Fagsigadan 47
47
1Ay Use nalo wa fiya ay indasug sas fun daul ay gfoyung sas fun daul te, “Ku mama ay ku ngay fadugsay naalin wan siginans talun Kanaan. Nataban wan fagayu at ngay balan, ay nauba wan fagayu at ngay fagnuwan. Ay katsi snay wa sas Gusin.” 2Ay Use nanantaban at fadugsay at lima sas fun daul. 3Ay fun daul nu nalag ginto te, “Taw ay fagbulun ebi ginan?” Ay sisiyan gbalus te, “Ebi ginan em fagbulun gfagut ami balan. Igfaning ami em mangaguyang at fagbulun. 4Ay em fagnaloun stiye, malunus wa dawdaw sa em fagbanwanan, sas talun Kanaan. Ay wami e fagfasabsaban em ngay balan. Ay nu masine tuwa sa emu, nanbanwan yay ban ami stiye. Ay get ami emu te, go masine nu gbanwan ami si at balyu am fagmagurangan, sis Gusin fag lungud?”
5Ay at fun daul glong sas Use te “E kin. Katsi mangaro am ngay kalongan indasug wan. 6Fabanwani wa nus nganday am ayupan at masine ste si ku fagmagurangan. Ay am ayupan taglabi nu masine nu sa was Gusin fag daga, fabanwani wa sanya. Ay ku fagetun emu, nu e nasaful o sik taw siginan am kalongan taglabi tiba nu gsaful gfagut balan, fatanudi sanya ku ngay balan.”
7Ay Use nataban yangay at tama sat fun daul. Ay at tama nadarangin at fun daul laman Diyus gtarabang. 8Ay at fun daul ginto te, “Seyu am banwa?” 9Ay Akub gbalus te, “Ku banwa katsi 130 wan. Wa kayu si ku ngay magurang at banwa. Ay fagngaba ku banwanan, gatakan kwa gugat gugat. Ay nus tuwa ma, gadgalinan way ami gugat gugat.” 10Ay kanya gdog yay fiya nadarangin at fun daul laman Diyus gtarabang. Ay nauli wan.
11Ay Use nafaning wa fiya at fun daul suguwan te, “Foni wa sam ngay kalongan sanya fag daga at taglabi nu masine si ku fagmagurangan.” Ay nu katanya, Use nafabanwan wa fiya at ngay kalongan sanya sis Gusin.#47:11 Sis Fangebriyu, ste fag tapan nu tumap tam, glong te, Use nafabanwan wa fiya at ngay kalongan sanya sis Rameses. Ramseses ay Gusin, sadi wayk lungud daga. 12Ay kaduge nu si aba e fanlunus, Use wan tagfatvngvdun at ngay kalongan. Use wan tagfon fakonun sat ngay talanan, igfainfaluwan at kayuwan.
13Ay roro fagayu taw sat ngaba dayu, kason yay baliwa nu kalunus. Ay at ngay taw kalukme wan, dewa taw Iptu ay dewa taw Kanaan, teway we mangabul takaon sa sangaba talun. 14Nu katanya, at ngay taw fagbulun anway gugat nanginfolian sas Use nansali fakonun. Ay nu glugo wan nu gfagbulun katanya, namin wat ngay taw fansali. Fagayu nafon wa sas Use. Ay Use nafatunglus wa sat fun daul kanya fag ngay fansali. 15Ay nu katanya, fagayu taw Iptu ay taw Kanaan at fansali namin wan. Ay fagayu taw Iptu nangakbang wa sas Use. Ay glong te “Katsi foni way sigad emi fakonun. Wami e fansali. Namin wan. Teway nu dway long o mfanyu emi umkate wami.”
16Ay Use nabalus te, “Nu namin wan ay fansali, katsi ban ay balan ya. Foni wa angku ay ngay balan, ay gfon aw ayu fakonun.” 17Ay taw Iptu nataban wa fiya at ngay kabayu, ay at ngay tupa, ay at ngay kambing, ay at ngay baka, ay at ngay asnu sas Use laman at fansali at fakonun. Ay sik banwa nu si aba katanya at fagbulun. Use gfon fakonun sa sangay taw Iptu, ay at fansali at ngay balan wan.
18Ay kanya fag banwa nu nlangfe wan, taw Iptu inkakbang yay fiya sas Use ay glong te, “Katsi long igsaful wa ro o te, fangamin wan em fagekwaun. Nafon wami emu em ngay fansali ay em ngay balan. Ay katsi we mangabul. Wami e fanfon emu. At sawad em bilug wadi ay em ngay daga. 19Nu dway o mfanyu emi, ay nu mkate way ngap ban ami, ay nu dway ban e gimalu em ngay daga, wa ngap ro e fanambagun sa emu. Katsi get wami emu te, amii wan ay anggani wa em ngay daga laman em fansali em ngay fakonun. Dewa ro ami nangafanuguwanan sa tam fun daul ay kanya wan tagagbilug em ngay daga, kaumsig way ami. At mafanud sa emi, umke fakonun tuwami nangus laman di ami kate. Ay foni yangay emi fantanum laman kanya fag ngay daga em fagfonun sas fun daul di kafabayan.” Katanya taw Iptu fagetun sas Use.
20-21Ay Use nafaning wa fiya kata taw Iptu fagetun, teway taw Iptu kalunus way gugat. Wa mangatalfus. Use nafafanuguwanan wa fiya fagayu taw Iptu sas fun daul. Ay nafaagbilug wan at ngay daga. 22Ay sanya mangaro sis taw Iptu, siginan ngay ebi e sik ngay taw way masaman tiba. Kanya fag ngay taw at fagbulun, tagfatvngvdun taw Iptu at ngay tawtawan. Ay kanya fag ngay taw wa nafaagbilug at daga sas fun daul, teway at fun daul wan tagfon at fakonun siginan ngay ebi.
23Ay Use nalong sa sangay taw Iptu te, “Katsi nasali kwa ayu. Anggan ay ngay daga, masalian wan. Ay tam fun daul wan tagagbilug fagayu ste fag talun. Ay katsi, gfon kwa ayu ay fantanum laman ban e fantanum tuwam. 24Anway te, katsi ban baliwa, fagayu ay naani fag buwadan kayu ginan inlima, at sadi si tam fun daul way. Ay at sawad fagayu, ayu wan laman ay ngay talanan e fakonun tuwa ay laman e fantanum tuwam.” 25Ay at ngay taw nalong sas Use te, “Fadi fadi guseganan ami dawdaw am nafalangfean emi. Katsi fagayu ami tam fun daul wami at ngay fanuguwan.”
26Ay ginanya Use nasugu sas fagayu taw Iptu te, “Dewa gina katsi ban baliwa nu gani wam, kayu ginan ay naani inlima, at sadi si way tam fun daul.” Ay kanya fag suguwan anggan katsi gtunglusanan tuwa. Anggan katsi at fun daul yay tagagbilug at ngay taw daga sis fagdaul talun Iptu, dasday sisa ngay taw tagfatvngvdun taw Iptu at ngay tawtawan.
27Ay Akub fag fulan kaduge gugat igbanwan sis Gusin,#47:27 Gusin, taw Iptu wa at daga at balyu. inke ngay daga wan ay at taw inkayu wa dawdaw. 28Ay Akub nu gbanwan sis talun Iptu, 17k banwa, ay kanya nu gleleg, at kadugayan sik 147k banwa.
29-30Ay Akub nu gakateun wan, nafaakbang yay sa anya Use ay glong te, “Get aw emu te, dewa gina, nu nkate kwan, lag sandig angku stes talun Iptu. Ubai yap ku bilug sa ku ngay aguyangan at fagsandigan, sas talun Kanaan. Sanyai tuwa nu gsandig o. Katsi fatuyanani sa angku te, gfaning wa ban o fiya katanya. Ay fe famatvngvdi tuwa katanya am longan.”#47:29-30 Sis Fangebriyu, ste fag tapan nu tumap tam, Akub wa fiya fiya nalong te, “Fe famatvngvdi tuwa katanya am longan.” Nalong way te, “Fatsai ku buknga balangbang am daluwap.” Ebi, kanya fag fulan taw, galay gfatvngvd sik nafatuyanan, tiba ginan katanya at fagbulun. Ay Use igbalus at tama te, “Kin, gfaning kwa ban kata am longan.” 31Ay at tama glong te, “Idya. Fe famatvngvdi yap am longan.” Ay Use nafatvngvd wa fiya at longan. Ay rodi ataw, at tama natudan si at fagtiyugan ay gfauseganan sas Diyus.
ទើបបានជ្រើសរើសហើយ៖
Fagsigadan 47: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 47
47
1Ay Use nalo wa fiya ay indasug sas fun daul ay gfoyung sas fun daul te, “Ku mama ay ku ngay fadugsay naalin wan siginans talun Kanaan. Nataban wan fagayu at ngay balan, ay nauba wan fagayu at ngay fagnuwan. Ay katsi snay wa sas Gusin.” 2Ay Use nanantaban at fadugsay at lima sas fun daul. 3Ay fun daul nu nalag ginto te, “Taw ay fagbulun ebi ginan?” Ay sisiyan gbalus te, “Ebi ginan em fagbulun gfagut ami balan. Igfaning ami em mangaguyang at fagbulun. 4Ay em fagnaloun stiye, malunus wa dawdaw sa em fagbanwanan, sas talun Kanaan. Ay wami e fagfasabsaban em ngay balan. Ay nu masine tuwa sa emu, nanbanwan yay ban ami stiye. Ay get ami emu te, go masine nu gbanwan ami si at balyu am fagmagurangan, sis Gusin fag lungud?”
5Ay at fun daul glong sas Use te “E kin. Katsi mangaro am ngay kalongan indasug wan. 6Fabanwani wa nus nganday am ayupan at masine ste si ku fagmagurangan. Ay am ayupan taglabi nu masine nu sa was Gusin fag daga, fabanwani wa sanya. Ay ku fagetun emu, nu e nasaful o sik taw siginan am kalongan taglabi tiba nu gsaful gfagut balan, fatanudi sanya ku ngay balan.”
7Ay Use nataban yangay at tama sat fun daul. Ay at tama nadarangin at fun daul laman Diyus gtarabang. 8Ay at fun daul ginto te, “Seyu am banwa?” 9Ay Akub gbalus te, “Ku banwa katsi 130 wan. Wa kayu si ku ngay magurang at banwa. Ay fagngaba ku banwanan, gatakan kwa gugat gugat. Ay nus tuwa ma, gadgalinan way ami gugat gugat.” 10Ay kanya gdog yay fiya nadarangin at fun daul laman Diyus gtarabang. Ay nauli wan.
11Ay Use nafaning wa fiya at fun daul suguwan te, “Foni wa sam ngay kalongan sanya fag daga at taglabi nu masine si ku fagmagurangan.” Ay nu katanya, Use nafabanwan wa fiya at ngay kalongan sanya sis Gusin.#47:11 Sis Fangebriyu, ste fag tapan nu tumap tam, glong te, Use nafabanwan wa fiya at ngay kalongan sanya sis Rameses. Ramseses ay Gusin, sadi wayk lungud daga. 12Ay kaduge nu si aba e fanlunus, Use wan tagfatvngvdun at ngay kalongan. Use wan tagfon fakonun sat ngay talanan, igfainfaluwan at kayuwan.
13Ay roro fagayu taw sat ngaba dayu, kason yay baliwa nu kalunus. Ay at ngay taw kalukme wan, dewa taw Iptu ay dewa taw Kanaan, teway we mangabul takaon sa sangaba talun. 14Nu katanya, at ngay taw fagbulun anway gugat nanginfolian sas Use nansali fakonun. Ay nu glugo wan nu gfagbulun katanya, namin wat ngay taw fansali. Fagayu nafon wa sas Use. Ay Use nafatunglus wa sat fun daul kanya fag ngay fansali. 15Ay nu katanya, fagayu taw Iptu ay taw Kanaan at fansali namin wan. Ay fagayu taw Iptu nangakbang wa sas Use. Ay glong te “Katsi foni way sigad emi fakonun. Wami e fansali. Namin wan. Teway nu dway long o mfanyu emi umkate wami.”
16Ay Use nabalus te, “Nu namin wan ay fansali, katsi ban ay balan ya. Foni wa angku ay ngay balan, ay gfon aw ayu fakonun.” 17Ay taw Iptu nataban wa fiya at ngay kabayu, ay at ngay tupa, ay at ngay kambing, ay at ngay baka, ay at ngay asnu sas Use laman at fansali at fakonun. Ay sik banwa nu si aba katanya at fagbulun. Use gfon fakonun sa sangay taw Iptu, ay at fansali at ngay balan wan.
18Ay kanya fag banwa nu nlangfe wan, taw Iptu inkakbang yay fiya sas Use ay glong te, “Katsi long igsaful wa ro o te, fangamin wan em fagekwaun. Nafon wami emu em ngay fansali ay em ngay balan. Ay katsi we mangabul. Wami e fanfon emu. At sawad em bilug wadi ay em ngay daga. 19Nu dway o mfanyu emi, ay nu mkate way ngap ban ami, ay nu dway ban e gimalu em ngay daga, wa ngap ro e fanambagun sa emu. Katsi get wami emu te, amii wan ay anggani wa em ngay daga laman em fansali em ngay fakonun. Dewa ro ami nangafanuguwanan sa tam fun daul ay kanya wan tagagbilug em ngay daga, kaumsig way ami. At mafanud sa emi, umke fakonun tuwami nangus laman di ami kate. Ay foni yangay emi fantanum laman kanya fag ngay daga em fagfonun sas fun daul di kafabayan.” Katanya taw Iptu fagetun sas Use.
20-21Ay Use nafaning wa fiya kata taw Iptu fagetun, teway taw Iptu kalunus way gugat. Wa mangatalfus. Use nafafanuguwanan wa fiya fagayu taw Iptu sas fun daul. Ay nafaagbilug wan at ngay daga. 22Ay sanya mangaro sis taw Iptu, siginan ngay ebi e sik ngay taw way masaman tiba. Kanya fag ngay taw at fagbulun, tagfatvngvdun taw Iptu at ngay tawtawan. Ay kanya fag ngay taw wa nafaagbilug at daga sas fun daul, teway at fun daul wan tagfon at fakonun siginan ngay ebi.
23Ay Use nalong sa sangay taw Iptu te, “Katsi nasali kwa ayu. Anggan ay ngay daga, masalian wan. Ay tam fun daul wan tagagbilug fagayu ste fag talun. Ay katsi, gfon kwa ayu ay fantanum laman ban e fantanum tuwam. 24Anway te, katsi ban baliwa, fagayu ay naani fag buwadan kayu ginan inlima, at sadi si tam fun daul way. Ay at sawad fagayu, ayu wan laman ay ngay talanan e fakonun tuwa ay laman e fantanum tuwam.” 25Ay at ngay taw nalong sas Use te, “Fadi fadi guseganan ami dawdaw am nafalangfean emi. Katsi fagayu ami tam fun daul wami at ngay fanuguwan.”
26Ay ginanya Use nasugu sas fagayu taw Iptu te, “Dewa gina katsi ban baliwa nu gani wam, kayu ginan ay naani inlima, at sadi si way tam fun daul.” Ay kanya fag suguwan anggan katsi gtunglusanan tuwa. Anggan katsi at fun daul yay tagagbilug at ngay taw daga sis fagdaul talun Iptu, dasday sisa ngay taw tagfatvngvdun taw Iptu at ngay tawtawan.
27Ay Akub fag fulan kaduge gugat igbanwan sis Gusin,#47:27 Gusin, taw Iptu wa at daga at balyu. inke ngay daga wan ay at taw inkayu wa dawdaw. 28Ay Akub nu gbanwan sis talun Iptu, 17k banwa, ay kanya nu gleleg, at kadugayan sik 147k banwa.
29-30Ay Akub nu gakateun wan, nafaakbang yay sa anya Use ay glong te, “Get aw emu te, dewa gina, nu nkate kwan, lag sandig angku stes talun Iptu. Ubai yap ku bilug sa ku ngay aguyangan at fagsandigan, sas talun Kanaan. Sanyai tuwa nu gsandig o. Katsi fatuyanani sa angku te, gfaning wa ban o fiya katanya. Ay fe famatvngvdi tuwa katanya am longan.”#47:29-30 Sis Fangebriyu, ste fag tapan nu tumap tam, Akub wa fiya fiya nalong te, “Fe famatvngvdi tuwa katanya am longan.” Nalong way te, “Fatsai ku buknga balangbang am daluwap.” Ebi, kanya fag fulan taw, galay gfatvngvd sik nafatuyanan, tiba ginan katanya at fagbulun. Ay Use igbalus at tama te, “Kin, gfaning kwa ban kata am longan.” 31Ay at tama glong te, “Idya. Fe famatvngvdi yap am longan.” Ay Use nafatvngvd wa fiya at longan. Ay rodi ataw, at tama natudan si at fagtiyugan ay gfauseganan sas Diyus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines