Susuuon 16
16
Maja i Tomotius di Poulus om i Silas
1Om lombusno dii i Poulus duvo di Silas soi Bandar Dabi om Listuria. Om kivaro iso tulun di Yisus minijon soi, ngaranjo nopo nga i Tomotius. Iinojo nopo di Tomotius nga tulun Joudi om aparsaya isido di Yisus. Iamojo#16:1 amo: apa nopo nga tulun Yunani. 2Rojoon#16:2 Rojoon: Ompodon i Tomotius di tongokosuladan i naparsaya di Yisus siri Bandar Listuria om Kunium do aandai iri gaagayajo. 3Pavaja daa i Poulus di Tomotius, nga oilaan di tongotulun Joudi do aupo nosunatan i Tomotius do tulun Yunani gia iamojo. I tongotulun Yunani nopo diri nga au nosunatan. Jadi sunataipo dii di Poulus i Tomotius supaya au araatan i tongotulun Joudi om povojoo nogi dii isido. 4Om poivavaja dii iolo tolu kojuvan, i Poulus, i Silas om i Tomotius do mongoi tumongkop di tongobandar. Om papaabar iolo di tongotulun i naparsaya di Yisus pasal di nisuu saralom do surat do au buli mangakan diri nitaak do rogon om i nisuu tongovovokon, do irino tinantu di tongosusuuon di Yisus, om i tongokotua di poiuuntunan di tulun i naparsaya di Yisus soi Yorusalim. Om sinuu di Poulus om i songkoruanganjo iri tongosulod i naparsaya di Yisus do maja di tongonisuu diri. 5Jadi atatap nogi i ginavo di tongotulun i naparsaya di Yisus siri tongopoiuuntunan. Om tadau-tadau dii rumuang i tongotulun iri aparsaya di Yisus.
Sinuu i Poulus Mongoi soi Vonuvo Mokodunia
6Om talibno dii i Poulus, i Silas om i Tomotius siri Vonuvo Porigia om Golotia. Om au uvang i Tatod Tolidang do lumombus iolo mongoi soi Vonuvo Osia do popoilo di tinangaran do Kinoringan soi. 7Korikot nopo dii iolo siri pivolitan do Vonuvo Misia om Botinia, om lumombus iolo daa mongoi soi Vonuvo Botinia. Nga aui pobojoon di Tatod di Yisus iolo mongoi soi Botinia. 8Jadi talibno dii iolo siri Misia, om ruukno dii siri Bandar Tarawas. 9Om iri sodop diri, nipoontong si di Poulus iri iso tulun Mokodunia poingkakat siri somokjo do mokitulung disido. Do kadi tulun diri, “Sondipau pogi siti dagai siti Vonuvo Mokodunia do mokitulung ikoi,” ka. 10Naantangan nopo dii di Poulus iri nipootong si disido do irad diri om turus dii do pomorompon iolo sumodia mongoi soi Mokodunia. Om ioku i Lukas, i monulis diti buuk, nga nakavajai diolo. Kopurimanaija dii do sinuu ikoi do Kinoringan mongoi papaabar di Abar do Aandai si diri tongotulun siri Mokodunia.
Naparsaya i Lodia di Yisus
11Om sako ikoino dii di kapal laut siri Bandar Tarawas, do sumondipau siri Puru#16:11 Puru: Pulau Samatarik. Tadau di susuvab om sondipau ikoino dii kavagu siri Bandar Nopolis. 12Om panauoja dii do takod mantad si Nopolis mongoi siri Polipi, irino iso bandar siri boogian koiso di Vonuvo Mokodunia. Tulun mantad si Bandar do Ruum nogi nga monguasa si Polipi. Om minijon ikoi siri Polipi do piipiro tadau linaid.
13Om norikot nopo dii i Tadau Koingkajadan, irino Tadau do Ari Anam, om ongoi ikoino dii siri labus diri bandar siri timbing di bavang, do nosoromoja do sirino pantok sambayangan di tulun Joudi. Om mogom-ogom ikoi om kumituturan ikoi di tongotongondu i nountun siri. 14Kivaro iso tongondu mantad si Bandar Tiotira do rumongou dagai. Ngaranjo nopo nga i Lodia. Mongojual isido di kain#16:14 obilau-bilau: aragang-ragang koitomo irad do kulit do talung ko talun do obilau-bilau#16:14 Kain nopo do obilau-bilau (aragang-ragang koitomo) diri nga onuon di tulun takaya. i votikjo. Om sumamba i Lodia di Kinoringan, om inukab di Tuhan i ginavojo do rumongou kaandai-andai di tinangaran di Poulus. 15Nobotisan#16:15 nobotisan: noboptoisan i Lodia om sampaganakanjo, om kadisido, “Nong aparsaya kou do rumalan oku aparsaya marong di Tuhan, kayono mijon si valaiku,” ka. Jadi minaja ikoi dii do ogiati isido do mangagajat dagai.
Iri Tulun Mangajaga di Jiil Naparsaya di Yisus
16Kivaro insan tadau do ontok di manau-panau ikoi mongoi siri pantok do sambayangan si timbing vaig, om kivaro dii iso raraa do turipon do sinumamung dagai siri ralan. Om isido nopo nga buli mongontong do nasip di tongotulun do rinosukan isido diri do rogon. Om oguu dii iri siin naanu di tongotuan disido, torogo di kapandaian di raraa diri. 17Om maja-vaja dii i raraa diri di Poulus om ikoi nogi. Om muvap-luvap isido do, “Iti tongotulun diti nga susuuon do Kinoringan i Agajo Marong Kuasa. Papaabar iolo do vajaan do kaanu kou do kovijaan do auso koovion,” kadino. 18Om kivaro piipiro tadau muut-suut dii i raraa do lumuvap dagai. Jadi araatan dii i Poulus om gotuvangaino dii disido i raraa, om kadi Poulus di rogon, “Saralom ngaran di Yisus Koristus, pogiduno,” kadi Poulus. Om turus minogidu iri rogon mantad si raraa.
19Nga kaantangai nopo dii di tongotuan di raraa diri do nolijot iri pogiuman diolo do untung, om tangkapono dii diolo i Poulus om i Silas, om gajato mongovit pogotuvang diri pongotua siri poibisaraan somok pasar. 20Om ontok diri siripo iolo gotuvang di pongotua do bandar om kadi tongotuan di raraa, “Iti nopo duvo tulun diti nga tulun Joudi, om momoringou iolo daton#16:20 daton: ditokou siti bandar. 21Au apatut tokou mangaramit om maja di adat ituduk diolo daton do itokou nopo nga tulun Ruum,” ka.
22Om i tongotulun toguu nogi nga mongurun di Poulus om i Silas. Om ongoiono dii vingkalo#16:22 vingkalo: gajato do mongidu di pongotua i sabung di Poulus om i Silas do mongolus, om suuono dii i tulunjo do mangalapos diolo. 23Kalapos nopo dii marong i Poulus duvo di Silas, om pojiilo nogi dii iolo, om sinuu di pongotua i tulun mangajaga do jiil do ipokunsi i pintu supaya au koidu. 24Korongou nopo dii i tulun mangajaga do jiil do sinuu irad diri, om poosuojono dii i Poulus om i Silas siri bilik do jiil siri saralom marong. Om inantip disido i takod diolo do kaju.
25Nga ontok di tanga sodop kama iri, om sinumambayang i Poulus duvo di Silas om suminding#16:25 suminding: lumongoi iolo do mangarajou#16:25 mangarajou: mongompod di Kinoringan. Jadi iri nopo tongotulun vokon i nokojiil siri nga mongkinongou dii diolo. 26Nga tigog kai dii do ginumunggun do opuod marong iri tana gosob do ginumunggun i tongotorigi di jiil. Om turus do minukab dii i tongopintu om nopinguukab dii iri pinangantip di tongotakod di pointikid-tikid do tulun. 27Koposik nopo dii iri tulun i mangajaga di jiil om naantangan dii disido do nopinguukab i tongopintu. Jadi unusojono dii iri karisjo do kumirosno dii daa isido do panantaman daa disido om nokoiduno dii i tongotulun pinojiil. 28Nga luvapno dii i Poulus do opuod do ka, “Adako kumiros, do siti ikoji kasangkat,” ka.
29Om loovono dii diri tulun i mangajaga do jiil i tulun mongovit do lampu. Om asuno dii isido kosikap gumotuvang di Poulus om i Silas. Om mopor-kopor dii do rumosi om tungubno dii isido. 30Om angataino dii disido iolo lumabus om duatono dii disido, “Oou tongotuanku, potingkuro naku i gaagayaku supaya ovijau oku?” ka.
31Om jawapno dii iolo, “Nong aparsayako di Tuhan Yisus nga onuanko Disido do kovijaan do auso koovion, om nogi kasangkat di tongotulun silo valainu,” ka. 32Om ovitono dii diri tulun i mangajaga do jiil i Poulus duvo di Silas muli si valaijo. Om poiloono dii diolo isido om i tongotulun si valaijo di Abar do Aandai pasal di Tuhan Yisus. 33Om ontoki diri ovitono dii di tulun i mangajaga di jiil i Poulus om i Silas do mongugas di tongodamat diolo. Om kougasaipo dii iri damat diolo, om pamatis#16:33 pamatis: pamaptais nogi dii i Poulus om i Silas diri tulun i mangajaga do jiil om iri tongotulun si saralom valaijo. 34Om kobotisai nopo dii iri tongotulun om ovito nogi dii di mangajaga do jiil i Poulus om i Silas gumuli kavagu siri valaijo, om paakanojono dii iolo do taakanon. Om asanang dii marong i ginavojo do aparsaya isido di Kinoringan mivaja di sampaganakanjo.
35Minsarap di susuvab, om minonuu i pongotua di bandar di tongopulis mongoi siri di tulun i mangajaga do jiil, “ ‘Polobusono i Poulus om i Silas mantad silo jiil,’ kadi pongotua do bandar,” kadi pulis.
36Om ongoino dii popoilo i tulun i mangajaga di jiil di Poulus iri sinuu di pongotua do bandar do ka, “Sinuu oku di pongotua do bandar papalabus dikovu. Labusno maino om antatangai mujuno mampanau,” ka.
37Nga au mangakun i Poulus do kadisido di pulis, “Ikoi nopo nga tulun Ruum om auso dusoja. Au apatut do loposon i tulun Ruum do aupo nobisara. Nga linapos ikoi si gotuvang di tongotulun om pinojiil ikoi nogi. Om maino monuu iolo dagai do lolosokon ikoi poidu. Nga aukui dii. Misti i tongopongotua kondiri rumikot siti do palabus dagai,” kadi Poulus.
38Popoilo i tongopulis di tinangar diolo siri di pongotua do bandar, om korongoupo dii iolo do i Poulus om i Silas nga tulun Ruum, om nokorosi dii i tongopongotua do bandar. 39Jadi rinumikot dii i pongotua do bandar siri di Poulus om i Silas, om mokimaap do nalapos om pinojiil iolo. Om polobuso nogi dii di tongopongotua do bandar iolo om pokionuono dii diolo i Poulus om i Silas supaya mogidu mantad soi Bandar Polipi. 40Jadi labusno dii i Poulus duvo di Silas mantad siri jiil om ongoino dii iolo mandaa siri valai di Lodia. Om kosomungai nopo dii diolo i tongosulod i naparsaya di Yisus siri, om pogirotono dii i Poulus om i Silas i ginavo di tongosulod siri, om pampanau nogi dii iolo.
ទើបបានជ្រើសរើសហើយ៖
Susuuon 16: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
