Markos 2
2
Yeesus wuli kafe tiya urusa
(Maatiyos 9:1-8; Luukas 5:17-26)
1Yeesus dago lellecik sarrah Kafarnaxuumulle gaxe gedda, carelle yanem tomobbe. 2Mango xiyaw inkidde teketteh, cari yemmeegeh, walaa carafadde cara mitine. Usuk lel Waanitta akah warroyshak yine. 3Affara xiyawti lel yooqhociinih wuli kafe tiya alle baahen. 4Mango xiyawhi sabbatah kaa agaagalle yamaatoona taanen gedda, cari-buka kaa bukaako asac-ishenyaako, faakeenih, amaa kafeti alle yine barella cari-caralle oobishen. 5Yeesus ten imaan yuble gedda, amaa kafe tiyak: “Yi barha, ku zambit koh xabbiimeh yane” akko yerhxe. 6Sercat dhiiceenitko gari amalle defeyak yininyaako, sinni afcaadodde taginah axeesebuk yinin: 7“Aymihi ta xiyawti taginah waanisham? Yallah waatimak kinni yanem! Yallaako bextih zambit xabshiishati miyatto kinni?” 8Akkanih lel Yeesus, ta gina lem sinni addadde axeesebuk yaniinim ishi ufayeh yeerhegeh: “Aymihi ta gina lem sinni afcaadodde taxeesebiinim? 9Kafe tiyak: ‘Ku zambit koh xabbiimeh yane’ yarhxiinim kee: ‘Ugutaaki, ishi barella xaf-ishsheh, aduu’ yarhxiinimko awlihim ruhuwa? 10Amaydo, Xiyawti Barhi baarholle zambit xabshiisho reeza leyam taarhagoona ciloh” yerhxek sarrah, amaa kafe tiyak: 11“Ugut, ishi barella tuttuqhuceh careh aduu kok arhxe” akko yerhxe. 12Usuk uguteyaako akkanih ishi barella yuttuqhuceh, inkoh ten nifille yewce. Usun lel amaymih cibrah rabenyaako: “Ta gina lem caduruh nubleh minaarhige” arhxuk Yalla yeynebin.
Yeesus Leewih deecima
(Maatiyos 9:9-13; Luukas 5:27-32)
13Usuk malammih igil gimamalle yewceyaako mango xiyaw adde katayenih usuk lel ten aydurusuk yine. 14Tillaabak lel Alfaayos barha kin Leewi yubleyaako, “Yi kataa” akko yerhxe. Usuk lel uguteh kaa kataye.
15Kaa katattaye mango mari yiniinimhi sabbatah, amaa caredde maaddille cikkishitak mango miiri yaskattit kee zambi-wannun Yeesus kee kaa katattaynitlih defeyeenih yinin. 16Faarisiinko kin Sercat dhiiceenit, zambi-wannun kee miiri yaskattitlih beetak yublin gedda, kaa katattaynitik: “Aymihi miiri yaskattit kee zambi-wannunlih beetam?” akko yerhxin. 17Yeesus tayim yoobbe gedda: “Xaakim farhshiisha mari laxuute mara kibah caafiyat-le mara maki. Anu zambi-wannunuh kibah xaqqi-waannunuh deecimo maki emeetem” akko yerhxe.
Siyaam essero
(Maatiyos 9:14-17; Luukas 5:33-39)
18Yohannis katattaynit kee Faarisiin asoomuk yinin. Xiyaw Yeesusulle yemeetiinih: “Aymihi Yohannis katattaynit kee Faarisiin katattaynit yasoomin, ku katattaynit laakin miyasoomiinim?” akko yerhxin. 19Yeesus lel: “Waraddi marcawwi tenlih yanem fanah yasaamoona dhiicaana? Marcawwi tenlih yanem fanah, yasaamoona mirhiicaana. 20Marcawwi tenko beyan waqhti yamaato kinni. Amayek sarrah lel yasaamoona kinon. 21Cusub gamedda zirte sareenadde yayrhibbisheti miyane, amayim lel amaa leeza zirte sareena candhishshamhi sabbatah kinni. Amaa candhiirhi mangum yaame. 22Cusub wayni lel zirte idritidde hayati miyane. Hayemko, amaa idrit fotkishsha, amaa wayni xarhitta, amaa idrit lel caynita. Cusub wayni cusub idritidde kinni gaxam” akko yerhxe.
Yeesus Sambat Maddara kinni
(Maatiyos 12:1-8; Luukas 6:1-5)
23Wuli Sambatah ilaw dhageh fantaako tillaabak, kaa katattaynit ilaw zalaala yaqhanthaboona erherhishen. 24Faarisiin lel: “Aymihi Sambatah takko ammissilinnixem abak yaniinim?” akko yerhxin. 25Usuk lel: “Dawud safriite gedda kaalih yine mara kee isheh ayim abem caduruh maqhrayinnitiini? 26Naba shekh kin Ebyaataar waqhtedde, Yallih caredde orobeh, sheekhaako bextih farhinnanti beeto masmuux akkinnexe yisiddiqhin folo beyeh beeteyaako kaalih tinemih yoxoye. 27Sambat kinni xiyawtoh ginnimtem kibah xiyawti Sambatah miginniimo. 28Amaydo, Xiyawti Barhi Sambatah gantah Maddara kinni” akko yerhxe.
ទើបបានជ្រើសរើសហើយ៖
Markos 2: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Markos 2
2
Yeesus wuli kafe tiya urusa
(Maatiyos 9:1-8; Luukas 5:17-26)
1Yeesus dago lellecik sarrah Kafarnaxuumulle gaxe gedda, carelle yanem tomobbe. 2Mango xiyaw inkidde teketteh, cari yemmeegeh, walaa carafadde cara mitine. Usuk lel Waanitta akah warroyshak yine. 3Affara xiyawti lel yooqhociinih wuli kafe tiya alle baahen. 4Mango xiyawhi sabbatah kaa agaagalle yamaatoona taanen gedda, cari-buka kaa bukaako asac-ishenyaako, faakeenih, amaa kafeti alle yine barella cari-caralle oobishen. 5Yeesus ten imaan yuble gedda, amaa kafe tiyak: “Yi barha, ku zambit koh xabbiimeh yane” akko yerhxe. 6Sercat dhiiceenitko gari amalle defeyak yininyaako, sinni afcaadodde taginah axeesebuk yinin: 7“Aymihi ta xiyawti taginah waanisham? Yallah waatimak kinni yanem! Yallaako bextih zambit xabshiishati miyatto kinni?” 8Akkanih lel Yeesus, ta gina lem sinni addadde axeesebuk yaniinim ishi ufayeh yeerhegeh: “Aymihi ta gina lem sinni afcaadodde taxeesebiinim? 9Kafe tiyak: ‘Ku zambit koh xabbiimeh yane’ yarhxiinim kee: ‘Ugutaaki, ishi barella xaf-ishsheh, aduu’ yarhxiinimko awlihim ruhuwa? 10Amaydo, Xiyawti Barhi baarholle zambit xabshiisho reeza leyam taarhagoona ciloh” yerhxek sarrah, amaa kafe tiyak: 11“Ugut, ishi barella tuttuqhuceh careh aduu kok arhxe” akko yerhxe. 12Usuk uguteyaako akkanih ishi barella yuttuqhuceh, inkoh ten nifille yewce. Usun lel amaymih cibrah rabenyaako: “Ta gina lem caduruh nubleh minaarhige” arhxuk Yalla yeynebin.
Yeesus Leewih deecima
(Maatiyos 9:9-13; Luukas 5:27-32)
13Usuk malammih igil gimamalle yewceyaako mango xiyaw adde katayenih usuk lel ten aydurusuk yine. 14Tillaabak lel Alfaayos barha kin Leewi yubleyaako, “Yi kataa” akko yerhxe. Usuk lel uguteh kaa kataye.
15Kaa katattaye mango mari yiniinimhi sabbatah, amaa caredde maaddille cikkishitak mango miiri yaskattit kee zambi-wannun Yeesus kee kaa katattaynitlih defeyeenih yinin. 16Faarisiinko kin Sercat dhiiceenit, zambi-wannun kee miiri yaskattitlih beetak yublin gedda, kaa katattaynitik: “Aymihi miiri yaskattit kee zambi-wannunlih beetam?” akko yerhxin. 17Yeesus tayim yoobbe gedda: “Xaakim farhshiisha mari laxuute mara kibah caafiyat-le mara maki. Anu zambi-wannunuh kibah xaqqi-waannunuh deecimo maki emeetem” akko yerhxe.
Siyaam essero
(Maatiyos 9:14-17; Luukas 5:33-39)
18Yohannis katattaynit kee Faarisiin asoomuk yinin. Xiyaw Yeesusulle yemeetiinih: “Aymihi Yohannis katattaynit kee Faarisiin katattaynit yasoomin, ku katattaynit laakin miyasoomiinim?” akko yerhxin. 19Yeesus lel: “Waraddi marcawwi tenlih yanem fanah yasaamoona dhiicaana? Marcawwi tenlih yanem fanah, yasaamoona mirhiicaana. 20Marcawwi tenko beyan waqhti yamaato kinni. Amayek sarrah lel yasaamoona kinon. 21Cusub gamedda zirte sareenadde yayrhibbisheti miyane, amayim lel amaa leeza zirte sareena candhishshamhi sabbatah kinni. Amaa candhiirhi mangum yaame. 22Cusub wayni lel zirte idritidde hayati miyane. Hayemko, amaa idrit fotkishsha, amaa wayni xarhitta, amaa idrit lel caynita. Cusub wayni cusub idritidde kinni gaxam” akko yerhxe.
Yeesus Sambat Maddara kinni
(Maatiyos 12:1-8; Luukas 6:1-5)
23Wuli Sambatah ilaw dhageh fantaako tillaabak, kaa katattaynit ilaw zalaala yaqhanthaboona erherhishen. 24Faarisiin lel: “Aymihi Sambatah takko ammissilinnixem abak yaniinim?” akko yerhxin. 25Usuk lel: “Dawud safriite gedda kaalih yine mara kee isheh ayim abem caduruh maqhrayinnitiini? 26Naba shekh kin Ebyaataar waqhtedde, Yallih caredde orobeh, sheekhaako bextih farhinnanti beeto masmuux akkinnexe yisiddiqhin folo beyeh beeteyaako kaalih tinemih yoxoye. 27Sambat kinni xiyawtoh ginnimtem kibah xiyawti Sambatah miginniimo. 28Amaydo, Xiyawti Barhi Sambatah gantah Maddara kinni” akko yerhxe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia