Fagsigadan 46
46
1Ay wa glugo bandi daw, Akub fag talafuwan kamagnuwan wan. Ay glo wan igtaban at ngay balan. Ay sanya sis talun Kanaan, e sik fulan at ngayan Beerseba. Ay Akub nu ndasug sanya fag fulan, kanya nafate sik ngay balan ay at balyu nabatas wan laman at famauseganan sas Diyus. Kanya wan at fagsegan siginan ngay ebi at tama. 2Ay rodi ataw sad yabi, Diyus insure sa anya. Ay nauro te, “Akub. Akub.” Ay Akub gbalus te, “Taw ro?” 3-4Ay Diyus nabalus te, “Aw wan Diyus, am fagsegan siginan ngay ebi am mama. Lag kalimu nu glo o sas talun Iptu, teway aw wan tagufud emu. Ay sanya ban fag talun, am ngay fufu sat dagat daga umkayu wa ayuwayu anggan wa umsik fulan taw tuwa ayuwayu. Ay aw yangay ban tagfafoli am ngay fufu stiyes talun Kanaan. Ay nu nkate wa ban o, am baguwama Use sanya wa gugat sim day tigyangan. Kanya wan tagfatvngvdun emu.”
5Ay balabag di, Akub at ngay baguwama nafasakay wa at tama ay at ngay talnayan sat ngay karitun, ebi at fun daul nafon fag karitun laman at fagsakayan. Ay siginans fulan Beerseba kanya fagayu nafatunglus wan nu glo. 6-8Ay nu katanya, Akub fag talafuwan naalin wan sas talun Iptu. Kanya mandi fag talafuwan we sawad sis talun Kanaan. Ay ka fag talafuwan nataban wan fagayu at ngay balan. Ay nauba wan fagayu at fagnuwan at nafaful ebi kaduge gugat gbanwan sis talun Kanaan.
Ay kayu tuy at marirukan sit daga, ka fag ngay taw tagalin sas talun Iptu. Kayu tuy at ngay ngayan:
At tama at ngayan, Akub.
At sadi Akub at mangena, Liya. Ay Liya at baguwama, Rubin, Simyun, Lebi, Uda, Isakar, ay Sibulun.
Ay Rubin at tiba kaka fagayu. 9Ay Rubin at baguwama, Kanuk, Palu, Kisrun, ay Karmi.
10Ay Simyun at baguwama, Yemuel, Amin, Uwad, Yakin, Sukar, ay Shaul. Sis Shaul at tina sik taw Kanaan.
11Ay Lebi at baguwama, Girsun, Kuat, ay Mirari.
12Ay Uda at baguwama, Er, Unan, Sela, Peris, ay Serak. Ay inkate wan sis talun Kanaan, Er ay Unan.
Ay Peris at baguwama, Kisrun ay Kamul.
13Ay Isakar at baguwama, Tula, Puwa, Asub, ay Simrun.
14Ay Sibulun at baguwama, Sered, Elun, ay Aklel.
15Ay Liya inke unga yay sik ina at ngayan Dina. Ay kanya fag 33k taw, Akub at ngay unga ay anggan at ngay fufu siginan at mangena Liya. Kanya fagayu nu kasalug, sis talun Padan-Aram.
16Ay kayu tuy yangay Akub at baguwama ay anggan at ngay fufu siginan at mangena Silfa:
Silfa at baguwama, Gad, ay Asir.
Ay Gad at baguwama, Sifun, Agi, Suni, Esbun, Eri, Arud, ay Areli.
17Ay Asir at baguwama, Imna, Isba, Yisbi, ay Berya. Ay e fadugsay yay sik mangena. At ngayan Sira.
Ay Berya at baguwama, Keber, ay Malkiyel.
18Ay kanya fag 16k taw, Akub at ngay unga ay at ngay fufu siginans Silfa. Silfa, ebi Laban at nafon sas Liya at fanuguwan.
19Ay kayu tuy yangay Akub at baguwama ay anggan at ngay fufu siginan at mangena Rakel:
Rakel at baguwama, Use, ay Benamin.
20Ay Use inke mangena at ngayan Asenat. Ay Asenat at tama Putifera. Putifera at tagfangguna at ngay taw tagfatvngvdun at ngay tawtawan sis fulan Un. Ay Use at mangena inke baguwama, Manasis, ay Efraim.
21Ay Benamin at ngay baguwama, Bela, Beker, Asbel, Gira, Naaman, Eki, Rus, Mupim, Kupim, ay Ard.
22Ay kanya fag 14 taw, Akub at ngay unga ay at ngay fufu siginans Rakel.
23Ay kayu tuy yangay Akub at baguwama ay anggan at ngay fufu siginan at mangena Bila:
Bila at baguwama, Dan, ay Naptali.
Ay Dan at baguwama, Kusim.
24Ay Naptali at baguwama, Akseyel, Guni, Eser, ay Salum.
25Ay kanya fag fituk taw, Akub at ngay unga ay at ngay fufu siginans Bila. Bila, ebi Laban at nafon sas Rakel at fanuguwan.
26Ay nu fagayu wan, 66k taw Akub at ngay unga ay at ngay fufu at naalin sas talun Iptu. Ay saman yay at ngay nugang. 27Ay kanya fag talafuwan at kinful sas talun Iptu, nu fagayu wan, manga 70k taw, teway Use at unga fagduwa nu kasalug, si was talun Iptu.
28Ay Akub fag fulan gina gakadasugun sas talun Iptu, Akub nasugu at baguwama Uda te, “Nanginto yap o sas Use te go dada tam dalan sas Gusin.” Ay Uda nananginto wa fiya ay infoli wa sat tama. Ay rodi, kanya nataban at tiba sas Gusin fag lungud daga. 29Ay rodi, Use nafasayang wa si anya at karitun sat kabayu ay nalo yangay, nanlag wat tama sas Gusin. Ay talamian nu naladlagan wan, Use nagafus at tama ay kadugenya guyway. Ay nafalugo wan nu guyway. 30Ay Akub glong sat baguwama te “E fadi fadi gleleg yay o mangaro. Guseganan kwa dawdaw teway naladlagan yay ta. Ay katsi long dewa aw ban inkate masine wa sa angku.”
Masafulan Dawdaw Use nu Gmagurang
31Ay rodi ataw, Use glong sat ngay fadugsay ay sas fagayu at kalongan te, “Katsi lumo kwan. Nanfoyung akwan sas fun daul te, ‘Katsi ku mama ay fagayu at talafuwan naalin wan siginans talun Kanaan. Ay katsi ste wan. 32Naubanan wan fagayu at fagnuwan. Ay nataban wan fagayu at ngay balan teway siginan ngay ebi ami fag fulan taw sik ngay tagtanud balan wami.’ 33Ay glong aw ayu te, dewa gina, fun daul galay muro ayu ay minto ayu te, ‘Taw ay fagbulun ebi ginan,’ 34fagayu am balusi anya te, ‘Ami sik ngay tagtanud balan way ami siginan ngay ebi. Igfaning ami em mangaguyang at fagbulun.’ Ay nu katanya tuwa ay famalus, kata ku nafoyung ayu, gfabanwan wa ban ayu stes Gusin. Fakatanyaun, taw Iptu kalimata way tagtanud balan fag ngay taw.”
ទើបបានជ្រើសរើសហើយ៖
Fagsigadan 46: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 46
46
1Ay wa glugo bandi daw, Akub fag talafuwan kamagnuwan wan. Ay glo wan igtaban at ngay balan. Ay sanya sis talun Kanaan, e sik fulan at ngayan Beerseba. Ay Akub nu ndasug sanya fag fulan, kanya nafate sik ngay balan ay at balyu nabatas wan laman at famauseganan sas Diyus. Kanya wan at fagsegan siginan ngay ebi at tama. 2Ay rodi ataw sad yabi, Diyus insure sa anya. Ay nauro te, “Akub. Akub.” Ay Akub gbalus te, “Taw ro?” 3-4Ay Diyus nabalus te, “Aw wan Diyus, am fagsegan siginan ngay ebi am mama. Lag kalimu nu glo o sas talun Iptu, teway aw wan tagufud emu. Ay sanya ban fag talun, am ngay fufu sat dagat daga umkayu wa ayuwayu anggan wa umsik fulan taw tuwa ayuwayu. Ay aw yangay ban tagfafoli am ngay fufu stiyes talun Kanaan. Ay nu nkate wa ban o, am baguwama Use sanya wa gugat sim day tigyangan. Kanya wan tagfatvngvdun emu.”
5Ay balabag di, Akub at ngay baguwama nafasakay wa at tama ay at ngay talnayan sat ngay karitun, ebi at fun daul nafon fag karitun laman at fagsakayan. Ay siginans fulan Beerseba kanya fagayu nafatunglus wan nu glo. 6-8Ay nu katanya, Akub fag talafuwan naalin wan sas talun Iptu. Kanya mandi fag talafuwan we sawad sis talun Kanaan. Ay ka fag talafuwan nataban wan fagayu at ngay balan. Ay nauba wan fagayu at fagnuwan at nafaful ebi kaduge gugat gbanwan sis talun Kanaan.
Ay kayu tuy at marirukan sit daga, ka fag ngay taw tagalin sas talun Iptu. Kayu tuy at ngay ngayan:
At tama at ngayan, Akub.
At sadi Akub at mangena, Liya. Ay Liya at baguwama, Rubin, Simyun, Lebi, Uda, Isakar, ay Sibulun.
Ay Rubin at tiba kaka fagayu. 9Ay Rubin at baguwama, Kanuk, Palu, Kisrun, ay Karmi.
10Ay Simyun at baguwama, Yemuel, Amin, Uwad, Yakin, Sukar, ay Shaul. Sis Shaul at tina sik taw Kanaan.
11Ay Lebi at baguwama, Girsun, Kuat, ay Mirari.
12Ay Uda at baguwama, Er, Unan, Sela, Peris, ay Serak. Ay inkate wan sis talun Kanaan, Er ay Unan.
Ay Peris at baguwama, Kisrun ay Kamul.
13Ay Isakar at baguwama, Tula, Puwa, Asub, ay Simrun.
14Ay Sibulun at baguwama, Sered, Elun, ay Aklel.
15Ay Liya inke unga yay sik ina at ngayan Dina. Ay kanya fag 33k taw, Akub at ngay unga ay anggan at ngay fufu siginan at mangena Liya. Kanya fagayu nu kasalug, sis talun Padan-Aram.
16Ay kayu tuy yangay Akub at baguwama ay anggan at ngay fufu siginan at mangena Silfa:
Silfa at baguwama, Gad, ay Asir.
Ay Gad at baguwama, Sifun, Agi, Suni, Esbun, Eri, Arud, ay Areli.
17Ay Asir at baguwama, Imna, Isba, Yisbi, ay Berya. Ay e fadugsay yay sik mangena. At ngayan Sira.
Ay Berya at baguwama, Keber, ay Malkiyel.
18Ay kanya fag 16k taw, Akub at ngay unga ay at ngay fufu siginans Silfa. Silfa, ebi Laban at nafon sas Liya at fanuguwan.
19Ay kayu tuy yangay Akub at baguwama ay anggan at ngay fufu siginan at mangena Rakel:
Rakel at baguwama, Use, ay Benamin.
20Ay Use inke mangena at ngayan Asenat. Ay Asenat at tama Putifera. Putifera at tagfangguna at ngay taw tagfatvngvdun at ngay tawtawan sis fulan Un. Ay Use at mangena inke baguwama, Manasis, ay Efraim.
21Ay Benamin at ngay baguwama, Bela, Beker, Asbel, Gira, Naaman, Eki, Rus, Mupim, Kupim, ay Ard.
22Ay kanya fag 14 taw, Akub at ngay unga ay at ngay fufu siginans Rakel.
23Ay kayu tuy yangay Akub at baguwama ay anggan at ngay fufu siginan at mangena Bila:
Bila at baguwama, Dan, ay Naptali.
Ay Dan at baguwama, Kusim.
24Ay Naptali at baguwama, Akseyel, Guni, Eser, ay Salum.
25Ay kanya fag fituk taw, Akub at ngay unga ay at ngay fufu siginans Bila. Bila, ebi Laban at nafon sas Rakel at fanuguwan.
26Ay nu fagayu wan, 66k taw Akub at ngay unga ay at ngay fufu at naalin sas talun Iptu. Ay saman yay at ngay nugang. 27Ay kanya fag talafuwan at kinful sas talun Iptu, nu fagayu wan, manga 70k taw, teway Use at unga fagduwa nu kasalug, si was talun Iptu.
28Ay Akub fag fulan gina gakadasugun sas talun Iptu, Akub nasugu at baguwama Uda te, “Nanginto yap o sas Use te go dada tam dalan sas Gusin.” Ay Uda nananginto wa fiya ay infoli wa sat tama. Ay rodi, kanya nataban at tiba sas Gusin fag lungud daga. 29Ay rodi, Use nafasayang wa si anya at karitun sat kabayu ay nalo yangay, nanlag wat tama sas Gusin. Ay talamian nu naladlagan wan, Use nagafus at tama ay kadugenya guyway. Ay nafalugo wan nu guyway. 30Ay Akub glong sat baguwama te “E fadi fadi gleleg yay o mangaro. Guseganan kwa dawdaw teway naladlagan yay ta. Ay katsi long dewa aw ban inkate masine wa sa angku.”
Masafulan Dawdaw Use nu Gmagurang
31Ay rodi ataw, Use glong sat ngay fadugsay ay sas fagayu at kalongan te, “Katsi lumo kwan. Nanfoyung akwan sas fun daul te, ‘Katsi ku mama ay fagayu at talafuwan naalin wan siginans talun Kanaan. Ay katsi ste wan. 32Naubanan wan fagayu at fagnuwan. Ay nataban wan fagayu at ngay balan teway siginan ngay ebi ami fag fulan taw sik ngay tagtanud balan wami.’ 33Ay glong aw ayu te, dewa gina, fun daul galay muro ayu ay minto ayu te, ‘Taw ay fagbulun ebi ginan,’ 34fagayu am balusi anya te, ‘Ami sik ngay tagtanud balan way ami siginan ngay ebi. Igfaning ami em mangaguyang at fagbulun.’ Ay nu katanya tuwa ay famalus, kata ku nafoyung ayu, gfabanwan wa ban ayu stes Gusin. Fakatanyaun, taw Iptu kalimata way tagtanud balan fag ngay taw.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines