Markos 5
5
Yeesus yimjinnine xiyawto urusa
(Maatiyos 8:28-34; Luukas 8:26-39)
1Usun igilko amaa carha, Geraasat marih baarho akko yarhxinyalle yemeetin. 2Yeesus jalbaako oobe gedda lel, wuli najis kin ufaye le xiyawti qabaaraako yewceya akkanih akah garaye. 3Qabaarat fanadde marak yine. Walaa inketti kaa yarhaw dhiicak miyine, walaa katiina. 4Qayde kee katiinah yamudhdhuwe hanuk lel, katiina lammalle yagriceh amaa qayde agdiluk yine. Kaa yazgararo dhiicati miyine. 5Bar kee lellecih lel qabaara kee koomamalle yakkeh zeerak kee ishe nabse dhayitih ageerecuk yine. 6Yeesus waacinaako yuble gedda lel, yerdeh yemeeteyaako kaa nifille rade. 7Wac-yerhxeyaako zeereh lel: “Yeesuso, Nabamko Naba Yallih Barhaw, atu yottaalih ayim lito? Yi tacizzibemko, Yallah ku dhaacimak aniyo” akko yerhxe. 8Tayim lel: “Najis kin ufaye, ta xiyawtooko akko ewec!” akko yerhxeh yinemhi sabbatah kinni. 9Yeesus: “Ku migac miyatto kinni?” akko yerhxe. Mango mara kinomhi sabbatah, yi migac “Maxaarho” kinni. 10Amaa dikko irolle ten dhirhiyamko lel dhacumaatih kaa dhaacime. 11Kado, wuli koomat gerille mango xasama alooluk tine, 12kaa dhaacimeenih lel: “To xasamadde ni dhirhii, tenadde orobnok” akko yerhxin. 13Amaymih izne akah yoxoye. Amaa najis kin ufayi lel yewciinih xasamadde oroben; amaa lamma shiixih gaba bahta xasama lel yerdinyaako ullallamutulle igilidde xarhiteenih igilidde yumundhucin.
14Amaa loynit lel kudah yedeynih amaa tekkem daafo kee diikalle warroyshen. Amaa xiyaw lel ta tekkeh tinem ayim kinam yabloona yemeetin. 15Yeesusulle yemeetin gedda lel amaa yimjinnineh, junuun maxaarho luuk yine xiyawti, amalle defeyeh sariteya, ishi kaslih kaa yublinyaako mashshiiten. 16Amayim yuble mari lel amaa yimjinnine xiyawto kee amaa xasamalle ayim tekkeh tinem akah warishen. 17Yeesus ten zoobäako yadaw lel kaa dhaacimoona erherhishen. 18Usuk jalbadde korak lel amaa yimjinnineh yine xiyawti kaalih yadaw kaa dhaacime. 19Yeesus akah masmaxooki laakin: “Careh ishi zooballe aduwaaki Maddari ayim koh abem kee ayidhdha kolle raxmatem akah warish” akko yerhxe. 20Usuk lel “Tamana daafo” akko yarhxin zoobälle yedeeyaako Yeesus akah abem warishe, ummanti lel cibrah rabe.
Yeesus wuli numa kee Yayros barhä urusa
(Maatiyos 9:18-26; Luukas 8:40-56)
21Yeesus malammih igilko jalbah amaa carhalle tabe gedda, mangum mango xiyaw alle yekettin, usuk lel igil gimamalle yine. 22Sarrah wuli sunagoogeeti manabotti, Yayros akko yarhxinya, yemeeteh yubleyaako, iballe akko radeh, 23dhacumaatih kaa dhaacimak: “Yi cindhaa barhä rabto kab-terhxeh tane. Urteh marto ciloh temeeteyaako gabub alle haa” akko yerhxe. 24Usuk lel kaalih yedee. Mango xiyaw adde kataynih lel kaa yeytseqheeqhethin. 25Wuli numa, lamman kee taman iggidiya biili akko xarhitaya lel amalle tine. 26Mango xakaayimti geridde baclaytak mangum timcizzibeh, luuk tinem inkoh adde teyle hanuk, alle tisriyem kibah akah tur-huwem male. 27Yeesus zacabah ware toobbeh tineyaako, amaa mango xiyawhi fanadde caazaako temeeteh kaa sareena dhagte. 28Amayim lel: “Walaa kaa sareena dhagemko uro kiyo” terhxemhi sabbatah kinni. 29Akkanih lel aduuk yine biili daw-yerhxeyaako, ishi laxuuko urtem ishi nabsedde teerhege. 30Yeesus lel, xayli akko yewcem yeerhegemhi sabbatah, akkanih amaa mango xiyawadde yufkuneyaako: “Yi sara dhageti miyatto kinni?” yerhxe. 31Kaa katattaynit: “Xiyaw ku lamma-galelle antseqheeqhethuk table hanuk: ‘Miyatti yi dhage?’” arhxuk tanito. 32Miyatti abem yablo lel gura-mizgalle kulux-yerhxe. 33Amaa numa laakin, alle tekkem inkoh teerhegeh, mashshih qathqath-arhxuk kaa nifille raddeh amaa rumma inkoh akah warishshe. 34Usuk lel: “Yi barhäw, ku imaan ku uruseh yanek, maaxiyodde aduu, ishi laxuuko caafiyat gee” akko yerhxe.
35Usuk kaddih waanishak anuk, wuliti sunagoogeeti manabottahi careeko yemeeteh: “Ku barhä rabteh kinni. Aymih Mudarris ayticibik tanito?” akko yerhxe. 36Laakin usun ayim yerhxiinimidde macalah rabekkah, Yeesus sunagoogeeti manabottak: “Imin bisa kibah, mimashshiitin” akko yerhxe. 37Bithroos, Yacqoob kee Yacqoob sacal kin Yohannisko bextih adde katawna walaa inkettah masmaxinna. 38Usun lel amaa sunagoogeeti manabottih carelle yemeetin gedda, Yeesus cigirgir, xiyaw weeca kee zeerak yuble. 39Orobe gedda lel: “Aymih kinni cigirgir kee weeca abak taniinim? Cindhookä mirabo, laakin dhiinak tane” akko yerhxe. 40Usun lel alle yoosolin. Inkoh irolle ten yeyyeeceh lel barhat abba kee ina kee kaalih tinem isheelih beyeh amaa barhä adde tinedde orobe. 41Gabadde tee yibbirheh lel akko yerhxe: “Talita qum”, “Cindhä barhi, kok arhxiyuk anek ugut” yarhxiinim kinni. 42Amaa barhä lel akkanih ugutteyaako gedhdho erherhishshe (ishe lel lamman kee taman cumreh luuk tine), usun lel akkanih mangum cibrah raben. 43Usuk lel tayim walaa inketti yaarhigemko dhacumaatih ten yeemereh, betta folo akah yaxawna akah warishe.
ទើបបានជ្រើសរើសហើយ៖
Markos 5: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Markos 5
5
Yeesus yimjinnine xiyawto urusa
(Maatiyos 8:28-34; Luukas 8:26-39)
1Usun igilko amaa carha, Geraasat marih baarho akko yarhxinyalle yemeetin. 2Yeesus jalbaako oobe gedda lel, wuli najis kin ufaye le xiyawti qabaaraako yewceya akkanih akah garaye. 3Qabaarat fanadde marak yine. Walaa inketti kaa yarhaw dhiicak miyine, walaa katiina. 4Qayde kee katiinah yamudhdhuwe hanuk lel, katiina lammalle yagriceh amaa qayde agdiluk yine. Kaa yazgararo dhiicati miyine. 5Bar kee lellecih lel qabaara kee koomamalle yakkeh zeerak kee ishe nabse dhayitih ageerecuk yine. 6Yeesus waacinaako yuble gedda lel, yerdeh yemeeteyaako kaa nifille rade. 7Wac-yerhxeyaako zeereh lel: “Yeesuso, Nabamko Naba Yallih Barhaw, atu yottaalih ayim lito? Yi tacizzibemko, Yallah ku dhaacimak aniyo” akko yerhxe. 8Tayim lel: “Najis kin ufaye, ta xiyawtooko akko ewec!” akko yerhxeh yinemhi sabbatah kinni. 9Yeesus: “Ku migac miyatto kinni?” akko yerhxe. Mango mara kinomhi sabbatah, yi migac “Maxaarho” kinni. 10Amaa dikko irolle ten dhirhiyamko lel dhacumaatih kaa dhaacime. 11Kado, wuli koomat gerille mango xasama alooluk tine, 12kaa dhaacimeenih lel: “To xasamadde ni dhirhii, tenadde orobnok” akko yerhxin. 13Amaymih izne akah yoxoye. Amaa najis kin ufayi lel yewciinih xasamadde oroben; amaa lamma shiixih gaba bahta xasama lel yerdinyaako ullallamutulle igilidde xarhiteenih igilidde yumundhucin.
14Amaa loynit lel kudah yedeynih amaa tekkem daafo kee diikalle warroyshen. Amaa xiyaw lel ta tekkeh tinem ayim kinam yabloona yemeetin. 15Yeesusulle yemeetin gedda lel amaa yimjinnineh, junuun maxaarho luuk yine xiyawti, amalle defeyeh sariteya, ishi kaslih kaa yublinyaako mashshiiten. 16Amayim yuble mari lel amaa yimjinnine xiyawto kee amaa xasamalle ayim tekkeh tinem akah warishen. 17Yeesus ten zoobäako yadaw lel kaa dhaacimoona erherhishen. 18Usuk jalbadde korak lel amaa yimjinnineh yine xiyawti kaalih yadaw kaa dhaacime. 19Yeesus akah masmaxooki laakin: “Careh ishi zooballe aduwaaki Maddari ayim koh abem kee ayidhdha kolle raxmatem akah warish” akko yerhxe. 20Usuk lel “Tamana daafo” akko yarhxin zoobälle yedeeyaako Yeesus akah abem warishe, ummanti lel cibrah rabe.
Yeesus wuli numa kee Yayros barhä urusa
(Maatiyos 9:18-26; Luukas 8:40-56)
21Yeesus malammih igilko jalbah amaa carhalle tabe gedda, mangum mango xiyaw alle yekettin, usuk lel igil gimamalle yine. 22Sarrah wuli sunagoogeeti manabotti, Yayros akko yarhxinya, yemeeteh yubleyaako, iballe akko radeh, 23dhacumaatih kaa dhaacimak: “Yi cindhaa barhä rabto kab-terhxeh tane. Urteh marto ciloh temeeteyaako gabub alle haa” akko yerhxe. 24Usuk lel kaalih yedee. Mango xiyaw adde kataynih lel kaa yeytseqheeqhethin. 25Wuli numa, lamman kee taman iggidiya biili akko xarhitaya lel amalle tine. 26Mango xakaayimti geridde baclaytak mangum timcizzibeh, luuk tinem inkoh adde teyle hanuk, alle tisriyem kibah akah tur-huwem male. 27Yeesus zacabah ware toobbeh tineyaako, amaa mango xiyawhi fanadde caazaako temeeteh kaa sareena dhagte. 28Amayim lel: “Walaa kaa sareena dhagemko uro kiyo” terhxemhi sabbatah kinni. 29Akkanih lel aduuk yine biili daw-yerhxeyaako, ishi laxuuko urtem ishi nabsedde teerhege. 30Yeesus lel, xayli akko yewcem yeerhegemhi sabbatah, akkanih amaa mango xiyawadde yufkuneyaako: “Yi sara dhageti miyatto kinni?” yerhxe. 31Kaa katattaynit: “Xiyaw ku lamma-galelle antseqheeqhethuk table hanuk: ‘Miyatti yi dhage?’” arhxuk tanito. 32Miyatti abem yablo lel gura-mizgalle kulux-yerhxe. 33Amaa numa laakin, alle tekkem inkoh teerhegeh, mashshih qathqath-arhxuk kaa nifille raddeh amaa rumma inkoh akah warishshe. 34Usuk lel: “Yi barhäw, ku imaan ku uruseh yanek, maaxiyodde aduu, ishi laxuuko caafiyat gee” akko yerhxe.
35Usuk kaddih waanishak anuk, wuliti sunagoogeeti manabottahi careeko yemeeteh: “Ku barhä rabteh kinni. Aymih Mudarris ayticibik tanito?” akko yerhxe. 36Laakin usun ayim yerhxiinimidde macalah rabekkah, Yeesus sunagoogeeti manabottak: “Imin bisa kibah, mimashshiitin” akko yerhxe. 37Bithroos, Yacqoob kee Yacqoob sacal kin Yohannisko bextih adde katawna walaa inkettah masmaxinna. 38Usun lel amaa sunagoogeeti manabottih carelle yemeetin gedda, Yeesus cigirgir, xiyaw weeca kee zeerak yuble. 39Orobe gedda lel: “Aymih kinni cigirgir kee weeca abak taniinim? Cindhookä mirabo, laakin dhiinak tane” akko yerhxe. 40Usun lel alle yoosolin. Inkoh irolle ten yeyyeeceh lel barhat abba kee ina kee kaalih tinem isheelih beyeh amaa barhä adde tinedde orobe. 41Gabadde tee yibbirheh lel akko yerhxe: “Talita qum”, “Cindhä barhi, kok arhxiyuk anek ugut” yarhxiinim kinni. 42Amaa barhä lel akkanih ugutteyaako gedhdho erherhishshe (ishe lel lamman kee taman cumreh luuk tine), usun lel akkanih mangum cibrah raben. 43Usuk lel tayim walaa inketti yaarhigemko dhacumaatih ten yeemereh, betta folo akah yaxawna akah warishe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia