Aroma 16
16
1NUMSUNGISYA kwanu Foibe mlongosi wasu, wamene ni mtumiki wa eklezya ya ku Kenkreya: 2kuti mumpokelele mwa Asikuru kowamila asanto, nomuyavya mvyonse vyati asoŵelwe kuli mweo: pakuti yeve soti enze chiyavya wa anyinji na neo kumo.
3Mtende Priska na Akula amilimo ayangu mwa Kristo Yesu, 4amene pa moyo wangu epeleka mikosi yaŵo; anuŵonga nte neo neko, sembe maeklezya ŵonse a Mitundu: 5mtende soti eklezya ya mng'anda yaŵo Mtende Epeneto wotemweka wangu, ali wanchesya wa Asiya kwa Kristo. 6Mtende Mariya emvupilani na milimo inyinji. 7Mtende Androniko na Yuniya, pokwasu na a mnsinga ayangu, ŵomvwika mwa apostolo, enze soti ŵonitangulila mwa Kristo. 8Mtende Ampliyato wotemweka wangu mwa Asikuru. 9Mtende Urbano wamulimo muyasu mwa Kristo, na Staku wotemweka wangu. 10Mtende Apelle wozomereka mwa Kristo. Mtende ŵala a kwa Aristobulo. 11Mtende Herodiyona pokwasu. Mtende ŵala a kwa Narkiso, amene ali mwa Asikuru. 12Mtende Trufena na Trufosa, okata mulimo mwa Asikuru. Mtende Persida wotemweka, ekatisya mulimo mwa Asikuru. 13Mtende Rufo wosaluliwa mwa Asikuru, na anyina nga ni ŵama. 14Mtende Asunkrito, Flego, Herme, Patroba, Herma, na akwasu ali kwaŵo. 15Mtende Filologo na Yuliya, Nereya na mlongosi wake, na Olumpa, na asanto ŵonse ali naŵo pamo. 16Lonjeranani pofyontana kwa mchinzi. Maeklezya ŵonse a Kristo ampani mtende.
17Lomba numpapatirani, mwakwasu, asingalweni ŵala ochita mapatukano na mopilingisisya, koŵasusya mayeruzyo emwisambila, noŵafutatira. 18Pakuti ŵala ŵotetyo ntomtumikila Asikuru wasu Kristo, sembe mavumo ŵaŵo ŵene; soti na malizu ŵaŵo ŵomyatika na amnasyo oŵenzya mitima ya ŵosaifya. 19Pakuti kumvwila kwanu kwiŵirikila ku ŵantu ŵonse. Ni panusangalala pali mweo: lomba nupangwa mwakuŵa anzeru ku viweme, na ŵopululila ku viipa. 20Naye Mlungu wa mtendere azamperepete Satana pansi pa mendo ŵanu lomba pano.
Chawanzi cha Asikuru wasu Yesu Kristo nachiŵe namwe pamo.
21Timoti wamulimo muyangu wampani mtende; na Lukiyo na Yasoni na Sosipatro pokwasu. 22Neo Tertiyo, nulemba kalata aka, nampani mtende mwa Asikuru. 23Gayo, oniteŵetera neo na eklezya yonse, wampani mtende. Erasto, wa chipaŵo cha mmunzi, wampani mtende, na Kwarto mkwasu. [24Chawanzi cha Asikuru wasu Yesu Kristo nachiŵe na mweo monse. Amen.]
25Lomba kuli yeve okumomnkazikani mwa evangelo yangu na mmayeruzyo a Yesu Kristo, mwa mavundululiwe a chakunsei chenzosungiwa chisinsi kwa nsita zyosatatikiwa, 26sembe lomba chusokololewa noziŵishiwa, mmalembo a aŵirizi mwa tetulo la Mlungu wa kankalilo, ku mitundu yonse komvwisya mvwano; 27kwa Mlungu yeka wanzeru, mwa Yesu Kristo, kuli yeve kwakuŵa mchinzi virimika na virimika. Amen.
ទើបបានជ្រើសរើសហើយ៖
Aroma 16: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
