གཉིད་པ་ཀོ་རིན་ཐི། 12
12
པ་ཝལ་ག་མཇལ༌ཁ་དང་ ཤ་ནང༌ཀ་ཟུ།
1ཁེབ་སང་ཧང་རང་ མ་ཤོན་ཐཱན་རང་གི་ནེ་བུ་ ཇི་གི་ཁམ་ཙོང༌མེ། དག་པ་ཀབ་ཉི་ གཙོ་བོ་གི་ ཇ་ག་གེན་ཉི་གནང་ཁཱན་ མོང་ཤི་དང་ མཇལ་ཁ་ག་ཀོར་གེ་ ཇི་གི་ཡེག༌པེ། 2ཉིང་སོང་ཕིཤི་གེ་གོ་མ་ ཁིརིས་ག་ དད་པ་ཨ་ཁཱན་ སོ་ངོ་ཐུར་ ཞིང་ཁམས་གསུམ་པ་སག་པུ་ག་ བུ་ཝ་ག་ཇི་གི་སེན༌ཅ། 3ཉི་ཨོ་ཐ་སོ་ངོ་ མཐོ་རིས་ག་བུ་ཝ་དག་ཉི་ ཇི་གི་སེ༌ལེ། ཉི་རོག་ཁེ་པ་ ལུས་པུ་ག་བུ་ཝ་གི་ལ་སྨོ་ ཡང་ན་ལ་ རྣམ་ཤེས་ག་བུ་ཝ་གི་ལ་སྨོ་ ཇི་གི་མ་སེ༌ལ། དཀོན་མཆོག་གི་ཤ་ མཁྱེན༌མེ། 4ཉི་ཡེག་པེ་མར་ཁཱན་དང་ སོ་ངོ་གི་ ཆཱས་ཨ་ལེ་མ་ཆོག་ཁཱན་བ་ རོ་ཀི་མཐོ་རིས་ག་ན་ཐ༌ཝ།
5ཇི་གི་ཨུ་ཉུ་ད་བུ་ སོ་ངོ་ག་ཀོར་གེ་ ཁམ་ཙོང༌མེ། དག་པ་ཀབ་ཉི་ ཇང་ཏེན་ག་ཀོར་གེ་གི་ནེ་ལ་ ཇང་དོ་རི་རི་མ་ཝ་ཅ་དག་ཉི་ གེན་ཁཱན་ཆཱས་ག་མ་ཏོག་པ་ བཱརའ་ཧང་ག་ཀོར་གེ་རང་ ཁམ་མ་ཙོང༌མ། 6ཇི་གི་ཁམ་ཙོང་མེ་གི་ནེ་ཏ་ ཁམ་ཙོང་མེ་ག་ ཆཱས་མང་པུ་ཐུར༌ཅ། ཉི་ཇང་ཡོང་བ་མ་རི༌ལ། ཧང་ཡ་དག་ནེ་ལ་ ཇི་གི་ཆཱས་དེན་པ་ཡེག་པེ་གི༌ལ། དག་པ་ཀབ་ཉི་ ཇི་གི་ཁམ་མ་ཙོང༌མ། ཧང་ཡ་དག་ནེ་ལ་ ཇི་གི་ཨ་ཁཱན་དང་ ཡེག་ཁཱན་ཁེ་པ་ ན་ཤི་ངོ་མ་ཨ་ཉི་ ཐོང་མ་གེ་ལག་ཉི་ ན་ཤི་ཇ་ག་ཀོར་གེ་ མི་ལེ་བི་ལེ་ག་སེམས་ ཇ་ག་སེམས་མཱན༌ཅ། 7དཀོན་མཆོག་གི་ ཇ་ག་མཇལ་ཁ་ གནང་ཐཱན་རང་གི་ནེ་བུ་ ཇི་གི་ཁམ་མ་ཙོང་ཆེན་དག་པ་གི་ ཇ་ག་ཤ་ག་ནང་ཀ་ ཟུ་ཐུར་ཙུག་ཉི་གནང་མ༌ཅ། ཉི་ཇི་གི་ ཁམ་མ་ཙོང་ཆེན་དག་པ་གི་ སེ་ཏཱན་ག་འཐེན་ཕ་ཁཱན་གི་ ཇང་ནང་དོག་པེ་ག་ཝ༌ཅ།
8ཨོ་ཐ་ཀོར་གེ་ ཇི་གི་ཤེབ་སམ་ སྨོན་ལམ་ཏབ་ཉི་ གཙོ་བོ་ག་ ཨོ་ཉ་ཟུ་བསྣམས་ཅོ་དག་ཉི་ཞུ༌ཝ། 9དག་པ་ཀབ་ཉི་ གཙོ་བོ་གི་ལན་གནང་ཉི་ གསུངས་ཆོ་ཝ་ ཇ་ག་ཐུགས་རྗེ་ཤོ་ ན་ག་དེན་གེ་ཇོབ་ཇོབ༌ཅ། ཉི་ནཱན་དོ་རི་རི་ མ་ལཱན་ཆོ་ལ་ཀབ་ཉི་ ཇ་ག་སྟོབས་དབང་གི་ ལའི་ཆི་ལུ་ཨན་ཅ་དག༌ཉི། ཨོ་ཉི་ཨ་དེན་གེ་ ཁིརིས་ག་སྟོབས་དབང་ ཇ་ག་ཐུང་ཀ་ ཆག་ཅེན་དག་པ་གི་ ཇང་དོ་རི་རི་མཱན་ཅ་དག་ཉི་ གེན་ཁཱན་ག་ཀོར་གེ་ ཇི་གི་ལག་ཏང་ ཁམ་ཙོང༌མེ། 10ཁིརིས་ག་ཡོར་ཀེ་གི་ལ་དག་ཉི་ ཇི་གི་སེ་ཝ་ཨ་དེན་གེ་ ཇང་དོ་རི་རི་མ་ནེ་བུ་ ཇ་ག་མེམ་ཅོར་ནེ་བུ་ ནང་དོག་ནེ་བུ་ ཀ་ལུ་ཏཱད་ནེ་བུ་ ཉི་དཀའ་ཝ་ཅཱད་ནེ་བུ་ ཇང་ཤོ་ནང་ཕེ་ཉི་ཆོན༌ཅ། ཧང་ཡ་དག་ནེ་ལ་ ཇང་དོ་རི་རི་མ་ལ་ཀབ་ཉི་ ཇང་ཤུག་ཅཱན་རིན༌ཅ༎
ཀོ་རིན་ཐི་ག་ཆོས༌ཚོགས༌ག་དེན༌གེ་ པ༌ཝལ་ཚ༌གྱང་ཨ༌ཝ༌ལ།
11ཨུ་ཐུ་ད་བུ་ ཁམ་ཙོང་ཉི་ ཇང་ཡོང་བ་རི་ཝ༌ཅ། དག་པ་ཀབ་ཉི་ ན་ཤི་ཇང་ ཡོང་བ་རི་ལེ་ག་ཝ་གི༌ལ། ཇང་ཏ་ ཧང་རང་མང་གིན་ཐཱན་རང་གི་ནེ་བུ་ ཨོ་ཉ་སྐུ་ཚབ་ཆི་ལུ་བ་ཀེ་ ཟེ་མུ་མང་གི་ཝ་ཨ་དེན་གེ་ ན་ཤི་ཇ་ག་ཀོར་གེ་ ལེག་པུ་ཡེག་པེ་ཁེ་ཝ་ཐུར་གི༌ལ། 12ཇང་ན་ཧ་བ་ཀབ་ཉི་ ཆོ་ལེ་གང་ཀ་ བཟོད་པར་སྒོམ་ཉི་ རྫུ་འཕྲུལ་དང་ ཡིད་ཆི་ཝ་ག་ལའི་ མང་པུ་ཐུར་ ན་ཧ་པོང་ཀ་ཨ་ཉི་ ཇང་ཤོ་ དཀོན་མཆོག་གི་ ན་ཧ་བཱརང་ཀ་ ཀུན་ཏི་ཁཱན་སྐུ་ཚབ་ ངོ་མ་གི་ལ་དག་ཉི་ ཇི་གི་ན་ཧ་ཏཱན་ ཏེན་ཏེན་ཨ་ཉི་ ཁུངས་ཀེ་བ༌ཅ། 13ཇི་གི་ན་ཧ་ རོང་མ་ཀེ་བ་མ་ཏོག་པ་ བཱརའ་ཆོས་ཚོགས་བ་ཀབ་ཉི་ རེ་བ་ཀབ་ཉི་ ན་ཧ་ཤོ་ ཧང་མ་ལེག་པ་ཨ་ཝ་ཅ་ཡ། ཇི་གི་ན་ཧ་ རོང་མ་ཀེ་བ་ཨ་དེན་གེ་ ཇི་གི་ ཨོ་ཉ་ལའི་ངཱད་ཁཱན་ ན་ཤི་ཇང་བཀའ་དྲིན་བསྐྱང་གནང༌ཤོ།
14ཨུ་ཐུ་ཨ་ལ་ཀབ་ཉི་ ཇང་ན་ཧ་བཱརང་ཀ་ ཨོ་ཕེ་ག་གྲ་སྒྲིག་རི་ཉི་ ཤེབ་སམ་དིན༌ཅ། ཉི་ཇི་གི་ ན་ཧ་རོང་མ་ཀེ༌བ། ཧང་ཡ་དག་ནེ་ལ་ ཇང་ན་ཧ་རྒྱུ་ཅ་ལ་མང་གི་ཝ་ ན་ཧ་བ་ཚཱས་པ༌ཅ། ཉི་ཝག་ཙ་བ་ཀི་ ཕ་མ་ག་དེན་གེ་ རྒྱུ་སག་པུ་མཱན༌ཅ། དག་པ་ཀབ་ཉི་ ཕ་མ་གི་ ཝག་ཙ་བ་ཀ་དེན་གེ་ རྒྱུ་སག་ཅ་གི༌ལ། 15ཇི་གི་ཇ་ག་ཆོ་ཁཱན་ ཐམས་ཅན་དང་ ཇང་ཏེན་བུ་ ན་ཧ་བ་རུམ་པེ་དེན་གེ་ ཤོ་ནང་ཕེ་ཉི་ ཟད་འགྲོ་ཕི་ལེ་རེ༌བེ། ཇི་གི་ན་ཧ་བ་ གནམ་མེད་ས་མེད་ མང་པུ་ཨ་ཉི་ཕང༌ཅ། ན་ཤི་ཇང་ཤུག་མ་ཕང་པ་སྨོ།
16ཇི་གི་ ན་ཧ་རོང་མ་ཀེ་ཤི་དག་ཉི་ ན་ཤི་ཁ་དོག་ཐཱན་རང་གི་ནེ་བུ་ ན་ཤི་ཡེག་ལ་ ཇང་ཤོ་ ཇི་སྐོར་ཕི་ཁཱན་ཆོ༌ཝ། ཉི་ན་ཧ་བ་ཀེ་ འབབ་ཁུངས་ཤོ་ལེ་ གོད་ཆོ་ཝ་དག༌ཉི། 17དག་པ་ཀབ་ཉི་ ཧང་ཏེན་ཨ་ཉི་ཡ། ཧང་ ཇི་གི་ ན་ཧ་བཱརང་ཀ་ཀུན་ཏི་ཁཱན་ སོ་ངོ་བ་ཀི་ ན་ཧེ་འབབ་ཁུངས་ཤོ་ལེ་ གོད་ཆོ་ཝ་སྨོ། 18ཇི་གི་ ཏི་ཏཱས་ག་ ན་ཧ་བཱརང་ཀ་དི་དག་ཉི་ཡེག་ཉི་ རོག་དང་བཱརའ་ཀོ་ཏ་ཐུར་ ཀུན་ཏི་ཝ་ཆོ༌ཝ། ཏི་ཏཱས་གི་ ན་ཧ་བ་ཀེ་ འབབ་ཁུངས་ཤོ་ལེ་གོད་པ་སྨོ། ཧང་ ཨ་ཆིང་ཉིག་ཙིང་ག་ སེམས་དང་ཨ་ཐང་ ཐུར་མ་ལ་སྨོ།
19ཨ་ཤི་ཨའི་ཏེན་ག་ སྐྱབས་ཨ་ལེ་དེན་གེ་ ཇི་གི་ ཨོ་ཐ་བ་ ཐམས་ཅན་རང་ ཡེག་ལ་དག་ཉི་ ན་ཤི་མི་དུ། དག་པ་ཀབ་ཉི་ ཨའི་ཤོ་ ཁིརིས་ག་གཡོག་པ་ གི་ཝ་ཨ་དེན་གེ་ དཀོན་མཆོག་ག་སྐུན་མདུན་ག་ ཨ་ཤི་ ཨོ་ཐ་ཆཱས་ཕིན་ཅ་གི༌ལ། ཕང་ཁཱན་ཇ་རོ་བ་ ཨ་ཤི་ཨ་ཁཱན་ ཐམས་ཅན་རང་ ན་ཧ་བ་ ག་དུང་མེ་དེན་གེ་ ཨན་ཅ་གི༌ལ། 20ཨོ་ཉི་ཨ་དེན་གེ་ ཇང་ན་ཧ་བཱརང་ཀ་ ཨོ་ཕེ་གང་ཀ་ ཇི་གི་ཐོང་ཁཱན་བ་ ཇི་གི་མ་ལེག་ཏུ་དག་མི་ཉི་ ཇང་ཡོང་ཁེ་ཝ༌ཅ། ཉི་ཇང་བུ་ ན་ཤི་ཇ་ག་ཀོར་གེ་ མི་ཝ་གེ་སོ་སུ་རི་ཝ་ག་ ན་ཤི་ཐོང༌མེ། ཇི་གི་ ན་ཧ་བ་ཁོ་ལོང་ཕི་ཉི་ སེར་སྣ་ཨ་ཉི་ ཐེས་པེ་མར་བ་ཨན་ རོ་ཙིག་ཉི་ རང་ཏེན་ག་དེན་གེ་ཤ་མི་ཉི་ ཀོ་ཁ་ཨ་ཉི་ ཁ་ཏང་ཉི་ ཁམ་ཙོང་ཉི་ ཉི་འ་ར་འུ་རུ་ཨ་ཉི་ཆོ་ཝ་ཏེ་ ཐོང་དུ་དག་ཉི་མི་ཉི་ ཇང་ཡོང་ཁེ་ཝ༌ཅ། 21གི་ལ་ ཇང་ན་ཧ་བཱརང་ཀ་ ཨུན་ཅ་ཨ་ཉི་ ཇ་ག་དཀོན་མཆོག་གི་ ཇང་ན་ཧ་གུབ་ཀ་ ཉམ་ཆུང་ཅོད་ཉི་ གནང་དུ་དག་ཉི་ ཡོང་ཁེ་ཝ༌ཅ། ཉི་ན་ཤི་ གོ་མ་སྡིག་པ་ཨ་ཉི་ མ་ཙང་མ་ཨ་ཁཱན་དང་ ལུས་འབྲེལ་མ་ཙང་མ་ག་སྡིག་པ་ ཉི་ངི་ནང་ཁུ་ལེ་མ་ཝ་ཨ་ཁཱན་ ལུས་འབྲེལ་གེ་ མ་ལོག་པ་ཨ་དེན་གེ་ ཇང་གནམ་མེད་ས་མེད་ གེ་ཕེ་ཁེ་དུ༎
ទើបបានជ្រើសរើសហើយ៖
གཉིད་པ་ཀོ་རིན་ཐི། 12: TNTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tshangla New Testament
© 2023, The Bible Society of India
all rights reserved
གཉིད་པ་ཀོ་རིན་ཐི། 12
12
པ་ཝལ་ག་མཇལ༌ཁ་དང་ ཤ་ནང༌ཀ་ཟུ།
1ཁེབ་སང་ཧང་རང་ མ་ཤོན་ཐཱན་རང་གི་ནེ་བུ་ ཇི་གི་ཁམ་ཙོང༌མེ། དག་པ་ཀབ་ཉི་ གཙོ་བོ་གི་ ཇ་ག་གེན་ཉི་གནང་ཁཱན་ མོང་ཤི་དང་ མཇལ་ཁ་ག་ཀོར་གེ་ ཇི་གི་ཡེག༌པེ། 2ཉིང་སོང་ཕིཤི་གེ་གོ་མ་ ཁིརིས་ག་ དད་པ་ཨ་ཁཱན་ སོ་ངོ་ཐུར་ ཞིང་ཁམས་གསུམ་པ་སག་པུ་ག་ བུ་ཝ་ག་ཇི་གི་སེན༌ཅ། 3ཉི་ཨོ་ཐ་སོ་ངོ་ མཐོ་རིས་ག་བུ་ཝ་དག་ཉི་ ཇི་གི་སེ༌ལེ། ཉི་རོག་ཁེ་པ་ ལུས་པུ་ག་བུ་ཝ་གི་ལ་སྨོ་ ཡང་ན་ལ་ རྣམ་ཤེས་ག་བུ་ཝ་གི་ལ་སྨོ་ ཇི་གི་མ་སེ༌ལ། དཀོན་མཆོག་གི་ཤ་ མཁྱེན༌མེ། 4ཉི་ཡེག་པེ་མར་ཁཱན་དང་ སོ་ངོ་གི་ ཆཱས་ཨ་ལེ་མ་ཆོག་ཁཱན་བ་ རོ་ཀི་མཐོ་རིས་ག་ན་ཐ༌ཝ།
5ཇི་གི་ཨུ་ཉུ་ད་བུ་ སོ་ངོ་ག་ཀོར་གེ་ ཁམ་ཙོང༌མེ། དག་པ་ཀབ་ཉི་ ཇང་ཏེན་ག་ཀོར་གེ་གི་ནེ་ལ་ ཇང་དོ་རི་རི་མ་ཝ་ཅ་དག་ཉི་ གེན་ཁཱན་ཆཱས་ག་མ་ཏོག་པ་ བཱརའ་ཧང་ག་ཀོར་གེ་རང་ ཁམ་མ་ཙོང༌མ། 6ཇི་གི་ཁམ་ཙོང་མེ་གི་ནེ་ཏ་ ཁམ་ཙོང་མེ་ག་ ཆཱས་མང་པུ་ཐུར༌ཅ། ཉི་ཇང་ཡོང་བ་མ་རི༌ལ། ཧང་ཡ་དག་ནེ་ལ་ ཇི་གི་ཆཱས་དེན་པ་ཡེག་པེ་གི༌ལ། དག་པ་ཀབ་ཉི་ ཇི་གི་ཁམ་མ་ཙོང༌མ། ཧང་ཡ་དག་ནེ་ལ་ ཇི་གི་ཨ་ཁཱན་དང་ ཡེག་ཁཱན་ཁེ་པ་ ན་ཤི་ངོ་མ་ཨ་ཉི་ ཐོང་མ་གེ་ལག་ཉི་ ན་ཤི་ཇ་ག་ཀོར་གེ་ མི་ལེ་བི་ལེ་ག་སེམས་ ཇ་ག་སེམས་མཱན༌ཅ། 7དཀོན་མཆོག་གི་ ཇ་ག་མཇལ་ཁ་ གནང་ཐཱན་རང་གི་ནེ་བུ་ ཇི་གི་ཁམ་མ་ཙོང་ཆེན་དག་པ་གི་ ཇ་ག་ཤ་ག་ནང་ཀ་ ཟུ་ཐུར་ཙུག་ཉི་གནང་མ༌ཅ། ཉི་ཇི་གི་ ཁམ་མ་ཙོང་ཆེན་དག་པ་གི་ སེ་ཏཱན་ག་འཐེན་ཕ་ཁཱན་གི་ ཇང་ནང་དོག་པེ་ག་ཝ༌ཅ།
8ཨོ་ཐ་ཀོར་གེ་ ཇི་གི་ཤེབ་སམ་ སྨོན་ལམ་ཏབ་ཉི་ གཙོ་བོ་ག་ ཨོ་ཉ་ཟུ་བསྣམས་ཅོ་དག་ཉི་ཞུ༌ཝ། 9དག་པ་ཀབ་ཉི་ གཙོ་བོ་གི་ལན་གནང་ཉི་ གསུངས་ཆོ་ཝ་ ཇ་ག་ཐུགས་རྗེ་ཤོ་ ན་ག་དེན་གེ་ཇོབ་ཇོབ༌ཅ། ཉི་ནཱན་དོ་རི་རི་ མ་ལཱན་ཆོ་ལ་ཀབ་ཉི་ ཇ་ག་སྟོབས་དབང་གི་ ལའི་ཆི་ལུ་ཨན་ཅ་དག༌ཉི། ཨོ་ཉི་ཨ་དེན་གེ་ ཁིརིས་ག་སྟོབས་དབང་ ཇ་ག་ཐུང་ཀ་ ཆག་ཅེན་དག་པ་གི་ ཇང་དོ་རི་རི་མཱན་ཅ་དག་ཉི་ གེན་ཁཱན་ག་ཀོར་གེ་ ཇི་གི་ལག་ཏང་ ཁམ་ཙོང༌མེ། 10ཁིརིས་ག་ཡོར་ཀེ་གི་ལ་དག་ཉི་ ཇི་གི་སེ་ཝ་ཨ་དེན་གེ་ ཇང་དོ་རི་རི་མ་ནེ་བུ་ ཇ་ག་མེམ་ཅོར་ནེ་བུ་ ནང་དོག་ནེ་བུ་ ཀ་ལུ་ཏཱད་ནེ་བུ་ ཉི་དཀའ་ཝ་ཅཱད་ནེ་བུ་ ཇང་ཤོ་ནང་ཕེ་ཉི་ཆོན༌ཅ། ཧང་ཡ་དག་ནེ་ལ་ ཇང་དོ་རི་རི་མ་ལ་ཀབ་ཉི་ ཇང་ཤུག་ཅཱན་རིན༌ཅ༎
ཀོ་རིན་ཐི་ག་ཆོས༌ཚོགས༌ག་དེན༌གེ་ པ༌ཝལ་ཚ༌གྱང་ཨ༌ཝ༌ལ།
11ཨུ་ཐུ་ད་བུ་ ཁམ་ཙོང་ཉི་ ཇང་ཡོང་བ་རི་ཝ༌ཅ། དག་པ་ཀབ་ཉི་ ན་ཤི་ཇང་ ཡོང་བ་རི་ལེ་ག་ཝ་གི༌ལ། ཇང་ཏ་ ཧང་རང་མང་གིན་ཐཱན་རང་གི་ནེ་བུ་ ཨོ་ཉ་སྐུ་ཚབ་ཆི་ལུ་བ་ཀེ་ ཟེ་མུ་མང་གི་ཝ་ཨ་དེན་གེ་ ན་ཤི་ཇ་ག་ཀོར་གེ་ ལེག་པུ་ཡེག་པེ་ཁེ་ཝ་ཐུར་གི༌ལ། 12ཇང་ན་ཧ་བ་ཀབ་ཉི་ ཆོ་ལེ་གང་ཀ་ བཟོད་པར་སྒོམ་ཉི་ རྫུ་འཕྲུལ་དང་ ཡིད་ཆི་ཝ་ག་ལའི་ མང་པུ་ཐུར་ ན་ཧ་པོང་ཀ་ཨ་ཉི་ ཇང་ཤོ་ དཀོན་མཆོག་གི་ ན་ཧ་བཱརང་ཀ་ ཀུན་ཏི་ཁཱན་སྐུ་ཚབ་ ངོ་མ་གི་ལ་དག་ཉི་ ཇི་གི་ན་ཧ་ཏཱན་ ཏེན་ཏེན་ཨ་ཉི་ ཁུངས་ཀེ་བ༌ཅ། 13ཇི་གི་ན་ཧ་ རོང་མ་ཀེ་བ་མ་ཏོག་པ་ བཱརའ་ཆོས་ཚོགས་བ་ཀབ་ཉི་ རེ་བ་ཀབ་ཉི་ ན་ཧ་ཤོ་ ཧང་མ་ལེག་པ་ཨ་ཝ་ཅ་ཡ། ཇི་གི་ན་ཧ་ རོང་མ་ཀེ་བ་ཨ་དེན་གེ་ ཇི་གི་ ཨོ་ཉ་ལའི་ངཱད་ཁཱན་ ན་ཤི་ཇང་བཀའ་དྲིན་བསྐྱང་གནང༌ཤོ།
14ཨུ་ཐུ་ཨ་ལ་ཀབ་ཉི་ ཇང་ན་ཧ་བཱརང་ཀ་ ཨོ་ཕེ་ག་གྲ་སྒྲིག་རི་ཉི་ ཤེབ་སམ་དིན༌ཅ། ཉི་ཇི་གི་ ན་ཧ་རོང་མ་ཀེ༌བ། ཧང་ཡ་དག་ནེ་ལ་ ཇང་ན་ཧ་རྒྱུ་ཅ་ལ་མང་གི་ཝ་ ན་ཧ་བ་ཚཱས་པ༌ཅ། ཉི་ཝག་ཙ་བ་ཀི་ ཕ་མ་ག་དེན་གེ་ རྒྱུ་སག་པུ་མཱན༌ཅ། དག་པ་ཀབ་ཉི་ ཕ་མ་གི་ ཝག་ཙ་བ་ཀ་དེན་གེ་ རྒྱུ་སག་ཅ་གི༌ལ། 15ཇི་གི་ཇ་ག་ཆོ་ཁཱན་ ཐམས་ཅན་དང་ ཇང་ཏེན་བུ་ ན་ཧ་བ་རུམ་པེ་དེན་གེ་ ཤོ་ནང་ཕེ་ཉི་ ཟད་འགྲོ་ཕི་ལེ་རེ༌བེ། ཇི་གི་ན་ཧ་བ་ གནམ་མེད་ས་མེད་ མང་པུ་ཨ་ཉི་ཕང༌ཅ། ན་ཤི་ཇང་ཤུག་མ་ཕང་པ་སྨོ།
16ཇི་གི་ ན་ཧ་རོང་མ་ཀེ་ཤི་དག་ཉི་ ན་ཤི་ཁ་དོག་ཐཱན་རང་གི་ནེ་བུ་ ན་ཤི་ཡེག་ལ་ ཇང་ཤོ་ ཇི་སྐོར་ཕི་ཁཱན་ཆོ༌ཝ། ཉི་ན་ཧ་བ་ཀེ་ འབབ་ཁུངས་ཤོ་ལེ་ གོད་ཆོ་ཝ་དག༌ཉི། 17དག་པ་ཀབ་ཉི་ ཧང་ཏེན་ཨ་ཉི་ཡ། ཧང་ ཇི་གི་ ན་ཧ་བཱརང་ཀ་ཀུན་ཏི་ཁཱན་ སོ་ངོ་བ་ཀི་ ན་ཧེ་འབབ་ཁུངས་ཤོ་ལེ་ གོད་ཆོ་ཝ་སྨོ། 18ཇི་གི་ ཏི་ཏཱས་ག་ ན་ཧ་བཱརང་ཀ་དི་དག་ཉི་ཡེག་ཉི་ རོག་དང་བཱརའ་ཀོ་ཏ་ཐུར་ ཀུན་ཏི་ཝ་ཆོ༌ཝ། ཏི་ཏཱས་གི་ ན་ཧ་བ་ཀེ་ འབབ་ཁུངས་ཤོ་ལེ་གོད་པ་སྨོ། ཧང་ ཨ་ཆིང་ཉིག་ཙིང་ག་ སེམས་དང་ཨ་ཐང་ ཐུར་མ་ལ་སྨོ།
19ཨ་ཤི་ཨའི་ཏེན་ག་ སྐྱབས་ཨ་ལེ་དེན་གེ་ ཇི་གི་ ཨོ་ཐ་བ་ ཐམས་ཅན་རང་ ཡེག་ལ་དག་ཉི་ ན་ཤི་མི་དུ། དག་པ་ཀབ་ཉི་ ཨའི་ཤོ་ ཁིརིས་ག་གཡོག་པ་ གི་ཝ་ཨ་དེན་གེ་ དཀོན་མཆོག་ག་སྐུན་མདུན་ག་ ཨ་ཤི་ ཨོ་ཐ་ཆཱས་ཕིན་ཅ་གི༌ལ། ཕང་ཁཱན་ཇ་རོ་བ་ ཨ་ཤི་ཨ་ཁཱན་ ཐམས་ཅན་རང་ ན་ཧ་བ་ ག་དུང་མེ་དེན་གེ་ ཨན་ཅ་གི༌ལ། 20ཨོ་ཉི་ཨ་དེན་གེ་ ཇང་ན་ཧ་བཱརང་ཀ་ ཨོ་ཕེ་གང་ཀ་ ཇི་གི་ཐོང་ཁཱན་བ་ ཇི་གི་མ་ལེག་ཏུ་དག་མི་ཉི་ ཇང་ཡོང་ཁེ་ཝ༌ཅ། ཉི་ཇང་བུ་ ན་ཤི་ཇ་ག་ཀོར་གེ་ མི་ཝ་གེ་སོ་སུ་རི་ཝ་ག་ ན་ཤི་ཐོང༌མེ། ཇི་གི་ ན་ཧ་བ་ཁོ་ལོང་ཕི་ཉི་ སེར་སྣ་ཨ་ཉི་ ཐེས་པེ་མར་བ་ཨན་ རོ་ཙིག་ཉི་ རང་ཏེན་ག་དེན་གེ་ཤ་མི་ཉི་ ཀོ་ཁ་ཨ་ཉི་ ཁ་ཏང་ཉི་ ཁམ་ཙོང་ཉི་ ཉི་འ་ར་འུ་རུ་ཨ་ཉི་ཆོ་ཝ་ཏེ་ ཐོང་དུ་དག་ཉི་མི་ཉི་ ཇང་ཡོང་ཁེ་ཝ༌ཅ། 21གི་ལ་ ཇང་ན་ཧ་བཱརང་ཀ་ ཨུན་ཅ་ཨ་ཉི་ ཇ་ག་དཀོན་མཆོག་གི་ ཇང་ན་ཧ་གུབ་ཀ་ ཉམ་ཆུང་ཅོད་ཉི་ གནང་དུ་དག་ཉི་ ཡོང་ཁེ་ཝ༌ཅ། ཉི་ན་ཤི་ གོ་མ་སྡིག་པ་ཨ་ཉི་ མ་ཙང་མ་ཨ་ཁཱན་དང་ ལུས་འབྲེལ་མ་ཙང་མ་ག་སྡིག་པ་ ཉི་ངི་ནང་ཁུ་ལེ་མ་ཝ་ཨ་ཁཱན་ ལུས་འབྲེལ་གེ་ མ་ལོག་པ་ཨ་དེན་གེ་ ཇང་གནམ་མེད་ས་མེད་ གེ་ཕེ་ཁེ་དུ༎
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tshangla New Testament
© 2023, The Bible Society of India
all rights reserved