Fagsigadan 45
45
Use nu Gfoyung sat ngay Fadugsay te, “Aw wan Use”
1-3Ay Uda nu naelongan katanya, roro Use gauywayun wa dawdaw. Ay Use wa nbaris, ay nasugu yay at ngay fanuguwan te, “Fagayu am, lakloi yap!” Ay at ngay fanuguwan nalaklo wa fiya. Ay at sawad sanya sisiyan way fagayu.
Ay Use nauyway wa long dawdaw. Ay at kadaulan nu guyway at ngay taw Iptu nadungug wan ay tibak taw nafoyung wa sas fun daul te, “Laman katsi tam Use guyway wa dawdaw.”
Ay Use kaduge guyway, gelonganan te, “Roro aw wan Use. Go gurungan ay longan te, ‘Tam tama gleleg yay’?” Ay roro tiba sisiyan kalimu way dawdaw. Wa mafabalus. 4Ay Use glong te, “Ku ngay fadugsay am, stei tuwa. Makbangi angku.” Ay nu nkakbang wan, Use glong te, “Roro aw wan ay fadugsay Use ebi ay nafabili sas sik fulan taw laman tumaban angku sas talun Iptu. 5Ay dewa katanya ay nafagbulun, lag kalimu ay lag fayud ayu. Kanya mangaro tam Diyus wan at ke fasadan sa angku laman gumuna aw ayu stiye ay falangfe aktuwa sik ngay taw ayuwayu laman di kate kaduge e fanlunus. 6Katsi ngani duwak banwa yay at kinlangfe. E sawad yay limak banwa nu gyud e kaani sas fagdaul talun. 7Ay tam Diyus nafastiye angku laman am fag ngay talanan di am umkamin. Kamasine anya tam Diyus faran nu gfalangfe ayu.
8“Nu katanya, bunwa am at nafastiye angku. Tam Diyus wa mangaro. At fasadan laman matul aw sas fun daul ay nanmagurang aw fagayu at ngay taw si at bale ay anggan sas fagayu taw Iptu. 9Nu katanya, katsi ulii wan. Lag fanranan. Foyungi tam tama te gleleg kyay. Ay fadasugi yangay ku fagalongun sa anya, te, tam Diyus nafili angku tagmagurang sis fagayu taw Iptu. Ay nu katanya, alini wa stiye, sas taw Iptu talun. Lag fanranan. Tabani wan fagayu ay ngay kalongan ay ay ngay balan. Ay ubanani wan ay ngay fagnuwan. 10-11Ay sas Gusin#45:10-11 Gusin, taw Iptu wa at daga at balyu. wa ban fag lungud daga nu gbanwan am laman makbang tuwam angku. Aw wa ban tagfatvngvdun ayu kaduge am igbanwan sas Gusin laman di ban am umlunus, fagayu am, am mandi fag kalongan, ay anggan ay ngay balan. Fakatanyaun, lima yak banwa nu e fanlunus. Kayunya ku longan, fadasugi tuwa sa tam tama.
12“Ay katsi natoglag wam angku. Anggan o Benamin natoglag wo. 13Nu katanya, nanfamansulit wam tam tama te, ‘Am baguwama wa mangaro Use tagmagurang fagayu taw Iptu.’ Ay fagayu ay nalag ste ginan foyungi wa anya. Ay nu nafoyung wam fagayu ku longan, lag falugo nu sanya am. Tabani wan tam tama stiye.” 14-15Ay Use nu nalong wa katanya, nagafus at ariyan Benamin ay kadugenya guyway. Anggan Benamin guyway yangay. Ay Use naayuk yangay fagayu at ngay fadugsay.#45:14-15 Ebi, sanya fag talun at ngay taw ugali galay guseganan te naladlagan, tiba ginan gayuk tiba. Ay kaduge gayuk tiba sisiyan kanya guyway yay gugat. Ay nu katanya wan, tiba sisiyan gfasigad wa long gfasulitanan anya.
Akub fag Talafuwan nu Galin sas Taw Iptu at Talun
16Ay at ngay taw sis fun daul at bale nasaful te, Use at ngay fadugsay indasug. Ay anggan at fun daul nasaful yangay. Ay nu katanya kanya fagayu guseganan dawdaw. 17Ay at fun daul glong sas Use te, “E fagalongun aw sam ngay fadugsay, ay nanfoyung ro o. Glong aw te, ‘Katsi ulii wan. Fasakayi wa ay ba fakonun sa ay ngay asnu. Ay loi wa sa ay fagbanwanan sas talun Kanaan. 18Ay nanbuli wa ay tama. Ay tabani wa stiye anggan fagayu ay ngay talnayan. Ay nu ste wa ban am, aw wan tagfon ayu ay fagbanwanan sas taglabi nu masine fag lungud daga ste si ku fagmagurangan. Ay sanya long ban fag daga umon wam at masine fag ngay buwadan. 19Ay nu guli wam sa ay tama, faguyudani tuwa sik ngay karitun sa ay ngay asnu, ay ngay talnayan ban fagsakayan gina am kafoli stiye. Ay tabani wa stiye anggan ay tama. 20Lag gafanaliwan fagayu nus nge wain ay fagnuwan sanya, teway ku fon ban ayu ste at namasine wan.’ Katanya ku longan ayuwayu, foyungi tuwa sam ngay fadugsay.”
21Ay sisiyan nafaning wa fiya fun daul at suguwan. Use nafon wa fiya sik ngay karitun sat ngay fadugsay. Nafon yangay sik ngay fakonun, at fakonun sat ngaba dalan. 22Ay nafon yangay sadi sadik balukas laman e fantubus tuwa sat ngaba dalan. Ay sit Benamin lima tuwak balukas ay sik ngay pilak, at kabiyatan, tuluk kilu sit dayu gwabilug. 23Ay saman kanya Use nafon yay 20k asnu at fanfon at tama. At safulu, sik ngay asnu tama. Kanya fagayu e ubanan sik ngay buwadan ayuwayu at masine siginans talun Iptu. Ay at safulu, sik ngay asnu tina. At ubanan sik ngay fakonun ayuwayu: trigu, tinafay, ay sik ngay buwadan. Kanya ban at tama talafuwan fakonun sa sangaba dalan gina galin. 24Ay Use glong wa long tiba sisiyan te, “Katsi loi wan!” Ay sisiyan nu galoun wa fiya fiya, Use glong yay te, “Laman dewa am, dangay garingangan sa ay ngaba dalan.”
25Ay sisiyan nalo wan siginans talun Iptu. Ay nu ndasug wan sat fagbanwanan sis talun Kanaan, 26kamansulit at tama te, “Em fadugsay ngaro Use gleleg yay. Kanya wan katsi tagmagurang fagayu taw Iptu.” Ay at tama nu nadungug katanya, sanya way daw maragangan. Wa gafanud. 27Ay rodi, sisiyan nafansulit fagayu Use at ngay nalong. Ay nafalag yangay Use at nafataban fag ngay karitun laman at fagsakayan gina ban galin sas talun Iptu. Ay nu katanya, inbitsug at amatanganan. 28Ay Akub glong te, “Katsi gafanud akwa te ku baguwama Use igleleg yay mangaro. Ay katsi, glo kwan, laman bagu aw umkate lumag kyay anya.”
ទើបបានជ្រើសរើសហើយ៖
Fagsigadan 45: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 45
45
Use nu Gfoyung sat ngay Fadugsay te, “Aw wan Use”
1-3Ay Uda nu naelongan katanya, roro Use gauywayun wa dawdaw. Ay Use wa nbaris, ay nasugu yay at ngay fanuguwan te, “Fagayu am, lakloi yap!” Ay at ngay fanuguwan nalaklo wa fiya. Ay at sawad sanya sisiyan way fagayu.
Ay Use nauyway wa long dawdaw. Ay at kadaulan nu guyway at ngay taw Iptu nadungug wan ay tibak taw nafoyung wa sas fun daul te, “Laman katsi tam Use guyway wa dawdaw.”
Ay Use kaduge guyway, gelonganan te, “Roro aw wan Use. Go gurungan ay longan te, ‘Tam tama gleleg yay’?” Ay roro tiba sisiyan kalimu way dawdaw. Wa mafabalus. 4Ay Use glong te, “Ku ngay fadugsay am, stei tuwa. Makbangi angku.” Ay nu nkakbang wan, Use glong te, “Roro aw wan ay fadugsay Use ebi ay nafabili sas sik fulan taw laman tumaban angku sas talun Iptu. 5Ay dewa katanya ay nafagbulun, lag kalimu ay lag fayud ayu. Kanya mangaro tam Diyus wan at ke fasadan sa angku laman gumuna aw ayu stiye ay falangfe aktuwa sik ngay taw ayuwayu laman di kate kaduge e fanlunus. 6Katsi ngani duwak banwa yay at kinlangfe. E sawad yay limak banwa nu gyud e kaani sas fagdaul talun. 7Ay tam Diyus nafastiye angku laman am fag ngay talanan di am umkamin. Kamasine anya tam Diyus faran nu gfalangfe ayu.
8“Nu katanya, bunwa am at nafastiye angku. Tam Diyus wa mangaro. At fasadan laman matul aw sas fun daul ay nanmagurang aw fagayu at ngay taw si at bale ay anggan sas fagayu taw Iptu. 9Nu katanya, katsi ulii wan. Lag fanranan. Foyungi tam tama te gleleg kyay. Ay fadasugi yangay ku fagalongun sa anya, te, tam Diyus nafili angku tagmagurang sis fagayu taw Iptu. Ay nu katanya, alini wa stiye, sas taw Iptu talun. Lag fanranan. Tabani wan fagayu ay ngay kalongan ay ay ngay balan. Ay ubanani wan ay ngay fagnuwan. 10-11Ay sas Gusin#45:10-11 Gusin, taw Iptu wa at daga at balyu. wa ban fag lungud daga nu gbanwan am laman makbang tuwam angku. Aw wa ban tagfatvngvdun ayu kaduge am igbanwan sas Gusin laman di ban am umlunus, fagayu am, am mandi fag kalongan, ay anggan ay ngay balan. Fakatanyaun, lima yak banwa nu e fanlunus. Kayunya ku longan, fadasugi tuwa sa tam tama.
