Fagsigadan 44
44
Use nu Nangatuyan te Go Nbali tuwa at ngay Kaka at Amatanganan
1-2Ay roro, Use nalong yay masuksuwanan sat tagfangguna at ngay fanuguwan te, “Katsi nansuwad wo kanya fag ngay taw at ba fakonun sat ngay saku. Fapnui tuwa. Fatugani at fagmadun. Ay suwadi yangay sanya at ngay fansali. Ay sit fuyu famuti ku faginuman at fangawat pilak.” Ay at tagfangguna at ngay fanuguwan nafaning wa fiya Use at longan.
3Ay balabag di sad surip, sisiyan nafasakay wa at ngay fangubaun ay nalo wan, igtaban wat ngay asnu. 4Ay ya ngayayu fulan, Use nasugu tagfangguna at ngay fanuguwan te “Stei! Tarungi. Nangalo yap o kanya fag ngay taw! Ay dewa gina nu nasud wo, longi te, ‘Taw ro fakatanyaun ay famafoli sa em nafagbulun masine sa ayu? 5Taw ro ay fagnaubaun ku fun at faginuman? Kanya kesug way dawdaw, teway sanya ginan fag faginuman nu kasaful at ngay takagurungan ban.#44:5 Ebi, sis taw Iptu galay nangasaful takagurungan ban, tiba ginan nangasaful sas sik faginuman at ke fagmadaragangun. Katanya fag fagbulun Diyus kalimata way. Tapi sas Diyuterunumyu 18:10. Dewa katanya, Use wa ro gfagbulun katanya. Igfalimuwanan way ro tiba sisiyan, fagnalongun te, sanya ginan fag faginuman nu kasaful at ngay takagurungan ban. Katanya wa masine ay nafagbulun sa emi.’”
6Ay ka fag tagfangguna fanuguwan nu nasud wa sisiyan, nafoyung wa fiya aro at fun longan. 7Ay sisiyan gbalus te, “Sama, lagi. Taw fakatanyaun dawdaw nu gelongan o? Bundi long ami sik ngay takamul. 8Ebi ngani em fasad fansali em nalag si em ngay saku, nafafoli yay ami. Nauba yay ami siginan em talun. Ay nafon yay ami ayu. Kanya wan tagfatuyan te, bundi ami sik ngay takamul. Em fagnaloun stiye di long ami nanbul am fun at gintu ay at pilak.#44:8 Kanya duwa gintu ay pilak, sik mafanud dawdaw fag bakal at fangawat at taglabi nu masine fag ngay fagnuwan. 9Ay sarapi wa ngani sa em ngay saku. Wa long ro o e nalag ka fag faginuman. Ay nu e nalag way ro o, fatei wan at ke ubanan kanya. Ay ami at sawad, ay fanuguwan wa ban.” 10Ay tagfangguna fanuguwan nabalus te, “E, yaya. Nus nga sinu ro fag taw at ke saku ku faglagan ku fun faginuman, kanya way fagsadi em fanuguwan. Ay am tiba dangay gasalagan. Di amay e nafagbulun mauri.”
11Ay nu ntabu wa nu gsulitanan, sisiyan nafadfalian nafadaga at ngay fangubaun siginan at ngay asnu ay naluwas at ngay fansiyuk. 12Ay ka fag tagfangguna fanuguwan igsarap wa fiya sat ngay saku. Nafasigad siginant turungana anggan sat fuyu. Ay roro mangaro nalag ka fag faginuman sis Benamin saku. 13Ay nu nalag katanya, fagayu sisiyan katvngvdan nu kabalu nagirat wa long at balukas.#44:13 Ebi, sanya fag talun at ngay taw at ugali galay mason nu kabalu, iggirat at balukas. Ay dewa nagirat, kanya way gugat at balukas. Ate tiba ginan nabalukasan sik balukas mataras. Ay tiba ginan iggalumut dafug ay gfatsat alfuyu. At masuwad, takatanya fag ngay fagbulun, igfalag tibak taw te kanya e fakabaluun. Ay rodi nafasakay yay fiya at fangubaun ay kafoli yangay sat guyan, sas Use at fagbanwanan fag fulan.
14Ay Uda ay anggan tiba sisiyan nu ndasug sas Use bale, nasakbo wan. Ay manlag di, Use sanya yay gugat sad bale. Ay kanya fagayu natudan ay namalub sas Use at daga salubangan, sik famasaful te, igfababaun. 15Ay Use nalong te, “Taw fakatanyaun ay nafagbulun sa angku? Wa long am mafafanluk angku. Go sangay wam nasaful te, e fagmadaragangun aw igfansaful taw fagbulun at masuksuwanan?”
16Ay Uda nalong sanya fag tagmagurang te, “Em fun, wa ngap ami mafafanlonganan. Ay wami ngap mafalong te, di ami e asalanan, teway siginan ngay ebi e asalanan wami. Ay katsi Diyus igfafoli wa ngaro sa emi kanya ebi em asalanan. Ay nu katanya, am fanuguwan ban bundi fagsadi em ariyan at naubanan am faginuman. Ami tuwa fagayu.” 17Ay Use nalong te, “Yaya. Wa katanya. Nus nganda way fiya fiya at naubanan ku faginuman, kanya way ku fanuguwan. Ay am tiba dangay gasalagan. Ulii tuwa sa ay tama.”
Katsi Uda at Amatanganan, Gfangafanyu wan
18Ay Uda inkakbang sanya fag tagmagurang ay glong te, “E, idya nu gdi. Nanginkaplan kyay nangelongan sa emu, dewa te, fasud wo at fun daul ste fag talun. Lag ro kalimata angku. 19Ebi, gina o ginto emi te, ‘Go e tama yay am, ay go e fadugsay yay am?’ 20nabalus wami emu te, ‘Kin yay. E tama yay ami, ay em tama kafufuwama wa dawdaw. Ay e fadugsay yay ami sa em tama. Sanya yay em fuyu. Ay gina em fuyu kasalug, em tama mafufuwama wan. Ay satu ro e fadugsay yay ami sadi ya, teway inkate wan. Ay kanya em fuyu ay em fadugsay kinkate, sadi tuwat tina. Ay at kaka inkate wayay, katsi sanya fag mangena at unga, em fuyu way fagsadi. Ay katanya wayay, matvngvd dawdaw em tama nu kesug em fuyu.’ 21Ay nalong o emi te, ‘Nanbuli ay fuyu. Ay tabani stiye laman lumag aw.’ 22Ay nabalus ami emu te, ‘Yaya. Em fuyu wa masine gfasaman at tama, teway em fuyu nu nsaman way ro, em tama katvngvdan nu kabalu umkate wan.’ 23Ay nalong o emi te, ‘Wam lumag ku mata, way am gtaban ay fuyu.’
24“Ay gina ami nauli, nafoyung wami em tama fagayu am longan. 25Ay bandi ataw, em tama glong yay emi te, ‘Katsi nangafoli yap am fiya sas talun Iptu. Nanbilii yangay tam fakonun, dewa yud ro ngayu.’ 26Ay gbalus ami em tama te, ‘Yaya. Wa ngani ami maafoli sanya fag talun em fuyu way galo emi. Wami maasure sanya fag tagmagurang. Wami unu lumag at mata, em fuyu nu dway galo emi.’ 27Ay em tama gbalus emi te, ‘Yaya. Nasaful wam te, em unga si ku sena Rakel, duwa way. 28At sadi ngani nkate wan. Tagfangagat fag mangimut naurit wa ro gugat gugat at bilug. Ay siginan ngani ginanya, kwa batang glag anya. 29Ay katsi ngani at sawad sadi way. Ay mafufuwama kwa ngani. Nu tumaban way am anya ay e mgurungan mauri sa anya, aw ngap katvngvdan nu kabalu aw umkate kwa ngap ban.’ Ay katanya wan em tama longan emi ebi.
30“Em fun, nu gfalongun kwa fiya fiya sa emu, em tama wa maabanwan nu dway maful anya em fuyu. Ay nu dway ami fafauli em fuyu, 31em tama umbalu wa long ay umkate wan, teway mafufuwama wa dawdaw. 32Ay famamut ya, ebi gina ami glo, nafatuyanan kway dawdaw em tama te, ‘Gfauli kwa fiya em fuyu. Ay nu kway ban fafauli, fagngaba ban ku banwanan e asalanan kway.’ 33Ay nu katanya, get kwa dawdaw emu te, awi yakman tagaguyanan ste. Awi wan am fanuguwan. Ay em fuyu long faaloi wan tiba sisiyan. Faulii wan. 34Aw ngap kwa long guli em fuyu nu dway guli, teway kwa kaumsig iglag ku mama nu gatakan gugat gugat.”
ទើបបានជ្រើសរើសហើយ៖
Fagsigadan 44: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 44
44
Use nu Nangatuyan te Go Nbali tuwa at ngay Kaka at Amatanganan
1-2Ay roro, Use nalong yay masuksuwanan sat tagfangguna at ngay fanuguwan te, “Katsi nansuwad wo kanya fag ngay taw at ba fakonun sat ngay saku. Fapnui tuwa. Fatugani at fagmadun. Ay suwadi yangay sanya at ngay fansali. Ay sit fuyu famuti ku faginuman at fangawat pilak.” Ay at tagfangguna at ngay fanuguwan nafaning wa fiya Use at longan.
3Ay balabag di sad surip, sisiyan nafasakay wa at ngay fangubaun ay nalo wan, igtaban wat ngay asnu. 4Ay ya ngayayu fulan, Use nasugu tagfangguna at ngay fanuguwan te “Stei! Tarungi. Nangalo yap o kanya fag ngay taw! Ay dewa gina nu nasud wo, longi te, ‘Taw ro fakatanyaun ay famafoli sa em nafagbulun masine sa ayu? 5Taw ro ay fagnaubaun ku fun at faginuman? Kanya kesug way dawdaw, teway sanya ginan fag faginuman nu kasaful at ngay takagurungan ban.#44:5 Ebi, sis taw Iptu galay nangasaful takagurungan ban, tiba ginan nangasaful sas sik faginuman at ke fagmadaragangun. Katanya fag fagbulun Diyus kalimata way. Tapi sas Diyuterunumyu 18:10. Dewa katanya, Use wa ro gfagbulun katanya. Igfalimuwanan way ro tiba sisiyan, fagnalongun te, sanya ginan fag faginuman nu kasaful at ngay takagurungan ban. Katanya wa masine ay nafagbulun sa emi.’”
6Ay ka fag tagfangguna fanuguwan nu nasud wa sisiyan, nafoyung wa fiya aro at fun longan. 7Ay sisiyan gbalus te, “Sama, lagi. Taw fakatanyaun dawdaw nu gelongan o? Bundi long ami sik ngay takamul. 8Ebi ngani em fasad fansali em nalag si em ngay saku, nafafoli yay ami. Nauba yay ami siginan em talun. Ay nafon yay ami ayu. Kanya wan tagfatuyan te, bundi ami sik ngay takamul. Em fagnaloun stiye di long ami nanbul am fun at gintu ay at pilak.#44:8 Kanya duwa gintu ay pilak, sik mafanud dawdaw fag bakal at fangawat at taglabi nu masine fag ngay fagnuwan. 9Ay sarapi wa ngani sa em ngay saku. Wa long ro o e nalag ka fag faginuman. Ay nu e nalag way ro o, fatei wan at ke ubanan kanya. Ay ami at sawad, ay fanuguwan wa ban.” 10Ay tagfangguna fanuguwan nabalus te, “E, yaya. Nus nga sinu ro fag taw at ke saku ku faglagan ku fun faginuman, kanya way fagsadi em fanuguwan. Ay am tiba dangay gasalagan. Di amay e nafagbulun mauri.”
11Ay nu ntabu wa nu gsulitanan, sisiyan nafadfalian nafadaga at ngay fangubaun siginan at ngay asnu ay naluwas at ngay fansiyuk. 12Ay ka fag tagfangguna fanuguwan igsarap wa fiya sat ngay saku. Nafasigad siginant turungana anggan sat fuyu. Ay roro mangaro nalag ka fag faginuman sis Benamin saku. 13Ay nu nalag katanya, fagayu sisiyan katvngvdan nu kabalu nagirat wa long at balukas.#44:13 Ebi, sanya fag talun at ngay taw at ugali galay mason nu kabalu, iggirat at balukas. Ay dewa nagirat, kanya way gugat at balukas. Ate tiba ginan nabalukasan sik balukas mataras. Ay tiba ginan iggalumut dafug ay gfatsat alfuyu. At masuwad, takatanya fag ngay fagbulun, igfalag tibak taw te kanya e fakabaluun. Ay rodi nafasakay yay fiya at fangubaun ay kafoli yangay sat guyan, sas Use at fagbanwanan fag fulan.
14Ay Uda ay anggan tiba sisiyan nu ndasug sas Use bale, nasakbo wan. Ay manlag di, Use sanya yay gugat sad bale. Ay kanya fagayu natudan ay namalub sas Use at daga salubangan, sik famasaful te, igfababaun. 15Ay Use nalong te, “Taw fakatanyaun ay nafagbulun sa angku? Wa long am mafafanluk angku. Go sangay wam nasaful te, e fagmadaragangun aw igfansaful taw fagbulun at masuksuwanan?”
16Ay Uda nalong sanya fag tagmagurang te, “Em fun, wa ngap ami mafafanlonganan. Ay wami ngap mafalong te, di ami e asalanan, teway siginan ngay ebi e asalanan wami. Ay katsi Diyus igfafoli wa ngaro sa emi kanya ebi em asalanan. Ay nu katanya, am fanuguwan ban bundi fagsadi em ariyan at naubanan am faginuman. Ami tuwa fagayu.” 17Ay Use nalong te, “Yaya. Wa katanya. Nus nganda way fiya fiya at naubanan ku faginuman, kanya way ku fanuguwan. Ay am tiba dangay gasalagan. Ulii tuwa sa ay tama.”
Katsi Uda at Amatanganan, Gfangafanyu wan
18Ay Uda inkakbang sanya fag tagmagurang ay glong te, “E, idya nu gdi. Nanginkaplan kyay nangelongan sa emu, dewa te, fasud wo at fun daul ste fag talun. Lag ro kalimata angku. 19Ebi, gina o ginto emi te, ‘Go e tama yay am, ay go e fadugsay yay am?’ 20nabalus wami emu te, ‘Kin yay. E tama yay ami, ay em tama kafufuwama wa dawdaw. Ay e fadugsay yay ami sa em tama. Sanya yay em fuyu. Ay gina em fuyu kasalug, em tama mafufuwama wan. Ay satu ro e fadugsay yay ami sadi ya, teway inkate wan. Ay kanya em fuyu ay em fadugsay kinkate, sadi tuwat tina. Ay at kaka inkate wayay, katsi sanya fag mangena at unga, em fuyu way fagsadi. Ay katanya wayay, matvngvd dawdaw em tama nu kesug em fuyu.’ 21Ay nalong o emi te, ‘Nanbuli ay fuyu. Ay tabani stiye laman lumag aw.’ 22Ay nabalus ami emu te, ‘Yaya. Em fuyu wa masine gfasaman at tama, teway em fuyu nu nsaman way ro, em tama katvngvdan nu kabalu umkate wan.’ 23Ay nalong o emi te, ‘Wam lumag ku mata, way am gtaban ay fuyu.’
24“Ay gina ami nauli, nafoyung wami em tama fagayu am longan. 25Ay bandi ataw, em tama glong yay emi te, ‘Katsi nangafoli yap am fiya sas talun Iptu. Nanbilii yangay tam fakonun, dewa yud ro ngayu.’ 26Ay gbalus ami em tama te, ‘Yaya. Wa ngani ami maafoli sanya fag talun em fuyu way galo emi. Wami maasure sanya fag tagmagurang. Wami unu lumag at mata, em fuyu nu dway galo emi.’ 27Ay em tama gbalus emi te, ‘Yaya. Nasaful wam te, em unga si ku sena Rakel, duwa way. 28At sadi ngani nkate wan. Tagfangagat fag mangimut naurit wa ro gugat gugat at bilug. Ay siginan ngani ginanya, kwa batang glag anya. 29Ay katsi ngani at sawad sadi way. Ay mafufuwama kwa ngani. Nu tumaban way am anya ay e mgurungan mauri sa anya, aw ngap katvngvdan nu kabalu aw umkate kwa ngap ban.’ Ay katanya wan em tama longan emi ebi.
30“Em fun, nu gfalongun kwa fiya fiya sa emu, em tama wa maabanwan nu dway maful anya em fuyu. Ay nu dway ami fafauli em fuyu, 31em tama umbalu wa long ay umkate wan, teway mafufuwama wa dawdaw. 32Ay famamut ya, ebi gina ami glo, nafatuyanan kway dawdaw em tama te, ‘Gfauli kwa fiya em fuyu. Ay nu kway ban fafauli, fagngaba ban ku banwanan e asalanan kway.’ 33Ay nu katanya, get kwa dawdaw emu te, awi yakman tagaguyanan ste. Awi wan am fanuguwan. Ay em fuyu long faaloi wan tiba sisiyan. Faulii wan. 34Aw ngap kwa long guli em fuyu nu dway guli, teway kwa kaumsig iglag ku mama nu gatakan gugat gugat.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines