Markos 3
3
Kafte gaba le xiyawto
(Maatiyos 12:9-14; Luukas 6:6-11)
1Usuk malammih sunagoogedde orobe, amadde lel wuli gaba akko kafte xiyawti yine. 2Kaa yaksasoona ciloh lel Sambatah kaa urusam kee kaa macalsiitak yinin. 3Amaa kafte gaba le xiyawtok lel: “Fanadde daw-erhex” akko yerhxe. 4“Sambatah mecaani abaanam masmuux kinni, woole umaani, aniina gargeeraanama woole yagdifiinimi?” akko yerhxe. Usun laakin sik-yerhxin. 5Maklaliteh kuraalih tenadde kulux-yerhxe, ten afcaadot tiraareh yixriqheyaako, amaa xiyawtok: “Ishi gaba iyfiddig” akko yerhxe. Usuk lel yiyfiddigeyaako kaa gaba akah tineekah gaxte. 6Amaa Faarisiin yewciinih aaginah kaa yaylaynimidde akkanih Heerodesti maraalih zatteyen.
Mangum mango xiyaw Yeesus katayan
7Yeesus ishi katattaynitlih igil gabolle gaxe, mangum mango xiyaw lel Galiila, Yahuudiya, 8Yerusaalem, Edom baarho kee Yordaanos tabso kin Tsoor kee Tsiidoonko adde katayen. Ta mangum mango xiyaw usuk abak yinem inkoh yoobbin gedda kaalle yemeetin. 9Xiyaw mangah sabbatah kaa dufuffuwaanamko jalba yisqirribiinih akah sugoona ishi katattaynitih warishe. 10Usuk mango mara uruseh yinemhi sabbatah, amaa laxuu-le mari kaa dhagoona kaa wakalelle antseqheeqhethuk yinin. 11Uma ufayit kaa ablinnan gedda, kaa nifille radaanah: “Atu Yallih Barha kito” arhxuk zeerak yinin. 12Usuk lel kaa yayshidhdhigiinimko sirii ginah ten asuuse.
Lamman kee taman fartottittiya
(Maatiyos 10:1-4; Luukas 6:12-16)
13Koomalle yewceh tamaa isheh farha marah akah deecimeh usun lel kayyalle yemeetin. 14Kaalih yakkoona kee yaydarasoona ten faro ciloh, “fartottit” akko yerhxe lamman kee taman doore. 15Junuun yayyaacoona lel reeza akah yoxoye. 16Usuk lamman kee taman doore: Simcoon (Bithroos akko yerhxeya), 17Zibdit barha kin Yacqoob kee Yacqoob sacal kin Yohannis (Bo-aneerges akko yerhxeya, amayim lel “angud cindham” macnah leya), 18Indiryaas, Filibboos, Bartolomaayos; Maatiyos, Toomaas, Alfaayos barha kin Yacqoob, Taddayos kee wathan-kixin kin Simcoon kee 19Yahuuda Iskariyoot, amaa kaa yosxoyeya, kuuk yinin.
20Sarrah usuk careh yedee, beetoona wayaanandah lel malammih mango xiyaw yekettin. 21Kaa dik tayim yoobbin gedda: “Yicbideh kinni yanem” arhxuk kaa yabbarhoona yemeetin.
Quddus kin Ufayehi waato
(Maatiyos 12:22-32; Luukas 11:14-23; 12:10)
22Yerusaalemko obte sercat dhiiceenit lel: “Beelzebuul kinni kaa yibbirheh yanem, junuun ayyaacuk yanem junuun manabottah abeh kinni” yerhxin. 23Usuk ishelle akah deecimeh, aymassalah abeyaako tahe akko yerhxe: “Sheethan Sheethan aaginah yayyaaco dhiica? 24Nigsinna ishe-isheh xazxaazimtemko, amaa nigsinna daw-tarhxo mirhicta. 25Cari ishe-isheh xazxaazimemko lel, amaa cari daw-yarhxo mirhiica. 26Sheethan lel ishi diddeh uguteh xazxaazimemko, yalayenkah daw-yarhxo mirhiica. 27Sirii xiyawtih caredde orobah kaa nuwaa bayshati miyane, yookomeh kayya amaa sirii xiyawto yurhuweh akke wayemko. Amayek sarrah kaa care baysho dhiica.
28Rummah sinak arhxiyuk ane, umbuka zambe kee arhxinnan waato xiyawah akah xabbimto kinni, 29laakin Quddus kin Ufayi diddeh aban waato caduruh xabbot male, umman ged hi zambe kinni.” 30Tayim akko yerhxem lel: “Usuk najaasa-le ufaye leya” arhxuk yiniinimhi sabbatah kinni.
Yeesus ina kee sacul
(Maatiyos 12:46-50; Luukas 8:19-21)
31Kaa ina kee kaa sacul yemeetiinih irolle daw-yerhxinyaako, akah deecimoona alle faren. 32Mango xiyaw kaa agaagalle defeyak yinin: “Ku ina kee ku sacul irolle yanin, ku wagiyak yanin” akko yerhxin. 33Usuk lel: “Yi ina kee yi sacul miya kinooni?” yerhxeh alle yedebbe. 34Kaa agaagalle defeyak yine maradde gura-mizgalle kulux-yerhxeh lel: “Yi ina kee yi sacul talle yanin. 35Amayim lel Yallih farhi abinnanti, usuk yi sacal, yi sacla kee yi ina kinamhi sabbatah kinni” akko yerhxe.
ទើបបានជ្រើសរើសហើយ៖
Markos 3: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Markos 3
3
Kafte gaba le xiyawto
(Maatiyos 12:9-14; Luukas 6:6-11)
1Usuk malammih sunagoogedde orobe, amadde lel wuli gaba akko kafte xiyawti yine. 2Kaa yaksasoona ciloh lel Sambatah kaa urusam kee kaa macalsiitak yinin. 3Amaa kafte gaba le xiyawtok lel: “Fanadde daw-erhex” akko yerhxe. 4“Sambatah mecaani abaanam masmuux kinni, woole umaani, aniina gargeeraanama woole yagdifiinimi?” akko yerhxe. Usun laakin sik-yerhxin. 5Maklaliteh kuraalih tenadde kulux-yerhxe, ten afcaadot tiraareh yixriqheyaako, amaa xiyawtok: “Ishi gaba iyfiddig” akko yerhxe. Usuk lel yiyfiddigeyaako kaa gaba akah tineekah gaxte. 6Amaa Faarisiin yewciinih aaginah kaa yaylaynimidde akkanih Heerodesti maraalih zatteyen.
Mangum mango xiyaw Yeesus katayan
7Yeesus ishi katattaynitlih igil gabolle gaxe, mangum mango xiyaw lel Galiila, Yahuudiya, 8Yerusaalem, Edom baarho kee Yordaanos tabso kin Tsoor kee Tsiidoonko adde katayen. Ta mangum mango xiyaw usuk abak yinem inkoh yoobbin gedda kaalle yemeetin. 9Xiyaw mangah sabbatah kaa dufuffuwaanamko jalba yisqirribiinih akah sugoona ishi katattaynitih warishe. 10Usuk mango mara uruseh yinemhi sabbatah, amaa laxuu-le mari kaa dhagoona kaa wakalelle antseqheeqhethuk yinin. 11Uma ufayit kaa ablinnan gedda, kaa nifille radaanah: “Atu Yallih Barha kito” arhxuk zeerak yinin. 12Usuk lel kaa yayshidhdhigiinimko sirii ginah ten asuuse.
Lamman kee taman fartottittiya
(Maatiyos 10:1-4; Luukas 6:12-16)
13Koomalle yewceh tamaa isheh farha marah akah deecimeh usun lel kayyalle yemeetin. 14Kaalih yakkoona kee yaydarasoona ten faro ciloh, “fartottit” akko yerhxe lamman kee taman doore. 15Junuun yayyaacoona lel reeza akah yoxoye. 16Usuk lamman kee taman doore: Simcoon (Bithroos akko yerhxeya), 17Zibdit barha kin Yacqoob kee Yacqoob sacal kin Yohannis (Bo-aneerges akko yerhxeya, amayim lel “angud cindham” macnah leya), 18Indiryaas, Filibboos, Bartolomaayos; Maatiyos, Toomaas, Alfaayos barha kin Yacqoob, Taddayos kee wathan-kixin kin Simcoon kee 19Yahuuda Iskariyoot, amaa kaa yosxoyeya, kuuk yinin.
20Sarrah usuk careh yedee, beetoona wayaanandah lel malammih mango xiyaw yekettin. 21Kaa dik tayim yoobbin gedda: “Yicbideh kinni yanem” arhxuk kaa yabbarhoona yemeetin.
Quddus kin Ufayehi waato
(Maatiyos 12:22-32; Luukas 11:14-23; 12:10)
22Yerusaalemko obte sercat dhiiceenit lel: “Beelzebuul kinni kaa yibbirheh yanem, junuun ayyaacuk yanem junuun manabottah abeh kinni” yerhxin. 23Usuk ishelle akah deecimeh, aymassalah abeyaako tahe akko yerhxe: “Sheethan Sheethan aaginah yayyaaco dhiica? 24Nigsinna ishe-isheh xazxaazimtemko, amaa nigsinna daw-tarhxo mirhicta. 25Cari ishe-isheh xazxaazimemko lel, amaa cari daw-yarhxo mirhiica. 26Sheethan lel ishi diddeh uguteh xazxaazimemko, yalayenkah daw-yarhxo mirhiica. 27Sirii xiyawtih caredde orobah kaa nuwaa bayshati miyane, yookomeh kayya amaa sirii xiyawto yurhuweh akke wayemko. Amayek sarrah kaa care baysho dhiica.
28Rummah sinak arhxiyuk ane, umbuka zambe kee arhxinnan waato xiyawah akah xabbimto kinni, 29laakin Quddus kin Ufayi diddeh aban waato caduruh xabbot male, umman ged hi zambe kinni.” 30Tayim akko yerhxem lel: “Usuk najaasa-le ufaye leya” arhxuk yiniinimhi sabbatah kinni.
Yeesus ina kee sacul
(Maatiyos 12:46-50; Luukas 8:19-21)
31Kaa ina kee kaa sacul yemeetiinih irolle daw-yerhxinyaako, akah deecimoona alle faren. 32Mango xiyaw kaa agaagalle defeyak yinin: “Ku ina kee ku sacul irolle yanin, ku wagiyak yanin” akko yerhxin. 33Usuk lel: “Yi ina kee yi sacul miya kinooni?” yerhxeh alle yedebbe. 34Kaa agaagalle defeyak yine maradde gura-mizgalle kulux-yerhxeh lel: “Yi ina kee yi sacul talle yanin. 35Amayim lel Yallih farhi abinnanti, usuk yi sacal, yi sacla kee yi ina kinamhi sabbatah kinni” akko yerhxe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia