Fagsigadan 36
36
Isaw fag Kalongan nu Madaragang
(1 Kru. 1:34-54)
1Isaw at ngayan, duwa. At sadi at ngayan, Idum. Ay katatuy at foyungan sa baliwas Isaw at sugfun:
2Isaw at mangena, duwa. Kanya fagduwa, taw dan wa sanya sis talun Kanaan. At ngayan, Ada ay Ulibana. Ay sis Ada at tama, Ilun at ngayan. Kanya sik taw Kit. Ay sis Ulibana at tama, Anan. Ay Ulibana fufuwama, Sibiyun. Kanya Sibiyun sik taw Kib. 3Ay bandi ataw, Isaw nafanmangena yay at ayi Ismael baguyna. Ay kanya fag baguyna, at ngayan, Basimat. Ay Basimat e fadugsay yay sik ama, at ngayan Nibayut.
4Ay Isaw inke ngay baguwama tuwa ayuwayu. At baguwama sit mangena Ada, at ngayan Elifas. Ay at baguwama sit mangena Basimat, at ngayan Reuwel. 5Ay at baguwama sit mangena Ulibana, tulu. At ngayan, Yeus, Alam, ay Kura. Kayunya at ngay baguwama. Kanya fagayu nu kasalug, sis talun Kanaan.
6-7Ebi ataw, kaduge Isaw fag talanan igbanwan sis talun Kanaan, ginanya maful yay at ariyan Akub. Ay bandi, ka fag dugsay, Akub ay Isaw, tanan wa inbalan. At ngay balan inkayu wa dawdaw. Ay sanya fag lungud, wa kasakan at fagfasabsaban at ngay balan. Nu katanya, at kaka naalin wan. Inyayu wa at fadugsay. Nafasakay wa sat ngay balan fagayu at nafaful at fagnuwan kaduge gbanwan sis talun Kanaan. Ay nataban wa at ngay talnayan ay at ngay balan ay at ngay fanuguwan.
8Ay Isaw fag fulan at fagalinan, sa sik talun at ngayan Sir, sa sik talun at ngayu at muyud. 9Ay sanya wan at faglugoan nu gbanwan, sanya sis Sir fag talun. Anggan Isaw at ngay baguwama ay at ngay fufu sat dagat daga, sanya wan nu gbanwan. Ay nu bandi wan, at ngay taw nu gngayan Isaw fag fulan taw, anwa taw Idum.
Ay katatuy at foyungan sas taw Idum baliwa:
10-13Isaw mangena at sadi, at ngayan, Ada. Ay kanya daduwa Isaw ay Ada, e baguwama, at ngayan Elifas. Ay Elifas nu e mangena wan, inke ngay baguwama yangay. At ngayan, Teman, Umar, Sifu, Gatam, ay Kenas. Ay roro Elifas namangenaan yangay at fanuguwan at sadi, at ngayan Timna. Ay Timna inke baguwama sadi. At ngayan Amalek.
Ay Isaw mangena at sadi, at ngayan, Basimat. Ay kanya daduwa Isaw ay Basimat, e baguwama, at ngayan Reuwel. Ay Reuwel nu e mangena wan, inke ngay baguwama yangay. At ngayan Nakat, Serak, Sama, ay Mesa.
14Ay Isaw mangena at sadi, at ngayan, Ulibana. Ay kanya daduwa Isaw ay Ulibana, e baguwama tulu. At ngayan Yeus, Alam ay Kura.
15-16Ay Isaw at ngay baguwama ay at ngay fufu, tiba sik ngay fun tuwa. Isaw ay Ada at baguwama, Elifas. Kanya Elifas at tiba kaka fagayu. Ay Elifas ngay baguwama at ngayan, Teman, Umar, Sifu, Kenas, Kura, Gatam, ay Amalek. Kanya Elifas at ngay baguwama. Sik ngay fun wan, kayunya.
17Ay Isaw ay Basimat baguwama, Reuwel. Ay Reuwel ngay baguwama at ngayan, Nakat, Serak, Sama, ay Mesa. Kanya Reuwel at ngay baguwama. Sik ngay fun yangay.
18Ay Isaw ay Ulibana baguwama, at ngayan Yeus, Alam, ay Kura. Kanya Ulibana at ngay baguwama. Sik ngay fun yangay.
19Kayunya Isaw at ngay baguwama ay at ngay fufu at kinsik fun.
20Ay Isaw fag fulan dewa naalin sas Sir fag talun, roro sanya e taw dan wan. Sanya wa gugat taw Kur nu gbanwan. Ay ebi ataw, sanya fag ngay taw dan at magurang, sik mangama at ngayan Sir. Ay Sir inke ngay baguwama ay ngay fufu. Ay at ngay baguwama ay at ngay fufu tiba, sik ngay fun wan. At ngayan Lutan, Subal, Sibiyun, Ana, 21Disun, Eser, ay Disan. Kanya at ngay baguwama ay at ngay fufu tiba. Kanya fagayu sik ngay fun, sanyas taw dan, sis talun Sir.
22Ay Sir at ngay baguwama, inke ngay baguwama yangay. Sir baguwama at sadi, at ngayan, Lutan. Sis Lutan at baguwama, at ngayan, Kuri ay Umam. Ay kanya Lutan, e fadugsay tuwa sik mangena, at ngayan Timna.
23Ay Sir baguwama at sadi, Sobal. Ay sis Sobal at baguwama, Alyan, Manakat, Ebal, Sifi, ay Unam.
24Ay Sir baguwama at sadi, Sibiyun. Ay sis Sibiyun at baguwama, Aya ay Ana. Ay sayginan, Ana nantaban at tama ngay asnu, nansarap at fagfasabsaban sas talun yud e taw. Ay nu gtaban wa gugat at tama ngay asnu sam dayum dayu, natungul sik ngay bukbuwan safa, masugba.
25Ay sis Ana at baguwama, Disun. Ay Anan baguyna, Ulibana.
26Ay sis Disun at baguwama, Kamran, Esban, Itran, ay Keran.
27Ay Sir baguwama at sadi, at ngayan, Eser. Sis Eser at baguwama, at ngayan Bilan, Saban, ay Akan.
28Ay Sir baguwama at sadi, at ngayan, Disan. Sis Disan baguwama at ngayan, Us ay Aran.
29-30Kanya fagayu sik ngay taw Kur. Ay kanya Lutan, Subal, Sibiyun, Ana, Disun, Eser, ay Disan, kanya fagayu sik ngay fun. Sanya wa sis talun Sir nu gmagurang.
31Ay Isaw at ngay fufu sat dagat daga kaduge gugat gbanwan sis talun Sir, bandi at taw nafabali wan nu gngayan at talun. Talun Idum wan, bandi. Ay sanya sis talun Idum, at ngay taw inke ngay fun daul wan. Ay kaduge kanya fag ngay fun igmagurang, ye fun sis taw Israel.
32Ay at taguna taw Idum at fun daul, at ngayan, Bela. Ay Bela nu sik fun wan, nu gbanwan, sis fulan Dinaba. Ay at tama, Beur.
33Ay fun Bela nu nkate wan, at natubus anya, at ngayan Ubab. Ebi ataw kanya nu gbanwan, sis fulan Busra. Ay at tama ngayan, Serak.
34Ay fun Ubab nu nkate wan, at natubus anya, at ngayan Kusam. Ebi ataw kanya nu gbanwan, sis taw Timan talun.
35Ay fun Kusam nu nkate wan, at natubus anya, at ngayan Adad. Kanya ebi at nafabarangyan taw Midyan sis talun Muab. Ay Adad wan at nababo. Ay kanya nu sik fun wan, nu gbanwan, sis fulan Abit. Ay at tama, Bedad.
36Ay fun Adad nu nkate wan, at natubus anya, at ngayan Samla. Ebi ataw kanya nu gbanwan, sis Masrika.
37Ay fun Samla nu nkate wan, at natubus anya, at ngayan Saul. Ebi ataw kanya nu gbanwan, sas sik fulan at ngayan Rikubut. Kanya fag fulan, sa sik ke tigyangan safa.
38Ay fun Saul nu nkate wan, at natubus anya, at ngayan Baal-Kanan. Ay Baal-Kanan tama, Akbur.
39Ay fun Baal-Kanan nu nkate wan, at natubus anya, at ngayan Adad. Kanya nu gbanwan, sis fulan Fai. Ay fun Adad mangena, at ngayan, Metabel. Metabel tina, at ngayan Matred. Ay Matred tina, at ngayan Me-Saab.
Kanya wan tiba taw Idum at fun.
40Ay sis taw Idum, e ngay tagmagurang tuwa, saman yay aro fag ngay fun daul. Kanya fag ngay tagmagurang, at ngayan, Timna, Alba, Etet, 41Ulibama, Ela, Pinun, 42Kenas, Teman, Mibsar, 43Magdiyel, ay Iram. Kanya, ka fag ngay tagmagurang at ngay ngayan. Ay kanya fagayu, tanan tuwa e fagmagurangan sik fulan taw. Ay kanya fag ngay fulan taw, e fagagbilugun tuwa at daga mandi, sanya sis taw Idum talun.
Ay katanya at foyungan sas Isaw baliwa, anggan sat fufu sat dagat daga.
ទើបបានជ្រើសរើសហើយ៖
Fagsigadan 36: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines