གཉིད་པ་ཀོ་རིན་ཐི། 8
8
བི་ལེ་ཁེ༌ལེ།
1ཉི་ཨོམ་ ཡུང་ཟི་བ་ དཀོན་མཆོག་གི་ བྱམས་པར་ག་ཐུང་ཀེ་ཨ་ཉི་ མ་ཀེ་དོ་ནི་ཡ་ ཆོས་ཚོགས་བ་ཀ་ཏཱན་ ཧང་མཛད་ཉི་གནང་མ་གི་ལ་སྨོ་ ཨོ་ཉ་ཀོར་གེ་ ཇི་གི་ན་ཧ་ཡེག༌པེ། 2རོག་ཏེ་བ་ གནམ་མེད་ས་མེད་ ནང་དོག་ཉི་ བར་ཆད་དག་པཱན་ཨོ་ཕ། ཨོ་ཉེ་རང་གི་ནེ་བུ་ རོག་ཏེ་བ་ གནམ་མེད་ས་མེད་ ཤོ་ནང་ཕེ་ཝ་ཨ་དེན་གེ་ རོག་ཏེ་བ་ གནམ་མེད་ས་མེད་ དུག་པུ་ཆོ་ནེ་བུ་ བི་ལེ་ག་ཤེག་པ་ གནམ་མེད་ས་མེད་ བེ་དིང་རི༌ཝ།
3ཇི་གི་འཛོམས་དཔང་ཨ་ཉི་ ཡེག་པེ་ རོག་ཏེ་བ་ཀི་ ཨ་ལེ་རེ་ཁཱན་ཤ་ ཨ་ཝ་མང་གི་ཝ་ ཨོ་ཉ་གེ་ལག་ཉི་བུ་ཨ༌ཝ། ཉི་ཨུ་ཉུ་ད་བུ་ རོག་ཏེ་བ་ཀི་ རོག་ཏེ་བ་ཀ་ སེམས་དང་ཏུ་ཉི་ ཨ་ཝ་གི༌ལ། 4ཉི་ཡ་རུ་ཤ་ལེམ་ག་ཆོ་ཁཱན་ ཡི་ཤུ་པ་བ་ཀ་ རུམ་པེ་ག་གོ་སྐབས་ རོག་ཏེ་བ་ཀ་བུ་ གནང་ཤོ་དག་ཉི་ རོག་ཏེ་བ་ཀི་ ཨ་ཧ་ཏཱན་ ལོག་ཉི་ལོག་ཉི་རང་ ཞུན་ཆོ༌ཝ། 5ཨ་ཤི་རེ་ཆ་ཨ་ཝ་གེ་ལག་ཉི་ རོག་ཏེ་བ་ཀི་ཨ༌ཝ། གོ་མ་རང་ རོག་ཏེ་བ་ཀི་ རོག་ཏེ་བ་ དཀོན་མཆོག་ག་ཏཱན་ཕུལ༌བ། ཉི་གེ་ དཀོན་མཆོག་ག་ ཐུགས་བཞེད་དང་ཏུ་ཉི་ རོག་ཏེ་བ་ཀི་ རོག་ཏེ་བ་ ཨ་ཧ་དེན་གེ་ག༌ཝ།
6ཨོ་ཉི་ཨ་དེན་གེ་ ཨ་ཤི་ ཏི་ཏཱས་ག་ཡེག་ཅ་ རོག་ཤོ་ ཨོ་ཐ་ལའི་གོ་ཙུག་ཁཱན་ གི་ཝ་ཨ་དེན་གེ་ ལོག་ཉི་རང་ ན་ཧ་བཱརང་ཀ་དིན་ཐཱན་ ཨོ་ཐ་སྙིང་རྗེ་ག་ལའི་ཨ་ཉི་ ཆུ་མེ་དེན་གེ་ ན་ཧ་ཇ་རོ་ཨའི་དག༌ཉི། 7ན་ཧ་བ་ མང་པུ་ཐུར་ག་ གནམ་མེད་ས་མེད་རང་ ལེག་པུ༌ལ། ན་ཧ་དད་པ་ཆི་ལུ༌ལ། ཆཱས་ཨ་ལེ་ག་ལེག་པུ༌ལ། ཡོན་ཏན༌ལ། གོ་ཆོད་པུ༌ལ། ཉི་ཨ་ཧ་དེན་གེ་ སྙིང་རྗེ༌ལ། ཉི་ཨོམ་ བི་ལེ་ག་ལའི་ག་བུ་ གནམ་མེད་ས་མེད་ ལེག་པུ་རི་དག་ཉི་ ཇི་གི་ན་ཧ་ཡེག༌ཅ།
8བཱརའ་ཆོས་ཚོགས་བ་ཀི་ ཨོ་ཉེན་ཨ་ལེ་ག་སེམས་ ཨན་ཐཱན་རང་གི་ནེ་བུ་ ཇི་གི་ན་ཧ་ ཨ་ལེ་ཁེ་ལེ་དག་ཉི་ ཡེག་ཅ་མང་གི། དག་པ་ཀབ་ཉི་ ཨོ་ཐེན་ཨ་ཉི་ ན་ཤི་ ན་ཧ་སྙིང་རྗེ་ཁེ་པ་ དེན་པ་གི་ལ་དག་ཉི་ ཁུངས་ཀེ་བེ་རེ༌བེ།
9ཧང་ཡ་དག་ནེ་ལ་ ཨ་ཧ་གཙོ་བོ་ཡི་ཤུ་ཁིརིས་ག་ ཐུགས་རྗེ་ཁེ་པ་ ན་ཤི་སེན༌ཅ། རོག་དུག་པུ་རི་ཝ་ཨ་དེན་གེ་ ན་ཧ་བ་ བེ་དིང་རིན་ཆེན་དག་པ་གི་ རོག་བེ་དིང་ཆོན་ཐཱན་རང་གི་ནེ་བུ་ ན་ཧ་ཡོར་ཀེ་ རོག་དུག་པུ་རི༌ཝ།
10ཇ་ག་སེམས་ཀི་ཨ་ནེ་ལ་ ན་ཤི་ཡང་ཐེན་ གོ་ཙུག་ཁཱན་ཁེ་པ་ འགྲུབ་ཕ་ཨ་ཉི་རང་ ཕི་ཝ་དྲག༌པེ། ཨུ་ཉུ་ད་བུ་ཨ་ཁཱན་ཁེ་པ་ ནའི་གི༌ལ། ཉི་ཨུ་ཉུ་ད་བུ་ ཨ་ལེ་ག་སེམས་ཨ་ཁཱན་བུ་ ནའི་རང་གི༌ལ། 11གོ་ཙུག་པེ་གང་ཀ་ གནམ་མེད་ས་མེད་ སེམས་ཤོ་ཉི་ ཨ་ཝ་པུརུས་ཀིན་ཨ་ཉི་ ཨོམ་ ཨོ་ཉ་ལའི་ཁེ་པ་ འགྲུབ་ཕ་ཨ་ཉི་རང་ ཨ་ལེ་ཁེ༌ལེ། ཉི་ན་ཧ་ ཧང་ཆོ་ཝ་ཐུར་ ན་ཤི་བི་ལེ་གོད༌ཅོ། 12ཉི་ན་ཤི་བི་ལེ་ག་ སེམས་ཨ་ནེ་ལ་ ཧབ་ཏུར་བིན་ཅ་སྨོ་ ཨུ་ཉུ་ཤོ་ ཁག་ཆི་ལུ་མང་གི། ན་ཧ་མ་ཁཱན་མང་གི་ཝ་ ན་ཧ་ཆོ་ཁཱན་ཁེ་པ་ ན་ཤི་བིན་ཆེན་དག་ཉི་ དཀོན་མཆོག་ག་ ཐུགས་བཞེད༌ཅ། 13ཉི་ན་ཤི་ བཱརའ་ག་རུམ་ཅ་ཨ་ཉི་ བཱརའ་སོ་ངོ་བ་ཤོ་ ཕཱན་ཏོག་ཅེན་ དག་པ་ཀབ་ཉི་ ན་ཧ་བ་ཤོ་ ནང་དོག་ཅེན་དག་ཉི་ ཨ་ཤི་མིན་ཅ་མང་གི། 14དག་པ་ཀབ་ཉི་ ཤོ་ཉམ་ཏོག་ཏོ་ རི་ལེ་དེན་གེ་ ཨོ་མ་ ན་ཧ་བ་ཀབ་ཉི་ ཇོབ་ཇོབ་ཆོ་ཁཱན་ཁེ་པ་ རོག་ཏེ་མ་ཁཱན་བ་ཀབ་ཉི་ བོང་མེ་ཁེ༌ལེ། ཉི་རོག་ཏེ་བ་ཀབ་ཉི་ ཇོབ་ཇོབ་ཆོ་ལེ་གང་ཀ་ ནའི་མ་ལ་ཀབ་ཉི་ རོག་ཏེ་བ་ཀི་ ན་ཧ་བ་ཀབ་ཉི་བུ་བོང༌མེ། ཨོ་ཐེན་ཨ་ཉི་ ཐམས་ཅན་རང་ ཤོ་ཉམ་ཏོག་ཏོག་ཆོ་ཝ་རི༌ལེ། 15གསུང་རབ་གེ་བུ་ ཨོ་ཐེན་ཤོན་ཅ་
མང་པུ་དུས་ཁཱན་ཀབ་ཉི་ ཤུག་རང་ཏ་ མང་པུ་མཱན༌ཅ། ཉི་ཉུང་པུ་དུས་ཁཱན་ཀབ་ཉི་བུ་ ཤུག་རང་ཏ་ ཉུང་པུ་མཱན་ཅ་#8:15 ཤོན་དི་ཝ་ག་དཔེ་ཆ་ 16:18 དག༌ཉི༎
ཏི་ཏཱས་དང་ རོ་ཀ་ཇ་རོ༌བ།
16དག་པ་ཀབ་ཉི་ ཇི་གི་ན་ཧ་དེན་གེ་ ལེག་པུ་མི་ཝ་པུརུས་ཀིན་ཨ་ཉི་ ཏི་ཏཱས་གི་བུ་ ན་ཧ་དེན་གེ་ ལེག་པུ་མི་ཝ་ཅོད་ཉི་ གནང་མ་ཨ་དེན་གེ་ ཇི་གི་དཀོན་མཆོག་ག་ བཀའ་དྲིན་བསམ༌ཅ། 17ཨ་ཤི་རོ་ཀ་ ལོག་ཉི་རང་ ན་ཧ་ཆོ་ས་ག་ ཤོ་ཉི་གོད་པེ་དི་དག་ཉི་ ཡེག་ཁཱན་ག་ ཆ་ཐ༌ཝ། ཉི་ཨུ་ཉུ་མ་ཚཱད་པ་ རོག་རོག་ཏེན་གི་བུ་ ན་ཧ་བ་ རུ་མེ་དི་ལེ་ག་སེམས་ཨན་ཆོ༌ཝ། 18ཨ་ཤི་ ཏི་ཏཱས་ཀབ་ཉི་ བཱརའ་ཀོ་ཏ་ཐུར་བུ་ ཀུན་ཏིན༌ཅ། ཉི་འཐེན་ལེག་པུ་བཤད་ཁཱན་གི་ལ་དག་ཉི་ ཆོས་ཚོགས་ཐམས་ཅན་གི་ རོ་ཀ་བསྟོད་པ་ཕིན༌ཅ། 19ཨུ་ཉུ་མ་ཚཱད་པ་ ཨའི་ཀབ་ཉི་སྙན་དར་བུ་ཉི་ ཡ་རུ་ཤ་ལེམ་ག་ཏཱན་ དི་ལེ་དེན་གེ་ ཆོས་ཚོགས་བ་ཀི་ རོག་སི་ཝ་གི༌ལ། ཨོ་ཐ་སྙིང་རྗེ་ག་ལའི་ ཨ་ལ་ཀབ་ཉི་ གཙོ་བོ་ག་མཚན་ གཟི་བརྗིད་ཅན་རིན༌ཅ། ཉི་ཨ་ཤི་ རུམ་པེ་ག་སེམས་ ཨ་ན་དག་ཉི་བུ་གེན༌ཅ།
20སོ་ངོ་བ་ཀི་ རུམ་པེ་དེན་གེ་ གནམ་མེད་ས་མེད་ སེམས་ཤོ་ཉི་ཕུལ་ཁཱན་ སྙན་དར་ཁེ་པ་ ཨ་ཤི་བདག་འཛིན་ཨན་ཅ་ཨ་ཉི་ ཨ་ཤི་ཟཱད་པ་དག་ཉི་ ཁ་ཏང་མེ་མར་ཆེན་དག་པ་གི་ ཨའི་གནམ་མེད་ས་མེད་ རིག་པ་སྒྲིམ་པ༌ཅ། 21གཙོ་བོ་ག་སྤྱན་ག་ཤ་ གུས་ཞབས་ཉོང་པེ་གོད་ཅ་ མང་གི་ཝ་ སོ་ངོ་བ་ཀ་གུབ་ཀ་བུ་ གུས་ཞབས་ཉོང་པེ་རེ་བ་ཨ་ཉི་ ཨ་ལེ་ག་ ཨ་ཤི་ཙ་དྲེག༌ཅ།
22ཨོ་ཉི་ཨ་དེན་གེ་ ཨ་ཤི་ རོག་ཏེ་བ་ཀབ་ཉི་ ཨ་ཧ་ཀོ་ཏ་བུ་ཀུན་ཏིན༌ཅ། ཨ་ཤི་ རོག་ཤེབ་མང་པུ་ཐུར་ གནམ་མེད་ས་མེད་ ཙ་དྲེག་ཉི་ རྒྱུགས་ལ་ཉི་ གོད་པ་ཀབ་ཉི་ རོག་ཤོ་ ཧ་ལ་ཨ་ནེ་བུ་རུམ་པེ་ག་ གནམ་མེད་ས་མེད་ སེམས་ཨ་ཁཱན་ གི་ཝ་ག་ཐོང༌མ། ཉི་ཨོམ་ཏ་ ན་ཧ་ཐུང་ཀ་ མང་པུ་ཨ་ཉི་ ལོ་ཏེན་མེ་རེ་བ་ཨ་དེན་གེ་ རོ་ཀི་རུམ་པེ་ག་སེམས་ ཨོ་ཉ་གེ་ལག་ཉི་ ཨ་ཝ་རི་ཝ༌ཅ། 23ཏི་ཏཱས་ག་ཤེག་པ་ རོག་ཤོ་ ཇང་ཀབ་ཉི་ལའི་གེམ་ཐུར་ག་ ལའི་ཨ་ཁཱན་གི༌ལ། ཉི་ན་ཧ་རུམ་པེ་དེན་གེ་ ཇང་ཀབ་ཉི་ལའི་ཨན༌ཅ། ཉི་བཱརའ་ཀོ་ཏ་བ་ཤོ་ ཆོས་ཚོགས་ག་ སྐུ་ཚབ་བ་དང་ ཁིརིས་ག་ གཟི་བརྗིད་ཕུལ་ཁཱན་ སོ་ངོ་བ་གི༌ལ། 24ཨོ་ཉི་ཨ་དེན་གེ་ ན་ཤི་རོག་ཏེ་བ་ཀ་ ན་ཧ་སྙིང་རྗེ་གེན༌ཤོ། ཉི་ཨ་ཤི་ ན་ཧ་དེན་གེ་ ངལ་རངས་ཁཱན་ཁེ་པ་ དེན་པ་གི་ལ་དག་ཉི་ ན་ཤི་བཱརའ་ཆོས་ཚོགས་བ་ཀ་ཏཱན་ ཁུངས་ཀེ༌ཤོ༎
ទើបបានជ្រើសរើសហើយ៖
གཉིད་པ་ཀོ་རིན་ཐི། 8: TNTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tshangla New Testament
© 2023, The Bible Society of India
all rights reserved