiyaw alle yekettin, amaa mango xiyaw lel igil gimamhi baarholle defeyak yinin. 2Aymassalah lel mango xaaja ten aydurusuk yine, ishi aydarasadde lel tayim akko yerhxe: 3“Oobbaanta! Taykinna, yazriyeti yazraw ifaare. 4Yizriye gedda lel amaa zaraako gari arax afalle radeyaako kimbir yemeeteh beete. 5Zaraako gari lel mango buure hin dhayit le baarholle radeyaako, addale buure luuk miyinemhi sabbatah, akkanih yubqule. 6Ayrotta boodde gedda lel xarare. Rimid luuk miyinemhi sabbatah lel kafe. 7Zaraako gari keenanti fanadde rade, keenan aalih carsimeh lel kaa yisniqheyaako ilaw mibaaho. 8Zaraako gari mece buuredde radeyaako ilaw baahe, carsimeyaako lel yemmengeh soddom waqhtiya, laxtam waqhtiya, bool waqhtiya yemfeere.” 9“Yaabbe cokkak leti yaabboo!” akko yerhxe.
Aymassal macal
(Maatiyos 13:10-17; Luukas 8:9-10)
10Usuk ulah anik lel amaa lamman kee tamanlih yine mari amaa aymassalhi sabbatah kaa esseren. 11Usuk lel: “Sinah carshi nigsinnahi mashthir taarhagoona caashir sinah yomxoyeh yane, ta irolle yane marah laakin ummannim aymassalah kinni akah warrishimtam. 12Amayim lel,
‘gaxaanamko kee xabbot akah yamxayemko,
rummah yablin hanuk miduhaana,
rummah yaabbin hanuk lel adde moobtah’ #Isayas 6:9-10
kinni” akko yerhxe.
13Tahe lel akko yerhxe: “Ta aymassal sinadde moobinna? Aki aymassal aaginah sinadde oobo kinni haye? 14Yazriyeti waanitta yazriye. 15Ta arax agaagalle tanem, waanitta alle timzirriyeya, yaabbin gedda, Sheethan akkanih yamiiteh tenadde timzirriyeh tine waanitta akko beya. 16Ta dhayitle buurelle timzirriyem, ta mari, waanitta yaabbin gedda, akkanih xedenlih kabbaata mara kinon. 17Sinnedde rimid maloonimhi sabbatah, dago waqhte curaanah, sarrah, amaa waanittat sabbatah cazaab kee hadaano tamiite gedda, akkanih gaba yaxayin. 18Aki mari lel keenanti fanadde timzirriyem kinon. Usun amaa waanitta yaabbiinih, 19laakin ta caalamti nawashshiga kee solaadit doolab, amaye balih aki xaajujhi farhi adde orobah amaa waanitta yasniqhe, daro baahekkah lel racta. 20Amaa mece buuredde timzirriyem lel, amaa waanitta yaabbeh kabbaatah soddom waqhtiya, laxtam waqhtiya, bool waqhtiya yamfeere” akko yerhxe.
Faanus citrot geridde
(Luukas 8:16-18)
21Akko yerhxe lel: “ Faanus baahaanah citrot geridde hayaana, woole carat geridde, woole defeenakke hayaana? 22Amayim lel caddoyto kinam agoogitteyah, tammadhdhago kinam lel sucutteya mitanemhi sabbatah kinni. 23Yaabbe cokkak leti yaabboo!” 24Akko yerhxe lel: “Taabbiinim macalsita; atin tatneefecin qiyaasah sinah tanqaaso kinni, ziyaada lel sinah ossimto kinni. 25Amayim lel le tiyah ziyaada akah ossimteyaako manginatah yaallo, hin tiyaako laakin amaa luuk yinem gantah akko tadawo kinamhi sabbatah kinni.”
Carsima zarih aymassal
26Akko yerhxe lel: “Yallih nigsinna wuli xiyawti ishi dhagelle zara yizriyem balih kinni. 27Usuk bar dhiina itre lel uguta, amaa zari lel yabquleh carsima, usuk laakin aaginah kinam miyaarhige. 28Amaa baarho isheh taybuqhule, erherhih buqhletta bahta, sarrah zalaalatto, sarrah lel ilaw amaa zalaalattok yaabuke. 29Amaa ilaw gufa gedda lel rabci yakkemhi sabbatah maczit dhirhiya.”
Adri zarattohi aymassal
(Maatiyos 8:23-27; Luukas 8:22-25)
30Akko yerhxe lel: “Yallih nigsinna ayimlih naybalaalaw, hido lel awlih aymassalah akah natnaafaco kinni? 31Baarholle yamzirriye gedda umbuka zaraako cindha, adri caynahi zarattoh higgida. 32Carsimta gedda laakin inkoh jardiin taklitko tanabeh naba xakuk tayyaace, kimbir lel tee silaladde care siraaxitan.”
33Usun akah kaa yaabboona dhiicaanaakah lel ta gina le mango aymassalah waanitta tenlih waanishe. 34Usuk aymassal hinnim tenlih miwaanisho, ishi katattaynitih laakin ummanim ulah akah caddoyshe.
Yeesus goomadhdhe daw-ishe
(Maatiyos 8:23-27; Luukas 8:22-25)
35Amaa max, baarho dhumte gedda: “Amaa carhalle tabnok hayyaanta” akko yerhxe. 36Amaa mango xiyawko yedeynih, kayya ulah jalbadde sinneelih beyen. Aki jalaabu lel kaalih yine. 37Naba xaaxatti goomadhdhe ugutte, amaa goomadhdhe jalba safucteh orobteyaako, amaa jalba ammaaguk tine. 38Usuk laakin amaa jalbadde caazaako cikkishiteh dhiinak yine. Kaa uguseenih lel: “Mucallimo, ni liyadde macal malito?” akko yerhxin. 39Usuk lel uguteh amaa xaaxatta yoskoolofeyaako amaa igilik: “Daw-erhex! Uskun!” akko yerhxe. Amaa xaaxatti daw-yerhxeh lel naba sukuun yekke. 40Usuk: “Aymihi tayidhdha mashshittaanam? Kaddih imaan malitiini?” akko yerhxe. 41Naba gilixih yemmeegiinih lel: “Tati xaaxatta kee igil gantah kaa yaabbinti miyatto kinni?” sittiyak yerhxin.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia