ག་ལ་ཏི། 1
1
1ཨོ་ཐ་ཡི་གུ་ཁེ་པ་ སྐུ་ཚབ་པ་ཝལ་གེ་གི༌ལ། ཇང་ཤོ་ སོ་ངོ་བ་དང་ སོ་ངོ་ག་དབང་ཚད་ག་ ཐུང་ཀེ་ཨ་ཉི་ སི་ཉི་ཀེ་བ་མང་གི། དག་པ་ཀབ་ཉི་ ཇང་ཁེ་པ་ ཡི་ཤུ་ཁིརིས་དང་ ཡི་ཤུ་གཤགས་པ་གེ་ ལོག་ཉི་བཞེངས་ཁཱན་ ཡབ་དཀོན་མཆོག་གི་ སི་ཉི་ཀེ་བ་གི༌ལ།
2ཉི་ཇང་ཀབ་ཉི་ཆོ་ཁཱན་ ཡུང་ཟི་ ཐམས་ཅན་གི་ ག་ལ་ཏི་ཡ་ག་ཆོ་ཁཱན་ ཆོས་ཚོགས་བ་ཀ་ཏཱན་ སྐུ་གཟུགས་བཟང་པོ་དག་ཉི་ ཞུན༌ཅ།
3ཨ་ཧ་ཡབ་དཀོན་མཆོག་དང་ གཙོ་བོ་ཡི་ཤུ་ཁིརིས་གི་ ན་ཧ་ཐུགས་རྗེ་དང་ སྐྱིད་པུ་གནང་ཆེན། 4ཨ་ཧ་བ་ ཨོ་ཐ་ངན་པ་ འཛམ་གླིང་གེ་ ཚེ་ཐར་གནང་མེ་དེན་གེ་ ཨ་ཧ་ཡབ་དཀོན་མཆོག་ག་ ཐུགས་བཞེད་དང་ཏུ་ཉི་ ཡི་ཤུ་ རོག་ཏེན་གི་ ཨ་ཧ་སྡིག་པ་དེན་གེ་ མཆོད་པ་ཕུལ་ཉི་གནང༌མ། 5དུས་ཏ་བུ་ག་དེན་གེ་ དཀོན་མཆོག་ག་ བསྟོད་པ་ཕུལ༌ཤོ། ཨ་མེན༎
འཐེན་ལེག་པུ་ ཐུར་ཤ༌ཅ།
6ཇང་ན་ཧ་གོད་ཉི་ གནམ་མེད་ས་མེད་ ཡིད་ཆི་ཝ༌ཅ། ཧང་ཡ་དག་ནེ་ལ་ ཁིརིས་ག་ཐུགས་རྗེ་ག་ ཐུང་ཀེ་ཨ་ཉི་ ན་ཧ་བ་ ར་ཉི་གནང་ཁཱན་ཁེ་པ་ དོ་ཟོ་རང་ཐུབ་ཐཱན་ཐཱན་ ན་ཤི་བཱརའ་འཐེན་ལེག་པུ་ག་ ཆ་གནས་ཐ་ན། 7དག་པ་ཀབ་ཉི་ བཱརའ་འཐེན་ལེག་པུ་ཤོ་ ཆོ་ལུ་རང་མཱན༌ཅ། སོ་ངོ་ཚེ་བང་གི་ ན་ཧ་བ་ཏེན་ཏེན་རང་ ཧང་རང་ཨ་ལེ་ མ་སེ་ཝ་ཅོད་ཉི་ ཁིརིས་ག་ འཐེན་ལེག་པུ་ཁེ་པ་ འགྱུར་ཉི་གེམ༌ལ།
8དག་པ་ཀབ་ཉི་ ཨ་ཤི་རང་གི་ནེ་བུ་ ཉི་ཞིང་ཁམས་ག་འཐེན་པ་གི་རང་གི་ནེ་བུ་ ཨ་ཤི་ ན་ཧ་བཤད་ཁཱན་གེ་ སོ་སུ་ཨ་ཉི་ འཐེན་ལེག་པུ་བཤད་ནེ་ལ་ ཨོ་ཉ་སོ་ངོ་ཁེ་པ་ ཚེ་མ་འགྱུར་བརྟན་པ་ག་དེན་གེ་ ཁྲིམས་ཉོང་ཅེན། 9ཇི་གི་ ཨོམ་ཆང་རང་ ལོག་ཉི་ཡེག་ཅ་ ན་ཤི་ཞུ་ཁཱན་ འཐེན་ལེག་པུ་གེ་ སོ་སུ་ཨ་ཉི་ ཨི་བི་གི་ འཐེན་ལེག་པུ་ བཤད་པ་ཐུར་ ཨོ་ཉ་སོ་ངོ་ཁེ་པ་ དུས་ཏ་བུ་ག་དེན་གེ་ ཁྲིམས་ཉོང་ཅེན།
10ཧང་ ཇི་གི་ སོ་ངོ་ཤོ་ནང་ཕེ་ཝ་ ཅོད་པེ་གོད་ལ་སྨོ། དཀོན་མཆོག་ཐུགས་བཞེས་ཝ་ ཅོད་པེ་གོད་ལ་ཡ། ཉི་ཇི་གི་ སོ་ངོ་ཤོ་ནང་ཕེ་ཝ་ ཅོད་པེ་གོད་ནེ་ལ་ ཇང་ཁིརིས་ག་གཡོག་པ་ མ་རི་ཝ་ཨོ༌ཕེ༎
དཀོན་མཆོག་གི་ པ་ཝལ་ར་ཉི་གནང་མ༌ལ།
11ཇ་ག་ཡུང་ཟི་བ་ ཇི་གི་ན་ཧ་ཡེག་ཅ་ ཇི་གི་ ན་ཧ་ཏཱན་བཤད་ཁཱན་ འཐེན་ལེག་པུ་ཤོ་ སོ་ངོ་གི་ཅོད་པ་ག་ འཐེན་ལེག་པུ་མང་གི། 12ཨོ་ཉ་འཐེན་ལེག་པུ་ཁེ་པ་ ཇི་གི་སོ་ངོ་གེ་ཉོང་པ་མང་གི་ ཉི་སོ་ངོ་ཐུར་གི་རང་ ཇ་ག་ཡེན་ག་ཝ་བུ་མཱན༌ཅ། དག་པ་ཀབ་ཉི་ ཨོ་ཉ་འཐེན་ལེག་པུ་ཁེ་པ་ ཡི་ཤུ་ཁིརིས་ རོག་ཏེན་གི་རང་ ཇ་ག་ཏཱན་ གེ་ཉི་གནང་མ་གི༌ལ།
13གོ་མ་ ཇང་ཡ་ཧུ་དི་པ་ག་ཆོས་ཨ་ཉི་ ཆོ་ལེ་གང་ཀ་ ཧང་ད་བུ་ཆོ་ཝ་གི་ལ་སྨོ་ ན་ཤི་ན་ཐ་ཝ༌ཅ། ཇི་གི་དཀོན་མཆོག་ག་ ཆོས་ཚོགས་ག་ གནམ་མེད་ས་མེད་ མ་ལེག་པ་ཨ༌ཝ། ཇི་གི་ རོག་ཏེ་བ་ མ་ཝ་ཅོད་པེ་ག་ མིག་པ་ཕི་ཝ་ཆོ༌ཝ། 14ཇ་ག་གང་ཀ་ཆོ་ཁཱན་ སོ་ངོ་བ་ཀེ་ ཇང་དྲག་པ་ཨ་ཉི་ ཇི་གི་ཡ་ཧུ་དི་པ་ག་ཆོས་ ཨན་ཆོ༌ཝ། ཉི་ཇ་ག་ཕ་མ་བ་ཀ་ ལུགས་སྲོལ་དང་ཏུ་ཉི་ ཨ་ལེ་དེན་གེ་ ཇི་གི་གནམ་མེད་ས་མེད་ ཙ་དྲེག༌པ།
15དག་པ་ཀབ་ཉི་ དཀོན་མཆོག་གི་ ཐུགས་རྗེ་གཟིགས་ཉི་ ཇང་ཨ་མ་ག་ངེ་ཀ་ ཆོ་ལེ་གང་ཀེ་རང་ རོ་ཀ་ཕྱག་ཞུ་ལེ་དེན་གེ་ སི་ཝ་ཆོ༌ཝ། ཉི་རོ་ཀ་ཐུགས་དང་ཏུ་ཉི་ 16ཇི་གི་ རོ་ཀ་ཀོར་གེ་ ཡ་ཧུ་དི་པ་མང་གི་ཁཱན་བ་ཀ་ འཐེན་ལེག་པུ་བཤད་ཅེན་དག་པ་གི་ རོ་ཀི་ ཇ་ག་ཏཱན་ རོ་ཀ་སྲས་ག་ མཇལ་ཁ་གནང༌མ།
ཉི་ཨུ་ཐུ་ད་བུ་ ཇུང་དེན་གེ་ ཇི་གི་སོ་ངོ་གེ་ ཏུན་ཆ་མ་ལམ་ཤི། 17ཉི་ཇང་གེ་ གོ་མ་ཆོ་ཁཱན་ སྐུ་ཚབ་ཀབ་ཉི་ ཏུན་ཆ་ཨ་ལེ་དེན་གེ་ ཡ་རུ་ཤ་ལེམ་ག་ཏཱན་བུ་ མ་དིན་ཤི། དག་པ་ཀབ་ཉི་ ཨོ་ཉ་ཐྲེ་ཀེ་རང་ ཇང་ཨ་ར་བི་ཡ་ག་ཏཱན་ དིན་ཐཱན་ ཨོ་ཉ་ཚི་ངེ་ ད་མཱས་ཀཱས་ག་ཏཱན་ལོག༌པ།
18ཉིང་སམ་ག་ཚི་ངེ་ ཇང་ཡ་རུ་ཤ་ལེམ་ག་ དིན་ཐཱན་ པ་ཏྲུས་གེ་ལབ་ཉི ངམ་བི་ནང་སོང་ལྔ་ཆོ༌ཝ། 19ཉི་ཇ་ག་ གཙོ་བོ་ག་བོ་ཉིང་ ཡ་ཀུབ་ཤ་མ་ཏོག་པ་ བཱརའ་སྐུ་ཚབ་ ཨི་བི་རང་མ་མཇལ་ཤི། 20ཇི་གི་ ན་ཧ་ཏཱན་ འབྲི་ཁཱན་ཁེ་པ་ དེན་པ་གི༌ལ། ཉི་ཇི་གི་ སོ་ད་ཕིན་ཅ་མང་གི་ཨ་ཉི་ དཀོན་མཆོག་གི་བུ་མཁྱེན༌མེ།
21ཉི་ཨོ་ཉ་ཚི་ངེ་ ཇང་སི་རི་ཡ་དང་ ཀི་ལི་ཀི་ཡ་ག་ཏཱན་དི༌ཝ། 22ཨུ་ཉུ་གང་ཀ་ ཡ་ཧུ་དི་ཡ་ག་ ཆོས་ཚོགས་བ་ཀ་ སོ་ངོ་བ་ཀི་ ཇང་རུམ་ཉི་ མ་ཉོང་པ་ཆོ༌ཝ། 23གོ་མ་ ཨ་ཧ་གནམ་མེད་ས་མེད་ མ་ལེག་པ་ཨ་ཉི་ དད་པ་མ་ཝ་ཅོད་པེ་ག་ མིག་པ་ཕི་ཁཱན་ སོ་ངོ་གི་ ཨོ་ཉ་དད་པ་ག་ཀོར་གེ་ བཤད་ལ་དག་ཉི་ རོག་ཏེ་བ་ཀི་ ན་ཐ་ཝ་ཤ་ཆོ༌ཝ། 24ཇ་ག་ཡོར་ཀེ་ རོག་ཏེ་བ་ཀི་ དཀོན་མཆོག་ག་ བསྟོད་པ་ཕུལ༌བ༎
ទើបបានជ្រើសរើសហើយ៖
ག་ལ་ཏི། 1: TNTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tshangla New Testament
© 2023, The Bible Society of India
all rights reserved