12“Ay katsi natoglag wam angku. Anggan o Benamin natoglag wo. 13Nu katanya, nanfamansulit wam tam tama te, ‘Am baguwama wa mangaro Use tagmagurang fagayu taw Iptu.’ Ay fagayu ay nalag ste ginan foyungi wa anya. Ay nu nafoyung wam fagayu ku longan, lag falugo nu sanya am. Tabani wan tam tama stiye.” 14-15Ay Use nu nalong wa katanya, nagafus at ariyan Benamin ay kadugenya guyway. Anggan Benamin guyway yangay. Ay Use naayuk yangay fagayu at ngay fadugsay.#45:14-15 Ebi, sanya fag talun at ngay taw ugali galay guseganan te naladlagan, tiba ginan gayuk tiba. Ay kaduge gayuk tiba sisiyan kanya guyway yay gugat. Ay nu katanya wan, tiba sisiyan gfasigad wa long gfasulitanan anya.
Akub fag Talafuwan nu Galin sas Taw Iptu at Talun
16Ay at ngay taw sis fun daul at bale nasaful te, Use at ngay fadugsay indasug. Ay anggan at fun daul nasaful yangay. Ay nu katanya kanya fagayu guseganan dawdaw. 17Ay at fun daul glong sas Use te, “E fagalongun aw sam ngay fadugsay, ay nanfoyung ro o. Glong aw te, ‘Katsi ulii wan. Fasakayi wa ay ba fakonun sa ay ngay asnu. Ay loi wa sa ay fagbanwanan sas talun Kanaan. 18Ay nanbuli wa ay tama. Ay tabani wa stiye anggan fagayu ay ngay talnayan. Ay nu ste wa ban am, aw wan tagfon ayu ay fagbanwanan sas taglabi nu masine fag lungud daga ste si ku fagmagurangan. Ay sanya long ban fag daga umon wam at masine fag ngay buwadan. 19Ay nu guli wam sa ay tama, faguyudani tuwa sik ngay karitun sa ay ngay asnu, ay ngay talnayan ban fagsakayan gina am kafoli stiye. Ay tabani wa stiye anggan ay tama. 20Lag gafanaliwan fagayu nus nge wain ay fagnuwan sanya, teway ku fon ban ayu ste at namasine wan.’ Katanya ku longan ayuwayu, foyungi tuwa sam ngay fadugsay.”
21Ay sisiyan nafaning wa fiya fun daul at suguwan. Use nafon wa fiya sik ngay karitun sat ngay fadugsay. Nafon yangay sik ngay fakonun, at fakonun sat ngaba dalan. 22Ay nafon yangay sadi sadik balukas laman e fantubus tuwa sat ngaba dalan. Ay sit Benamin lima tuwak balukas ay sik ngay pilak, at kabiyatan, tuluk kilu sit dayu gwabilug. 23Ay saman kanya Use nafon yay 20k asnu at fanfon at tama. At safulu, sik ngay asnu tama. Kanya fagayu e ubanan sik ngay buwadan ayuwayu at masine siginans talun Iptu. Ay at safulu, sik ngay asnu tina. At ubanan sik ngay fakonun ayuwayu: trigu, tinafay, ay sik ngay buwadan. Kanya ban at tama talafuwan fakonun sa sangaba dalan gina galin. 24Ay Use glong wa long tiba sisiyan te, “Katsi loi wan!” Ay sisiyan nu galoun wa fiya fiya, Use glong yay te, “Laman dewa am, dangay garingangan sa ay ngaba dalan.”
25Ay sisiyan nalo wan siginans talun Iptu. Ay nu ndasug wan sat fagbanwanan sis talun Kanaan, 26kamansulit at tama te, “Em fadugsay ngaro Use gleleg yay. Kanya wan katsi tagmagurang fagayu taw Iptu.” Ay at tama nu nadungug katanya, sanya way daw maragangan. Wa gafanud. 27Ay rodi, sisiyan nafansulit fagayu Use at ngay nalong. Ay nafalag yangay Use at nafataban fag ngay karitun laman at fagsakayan gina ban galin sas talun Iptu. Ay nu katanya, inbitsug at amatanganan. 28Ay Akub glong te, “Katsi gafanud akwa te ku baguwama Use igleleg yay mangaro. Ay katsi, glo kwan, laman bagu aw umkate lumag kyay anya.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines