M. Marko 8
8
1PA nsiku zila pepenze soti liumba likuru lenzeve vyakulya eliitira asambili ŵake enena naŵo, 2Nulichitira liumba lusungu, pakuti ankala nane lomba nsiku zitatu chiliye vyakulya: 3nane nikati niŵasuzule tyala na njala yaŵo kwaŵo akalenguke pa njira; pakuti ŵambi efuma kutali. 4Asambili ŵake emyasuka, Afumile kuni muntu ati akumolyesya aŵa na mitanda muno msanga mwa tyala? 5Naye eŵakonsha kuti, Mitanda ingani imuli nayo? Echiti, Isano na iŵiri. 6Nipo eliuzya liumba kunkala pansi: eiula mitanda isano na iŵiri eshukisya, esuna echipa asambili ŵake kuti aŵaikire mnkonde, naŵo eliikira liumba mnkonde. 7Soti enze nato tumasaŵi topendeka: naye akatushukisye enena kuti atuŵike utu soti mnkonde mwaŵo. 8Teti echilya ekuta: naŵo efusa tumanyenyenswa twisala vizula vitundu visano na viŵiri. 9Ŵeve ŵenze nga ni myanda makumi ŵane, naye eŵasuzula. 10Nipo lomba pano apa eloŵa mu wato pamo na asambili ŵake, echiza ku chitwa cha Dalmanuta.
11Lomba Afarisayo efuma notatikomkonsha, kusaka kwake chiziŵikwilo chofumila kumulu komuyezya. 12Yeve eŵefemuka ngako mu mzimu wake echiti, Luko ulu lusakiranji chiziŵikwilo? lezee numuuzyani, Paŵeve chiziŵikwilo chopewa ku luko ulu. 13Naye eŵasiya eloŵa soti mu wato eluta kusilya limbi.
14Naŵo eluŵa kuula mitanda; enzeve mitanda pamo naŵo mu wato sembe umo mpera. 15Naye eŵachimula echiti, Nkalani menso, chenjerani na chizamba cha Afarisayo na chizamba cha Herode. 16Ŵeve euzyana umo na muyake echiti, Ni patiliye mitanda. 17Yesu akamvwe enena naŵo, Muuzyananji pamuliye mitanda? kansi na lero mkaliye noziŵa kano kumvwisya, ŵati? kansi mkali nayo mitima yanu iyumu? 18Menso muli naŵo ntemuŵona kansi? na matu muli naŵo ntemkumvwa? simulukana? 19Nga penisuna mitanda iyo isano penze myanda makumi asano maluŵango angani ezula manyenyenswa emwifusa? Emuuzya, Kumi na aŵiri. 20Soti pa iyo isano na iŵiri penze myanda makumi ŵane vitundu vingani vizula manyenyenswa vimwifusa? Emuuzya, Visano na viŵiri. 21Naye echiti kwaŵo, Na lero kumo mkaliyoziŵisya kansi?
22Lomba efwika ku Betsaida. Emtwalira mpofu emtetelela kuti aikumye. 23Naye eikata kwanja mpofu efuma nayo kunja kwa linga; akaitire mata ku menso eisintilila manja noikonsha, Uŵona kantu kansi? 24Nayo iŵinula menso ichiti, Nuŵona ŵantu; pakuti nuŵaŵona nga ni vimiti oyendayenda. 25Nipo esintila soti manja ŵake pa menso a ine; nayo ilolesisya kofunamizya ipola noŵona vyonse ngwee. 26Naye eisuzula kuya kwaŵo echiti, Chukanga mmunzi usaloŵa.
27Nipo Yesu efuma na asambili ŵake kumo kuyoloŵa mminzi ya pa Kaisariya wa Filipo: pa njira eŵakonsha asambili ŵake echiti kwaŵo, Ŵantu akuti ne nne ŵani? 28Naŵo emuuzya echiti, Yohana Mbatizi: ŵambi, Eriya: ŵambi, Umo wa aŵirizi. 29Naye eŵakonsha, Nga mweo mkuti nne ŵani? Petro eyasuka enena naye, Mwe nimwe Kristo. 30Naye eŵapanga kuti, Msauzya muntu zya neo. 31Nipo eyamba kwayeruzya kuti Mwana wa muntu sangalekekumvwa mazuzyo anyinji, nokaniwa na akuruakuru na akuru a ansembe na alembi, nopaiwa, nouka soti siku la mazo. 32Elilaŵira ili lizu pasweta. Naye Petro emuula eyambomtuzula. 33Sembe yeve echeuka eŵaŵona asambili ŵake, emtuzula Petro echiti, Fumapo, iya kuvuli kwangu, we Satana: pakuti ntulukanira vya Mlungu, sembe vya ŵantu. 34Nipo eliitira liumba pamo na asambili ŵake echiti kwaŵo, Kati muntu akapangwa kuza pavuli pangu naŵolilesya noutwala msalaba wake nonikonka. 35Pakuti ali wonse opangwa kupuzumusya moyo wake azautaye; na ali wonse ati autaye moyo wake pa mlandu wangu na wa evangelo azaupuzumusye. 36Kansi muntu ashuke syani akaŵa navyo vyaro vyonse notayapo moyo wake? 37Ni chinji muntu changalipe kusintanisya nacho moyo wake? 38Chikomo ali wonse ati azochita nsoni pali neo na malizu ŵangu mu luko ulu lochende na loifya, Mwana wa muntu naye azaŵe naye nsoni, apo pati aze na mchinzi wa awisi pamo na malaika ŵozila.
ទើបបានជ្រើសរើសហើយ៖
M. Marko 8: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 8
8
1PA nsiku zila pepenze soti liumba likuru lenzeve vyakulya eliitira asambili ŵake enena naŵo, 2Nulichitira liumba lusungu, pakuti ankala nane lomba nsiku zitatu chiliye vyakulya: 3nane nikati niŵasuzule tyala na njala yaŵo kwaŵo akalenguke pa njira; pakuti ŵambi efuma kutali. 4Asambili ŵake emyasuka, Afumile kuni muntu ati akumolyesya aŵa na mitanda muno msanga mwa tyala? 5Naye eŵakonsha kuti, Mitanda ingani imuli nayo? Echiti, Isano na iŵiri. 6Nipo eliuzya liumba kunkala pansi: eiula mitanda isano na iŵiri eshukisya, esuna echipa asambili ŵake kuti aŵaikire mnkonde, naŵo eliikira liumba mnkonde. 7Soti enze nato tumasaŵi topendeka: naye akatushukisye enena kuti atuŵike utu soti mnkonde mwaŵo. 8Teti echilya ekuta: naŵo efusa tumanyenyenswa twisala vizula vitundu visano na viŵiri. 9Ŵeve ŵenze nga ni myanda makumi ŵane, naye eŵasuzula. 10Nipo lomba pano apa eloŵa mu wato pamo na asambili ŵake, echiza ku chitwa cha Dalmanuta.
11Lomba Afarisayo efuma notatikomkonsha, kusaka kwake chiziŵikwilo chofumila kumulu komuyezya. 12Yeve eŵefemuka ngako mu mzimu wake echiti, Luko ulu lusakiranji chiziŵikwilo? lezee numuuzyani, Paŵeve chiziŵikwilo chopewa ku luko ulu. 13Naye eŵasiya eloŵa soti mu wato eluta kusilya limbi.
14Naŵo eluŵa kuula mitanda; enzeve mitanda pamo naŵo mu wato sembe umo mpera. 15Naye eŵachimula echiti, Nkalani menso, chenjerani na chizamba cha Afarisayo na chizamba cha Herode. 16Ŵeve euzyana umo na muyake echiti, Ni patiliye mitanda. 17Yesu akamvwe enena naŵo, Muuzyananji pamuliye mitanda? kansi na lero mkaliye noziŵa kano kumvwisya, ŵati? kansi mkali nayo mitima yanu iyumu? 18Menso muli naŵo ntemuŵona kansi? na matu muli naŵo ntemkumvwa? simulukana? 19Nga penisuna mitanda iyo isano penze myanda makumi asano maluŵango angani ezula manyenyenswa emwifusa? Emuuzya, Kumi na aŵiri. 20Soti pa iyo isano na iŵiri penze myanda makumi ŵane vitundu vingani vizula manyenyenswa vimwifusa? Emuuzya, Visano na viŵiri. 21Naye echiti kwaŵo, Na lero kumo mkaliyoziŵisya kansi?
22Lomba efwika ku Betsaida. Emtwalira mpofu emtetelela kuti aikumye. 23Naye eikata kwanja mpofu efuma nayo kunja kwa linga; akaitire mata ku menso eisintilila manja noikonsha, Uŵona kantu kansi? 24Nayo iŵinula menso ichiti, Nuŵona ŵantu; pakuti nuŵaŵona nga ni vimiti oyendayenda. 25Nipo esintila soti manja ŵake pa menso a ine; nayo ilolesisya kofunamizya ipola noŵona vyonse ngwee. 26Naye eisuzula kuya kwaŵo echiti, Chukanga mmunzi usaloŵa.
27Nipo Yesu efuma na asambili ŵake kumo kuyoloŵa mminzi ya pa Kaisariya wa Filipo: pa njira eŵakonsha asambili ŵake echiti kwaŵo, Ŵantu akuti ne nne ŵani? 28Naŵo emuuzya echiti, Yohana Mbatizi: ŵambi, Eriya: ŵambi, Umo wa aŵirizi. 29Naye eŵakonsha, Nga mweo mkuti nne ŵani? Petro eyasuka enena naye, Mwe nimwe Kristo. 30Naye eŵapanga kuti, Msauzya muntu zya neo. 31Nipo eyamba kwayeruzya kuti Mwana wa muntu sangalekekumvwa mazuzyo anyinji, nokaniwa na akuruakuru na akuru a ansembe na alembi, nopaiwa, nouka soti siku la mazo. 32Elilaŵira ili lizu pasweta. Naye Petro emuula eyambomtuzula. 33Sembe yeve echeuka eŵaŵona asambili ŵake, emtuzula Petro echiti, Fumapo, iya kuvuli kwangu, we Satana: pakuti ntulukanira vya Mlungu, sembe vya ŵantu. 34Nipo eliitira liumba pamo na asambili ŵake echiti kwaŵo, Kati muntu akapangwa kuza pavuli pangu naŵolilesya noutwala msalaba wake nonikonka. 35Pakuti ali wonse opangwa kupuzumusya moyo wake azautaye; na ali wonse ati autaye moyo wake pa mlandu wangu na wa evangelo azaupuzumusye. 36Kansi muntu ashuke syani akaŵa navyo vyaro vyonse notayapo moyo wake? 37Ni chinji muntu changalipe kusintanisya nacho moyo wake? 38Chikomo ali wonse ati azochita nsoni pali neo na malizu ŵangu mu luko ulu lochende na loifya, Mwana wa muntu naye azaŵe naye nsoni, apo pati aze na mchinzi wa awisi pamo na malaika ŵozila.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.